بسبوسه بالقشطة..للحين ما جربتوها !!!!/صورة

[jolie_q8]

بسبوسه بالقشطة..للحين ما جربتوها !!!! (صورلذيذة)

بسبوسه بالقشطه

المقادير
المكيال قوطي الروب

1 روب
1 جوز الهند
1 سميد
4/3 زيت
2/1 سكر
2 بيض
هيل-زعفران
2 ملعقه صغيره بكنج باودر

القشطه
نص كوب سكر
1 كريمه حمراء KDD
1 قيمرصغير
1 حليب
2 ملعقه كبيره نشا
ماء ورد-ماء زهر
-تخلط المقادير وتوضع على النار ..لين تثخن القشطه

الطريقه (نستخدم خلاط الكيك)

يخلط البيض مع الهيل والزعفران جيدا
وبعد ذلك تضاف المقادير جميعا..ولما يتجانس الخليط
تضعينه في قالب(انا أفضل قالب الجيز كيك اللي ينفصل) <<يدهن بالهرده
تضعين نص الكميه..وبعدين القشطه..وبعدين خليط البسبوسه.. تفردينه بالملعقه بعنايه
-وتحطينه بالفرن تقريبا ساعه إلا ربع
-لا تفتحين الفرن كل اشويه
-وبعدين حطي عليها الشره ..والبسبوسه حاره وزينيها بالفستق المبشور
وادعو حق صاحبه الوصفه...بالزوج الصالح
وبالعافيه

صورت لكم البسبوسه

قولولي اشرايكم ؟؟

 

[xxx]

رد : بسبوسه بالقشطة..للحين ما جربتوها !!!!!

وااااااااااااااااااااااااااااااااو

تسلم ايدج جولي

شكلها يم يم يم

 

[jolie_q8]

رد : بسبوسه بالقشطة..للحين ما جربتوها !!!!!

بالعافيه
جربيها ..ترى لذييييييييذه

 

[خلود العامر]

رد : بسبوسه بالقشطة..للحين ما جربتوها !!!!!

تسلم ايدج حياتى بس انا اسويها بطريقه ثانيه القشطه غير قشطتج هههههههههههه

 

[jolie_q8]

رد : بسبوسه بالقشطة..للحين ما جربتوها !!!!!

اشلون طريقتج ؟؟ عذاري

 

[رفرف]

مشاركة: بسبوسه بالقشطة..للحين ما جربتوها !!!!!

جولييييييييييييييييي يوعتيني ....

نفيشه قالت تبي تسويلنا بسبوسة بالقشطة حق الزوارة باجر ياويلها ان ماسوتها ....

 

[jolie_q8]

مشاركة: بسبوسه بالقشطة..للحين ما جربتوها !!!!!

رفرف

هلا حبوبه...ترى حدها سهله

وانا نوعي ترى ما احب العباله..يعني احب الشي السهل واللذيذ

واصلا هذي لازم تضبط

جربيها وادعليلي

وبالعافيه مقدما

 

[ام_بدر]

مشاركة: بسبوسه بالقشطة..للحين ما جربتوها !!!!!

ياااااااابنت الحلال حرام عليج مسويه رجيم بتخربينه بحطها براسج عند بنوته هههههههه لا انشاءلله بشد حيلي ومشكوره على الموضوع قلت حتى لو ماناكل على الاقل انشوف

 

[jolie_q8]

مشاركة: بسبوسه بالقشطة..للحين ما جربتوها !!!!!

ام_بدر


ههههههه... هذي حق يوم الفري

على فكره..ترى ما تقدرين تاكلين قطعه وحده بس ..اصلا مستحيل

يعني اذا وايد قويه..قطعتين ..وجم قرمه

ومشكوره على المرور

 

[عروبه]

مشاركة: بسبوسه بالقشطة..للحين ما جربتوها !!!!!

وااااو شكلها يينن
انا دايم اسويها حق الدوام حتى المديرة تاخذ الوصفة منى
بس ما اقدر اطلعها من البايركس
يسلمو

 

[jolie_q8]

مشاركة: بسبوسه بالقشطة..للحين ما جربتوها !!!!!

عروبه

انا ما احطها بالبايركس اصلا

اصبها في قالب الجيز كيك ...

وسلامتج

 

[عاشت الكويت]

مشاركة: بسبوسه بالقشطة..للحين ما جربتوها !!!!!

تسلم ايدج و يعطيك العافية على الوصفة اللذيذة

 

[jolie_q8]

مشاركة: بسبوسه بالقشطة..للحين ما جربتوها !!!!!

عاشت الكويت

الله يعافيج

 

[جارة القمر]

مشاركة: بسبوسه بالقشطة..للحين ما جربتوها !!!!!

jolie_q8

1 حليب

أي حليب

والعود ولا الصغير
مشكوره
وأمبين عليه روعه

بجربه

مشكوره


والله يوفق صاحبة الوصفه

ويرزقه بالزوج الصالح

 

[ALONE]

مشاركة: بسبوسه بالقشطة..للحين ما جربتوها !!!!!

مشكووووووووووووووووووره على الحلوووووووووو

والله يعطيج العافيهjolie_q8​

 

[jolie_q8]

مشاركة: بسبوسه بالقشطة..للحين ما جربتوها !!!!!

جارة القمر


حليب kdd ربع ليتر (الصغير)

واذا جربتيها علمينا النتيجه

 

[jolie_q8]

مشاركة: بسبوسه بالقشطة..للحين ما جربتوها !!!!!

alone

حياج الله حبوبه

 

[ام ناييف]

مشاركة: بسبوسه بالقشطة..للحين ما جربتوها !!!!!

مشكوره اختي على الوصفه
والله يرزق صاحبة الوصفه بالزوج والصالح امين

لا تطوفكم
جربتها وطلعت حلوه
حطيت على الوجه قبل ما ادخلها الفرن شوي كنافه
ولما استوت صبيت شيره زعفرانها كثير

طلعت روعه الصينية خلصت في دقايق

اعيد واقول لا تطوفكم جربوها تهبل

 

[Umabdulmohsen]

مشاركة: بسبوسه بالقشطة..للحين ما جربتوها !!!!!

تسلم ايدج وووايد حلوة شكلها ومبينة لذيذة

 

[^^دموع الكويت^^]

مشاركة: بسبوسه بالقشطة..للحين ما جربتوها !!!!!