بسبب غبائي خليت زوجي يستغلني ماديا و عاطفيا...

[sarah11]

للأسف اغلب الحريييييييييييم جذي,,
افتحي لك مشروووع لك وللزمن..
الله يوفقك..​

 

[Ԏỡґἰᾷ]

حبيبتي ~
انتي تقطين ع اغراض بدون قصد
فانتي اخذي بوك وكل ماصار جم فلس معاج
حطيه ببوك الادخار والي تحطينه لا تسحبين منه لو دينار دينار
وان بغيتي شي قولي لرجال ابي الشغلة الفلانية
لان انا اعرف انج ببداية زواجج
مني الرجال يتعلم !
اذا قعدتي تطلبين بيعرف ان هذي مسؤوليات لازم ينفذها
وبعد العشرة اذا خففتي من اعباء البيت من مصاريف بيعف ان هذا جميل
وراح يقدرج ع هالشي
وعندج اذا ماعمرج قلتي لا
وبغيتي تتغيرين نصيحة لا تتغيرين مرة وحدة لان بيعتبر هذا انقلاب
هههههههههههههههه
افرضي رايج شوي شوي
بالبداية اذا طلب شي قوليله اوكي
بعدين قوليله يفلان ترا ان سويت الشغلة الفلانية احس بضيق
او قولي عشان بسوي الي تبيه بسني مو راضية
او اوكي ماشي بس يمكن مراح اقدر اسويه لان عندي كذا كذا

تحججي وحسسيه ان الي يطلبه فوق طاقتج
وانتي ودج تسوينه بس في شي يمنعج غصبن عنج مو عناد منج

وربي يوفقج يالغلا ~ انا chobits.19

 

[al-musk]

حلاته كل واحد يقوم بواجباته ولاتنسين الزايد اخو الناقص

 

[هيبة ملك]

البنات ماقصروا

 

[cramela]

يا بعد قلبي انتي نسخه مني بس انا ريلي مو كويتي يعني احس ان كل شي ناقص وما ابي احس اني مقصره علي عيالي 30 الف قرض والباجي جمعيات وعلي الله ساعتين بعد نزول المعاش وبس اقعد عاد اخذ من امي بانزين والخ الله يعييييينا يا قلبي الخطوه كبيره علي انا قال لي ريلي تبين الطلاق تنازلي عن اليهال الله اكبر عليه ةعلي كل ظالم

 

[منووله مشعل]

سحبي ايدج قبل يفوت الفوت​

 

[يــ عذآبيئ ــآ]

لي صار عندج فلسين وماتدرين شتسوين فيهم .. روحي خشيهم عند امج بدال ما تصرفينهم على بيت فيه ريال اهو مسؤول عنه

و اذا تبين تحشمينه >>> حشميه باسلوبج وتعاملج مو بالفلوس !!!!!!

اكبر غلط التعبير بالماديات ..

موفقه ..