بسالكم عن فندق فيرست ورلد بجنتنج

[ريمه الكويت]

لووووول فطومه ماكو الا ناكل جبن وخبز عاد ريوق جنتنج الي كنا ساكنين فيه يهبل حسافه يالله على قولتج المهم تستانس

 

[ريمه الكويت]

لا تخافين وتوكلي على الله وحجزي فيه نظيف وموقعه حلو

باجر سفرتنا وعلى الله توكلنا

 

[ريمه الكويت]

شجعتيني ليدي بيرد يالله على قولتج بس عاد اهم شي تكون الغرفه نظيفه حتى لوكانت بسيطه

 

[ArEEj]

ريميه تروحين وتردين بالسلامه
اذا رديتي قولي لنا انطباعاتج عنه
بنتظارج )

 

[ريمه الكويت]

اريج رديت سارلي اسبوع الفندق زين مافيه شي خصوصا انا حجزنا احسن الغرف ودفعنا الفرق والله الغرفه كانت وسيعه وحلوه ويقولون الغرف العاديه موشي كلش صغيره اهو الفندق من ناحيه حلو ومرتب ماعليه كلام بس عيبه الزحمه تخيلو وصلما تعبانين هناك ولا الرسبشن طابور وعطونا رقم بال600 وشي وكان الدور واصل 300 تخيلو لازم ننطر3ساعات تقريبا الله يالناس الي قاعدين ترررررررررررررس الى درجه فيه ناس مبسطين بالارض والله ريلي حده متنزرفز واقوله شوفهم ولامهتمين الشعب بارد يضحكون مبسطين اهم وعيالهم ويتعشون ومشغلين العابهم عاد قلت لازم اتصرف اعرف ريلي حار اعصاب رحت ناديتلي واحد من الي يشتغلون هناك ملوت الجناط وقلت له ابي عربانه عندنا جناط برا قالي شنو محد شال اغراضكم قلته لاء ورقمنا 600 قال تعالو ولايهمكم تدرين شافنا خليجين عرف ورانا بخشيش سنع والله مشانا بربع ساعه وعطيناه بخشيش الي فرحه والحمدلله استانسنا هناك حتى لوزحمه بس ماتشوفين ويوه معفوسه ولامعصبين عادي تزفينهم هههههههه احنا اللهم يكافي مانتحمل جذي ساعات بالغلط احد يحوشنا نعصب اهم كله يتاسفون مادري من الجو والطبيعه باردييييين احنا مال الحر والغبره وحده تخز الثانيه @@ ويويلج ان طلعتي بالسياره على احد الله يالاعصاب والهرنات !!! موجني طلعت عن الموضوع:cxxxp:

 

[الكادي 1981]

الحمــتدلله عالســـلامــة ها أشــلون مــاليزيــا ؟؟؟؟؟؟ بشريني

 

[ريمه الكويت]

هلا الكادي وبصراحه ماليزيا ماينشبع منها مادري ليش احبها احس شعبهم طيب ومريح واكل وانا متطمنه مااحاتي حرام وكل شي متوفر عندهم الغالي والرخيص والطبيعه تهبل عيبهم رطوبه بس اهون من حرنا