بسالكم عن فندق فيرست ورلد بجنتنج

[ريمه الكويت]

الي يعرف فندق فيرست وورلد وجربه ممكن يقولي شلون خدماتهم ؟؟؟ لانا فندق هايلاند مسكر للتعديلات وفندق جنتنج فل متروس ماكو الا هالفندق وخايفه انصدم منه :0bee2e8d89:

 

[ام الشيخه]

انا قعدت فيه العام واخذي احسن غرفه السويت وترى اذا حجزتي من الفندق نفسه بتحصلينه ربع السعر من السفريات وموقعه احسن موقع بجنتنغ

 

[جاكليت]

ديري بالج جيكي عالغرف

لأنه فيه غرف زينه وغغرف رخيصه بس اكس يأجرونهم الماليزيين يلوعون الجبد

 

[ريمه الكويت]

هلا ام الشيخه يعني الفندق شلون مستواه ؟؟؟؟ واحنا متعاملين مع مكتب سفريات ودفعنا له الفلوس لانا الفنادق كلها فل غصب حصلنا بهالفندق اخاف نجازف ونروح نبي نحجز من الفندق نفسه نلقاه فل

 

[ريمه الكويت]

وووييييييييييي جاكليت يامعوده بنجيك اليوم بنبه المكتب مال السفريات يعطينا غرفه ديلوكس عاد كل سنه نقعد بجنتنج هايلاند شحلوه بس هالسنه مسكر للتعديلات

 

[banota]

انا قعدت في فندق فيرست وولد حلو ونظيف وطلبي الغرفة سوبريور ديلوكس في البرج الثاني لان الاحدث والانظف واذا ما عجبتج الغرفة تقدرين تغيرينها بالاكبر وتدفعين الفرق
بصراحة احنا حجزنا من الفندق نفسة رحنا الصبح وحجزنا نفس الوقت

وهذا موقع الفندق شوفي صور الغرف

http://www.genting.com.my/en/accommodation/firstworld_hotel/index.asp

 

[ام الشيخه]

مستواه حلو بس ترى انا بطبيعتي ماأهتم انه لازم يكون 5 ستار اخاف امدحه ومايعجبج بس لاااااااااااااااااا تاخذين غرفه عاديه قوليلهم ابي السويت احسن شي عندهم

 

[ريمه الكويت]

ماقصرتي حبيبتي بنوته اللحين بشوف الموقع

 

[ريمه الكويت]

ام الشيخه يعني ابيه حليو نظيف هذا اهم شي اكو خمس نجوم وموذاك الزود واكو4 مرتب ونظيف بس هذا 3 نجوم من جذي خايفه

 

[ام الشيخه]

لا تخافين وتوكلي على الله وحجزي فيه نظيف وموقعه حلو

 

[dalprincess]

اخذي احسن غرفه عندم واغلى وحده لان العاديه وعععع... مافيها وله شي والغرفه قد السرير بس مافي اي مجال ثاني ... وترى مو لازم تنامين يعني روحي الصبح وردي بليل احسن

 

[ريمه الكويت]

اخذي احسن غرفه عندم واغلى وحده لان العاديه وعععع... مافيها وله شي والغرفه قد السرير بس مافي اي مجال ثاني ... وترى مو لازم تنامين يعني روحي الصبح وردي بليل احسن

هلا والله اختي احنا حجزنا فيها يومين واخذنا غرفه ديلوكس واذا ماعجبتنا الغرفه بنشوف الغرف الاكبر وندفع الفرق شسوي ماحصلنا الاهالرحله ولا بغينا ننظم رحله استراليا بعدها ماليزيا بس ماحصلنا الي نبيه ظغط عالسفريات

 

[ريمه الكويت]

مشكوره ام الشيخه وحجزنا خلاص وانشالله يعطونا غرفه زينه

 

[malekatsabaa]

اهو حلج الوحيد .. وفعلا من عندهم ارخص..
وموقعه احسن واحد..اخذي معاج شراشف احسن لانه ابصراحه اهو لج عليه..
والله يسهل كلها يومين ثلاثه!

 

[ريمه الكويت]

اهو حلج الوحيد .. وفعلا من عندهم ارخص..
وموقعه احسن واحد..اخذي معاج شراشف احسن لانه ابصراحه اهو لج عليه..
والله يسهل كلها يومين ثلاثه!

الله يسلمج ماقصرتي اخت وعزيزه

 

[زوجي غرامي]

اختي ريما الفندق موقعه حلو وايد والغرف تهبل والخدمه اروع والله
ونظيف بمعنى الكلمه
صدقي ماراح تندمين ابد

 

[ريمه الكويت]

مشكوره زوجج غرامج اشوه طمنتيني احاتي

 

[Fa6oM]

الغرف عاديه بس الريوق كان لوعه .. بس بصراحه الفندق نفسه والمحلات والملاهي الي فيه شي رووعه فماهمتنا باجي الاشياء

 

[eng.q8]

لا تخافين وتوكلي على الله وحجزي فيه نظيف وموقعه حلو

 

[Lady^bird]

عاااااد احنا حاجزين فيه .. عادي حتى لو كانت الغرفة بسيطه وحلوه المهم استانس بالسفر بالطلعات والسوقه
خو ماراح اقعد علطول بالفندق بس وقت النوم ..