بسافر و معاي يهال وين اروح؟

[Lady Zayoona]

السلام يا حلوين
ودنا نسافر بعطلة العيد بس ماني قادرة اخلي عيالي اسمالله عليهم بنتي 3 سنوات و ولدي 9 شهور لان خدامتي مو مال مجابل يهال و امي و خالتي ام زوجي ما يقدرون يجابلونهم .. قلت ليش احرم نفسي خل نسافر وياهم و صج صج خايفة هاهاها

مفكرين نروح ريف اوربي مو مدن و لوية يعني شرايكم :

الريف الانجليزي؟
بلجيكا؟
المانيا؟

من ناحية الاسعار ايهو افضل و من ناحية تجاربكم اذا كان معاكم يهال ايهي اسرع و اخف ؟

مشكورين وايد :eh_s(22):

 

[ام حبيبتي]

امممم انا رحت العام كولون في المانيا ,,, ومعاي بناتي 5سنوات وسنه ونص بدون خدامه كانت خدامتي في اجازه واستانست وااايد لانها حلووووه وظلعنا على بون بعد هدوووووء ...

 

[Lady Zayoona]

مشكورة خوش شجعتيني!!

بعد يا بنات شرايكم؟؟

 

[كويتيه ذربه]

المانيا حلوة وارخص
وبعدين اليهال لاتشيلين همهم بالعربانه واخذي معاهم العابهم
اخذي اكثر من مكان اذا بخاطرج وان شاءالله تستانسين والله يسهل دربكم يااارب

 

[pinkigigi]

الله يعينج

اليهال بهالعمر لووووويه


و الريف يمكن يعديها شوي و تمشين حالج

انا رحت لندن مع بناتي كانو صغار بس والله تعبت معاهم كانو نفس اعمار عيالج و ماقدرت افيز للخدامه

تعبت حيل حيل

اذا انتي تعتمدين عالخادمه تساعدج
انسي تستانسين بدونها و ريلج راح يتعب معاهم بعد ماكو مجال يريح اعصابه

انا كنت ناويه عالنمسا و الشيك و علاج طبيعي حق خالتي ام ريلي

بس كنسلت لأني حامل باول شهر خفت صراحه

و ريلي راح مع امه و ابوه و اخته

الله يهنيهم و يتمم عليهم

 

[hessa25]

ماليزيا تصلح حق الياهال

 

[عبير-الشرق]

انا ماجربت بالعمر هذا انا سافرت مع عيالي اكبر منهالعمر 7 و5 سنوات بس نصيحه لاتروحين كذا دوله تتبهدلين بالقطارات وبالطريج استقري بمنطقه او منطقتين وكل دول اوربا نفس الشي بس باريس ولندن طواله وزحمه ودور على مادشين المكان يعني تطفرين من حنه الجهال الا اذارحتي وقت مو صيف اخف شوي ليش ماتروحين ميونخ وزلمسي حلوه خاصتا الطريج بينهم بس ساعتين

 

[طوق الياسمين]

روحي كابرون حلوه لليهال وحتى الارياف حلوه اوروبا كلها واحد واليهال بالعكس مب متعبين مساكين خل يستانسون وشمون الهوا ويتحركون هني عيالنا كله الكترونيات هناك بيلعبونف ي الطبيعه ويتحركون\
والله انا اودي عيالي معاي من عمر شهرين وبدون خدامه حتى امريكا لفيت فيها اكثر من ولايه مع عيالي وخدت ولدي كان ب8 شهور امريكا وبروحي بدون زوجي..والحمدلله تيسرت

 

[usgirl]

اليهال يعورون القلب اذا خليتيهم وهم اذا اخذتيهم
نصيحه روحوا الريف براد وطبيعه وهدوء
احسن من المدن والزحمه
والله يسعدكم بالسفره يا رب

 

[Lady Zayoona]

ياربي انا رحت دبي معاهم و بنتي ام 3 سنين استانست بالالعاب بس الصغير مايدري وين الله قاطه .. صح كلامكم يمكن ما استانس بس قلبي متفرفر عالسفرة و ودي اليهال يشوفون الطبيعه و يلعبون نبي نريح اعصابنا هناك فعشان جذي مفكرة بالريف نفس ما نصحتوني..

ماودي اخذ الخدامة اخذيلها غرفه بروحها ..ولا اخذها و ارتاح؟

 

[usgirl]

نصيحه افتكي من الخدامه خوفج تبلا عليكم او تنحاش لانها صايره موضه هالايام
غير مصرفها
ان شاء الله الله يرزقكم ببيت او سكن فيه غساله ومطبخ
البنت اسم الله عليها كبيره والصغير طرق المميه والسريلاك
والله يسهل عليكم

 

[أم أنور]

روحي استانسي وابوكم بيساعدج انا مره سافرت قروب 4 دول ومعاي ولدي 5سنين والثاني سنه واربع وشهور وكنت حامل بالخامس لووووووووووووووووووول كليت هوا بس شسوي اقزرت قعدي بمكان واحد
ولا تاخذين الخدامه اشتبين فيها

 

[الدلع انا]

لاتروحين اوروبا برد وغير الهدوم الوايد وجاكيتات وحاله

روحي ماليزيا او تايلند حلوه حق اليهال ودافيه

 

[عروسة]

اليهال بالسفر نككككككككككككد لاتفكرين تاخذينهم خليهم او قعدي مو لازم تسافرين انا اللحين بامريكا وبنتي الله يحفظها مطلعه عيوني وقاعده ادور حجز غير حجزي باقي اسبوعين قاع\ه ادور هالايام مره لعة كبد وطفش وماتتهنين صح شريت خرابيط واجد بس والله كلها لاشعوي مطلعه عيني ما اقدر اركز وابشركم شكلي انصمخت من صراخها امشي واقول ها ها ..
نصيحه اذا معتمده على شغالهتعاونك عليكم خذيها معك واذا ماتقدرين ووالله لاتاخذينهم ..الطفل الين 5 سنووات متعب عقبها اوكي ماتشيلين همه...

 

[ام مهاوش]

فعلا اليهال حق السفر اذا خذيتيهم انتي بتتعبين واهما بيتعبون
جربي باجر طلعي انتي وريلج وبنتج وولدج بدون الخدامه شوفي تقدرين عليهم ولا لا
وعلى حسب انتي تعرفين عيالج انا خالتي ماشاءالله تاخذ عيالها من اعمارهم 6اشهر اسم الله عليهم هادين ومالهم صوت وفي يهال متعبين ماتقدرين حتى تقعدين بمطعم معاهم شوفي انتي عيالج من اي نوع وحكمي

 

[usgirl]

انا وحده ما عندي احد اخليهم عنده فمنحده اخاذهم بس لو عندي احد اثق فيه او اهل اخليهم عندهم جان ما ترددت بس مجبوره
صج اليهال يطلع روحج غير اذا ما تصخن اففف
او راكض يمين ويسار
او بالليل يبجي اف
بس انا ماكو يا اسافر معاهم او ماكو

 

[toofya]

؛
؛
آنا انصصحج و بقوة لتركيآ ..> اجواءها حلوة و عائليه و رخيصه بعد و بتستانسين فيها ..!*

 

[اكيد دلوعه]

السلام عليكم ....
انا اقولج صوتوا على الفووور اووووكي و لا تردون متأخر الى اذا كنتوا مشغولين و اذا شفتوا الموضوع على طول صوتوا
استراليا perth : دوله اجنبيه بها طبيعه جميله و الجو بارد و في الليل امطار شديده و برد و الصبح يكون الجو بارد و احيانا دافئا و ونااااسه و في لعبه كلها خيوط و ترتف امتار عن الارض انتوا مربطين بخيووووط و تمشون لي النهايه مغامرات و الحدايق كبيره تنكسر ريلج اذا مشيتي مس كلها شجر مثمره و الورد مغطي الارض

2- امريكا
3-تايلاند
4-لندن
5-فرنسا
صووووتوا انا ما ابي انطر يالله يالله صوتوا

 

[usgirl]

انا انصح بالريف النمساوي بما انه مو من الخيارات
اقولج امريكا

 

[الاميره الطيبه]

حبيبتي انا معاج ان اليهال يلعوزونج بالسفر لاكن والله ترتاحين من محاتاتهم خذيهم معاج واطلبي من ربج التيسير وخليهم يستانسون اهما بعد وطمنينا عليج