بسافر وانا حامل بالرابع...

[بودي حبيبي]

السلام عليكم بنات مثل ماهو موضح بالعنوان ... كان حلمي من تزوجت اروح اوروبا وكنت متمنيه بأي لحظه اسافر بس دايم تصير ظروف وتتكنسل السفره
هالمره فاجأني زوجي وقال شرايج نسافر بعد العيد لاوروبا لما ان ميزانيتنا تسمح لنا هالمره ... انا صراحه طرت من الفرحه بس بنفس الوقت خايفه ع البيبي لان مثل ما انتو عارفين السفر يبيله مشي وتفرفر والرحله راح تكون ست ساعات
بنات ابي مشورتكم زوجي متشوق ع السفر اكثر مني وما ابي افوت هالفرصه ... فحبيت اسأل منو سافرت واهيا بالشهر الرابع وكانت مدة الرحله ست ساعات؟؟
حبايبي فيدوني واكون شاكره لكم

 

[انصاريه قمره]

انا عن نفسي مستحيل اسااافر وانا حامل لاني خوافه بس عندي بنات عمامي دوووم يسافرون مع رياييلهم اعتقد اهووو بس بالاشهر الاخيره ما يصير

 

[latkt7as]

انا سافرت وانا بالرابع والخامس

بس بسياره والطرق كان حوالي 8 ساعات

والحمدالله ماصارلي شي

 

[عبق الزمن الجميل]

اذا حملك وضعه زين وما عندك اي مشاكل عادي ما يأثر السفر والأفضل تسألين الطبيب
موفقة حبيبتي

 

[جذابه بنت ذيابه]

الخوف من اول الاشهور واخر الشهور الوسط لا عادي اذا ماعندج مششاكل بالحمل

 

[Aloe Vera]

عادي جداً

بس السفر بالطيارة و انتي حامل له تعليمات خاصة موجودة بالمواقع الاجنبية مثلاً تمشين كل جم ساعه و شكثر تشربين و شنو تاكلين

و هم اخذي التعليمات و الموافقة و تقرير حالتج من الدكتورة

 

[زين ودلال]

اذا حملج زين ماعليج شر ان شاء الله

بس اهم شي ماتجهدين نفسج

الله يتمم عليج يارب

 

[زين ودلال]

اذا حملج زين ماعليج شر ان شاء الله

بس اهم شي ماتجهدين نفسج

الله يتمم عليج يارب

 

[Model Look]

حده عااادي انا كله اسافر وانا حامل

بالشهر الثاني والثالث والرابع والخامس ههههه لي الثامن واوقف خخ

توكلي على الله واستشيري دكتورتج

 

[زبــــــــدة]

عاادي انا سافرت بالرابع ...


مايأثر الا اذا كان حملج مو طبيعي ...

بس الطبيعي عااادي

 

[طيبة83]

انا اختي سافرت 4 ساعات وهي بالسابع

بس انا وايد اخاف ما في امل اسافر وانا حامل

بس لو اني بمثل ظروفج بتوكل على الله وسافر

كل يوم اقري على نفسج وحصني اللي ببطنج

وان شاء الله ما عليج شر

 

[انوار المحبه]

اذا حملج سليم عادي و الله يحفظج

 

[tota77]

اذا ظروفج الصحيه تسمح عادي

انا سافرت وانا توني داشه الخامس

وكنت احاتي سالفة مشي وتعب .. بس كنت اريح وريلي بين فتره والثانيه يقعدني بمطعم ولا كافيه ..

المهم ماتجهدين نفسج ولا تسوين شي فوق طاقتج

وكلها سهالات انشالله

وبالسلامه مقدماً :*

 

[@أم يوســـف@]

الحافظ رب العالمين روحي استانسي

 

[M!SS.LOBY]

الله يسهل عليج

 

[M!SS.LOBY]

موووووووفقة ان شاءالله

 

[طيشن على جديه]

مرة اخوي سافرت واهي بالثالث 3 ساعات ..


والحمدالله ماصار شي اهم شي اسالي دكتورتج ..​

 

[رويال ديزاين]

البنات ما قصرووووو

كل ردودهم نفس اللي بقوله

استشيري دكتورتج

كل ساعتين تمشي شوي

لا تحصرين نفسج عن الحمام

شربي ماي دايما و لا تكثرين منبهات

اخذي معاج بسكوت مالح صغار و كوكيز

عشان لا يصير معاج هبوط او دوخه

اذا المطار متعب طلبي ويل جير لا تمشين وايد


خلي رقم دكتورتج معاج لو احتجتي شي ترسلين واتس اب او تدقين اوكي ...


تروحين و ترجعين بالسلامه و كثري فاكهه وسلطات و ابتعدي عن اللحوم ... و الاجبان الزرقا و الاسمااااك

 

[travel_addicted]

أهوا عادي إذا اخذتي مواقفه الدكتوره ووايد ناس يسافرون بس بالنسبة لي ما أسويها
السفر يبيله صحه و حيل و نشاط و الوحدة مهما كان حملها سهل مايصير مثل الإنسان الطبيعي
مدام صارلج فتره مو مسافره ووايد متشوقه و الحين حمدالله توفرت الماده أنا أقول خلي سفرتج عقب الولاده منها تكونين بكامل صحتج و منها تغييرين جو عقب الولاده

 

[مشتطـه]

آنا سافرت وفريت 3 دول
ماشاءالله تبارك الرحمن لا اله الا الله بس كنت منتهبه على نفسي الدولة الاولى زلمسي ماكو فراره كله بالسيارة

الثانية ميونخ يومين ما فريت وايد عالخفيف وماعجبتني

والاخيره لندن يمه ياحلوها

بس للامانه لو يرد الزمن فيني ما اغامر مع ان ماصار شي معاي كلش

بس حلات السفره فراره وروحات

واذا بخاطرحج روحي وعادي السفر اذا حملج سليم