بسافر اليمن شنو في شغلات حلوة اجيبها معاي .....

[نجمة بيضة]

السلام عليكم بنات
انا مسافرة اليمن عند صديقتي
حبيت اعرف اذا ابي اتاجر شنو في شغلات حلوة ممكن اجيبها من اليمن ومو متوفرة بالكويت
حج الشعر او حج البشرة يعني اي شغلات تكون اليمن مشهورة فيها

 

[meskq8]

اللي اعرفه الحنه اليمنيه

والقهوه بعد عندهم اجود الانواع

والعسل

وعندهم الشغلات اليدويه

 

[∫ ∫ ∫ ∫ جــوان ∫ ∫ ∫ ∫]

مثل ما قالت لج مسك
واضيف عليها الفضه لانهم مشهورين فيها بس وين والله ما ادرى بالظبط

 

[ام آمنه]

الحنة الحضرمي والبن وفي اشياء كثير وعند السدر كمان والفضة تقريبا تلقينها في سيئون تقريبا هذا اكثر شي ممكن يفيدك

 

[ام فروحه]

الحنه والبن والبهارات الفضه من باب اليمن والعقيق الاحجار الكريمه العسل لايعلي عليه باليمن بس لازم يكون معاج احد يعرف في العسل لأن ممكن يصير غش
تروحين وتردين بالسلامه تري الطبيعه هناك وايد حلوه

 

[yam_yam]

ديري بالج على نفسج و بالسلامه حبيبتي

 

[امونا]

ماشاءالله يا حظج انا دايما احلم اني اروحها بس محد يشجع من اهلي صج طبيعه وتاريخ واثار عليج بالعافيه
ومثل ماقالو البنات عندج الحنه اليمنيه وبعد الفضه الاكسسوارات عندهم حلوه خصوصا في شكثر بنات يحبون سوالف الفضه والدقه القديمه والحجول وجذي وعندج بعد احجار كريمه يا تجيبين خواتم وقلايد او تجيبين احجار خام وتبيعينهم
وديري بالج على نفسج وتوصلين بالسلامه
ها ولا تنسين سوالف الصور وابي ملخص سفرتج عشان ان شاءالله بحاول اروح لها اخر السنه اذا الله كتب

 

[alffoozz1]

العسل

الحنه

السدر

القهوة

 

[نورالكوت]

الحنه اليمنية والعسل 0000 وبيعي علينا وراعينا بعد بالسعر
وترى اليمن دولة فقيرة حدها ومافيها سياحة

 

[امونا]

غلطانه نور الكويت
منو قالج مافيها سياحه
شوف مهرجاناتها والمطربين اللي يروحون يغنون الرويشد واصاله ماقريتي الجرايد العام كانو بيسوون سالفه لاصاله عشان غنت عندهم كله
وغير هذا السياح عندهم درجه اولى الاوربيين منهم المان وغيرهم ماتشوفين مرات سوالف خطف لهم عندهم سياحه
اذا منظمه اليونسكو اعتبرت صنعا بكبرها محميه طبيعيه
وجزيره سقطرى من الجزر اللي فيها كل شي نادر من طيور وحيوانات

 

[الحب لك وحدك]

لا تخترعين من خدودهم المتفخه يخزنون قات

 

[m6181]

بالتوفيق انشالله ورحله سعيده

الجووووووود

 

[سعودية والدلع لايق علية]

تروحي وترجعي بالسلامة ولااز يد على كلام الحبوبات شي قالوا لك

 

[مصدر الحب]

مووووووفقه حييييييياتي في سفرتك