بسافر المانيا نص مارس ساعدوني بليز....

[@ضحاوي@]

السلام عليكم ورحمة الله وبركاته...
خواتي أنا بسافر مع زوجي ألمانيا للعلاج برا بس اللي عرفته أن الجو هناك درجة الحرارة تحت الصفر :0bee2e8d89:
اللي بغيته منكم تقترحون علي شنو أشتري ملابس من الكويت...بنات الحين بدت المحلات تشيل البالطوات والبوتات من السوق وقاموا ينزلون صيفي...يعني على الأقل لازم بالطو أسود طويل عشان السفرة...ياربي إقترحوا علي بنات تكفوووون بليز...حالتي حالة بس أدور بالمنتديات وأحوس بالسوق...
أبي تقترحون علي شنو أخذ...أختي تقول إشتري من هناك..من الكويت بس إخذي بالطو واحد ...أنتوا شرايكم؟؟؟​

 

[عيون كحـال]

الحين اتوقع مسوين تصفيه على الشتووي وتنزيلات شووفي

واذا مالقيتي كلش عبري بملابسج الشتويه القديمه

ولاوصلتي المانيا روحي على طول اشتريلج بالطوووو وملابس شتوويه


وتروحين وتردين بالسلامه

وماتشوفين شر حبيبتي

 

[مســـــافره]

ليش انا اليوم شايفه بزارا وh&m الافنيوز بالطوات وفرصه بعد تلقينهم مسوين سيل عليهم

تروحين وتردين بالسلامه ومالكم شر يارب

 

[@ضحاوي@]

الحين اتوقع مسوين تصفيه على الشتووي وتنزيلات شووفي

واذا مالقيتي كلش عبري بملابسج الشتويه القديمه

ولاوصلتي المانيا روحي على طول اشتريلج بالطوووو وملابس شتوويه


وتروحين وتردين بالسلامه

وماتشوفين شر حبيبتي

الشر ما ييج حبيبتي ومشكورة عالرد يا قلبي والله بردتي جبدي المشكلة البالطوات اللي أدورهم طوال للركبة وأطول بينما اللي بالسوق كلهم قصار أو حده حده ..بس صاجه ماكو غير من هناك...ماقصرتي عالرد عيون كحال:ggdw:​

 

[@ضحاوي@]

ليش انا اليوم شايفه بزارا وh&m الافنيوز بالطوات وفرصه بعد تلقينهم مسوين سيل عليهم

تروحين وتردين بالسلامه ومالكم شر يارب

مسافره يا قلبي توني رايحه الأفنيوز وما خليت محل ما دورت فيه حتى زارا ما لقيت فيه شئ ثقيل مال برد صجي:ada:
بالنسبة ل h&m يبيلي أرد أدور لأني ما أتذكر شنو كان السبب اللي ما عجبني فيه...ومشكوره يا قلبي عالنصيحة والشر ما ييج ولا غاليج يا رب:eh_s(6):​

 

[كويتية أصيله]

قوة ...أهلي أمس أرجعو من ميونخ ....يستحسن تاخذين معاج (قطنية) ملابس قطن طويلة روحي جاشنمال

 

[3e6er alwrd]

والله روحي derby عندهم تريننقات تهبل وجاكيتاتها طويله واخذي لج تحنهم اندروير وشوفي زارا الي بالفنار تلاقين فيه اغراض لان الدوس عليه ومو وايد وشوفي المهلب يمكن تلاقين عندهم بالطوات لي الحين ما شالوهم
وتروحون وتردون بالسلامه وما تشوفون شر

 

[@ضحاوي@]

قوة ...أهلي أمس أرجعو من ميونخ ....يستحسن تاخذين معاج (قطنية) ملابس قطن طويلة روحي جاشنمال

هلا كويتيه الحمدلله على سلامت أهلج يا قلبي وإن شاء الله بشوف جاشنمال:ggdw:
مشكوووورة وما تقصرين نخدمج في الأفراح​

 

[@ضحاوي@]

والله روحي derby عندهم تريننقات تهبل وجاكيتاتها طويله واخذي لج تحنهم اندروير وشوفي زارا الي بالفنار تلاقين فيه اغراض لان الدوس عليه ومو وايد وشوفي المهلب يمكن تلاقين عندهم بالطوات لي الحين ما شالوهم
وتروحون وتردون بالسلامه وما تشوفون شر

مرحبتين بعطر الورد إن شاء الله بمر على المحلات اللي قلتيهم ومشكورة على وقتج ونصايحج ما ننحرم منكم يا رب يا أحلى كويتيات:eh_s(6):​

 

[منورة الكويتية]

اخذي بالطوين من الكويت
والباجي من هناك

 

[دانه الهيرات]

حبيبتي اوروبا الحين بدا الجو يدفا عندهم و بعدين بردهم مو مثل بردنا يدش بالعظم . انتي اخذي معاج بالطو متين و الباجي الشتوي العادي و شوفي الجو و درجات الحراره بسايت ياهو ويثر للمنطقه اللي بتروحين لها .
تروحون و تردون بالسلامه

 

[@ضحاوي@]

اخذي بالطوين من الكويت
والباجي من هناك

يعطيج العافية منورة يا قلبي وجاري تنفيذ إقتراحاتكم ...لا أخلى ولا أعدم منكم حبيباتي:ggdw:​

 

[@ضحاوي@]

حبيبتي اوروبا الحين بدا الجو يدفا عندهم و بعدين بردهم مو مثل بردنا يدش بالعظم . انتي اخذي معاج بالطو متين و الباجي الشتوي العادي و شوفي الجو و درجات الحراره بسايت ياهو ويثر للمنطقه اللي بتروحين لها .
تروحون و تردون بالسلامه

والله صاجة دندونه ...عاد شتوي عندي بس أنا متخوفة من أن درجات الحرارة تحت الصفر!!!
بس دام أن بردهم لمن تدفين روحج يمشي الحال عيل خوش...بلاج من بردنا إحنا اللي لو شتلبسين يدش العظم ويقصج قص!!!
مشكورة دندونه يا قلبي:ggdw:​

 

[الصابرة المحتسبة]

عاد بردهم يونس عكس البرد عندنا يتعب ويمرض سبحان الله قعدت ثمان شهور هناك ولا إله إلاالله ولايوم حاشتني نشله ولا بلاعيم (اذكروا الله لا اتخسبق))وعن البوالطو عندهم بس اذا فيه تنزيلات خوش على خوش واخذي واحد من اهني وتلاقين عند سينيه طويل ومال كراف يدفي وخذيته بالتنزيلات يمكن تلا قين عندهم ألحين
وعندج بإيفانز بس مو اطوال وبالتنزيلات أحسن

 

[@ضحاوي@]

عاد بردهم يونس عكس البرد عندنا يتعب ويمرض سبحان الله قعدت ثمان شهور هناك ولا إله إلاالله ولايوم حاشتني نشله ولا بلاعيم (اذكروا الله لا اتخسبق))وعن البوالطو عندهم بس اذا فيه تنزيلات خوش على خوش واخذي واحد من اهني وتلاقين عند سينيه طويل ومال كراف يدفي وخذيته بالتنزيلات يمكن تلا قين عندهم ألحين
وعندج بإيفانز بس مو اطوال وبالتنزيلات أحسن

الله يبشرج بالخير يا قلبي والحين تم تحديد موعد الدكتور بيكون 8\4 ويعني قبلها بيومين بتكون السفرة...وإن شاء الله يكون خف البرد وقتها وصار الجو أدفى...ولقيت لي جم بالطو هنيه بالمنتدى الحمدلله وباخذ لي بس واحد والباقي من هناك...
مشكورة الصابرة المحتسبة على ردج ومشاركتج لي برايج,,
حبيبة والله:eh_s(22):​