بزور اهلي المخيم الصبح (افكار للريوق اخذها معاي)

[ام مضاوي]

خواتي ان شاءالله باجر الصبح احتمال اروح لاهلي بالمخيم

وماشاءالله العايله كلهااااااا هناك والعدد وايد كبير

فحابه اخذلهم شي يبيض الويه ومابي حوسة مطبخ اهم شي لوووووووووول

السهل انا اسويه والباجي من المطعم لووووول

انا فكرت اسوي فووول عندي طريقه حلوه+بيض مفيوح+اسوي سلطتين يصلحون للريوق
طبعا غير الحليب والجاي

ومن بره البيت
خبز ايراني
نخي +باجلا+شاميات مشكله+حمص+متبل

وحددددددي حايسه مو عارفه شنو اخذ بعد

 

[*g!vnchy]

حبيبتي ام مضاوي ماعندي اي اضافه ماشاءالله ماقصرتي
بس زيدي على الشاي والحليب زنجبيل

 

[السنعة2]

سوي ماعون مشكل فيه جبن ابيض زيتون مربى طماط وخيار مقصص
جبن مغلف انواع زبدة صغار حق الي يحبون ريوق خفيف
وحق الي يحبون التغمس بالحليب درابيل وبخصم وشابوره وبسكوت وبتي فور
وعوافي مقدما

 

[omawrad]

يا حلو البر ويمعته شوفي حبوبه انا احب اسوي البيض طماط مع بطاط حق الريوق العايلة واحب الدرابيل مع الحليب المهيل والزبدة والمربه الصغار والرهش واو حلات الرهش في البر مع الجبن الفرنسي الابيض والزعتر مع زيت زيتون ، البطاط المفيوح مع الملح ولفلفل الاسود وتاخذين الصمون علشان حق اليهال ( تعرفين من توصلين البر يتطشرون ما تشوفينهم فكل واحد ياخذ صمونته معاه وياكل والبفك والشيبس ( مطارة ثلج فيها البيبسيات والسفنات والعصاير وخلافه)
لا تنسين تاخذين الدارسين واللومي حق شاي لومي ودارسين حق الضحاوي يدفي الجسم
والاهم انج تدفين مضاوي علشان البرد الله يانسكم ان شاء الله ويجمعكم بالخير

 

[جارة القمر]

قلتي

كل شي

حلو للريوق

omawrad



مشكووووووره

 

[معكرونه أسبكتى يم يم]

وااااااااااااااااااى شوقتونى للبر ............. افكاركم وايد حلوووو حق الريوق ...... ياليت اتحطين شغلج في المطابق القديمه يعنى تعطى جوى حلو

 

[omawrad]

العقو يا جارة القمر وانتي ما شاء الله عليج اطباقج اللي تينن انا اخذ منها واطبق بس لاني ما عندي تنزيل الصور وعليمية بعد فاحب اطبق بس بدون ما اصور ويا حلو منتداكم والله

 

[ام مضاوي]

حبااااااااااااااااااااايبي انتوووووووووووووو لا خلى ولااااااااااااااعدم

امووووووووووووووووووووت عليكم ياكويتيات

وذكرت بضيف بعد جباتي + سمبوسه+ فلافل من المطعم

ربي لايحرمني منكم

 

[دانة-الكويت]

مرينا جنه مخيمنا يمكم

بس هاااااااااا

مرينا قبل تروحين اهلج

 

[حنطاااويه]

فيه مطعم في الشويخ
فلافل عنده خيااااااال
والفلافل تكون امحشيه يا جبن او لبنه او فلفل او بصل
وعنده بعد فوول وايد حلوو
والحمص بعد

وعليكم بالعافيه
واسم المطعم زين الزاد

 

[Dloo3at^Ahaly]

فيه مطعم في الشويخ
فلافل عنده خيااااااال
والفلافل تكون امحشيه يا جبن او لبنه او فلفل او بصل
وعنده بعد فوول وايد حلوو
والحمص بعد

وعليكم بالعافيه
واسم المطعم زين الزاد

وين فى بشويخ اى صوب بروح امره باجر باذن الله

 

[ام مضاوي]

مشكوريييييييييييين خواتي

بس كنسلت فكرة الريوق

حظرتهم يتريقون من ال7 الصبح!!!!! حزتها انا شخرررررررررررري بفراشي لوووووووول

مارضو ينطروني لي العشر

وسويتلهم نوعين حلو
وباجر بسوي كلوب ساندويش وصمون محشي وحركاااااات وبروحلهم بعد الغداااااا

 

[حور العيون]

ماعليه حبيبتي تعوظينها مره ثانيه

 

[السنعة2]

ماشاء الله عليهم ياحلو الفزعة يصير النهار طويل وفيه بركه
الله يبارك لنا بكل اوقاتنا

 

[غلاي غير]

ما عليه افتكيتي من الطبخ والنفخ ومره ثانيه ان شاء الله

 

[فطيرة]

ماشاء الله البنات ماخلوووو شى يالله عليكم بالعافية وووووووووواهم شىء الوناسة

 

[<< أزيان >>]

لاتعبين نفسك بتحضير الاكل استانسي بطلعتك الله يعافي المطاعم ومطابخ البيوت الي يبيعون

 

[ضحكة الدنيا]

اذا بتروحين لهم بعد الغدااا اخذي لهم جم طبق حلو
وكيك وقرص عقيلى ومكسرات ومعجنات وجم نوع من البساكيت
حق قعدت العصارى وعلييكم بالعافيه

 

[جرح الليالي]

ما شالله البنات كفوو ووفوو

 

[ام مضاوي]

مشكورين بنات

وسويت مثل ماقلتي ضحكة الدنيا

الله لايحرمني منكم