بزوج نفسي بنفسي ... عندي جم سوال

[استثنائيهـ]

مشكورين عالردود فديتكككم

 

[دلوعة أبوهآ]

مآتسوى عليها تتزوج بدون رضآ أهلهآ
كيف تبي الله يوفقهآ في حيآتهآ !!
إذا امها وأبوهآ مو موافقين كيف بتتوفق وتعيش سعيده !!

راح تكبر الموضوع اكثر وتعقده اكثر اذا بتوصله محكمه وقآضي
كل شي بالدعآء يصير ..

وبالاخير " وعسى أن تحبوآ شيئاً وهو شراً لكم "

آلله يهديهآ ويكتب لهآ الخير

 

[متفائله للحياه]

لا مايصير خااص عندنا بالسعودية لابد من ولي امر هذا شرع مو قانون
يمكن الاب عنده سبب يرفض رجال ماتسوى تبيع اهلها عشان رجال الله يهديها

 

[أم علي الرفاعي]

الله يهدي ابوها

خل اي احد من القرايب يكلمه - اذا كان الولد سمعته طيبه-
ترى بهالعمر البنت ماتشوف العيوب
والاهل يشوفون لي بعيد ويقيمون ...

واذا فيه صالح الله بيكتبه
واذا لأ ربج بيبعده ,,,,

 

[mony-ksa]

البنت توها صغيره ليش مستعجله

وكل خيره فيها تأخيره والاهل مايتعوضون اهم شي رضاهم

 

[@اللهم فرج همي@]

الي اعرفه ان قضية عضل ولي
ماتقدر البنت ترفعها بالمحكمه الا اذا كانت من ٢٥ وفوق
اقل من جذي ما تقدر

صح هالمعلومة؟

 

[om_3kash]

لهلدرجة الريل اعز من اهلها ؟؟

تبيع اهلها علشان ريال ماتدري اذا اهو زين او مو زين

و هذي توها عمرها 23 و جذي ميته على الريال عيل شلون اذا وصلت 30 و ماتزوجت شبتسوي بتنتحر؟؟

يبا خل تصلي على النبي كل تاخيرة فيها خيرة

والله حالة لهلدرجة وصلت فيهم البنات يبيعون اهلهم علشان الريل ؟!

انصدمت الصراحة

 

[نونه المنكوشه]

يعني حتي لوالاهل رافضين اتحاول اتكلم احد يقنعهم بس تتزوج غصبن عليهم صعبه تري البنت تحتاج اهلها حتي لويسير عمرها 40 اتظل محتاجتهم مايسوي اتخسرهم وباجر ماتدري شلون الريل بيكون زين وله لا ويمكن اذا شاف ماوراها ظهر اتستقوي عليها خل اتحاول تقنع اهلها افضل واذا لها نصيب بتاخذه

 

[انا لها شمس]

شلون تبي تتزوجه بدون علم اهلها ؟

تنحاش معاه يعني؟؟؟؟؟؟؟

مافكرت هذي بعد سنه وسنتين زواج ووناسه وين تبي تروح من الفضيحه ؟ وعار اهلها ؟ وكلام الناس؟

مافكرررررت اهل الزوج شلون راح يستقبلون وحده زوجت حالها بحالها ؟ وشلوووووون راح يحترمونها ؟

اهوا هذا اللي خطبها 4 مرات اذا لهالدرجه تحبها ياخي سوو المستحيل اخذ لك ناس كبار وشيوخ قبيلتك واصر ع ابوها

شنو هالحب اللي يخليك تختار احقققققر طريقه بالزواج ؟

مافكرررت جنابها اذا حملت وولدت وين اهلها؟ وين خوال عيالها ؟

وووووويع ع تفكيرها الساذج هذا اذا كانت تفكر


واخيرا ان شالله مايزوجها القاضي بدون علم اهلها لان حرام فيها التربيه وبالاخير تكسر بخواطرهم وتفشلهم

 

[Ghreba eb derty]

اذا ابوها موراضي لاسباب تافهه خل ترفع قضيه عضل وعلى حسب الاسباب القاضي راح يحدد بس جنه لازم تكون فوق 25 سنه

والاهل اللي بيزعلون ويتبرون ويسوون سوالف ما يدشها العقل صراحه هذيله ناس متخلفين والقرار بالنهايه قرار البنت ومستقبلها وحياتها الشخصيه محد له حق يتدخل فيه نهائي وهذي حياتها مو حياتهم ...

وماكو شي اسمه اهم شايفين شي اهي مو شايفته !!!

انزين شنو اهو الشي الخطير اللي اهم اسم الله شايفينه واضح واهي العميه اللي ما تشوف مو شايفته ؟؟؟؟؟؟!!!

اذا اكو شي خل يناقشونها وينصحونها واهي تقرر بالاخير لان اهي عندها عقل وتفكر ومومحتاجه احد ياخذ قرار شخصي عنها

لان صراحه اعتبرها اهانه

وبالاخير التوفيق من الله سبحانه اهو ادرى بحالها ونيتها مو احنا اللي نقول بتتوفق ولا لا

وانا اتكلم عامتاً مو قصدي عن بنت عمج :**

Best of luck

 

[المكسيكيه]

لا طبعا لازم بموافقة ولي الامر

 

[الجذابـة2022]

اتوقـع مايصيـــر/ لازم ولي الامــر ,,,

وبعدين مايسـوى عليها اتزوج بدون رضى اهلـها //عقب راح تندم قد شعرت راسها لو بتعود على اهلها

اهلها مايبونها،،،والرجال نذل مهما تسوي راح يعايـرها ويذلها....

ويمكن نصيبها لحد الحين ماجه،،،لو النصيب جاءها بتاخذه غضب بس ربي مب راد...

 

[ديانا سبنسر]

يصير بس راح تخسر اهلها موحلوة توقف ابوها بالمحاكم خل تحاول واذا مارضو يمكن الله موكاتبه لها

 

[جذابه بنت ذيابه]

ما اتوقع يصير

اذا اهلها مو راضيين ماراح تتوفق

 

[استثنائيهـ]

مشكورين عالتفاعل

 

[Emanii]

يصير اذا عقدها جعفري يعني يملجون بالمحكمة الجعفرية وكانت فوق 21

 

[روجَ آحمرَ ..×]

-




حبيبتيَ


القاضي ماراح يزوجها بدون ابوها لو تقوم القيامه
المحاكم عندنا بسعوديه صايره متشدده
انصحك وانصحها تبعد روحها تماما عن المشاكل
والبنت مالها الا سمعتها خصوصا بامور زي كذا
واكررها لك بثقه القاضي ماراح يحكم لها الا بموافقه اهلها
لاسباب قانونيه كثيره
اتمنى ماتخسر ابوها او حتى نظرت اهلها لها عشان واحد
لو قالت يارب اني تركت اجمل الاشياء الى قلبي من اجل ابي فعوضني بما انت تراه لي خيرا واجمل
مافي اغلى من الاب ولا فيه اغلى من الاهل
هم عزوتك لا ضاقت عليك وسيعتك
ولا حد راح يدق صدره لك لا خلتها الدنيا تحتاج غير هلها

 

[برستيجي مآركة]

زواج من دون رضا اهلها مايسوووى عليها ترى الوحدة من دون اهلها ماتسووووووووى الاهل عزوة مو كل رجال يغني عن الاهل

والله يوفق الجميع

 

[*الهنوف*]

تري بالشريعه وبالقانون لازم ولي امر
يعني لو بتكسر هالاثنين زواجها باطل

ليش اهلها رافضين اكيد في سبب قوي

 

[بكيزة هانم]

انا بقول من علم شفته وعرفته قريبتي عمرها بالثلاثينات ومطلقة مرتين وابوها متوفي رفض القاضي يعقد لها الا بحضور ولي امرها وجابت خالها ورفض بعد قال عندها اخوها لازم يحضلر ويوافق على الرغم انه أصغر منها

فنصيحة ماكو رجال يستاهل تفضح روحها عشانه

وأهلها أكيد شايفين شي اهيا مو شايفته