بريطانيا ولاً استراليا _ بنات هالديرتين يفيدوني حبايبي

[Sa7aBa]

السلام عليكم ورحمة الله وبركاته
صباح الخير للي عندهم صبح
ومسا الخير حق اللي عندهم ليل
:hearting:

حبيباتي _
ريلي ان شاء الله مبتعث من التطبيقي لدراسة الماجستير _

ومحتاريين بين ( بريطانيا _ استراليا )


حابه اعرف كل المعلومات عن الثنتين من ايجابيات و سلبيات
ياليت تساعدوني _ عشان نعرف
خاصة اني بروح معاه ومعانا بيبي_

فشلون كل شي ف هالديرتين ؟

وحابه كلل التفاصيل


حبايب قلبي_ الله يوفقكم ويردكم بالسلامة ويسهل غربتكم

 

[Australia girl]

هلا والله اختي ...انا باستراليا بولاية ساوث استراليا صارلي سنتين تقريبا هناك ..انا لوبيدي اروح بريطانيا بس تاخر الرد علينا روحنا استراليا اولا العيوب باستراليا ..بعيده حدددددددددها يعني اجازه او عطله ماتسوى تسافرين تردين الكويت بريطانيا اقرب وارخص بالنسبه للتذاكر ..

استراليا فيها عرب بس مو مثل بريطانيا من ناحية الحياة الاجتماعيه ملل شوي المحلات العربيه على حسب منطقتج يعني شوي صعوبه ..

من ناحية الدراسه هني وايد شادين بالدراسه الدرجات عسرين حيل يعني انا ريلي الاول على دفعته ومبعث من داومه والحين يالله يلحق عليهم ..

وهذا اللي ببالي الحين والحين احنا ننطر نفتك من هني ( استراليا) ......

 

[cheese cake 84]

مااافي اي مقاااااااارنه الصراحه بريطانيا حيويه وكل ماتبين تحصلين وقرييبه وتذاكرها اسعارهم مناسبه ومتعودين عالعرب استراليا بنت عمتي تدرس هناك مع ريلها تقول ناشفين وعسرييين وشكثر شاحنه اغراض علبو ماحصلتها هناك مادري انصحححج ببريطانيا

 

[حرم القيصركمودس]

رد : بريطانيا ولاً استراليا _ بنات هالديرتين يفيدوني حبايبي

بالتوفيق ا شاء الله لج حياتي ,,
الله يوفقج بدراستج مهما كان اختيارج,,
:d

 

[شلال إراده]

هلا والله اختي ...انا باستراليا بولاية ساوث استراليا صارلي سنتين تقريبا هناك ..انا لوبيدي اروح بريطانيا بس تاخر الرد علينا روحنا استراليا اولا العيوب باستراليا ..بعيده حدددددددددها يعني اجازه او عطله ماتسوى تسافرين تردين الكويت بريطانيا اقرب وارخص بالنسبه للتذاكر ..

استراليا فيها عرب بس مو مثل بريطانيا من ناحية الحياة الاجتماعيه ملل شوي المحلات العربيه على حسب منطقتج يعني شوي صعوبه ..

من ناحية الدراسه هني وايد شادين بالدراسه الدرجات عسرين حيل يعني انا ريلي الاول على دفعته ومبعث من داومه والحين يالله يلحق عليهم ..



أوافقها الرأي تماما,كنت باستراليا وحاليا ببريطانيا والحمدلله صراحه أكبر عيب البعد يقطع القلب وفرق التوقيت عن الكويت بتكلمين أهلج تتأذين,وبعدين حيل حيل حيل متشددين من ناحية الأكل يخافون من المواد الغذائيه حتى أذكر وحده قطو علبة حليب بيبيها علشان مفتوحه يعني يبونها جديده,والقهوه إذا بن حب عادي بس مطحونه لا نهائي ,شفت حرص زايد عن حده ,والله يعينج عالنطره بالمطار
ودراسه الماجستر أصعب شوي باستراليا من بريطانيا.
وبريطانيا فيها تنوع أكبر البضايع والمحلات يعني فعلا ما تحتاجين غير القهوه والتمر ومطاطيرج وبس.
وهذا اللي يحضرني الحين.واتمنى أكون فدتج

 

[بولندية]

ماعندي فكرة بس اكيد بريطانيا و البنات كفو وو فو

وموفقة يارب سواء ببريطانيا ولا استراليا

 

[عوار غربه]

رد : بريطانيا ولاً استراليا _ بنات هالديرتين يفيدوني حبايبي

أضم صوتي لأصوات خواتي انا لأسف بس أقول حمد الله على ماختاره الله لنا، درست لغة ببريطانيا ل3 اشهور وبوقتها ماكنت متزوجه سبحان الله باجازتي رديت الكويت تزوجت وكنت حدها مستعييلين على اني ابدي دراستي الماستر امبجر وكان عندي كذا قبول بجامعات ابريطانيا بس تبدي متاخر وامريكا يطولون عشان يردون عاد ماكان الدوله الي تبدي امبجر الا استراليا وبصراحه عروض الجامعات لي كانت روعه قلنا نستخير وسبحان الله توكلنا على الله والحين ادرس بجامعة ولونجونج اسمها بمنطقه تبعد عن سيدني 3 ساعات امبيه اهنيه شفت فرق موطبيعي :eh_s(16): عن ابريطانيا يعني ابريطانيا متقدمه في المواصلات من عيشه اتونس من تسوق روعه من ومن ومن امبيه واهم شي انذكره لج القرب وكنت بكل ويك اند انزل الكويت يعني امبيه ابريطانيا صج وناسه. أما استراليا مافي شي فيها غير قوة دراستهم وهذا انا كنت متفوقه وحالتي حاله الدرجات بطلعه الروح يعطونج بس حمد الله انطر متى ارجع الكويت الحبيبة اشتقت لها :q8:

 

[Sa7aBa]

رد : بريطانيا ولاً استراليا _ بنات هالديرتين يفيدوني حبايبي

حابه كل التفاصيل
عن رواتب المبتعثين وكل شي كل شي

ياليت احد يفيدني
احس اني ضايعة بالطوشه وحابه اني اخذ معلومات وخبرات منكم

 

[Sa7aBa]

رد : بريطانيا ولاً استراليا _ بنات هالديرتين يفيدوني حبايبي

اي نسيت اقول لكم

بنات ريلي ناوي يروح كورس يدرس ويعرف شلون الطريقة ةيثبت اموره من شقه ومن سياره ومن .... الخ
وبعدين نروح له
هذي الخطة الموجوده في باله ليما تطلع نتيجة اختبار اللآيلز مادري شسمه


فشرايكم ؟
انا متردده بهالشغلة لأنه يقول خآخذ راحتي وادور على كيفي اخاف هذا يطيح مريض واقعد احاتي وتعال ود وييب
فخلأستقر بعدين تييوني


هل هذا حل مناسب ؟