برود ,, جمود .. حياة زوجيه مع وقف التنفيذ ,, شنو الحل؟!

[سنفوره كشخه]

بناااات وينكم .. ماكوا حل ؟!

 

[أتراب]

الله يعينها عليه ويهديه
​

 

[نفهمها صح]

معذبه عمرها وشاقيه رووحها....ليه
طنشه وووتشوووف بيحسسس انه فيه شي
تعطي عمرها فرصه لا تهتم فيه
يعني اكثر من كذا مطنشها ولهوو مسويلها اعتبر وريضه بتقتل رووحها
قوليله من عطانا عين عطناه الف وهوو مشووف عطيها شي معنووي بغض نظر عن المادي

​

 

[zaina alotibi]

تبين الصراحة حبيبتي , الغلط منها اهي واايد منكبة عليها ووايد مهتمة فيه لاوتدلعه وتغنجه لين شاف حاله عليها

الرجال بالذات يبيله الي تتغلى عليه وشوية انا قلت شوية مو وايد تشوف حاله عليه .

لازم تتغلى شوية ...........

 

[سنفوره كشخه]

صاجين بنات ,, انا قلت لها اثقلي ,, شوووي


ردت وقالت 3 سنوات عطاااء الرابعه طنشته والنتيجه ؟!!


طنشها ازوووود.. والوضع عااااااااااااااااااااااااادي عنده !!!!!!!



لووول شنو الحل,, تدرون اختى للحين ما قرت الموضوع الي نزلته لها بس اخذت اذنها وقالت حطيه بشوف حل ,, ابيها تستانس الخميس الياي تجي وتشوف الردود ..


الله يوفقكم ماقصرتو

 

[ام شووووق]

الله يعينها

 

[انا لحبيبي .]

الله يهديه ،،

 

[سااااااارونه]

يابعد قلبي الله يفرج عليها
عندنا وعندها خير

 

[سنفوره كشخه]

مشكورين بنات .. بس اغلبكم كان الحل هو التطنيش والثقل واهي سوتهم خلال السنه الربعه من زواجها بعد 3 سنوات دلال !!

بس ماكو فايده تقول اذا ثقلت وماعطيته ويه ,, يثقل اكثررر !!!!! >>>احباااط .


عاد انا ريلي وه بس ,, لا حافلني ولا كافلني بس رومنسيات على الفاضي !! لووووووووووول كلن ونصيبه


ثانكس ,, اذا فيه حلول ثانيه اسعفونا .

 

[كلاسيكال]

سبحآن الله اذا هذا طبعه صعبه يتغييير ،، مالها الا تتوجه الى ربهآ بالدعاء والحمد لله على كل حاال

 

[عنزروته]

يووووووووووووو خل اختج المفدءة تهتم وتنوم اعيالها بدري او تخلي الشغالة تحبسهم عنة واذا ما رضو تبزخهم وتربط حلجة وتسوي جوووو مرة مرتين لمن الريال يتعود بعدين تتركة باجرهو يركض وراها ........ الصراحة انا ماحب الحرمة الي تتشكي ومخلية الدرعا ترعي سوي مجهود اشتغلي علي نفسج صفي دبببج نوميهم سوي كيكة ايس كريم وكانهم لج وجو هادي اختي تقول استحي اسوي لة جو وش سوت تطفي اليتات وتحط شمعتين علي يمين ويسار وكيكة وتاكل كم لقمة علشان يحس <<<اذا هو نوعية عيب ودناصوري
واذا جا يشم الريحو ودببها اقصد كتاكيتها الحلوين وينهبل مو كل ريال زي الثاني ولله تقول يطيح علي ويهة <<< قصدي دببتج يعني اعيالج خففي اكل مجابيس لهم هههه,,,,, سامحيني لان كل اعيال الزمن هذا منفخين هههه واي شي تعالي علي الخاص << لان النك شراكة

 

[engnera]

الدعاء للتغيير

 

[كرستاالة]

شوفي حبيبتي والله كانج تكلمين عن زوجي عليه برود الدنيا ولاعمره مدح لبسي ولا يحبني أحط مكياج ويقول كبرتي على هالسوالف يحب ايشوفني مبهذله اذا طلعنا مع اني مو مدحا لنفسي من النوع اللي يهتم بنفسه حيل وحلوه وجميله بشهاده الكل وهو بروحه حفا علشان يتزوجني وكان دائما يرددقدامي اني مغرورة وشوف نفسي حيل على كل الناس وزوجي حيل انطوائي وانا أجرا منه حيل وهادي مو من النوع الي يتكلم اتصدقين قمت احقره اذا زعل عادي ممكن نقعد بالشهر ما نكلم بعض لغايت ما يجي ويتاسف ... حبيبتي خليها تبين له انها مو ميته عليه تهيأ الحين عطته فوق قدره فشاف روحه عليها ... والله ما ينفع معهم الا التطنيش ولا اتخليه هو محور حياتها ما دام مو مبين في عينه لا تكسر نفسها عشانه ... زوجي وبو عيالي صح بس صدقيني اذا ذلت نفسها وسمحت له راح تنهان اكثر خليها تقوم بحقة الاساسيات بس وتخليه اذا غلط يحس انه غلط ....

 

[راعية الطويلة]

شكلها حاذفة روحها عليه
و محسسته إنها وراه و راه
و بعض الرجال يعندووووووووون و يركبوووووووووووون راسهم
و ما يحبون جذي

ما دام قامت بواجبها لا تكلف نفسها فوق طاقتها

خلها على الطيبة و على الواجب الأساسي

و ما له داعي كل شوي تطلع بحركه

إذا حسسته إنها بعيده شوي

بيركض وراها

بس يبيله الدعاء و الصبر و الإستغفار

 

[معلمة_منكوبة]

لايبا هذي حاجه بفطرة الانسان .. واضح انه مو قادر (أكيد فاهمه قصدي)

عادي في رياييل عقب ماييبون عيال يصير فيهم جذي .. كل حركاته تدل على

جذي لا نقص ولا غيره ليش مافكر بالنقص قبل لا ييب عياله .. في رياييل

توصل فيهم انهم يمدون ايدهم على حريمهم بسبة هالسالفه ..

الحل انه يعالج واكيد ماراح يرضى .. الله يعين اختج


في حركه تسويها اختج تتأكد منها بس ماقدر اقولها بالعام

 

[معلمة_منكوبة]

أو انه استغفر الله له علاقات برا .. فيكون شبعان .. (هذا يعتمد على طلعاته اذا وايد)

 

[مولاي الفرج]

انا بمكانها اسمع كلامه

لاتقرين ماقرب لا تسهرين معاي ماسهر

بالطقاق اجابل عيالي ماحب اييب حق روحي الحجي

الله يهديه ويسعدها يارب​