بروح للخيران وهذي اول مره ياليت تنحوني

[سموالاميره]

بروح للخيران وهذي اول مره ياليت تنصحوني

السلام عليكم ورحمة الله وبركاته


خواتي الغاليات
انا على اخر شهر خمسه بنروح لخيران انا وزوجي وعيالي الثلاثه وعسى ربي يوفقنا وبنقعد بس ثلاث ايام لان زوجي عنده دوام وهذي اول مره نروح لخيران ياليت تنصحوني شنو اخذ معاي بنسبه.....


للمطاعم شنو للي متوفر هناك ؟؟؟

وفي غساله بالشاليه ولا لا؟؟

واغراض الجمعيه اشتريهم من الديره احسن ولا نفس سعر الجمعيه بالخيران بالنسبه للسعر؟؟؟

والدجاج واللحم اخذ معاي ولا لأ؟؟؟

وبنسبه للملابس شنو احسن شي لعيالي؟؟؟

واذا عندكم اظافات ساعدوني.


والله يجزاكم الف خير.


حياتي

 

[love love]

والله انا من 7 سنين مورايحه وبذاك الوقت مااذكر كان في مطاعم

انشاءالله البنات يفيدونج اكثر

 

[أمواج البحر]

هلا حبيبتي انا من رواد الخيران كل سنه

للمطاعم شنو للي متوفر هناك ؟؟؟

في مطعم مشويات ( مطعم البراحه ) و في مطعم شرمبي داخل صالة الالعاب و في مطعم بالمارين

وفي غساله بالشاليه ولا لا؟؟

بالنسبة للشاليه مافيه غساله

واغراض الجمعيه اشتريهم من الديره احسن ولا نفس سعر الجمعيه بالخيران بالنسبه للسعر؟؟؟

بالنسبة لأغراض الجمعيه ترى ما يفرق السعر ... انتي يبي معاج شغلات خفيفه وترى كل شي بتحصلينه بجمعيتهم

والدجاج واللحم اخذ معاي ولا لأ؟؟؟

على حسب انتوا تحبون او لا ... الوالدة الله يحفظها لازم تييب لكن انا دايما اقول مو ضروري وحلاته شغلات خفيفه

وبنسبه للملابس شنو احسن شي لعيالي؟؟؟

الملابس تكون خفيفه شغل بحر ... شورتات وبلايز خفيفه و صنادل

طبعا بالخيران اكو مركز صحي صغير لكن احتياطا انتي اخذي معاج بلاستر للجروح و ادول و الادوية ملوت اليهال المعتاده

وحياج الله حبيبتي

 

[سموالاميره]

تسلمون خاتي الغاليات على المرور

اختي امواج البحر .... في مطاعم هنديه وصينيه؟؟؟

طيب بالنسبه القاري ( الدراجه الهوائيه) اخذهم ملوت العيال ولا لا؟؟؟


وتسلمين عل الفايده.

تحياتي

 

[أمواج البحر]

لا ما في مطاعم متخصصه ... بس مطعم المارين يعتبر مطعم راقي و فيه مجموعه من الاكلات

القواري اي اخذي حق اليهال احسن لان القواري اللي تأجرينهم من هناك حق كبار

 

[Shima-Style]

شوفي حبيبتــي احنا نشتري ماجلتنا من الجمعيه بس ناخذ خفايف مثل الهمبرجر والنقت وهالشغلات وروحي المخبز الالي واشتري خبز وتوست وصمون والعصاير وجم كرتون ماي

وبالنسبه للمطاعم في مطعم البراحه عنده مشاوي وقعده حلوووه وفي مطعم المارينا حلو وراقي واسعاره زينه وبالنسبه للألعاب في صاله العاب وبولينغ وفي العاب برا صوب تاجير القواري نفس طقت العاب الشعب وتاجير قواري في تايرين وفي اربع تواير ... ومن ناحيه الوناسه صج صج راح تستانسون :dddds:

وووبس هذا اللي عندي ورحله سعيده .. بس لاتنسين الكاميرا صوري وحطي لنا صورج

 

[بنت عبدالغني شربت]

ان شاء الله تستانسين وعليكم بالعافيه البنات ما قصروا

 

[حبي يالكويت]

آنا أصحج تاخذين ماجلتكم//////بالنسبة للجمعية اللي هناك واااايد غالية

 

[سموالاميره]

ياماااااااااااااااااااااااااااااااااااااااااال العافيه

تسلمون يالغاليات

اختي لكادي ياليت عرف انزل الصور جان نزلت لكم لو اصور .


تحياتي

 

[BABY MASTER]

رحلة سعيده..

 

[سموالاميره]

مشكووووووووووووووووووووووره

 

[مس فيراري]

انا من رايي تأجلين الخيران شوي لين يتعدل الجو خوفج تروحين وتتعنين و يقلب غبار وسرايات فنطري لين يخلص موسم السرايات و روحي

 

[سموالاميره]

مشكوووووووووووووره على النصيحه

بس احنا بنروح اخر شهر خمسه وهذا الوقت اللي نقدر نروح فيه لان زوجي عنده دوام.


تحياتي

 

[بسمة الروح]

اختـــي توكلي على الله وروحي ان شاءالله تستانسوون


الخميس اللي طاف رحنا حدنا استانسنا

بس نصيحه اخذي ماي وياج واغراض الجمعية كلها من اهني...

لانه جمعيتهم غاااااليه..اتوهق

والافضل تاخذين قواري حق اليهال احسن من روحه ورده التأجير،،

وطبعاً عدة السباحه لانه البحر والاحواض اتشوق هناك
وحتى لو انتي تبين اتسبحين فيه حوض للبنات يشوووق


واذا حابين تشوون اهناك فيه شوايه بس اخذي شويه فحم حده يونس الشوي


ورحله سعيدة

 

[توحة2]

بسم الله الرحمن الرحيم

اختي سمو الاميرة
احنا تقريبا من 7 سنوات واحنا كل سنة فيها و نقعد لمدة اسبوع
اولا بخصوص الاكل الافضل اشتري كل ماتبين من الديرة لان مو كل ما تبينه تلاقينه موجود
ثانيا اول ما تدخلين الشاليه شيلي كل شي لهم من ملاعق و سكاكين وكلاسات و كل ادوات المطبخ وجيبيهم من بيتك هذا الافضل وانت كيفك
ثالثا المطبخ موفر لج مايكروويف و فرن و ثلاجة ولكن الغسالة مافي
رابعا المطاعم مو واجد هناك شرمبي مو حلو كلش داخل الالعاب الله يديم النعمة و البراحة مشويات وخبز ايراني واعطيه ****:: وغيره و مطعم اللاماريا حلو اعطيه **

شهيتيني بالخيران و رحلة سعيدة ان شاء الله aha::aha::aha

 

[بنت الارسنال]

البنات ماقصرو كفو ووفو عليييج بالعافية

 

[سموالاميره]

فعلا كفيتوا وفيتوا وعسى ربي يجازيكم الف خير .

وياااااااااااااااارب ان نستانس


تحياتي