بروح شرم الشيخ ، شنو تنصحوني؟

[أم الطيب]

حبايبي
بروح شرم الشيخ ، شنو تنصحوني اخذ معاي
وشنو الاماكن الحلوه هناك
واي معلومات ثانيه
بس بسرعه بسافر يوم 23/6

 

[¤§ زيتونة §¤]

حبيبتي شوفي هالسايت
http://www.egyptlandmarks.com/Arabic/Hotels_Sharm.asp



ما اعرفها انا بس لقيت لج هالمعلومات



سوري

 

[أم الطيب]

مشكووووووووووووره عمري

بس انا ابي خبرة البنات يلي راحو
شنو اخذو وياهم وشنو يلي يحتاجونه اكثر شي هناك
ووين راحو

 

[سما الكويت]

كنت اتمنى افيدج..

بس مارحتلها..

ان شاء الله البنات مايقصرون..

وتروحين وتجين بالسلامه يا الغاليه..

 

[قبونه]

ياللله قولوا حتى انا بعرف

 

[bambena]

ام الطيب انا رحت شهر 12 كانت بالنهار موت حر وبالليل موت برد

اللي اعرفه انها بالصيف وايد حاره يفضل اذا تقدرين ماتروحين الحين

اذا بتحجزين فندق حرصي انه يكون بنعمه باي لان السنتر هناك

عباره عن فنادق ويمها شارع طويل كله مطاعم وقهاوي

سوق ماكو كله سوفنيرز

اذا قعدتي في مكان بعيد عن نعمه باي راح اتتعنين كل يوم لان هناك ماكو شي

انصحج بفندق موفنبيك جولي فيل او الماريوت او سوفوتيل

عندهم بعد المدينه القديمه سوقها نفس بضاعه نعمه باي بس ارخص

وعندهم سهره الف ليله وليله حجزوها من الفندق بس نصيحه لاتحجزون العشا المغربي لانه غالي وعلى غير سنع حجزوا بس العرض وبره اكو مطاعم وايد تعشوا فيها

فندق الفور سيزن لازم وضروري تروحونله وايد حلو وحتى التلفريك فيه

عندهم رحلات غوص

انا صراحه رحت 5 ايام ماسبحت كلش بس استانسنا
عندهم رحله بالقارب اللي قاعته شفافه توريج السمج اللي بالبحر
المشترى مو زود جان استكانات ولا اثاث ممكن اما ملابس لأ

 

[بتبوتااا]

انا رحت لها قبل ثلاث سنين تيييييييييييييينن
حجزنا بفندق الموفنبيك احسن شي كل شي يمج ..
وفيه عندج رحلات البحر حلوووه والمطاعم حلوووه روحي سفاري
وروحي الف ليله وليله وعندج بعد حفلات احنا بوقتها كان حفله شيرين بالمسرح الرومي
وفي عندج الفنادق تخصص رحلات ,,,

 

[أم الطيب]

بامبينا مشكووووووووووووره عمري
انا حاجزه بنعمة باي

بتبوتا
حياتي ماتقصرين

 

[فلوه]

مثل ماقالت بامبينا حررررر موت ألله يعينكم , أحلي وقت لشرم الشيخ الشتا لأنها تكون دافيه , والأوتيلات الفورسيزن رووووعه والموفمبيمك فولي حلو لو تاخذين الشاليهات مقابل البحر علي طول , وطبعاً كل شي في نعمه مطاعم قهاوي محلات صغيره تلقين البياعين يحكون جميع اللغات إيطالي .. فرنسي .. روسي :eh_s(10): فيه مطعم حلوووه جلساته بالدور الثاني كأنه بيوت الأولين
ولاااااتفوتين طلعات بالبوت سواءً صيد أو غدا يوديك الغردقه ويرجعك , وبراشوت للشجعان فقططط:eh_s(1):

 

[أم الطيب]

مشكوووووووووره فلوووه

 

[ebleeesah]

حبيبتي شرم الشيخ عجيبه و الله يهنيج

شوفي الرحلات كلها روحو لها علشان ما تتحسفون ..ركبوا البراشوت روحو الغواصه حلوه حق اليهال و عندج العشاء البدوي .. و الف ليله وليله ليطوفكم الرقاصه تيتو و بعد عندج البقيات .. روحي حق كاونتر الرحلات على البحر عند الماريوت .. فيه واحد ينقل له فتحي .. ينسق لكم كل الرحلات..
و بعد يا محفوظه السلامه
شوفي بالنهار سباحه او رحلات .. و بالليل عندج خيج نعمه .. كله قهاوي و مطاعم

في مجمع الشايع ..حلو محلت محمد الشايع بسالمجمع روووووووووعه

بس اخر نصيحه اقدمها لج .. روحي مطعم نجمه سينا .. لمكان كحياننوعاً ما بس الاكل بحري و رخيييييييييييص بس اكله اييييننننننن

و الله يونسكم بالعافيه
و على العموم انا رفيجتي هناك الحين وتقول الجو مقبول .. يعني مو خيسه ترا فلا تحاتين

و لا تشترين صوايغ لان مافيها شي ينشرا