بروح سويسـرآ .. وأبي اصحاب الخبـرآ .. بليز }{~

[النااادره]

حبيبتي جنيف حلو انج تقعدين فيها يومين مو اكثر لانها حاره الشمس فيها قويه شوي وكافي تفرينها بيومين او ثلاثه وانصحج عن تجربه انترلكن بارده وامطار صحيح تحسين انج باوروبا وجوها خيالي وفيها الحناطير الخيول تفر فيج انتركن كلها خياااااال سويسرا فيها فندق كريس حلو وجديد ونظيف وبعد فندق انترلكن هوتيل وفندق جراند فكتوريا على حسب ميزانيتج كلهم نفس الشي بس السعر يختلف وروحي منطقة لوزان السنتر روووعه وبحيرتها تشرح الصدر لا تطوفينها وروحي منطقة مونتانا رومانسيه وهاديه وبارده وممطره بس مو للسكن كافيها يوم كامل اقعدي فيها وروحي منطقة زيرمات تروحيلها بقطار ما تدخلها سيارات تفترين فيها بباصات صغار و عربات خيول تونس وصغيره وعندج بعد منطقة مونترو خياليه ضجه هذي بس زوريها روعه السنتر ومطاعمها حلوه واي سؤال ثاني انا حاضره اختج عاشقة سويسراااا ارض الاحلام

 

[قلب عشتار]

سويسرا أه عليها من بلد
حبيبتى جنيف مرور فقط بس الحين بياض الثلج ماراح تستانسين ولاتشوفين الخضار والبحيرات والمناظر الحلوه الا بالصيف
مثل احنا بالربيع حلو جونا اهما بالصيف حلو وينطرونه ؟؟؟
شوفى عندك انترلاكن وحواليها من جبال ومتنزهات وقمه اوربا
لوقانو بالجانب الايطالى حلوه وفيها اولت ليت
زيرمات قريه ثلجيه نقيه مافيها تسمم المدن
فيفى ولوزان ومونتروا يم جنيف وانا سكنت بفيفى قرب المناطق السياحيه
بس انا رحتلها بالصيف مرتين وما افكر اروح الحين ؟
ترين ليش ؟؟؟؟
اولا: اضيع وقتى بالانفلونزا والبرد والمرض من تقلب الطقس
ثانيا: خساير ماديه اهى اغلى موسم الحين للاوربين علشان السكىينغ
ثاللثا: نصيحه روحى لشرق أسيا اسبوعين الجو الحين احلى من الصيف تايلند وسنغافوره وماليزيا والله احسن
نصيحه من اخت لاخت

 

[جنه من الكويت 0]

اختي انا راحيه سويسرا مرتين بصراحه دييييييييييره ما بعبدها ديره رومانسيه وهاديه غير عن اوربا كلها كلها طبيعه وخضار وبحيرات يعني جنه الله في الارض بس انا اقولج اشوي غاليه يعني تحسبين حسابج تفرق عن باجي اوربا بالمصرف بكل شي خصوصا المطاعم راح تنهبكم بس ما عليه اللي يبي الوناسه ما راح تهمه ههههههههههه من ناحيه احلي المناطق ان اقولج جنيف حلوه حق تمشي لا اكثر ولا اقل لان مافيها شي واذا تقدرين تروحين شامونيه تهههههههههههههههههههبل فيها ثلج وشي ما يتطوف بصراحه اهي تصير علي حدود سويسرا وفرنسا تقريبا ساعه بالسياره وتستاهل تروحين لها وعندج زيورخ مدينه واااااااااااااااااايد حلوه واهي اكبر مدينه في سويسرا السنتر الطبيعه البحيره كل شي فيها حلو مجر بس تطلعين تمشين بالشارع هذا بروحه وناسه في سويسرا وانشا الله ما اكون قصرت معاج واذاتبين اي شي ماعندي مانع ايه وتذكرت من ناحيه الفلوس ؟ اخذي فرنك لالالالالالالالالالالالا تاخذين يورو عشان لا تخسرون بفلوسكم لانه اذا دفعتو باليورو بيردون لكم فرنك وجذيه راح تخسرون اليورو وماتدرون اشلون صرف اليورو علي كيفه يعني السالفه بوق في بوق احسن لج الفرنك تعرفين عدل انتي شنو قاعده تصرفين وهذي نصصصصصصصصصيحه من وحده مجربه ومفقه حبيبتي

 

[Samurai]

انا مع كلام الاخت "جنه من الكويت" اصرفي فرنك لسويسرا .. وانصحج تروحين بالصيف .. انا سفرتي كلفتني 12 يوم انا وزوجي 1800 دينار تقريبا .. شامله كل شي .. مع تـاجير سياره بعد .. والله لو تأجرون سياره احسن بعد.. احنا استقرينا في انترلاكن.. وتسكنون بعيد عن السنتر شوي يطلع ارخص .. احنا سكنا بشقه بس كانت نظيفه كأنها فندق ومريحه ومع بلكونه كبيره تطل على الجبال والبحيرات .. كانت احلى وافضل من الفنادق اللي سكناه وانظف بعد .. ب 20 دينار بالليله بس عيبها بعيده عن السنتر ب 20 دقيقه بالسياره .. بس على المناظر اللي نمر فيها كل يوم تسوى ولو كانت ابعد ..
انترلاكن اجمل منطقه .. قعدنا فيها واجرنا فيها سياره ولفينا سويسرا .. ومنها رحنا لوقانو ولوزان ومنترو وفيفي ولوزيرن ..
.. واخر 3 ايام قعدنا في ديفون ومنها رحنا شامونيه (روعه) وانسي (قمة الرومانسيه) .. جنيف ما حبيتها كلش رحنالها زياره نص يوم وردينا

 

[رايقة1980]

ليش ماتروحين زيورخ.. خياااااااااااااااااااااالية صج صج سويسرية .. اخلى من جنيف

 

[فرحه عمر]

اب
اب
اب
لعيونج يا لذيييييييييييذه

 

[قـہۈه فـرنسيـہ™]

حبيبتي ,,,ان شاء الله تروحين وتردين بالسلامهـ ,,, بس سويسرا ترى كللللللللش ما تصلح بالشتااااا ,,, عكس بااااااريس شحلاتها بالشتااااااا روووووووعه ,,,

شوفي اللي يصلح لج ,,, بس حرام عشان ما تندمين

 

[فيفالدي]

عجيب عجيب اب اب اب

 

[الريادة]

أب أب .