بروح سوريا شنو تنصحوني اشتري؟؟

[cute * girl]

السلام عليكم,,

بنات انا بسافر سوريا شنو تنصحوني اشتري؟
شنو عندهم اشياء وماركات حلوه؟
وكريمات بشره وبودرات؟

 

[amylee]

وعليكم السلام حبوبة ، أنا يوم رحت سوريا صراحة مالقيت عندهم شي حلو يعني مافي شي زود عنا كلش ، والله نصيحة مني لا تروحين سوريا لانه يوم رحنا والله كلش ما ستانسنا كله مرضه من جوهم وبعض شعبها حيل طماع يعني ما يتعامل إالا بالفلوس حيل تعبنا منهم ...
وانتي على راحتج ...

 

[0ام الحلا0]

الى روحى وستانسي وانا بعد بروح انشالله متى بتمشون ؟

 

[الجعده]

اتوقع اسواقهم شعبيه من طقه المعلم والمحاميد روحو تركيا احسن والمدن اللى يمها مثل بورصه او روحو اسكندريه افضل وانتى كيفج

 

[~الامبراطـورة~]

اب

ابببببببببب

 

[مســـــافره]

عليج بالعافيه
سوريا جو واكل لذييييييييييييذ مقدوس ومربي بس السوق مافيه زود اللهم الاقطان والشراشف
وتروحون وتردون بالسلامه

 

[خبيرة اعشاب]

الاقطان عموما ( البجايم - الملابس الداخلية ...)
الشراشف
صابون الغار و شامبو الغار
الحلويات
في محلات الحين يبيعون سوالف زيوت و كريمات طبيعية
المواعين بالحميدية


ملابسهم و جناطهم و اكسسواراتهم مو شي تلقينها بالكويت بنص السعر
:33_1185028183:

 

[أحلى همبه كويتية]

تروحين وتردين بالسلامة
الله حافظكم

بصراحة ما رحت ولا مرة ريلي والناس اللي تروح كلش ما تشجعني
صاجة مالأخت اللي قالت بس مرض وامشي وقطي فلوس
قمة الأستغلال