بروح دبي

[anona79]

بروح دبي يوم 9/2
أبي شنو الأماكن السياحية اللي يمكن أروحها ( معاي عيالي )
وشنو المجمعات الحلوة
مع العلم اني بروح 5 أيام أبي المناطق الحلوة

 

[amoon]

حياج الله في بلدج الثاني

فديتج مولات دبي :
دبي مول
امارات مول
ابن بطوطه
برجمان
الوافي

اماكن ترفيه:
حديقة الحيوانات
شاطئ جميرا
ممشى المارينا

القريه العالميه

 

[anona79]

مشكورة amoon
ما قصرتي انتي الوحيدة اللي رديتي
شدعوة يبه مافي أحد راح دبي من قبل

 

[Bamya]

مول ميركاتو بالامارات .. وايد حلو وداخله سينما ومطاعم ومحلات على كيف كيفج وسوبرماركت وشوية محلات تراثية

مول الامارات في دبي .. كبييييييييير فيه نافورة راقصة عند الباب وقرية الثلج دااخل وسينما ومطاعم طبعا .. بستانسون فيه وايد

مول ابن بطوطة في ابو ظبي .. هذا بروحه يبيله يوم كامل شكبره

مول برجمان في الشارقة هم بعد حلو

القرية العالمية .. روحيلها من العصر لين الليل راح تقزر عليها توننننس كلها معارض لكل دولة واستعراضات بالليل تصير عند كل معرض وفيها العاب لليهال يلعبون يستانسون وأكلات تقليدية كل دولة تعرض اكلها .. ونصيييييحة سحبي لج مبلغ محترم من عند الباب لانج اذا دخلتي راح تظيعين الباب وماكو كي نت داخل لووووول

اذا بخاطرج أكشن حجزي رحلة سفاري .. اكيد سامعة فيها .. طريقتها انج تحجزين من اي مكتب اهني (السعر للشخص 10 دنانير) وتحددين اليوم اللي تبين تكون فيه الرحله( لمدة يوم واحد من الصبح لين الليل) .. واهناك اييون ياخذونكم بجيبات يودونكم رحلة للصحرى وتقعدون بمخيم ويظيفونكم بأكلاتهم (بس ديري بالج ترى ساعات اييبون رقاصات show للعشا لوووول هذا انا قلت لج عشان لا تنصدمين)

واذا تبين الأسواق الشعبية القديمة .. روحي سوق دبي القديم في الديرة .. تركبين لنج ويوديكم السوق داخل .. كله محلات تراثية وشعبية وهالسوالف

وعندج بعد سينما الماسة مقابل بحيرة الكورنيش في الشارقة .. مبنى صغيرونو فيه سينما وكوفي شوب وانترنت كافيه ... حلو للتزروقه اذا انتو بتقعدون بالشارقه

كوفي شوب فندق جراند حياة في دبي .. ريلاااااااااااااكس وكلااس

هذا اللي اذكره حاليا

 

[anona79]

thaaaaaaaaaaanks

 

[Mawazi]

المولات في دبي :
ديره ستي سنتر
برجمان
وافي
مركاتو
مول الامارات
دبي مول
دبي مارينا مول << يديد
ابن بطوطه

الاماكن السياحيه :
القريه العالميه
The Walk << رووووعه عااالم ثاني ما يتفوت
Up town في مردف
Jumaira Beach
حديقة الحيوانات
رحلات السفاري
حديقة مشرف

حياااااج في بلدج الثاني ^^

 

[amoon]

ابن بطوطه مب في بوظبي في دبي
والبرجمان هم في دبي مب في الشارجه
صححت المعلومه

 

[مطيريه من الشرقيه]

المولات في دبي :
ديره ستي سنتر
برجمان
وافي
مركاتو
مول الامارات
دبي مول
دبي مارينا مول << يديد
ابن بطوطه

الاماكن السياحيه :
القريه العالميه
the walk << رووووعه عااالم ثاني ما يتفوت
up town في مردف
jumaira beach
حديقة الحيوانات
رحلات السفاري
حديقة مشرف

حياااااج في بلدج الثاني ^^

حبيبتي ياليت توضحين الي بالأحمر شنو يعني

لاني بعد طالعه لدبي قريب


؟؟

 

[Mawazi]

حبيبتي ياليت توضحين الي بالأحمر شنو يعني

لاني بعد طالعه لدبي قريب


؟؟

الاثنين نفس الشي مطاعم و محلات و كوفي شوبات مفتوحه
بس بالنسبه لي The Walk أحلى بوايد لأنه تقريبا عالبحر + فيه ألعاب
و خاصه الحين الجو يساعد انج تتمشين فيه أنصحج لا تفوتين المكان

و هذي صور لـ The Walk







حيااج الله بتنورينا

 

[MaZyOoOoNa]

مشالله البنات ما قصروو وتروحين وتردين بالسلامه

 

[فروحة الكويت]

بنات بغيت اسالكم ؟؟ شقق فندقية الضيافة3

في وير لس والا لا لانه مسافرة لدبي

اتمنى تردونم علي حبايبي

 

[مناوي]

نفس سؤالي فروحه ياليت تردون علينا باقرب وقت انا مسافره بعد باجر

 

[بنت آل مكتوم]

ع سالفة الشقق الغندقيه ما عندي فكره ..

ومآ شا الله البنيات ما قصرن .. قالوا اللي عندهم ..

وأنا أقولكم لا تفوتون the walk لانه صج رووووعه .. وما يتفوت ..

وعندكم في مركز وافي عندهم مكان اسمه خان مرجان واايد غااوي ..

وبعد فيستيفال سيتي حاطين العاب صوب البحر ..

ودبي مول

أبراج الإمارات ..

 

[memy-08]

يا سلام

 

[فساتين فخمه]

رحله سعيده

 

[عاشقة الوطن]

انا كنت فيها الصيف الي طاف وتقريبا كل صيف:dddds:


احسن المولات :مول الامارات وداخله سكي دبي روعه حق اليهال ولو ان برد الحين

وابن بطوطه هادي وحلو

الفيستفال ستي حلو بعد

اممممم والباجي مولات قديمه


اما الاماكن الترفيهيه بصراحه ماكو الا القريه العالميه وما دشيتها بعد كانت مصكوكه وعندهم دبي لاند عاد مادري بطلت ولا لا لان بالصيف كانو يبنونها وفي حق الحريم لكبار والشياب اذا بيروحون معاكم القريه التراثيه اتصير عند جسر الشندقه بين دبي والشارقه وفي السوق الصيني سمعت عنه بس ما رحتله .


وان شاء الله تستانسين اهناك