بروح دبي وين اسكن؟

[زيزو]

الشهر الياي بروح دبي مع امي واختي اسبوع ياليت بنات ادلوني على شقق فندقية رخيصة واهم شئ اتكون نظيفة؟

 

[سنا الفضه]

جربت شقق السندس السويتس تابعه للمريدان

كانت نظيفه وممتازه

 

[& شهد &]

دبي غاليه كثير لو تسكنين بالشارقه ارخص واحسن

وانا سكنت بشقق المجره

 

[supermarket]

ميرديان السندس رووووووعة وعائلي مليون بالمية

اما تبين رخيص ... دبي الرخيص عندها يعني فيه خرابيط

ديري بالج

 

[nice smile]

نصيحه جراند حياة وبس



فندق حلو ويمج مجمع سينمات ..


وقريب عليج مجمع الوافي تقدرين تروحين له مشي ..


وبلنسبه للاكل الفندق فيه اكثر من 10 مطاعم .. واحلى شي مطعم اسمه روشيه عجييييييييييييب

 

[bambena]

انا سكنت بكورال بارك للشقق الفندقيه
الشقه غرفتين نوم وحمامين وصاله ومطبخ مجهز
وخدمه فندقيه
اهو تبع فندق كورال ديره حتى لازق بالفندق والريوق يكون بالفندق
موجوده بس عند سقريات الاوائل بمجمع الدوليه
الليله ب 50 دك

وكانت ممتازه الصراحه

 

[Morena]

رويال ميراج وعندج مينا السلام

 

[زيزو]

يالله بنات ابي اقتراحاتكم

 

[فديتك والله]

في فندق دايم نسكن فيه اذا رحت معى أهلي

اسمه ( سيتي سيزنز ) الصراحه حلو ونضيف ولا في خرابيط وفي حمام سباحه ومساج ولا قباله مجمع سيتي سنتر

 

[nanosa78]

انا سكنت بفلورا بارك روعه شقة فندقيه والريوق بالفندق جبال السيتي سنتر مشي كنا نروح له وراقي وسعره حلو بالصيف كان مسويين عرض ,حتى وصلونا المطار خدمة مجانية منهم يوم رجعنا الكويت

 

[زيزو]

ياليت تعطوني المواقع اللي احجز منها؟

 

[pretty sarona]

انا كنت ساكنة بفندق الراية .. اهو مثل ما قلتي شقق فندقية ,, و موجود بدبي بشارع الكويت ,, وقريب على كل شي يم البرجمان تقريبا و سبنز

 

[أثير الورد]

انا سكنت فى حياة رجنسى

 

[tolip2tolip]

فندق قمرالدين بجانب برج الامارات وايد راقي عباره عن غرف سعره 38دينار

 

[Om 9aba]

تشلسي تاور شقق فندقيه راقية في اول شارع زايد احنا خذينا الشقه اللي فيها غرفتين ليلتها ب 110 دينار بس والله امان وتحتج جميع المطاعم اللي تشتهينها

 

[جوجو.]

انا سكنت بكورال بارك للشقق الفندقيه
الشقه غرفتين نوم وحمامين وصاله ومطبخ مجهز
وخدمه فندقيه
اهو تبع فندق كورال ديره حتى لازق بالفندق والريوق يكون بالفندق
موجوده بس عند سقريات الاوائل بمجمع الدوليه
الليله ب 50 دك

وكانت ممتازه الصراحه

ممممم انا افكر اروح لهم
مشكوره

 

[جوجو.]

في فندق دايم نسكن فيه اذا رحت معى أهلي

اسمه ( سيتي سيزنز ) الصراحه حلو ونضيف ولا في خرابيط وفي حمام سباحه ومساج ولا قباله مجمع سيتي سنتر

نقدر نحجز من الكويت ؟

 

[بنت البحر]

فندق لوتس جراند للشقق الفندقيه حلو ونظيف وكانت الشقه واهم شي الصاله عوده ارتحنا من الفندق

 

[hadeel33]

حبوبة بنت البحر شلون الشقق في لوتس جراند حلوة ؟؟

لان انا حاجزة فيها لشهر 8 شلونها بعيدة ؟؟ حواليها خدمات ؟؟ شلون حمام السباحة مالهم ؟؟ وريوقهم ماشي حاله ولا ؟؟؟ بلييييييييز طمنيني ؟؟ وردي علي ما تقصرين . ​

 

[دمي خفيف]

فندق تاج بالاس .. خووش فندق