بروح الخيراااان الاسبوع الياي !!! وحدي متوهقه ؟؟

[جكورة]

أفكار للغدا والعشــا..
معكرونيــة + همبورجر أو دجاج مشوي
مرق دجاج + عيش
مشويـــات
مجبوس تونـــــه
هريس وجريش ونخي موجود بالمنتزه
ربيان حمســه + خبز إيراني + سلطـــة

 

[زيـنـه]

اختيارات الاكل :
الريوق :
درابيل - كعك - كيك بو سفينه - جاي - حليب - كورن فليكس - توست و خبز - اجبان و زيتون - فول (المعلبات و تسخنينه مع بصل و طماط) - بيض

الغدا:
تبلي دياي من البيت و حطيه بالثلاجه و اشويه ثاني يوم مع عيش مشخول و دقوس
معكرونيه عاديه او بالباشاميل او نودلز
فكري بالاكلات السريعه .. الصواني بالفرن .. او الحمسات

العشا:
دوم مشوي .. و الشوايه الكهربا احسن من الفحم .
يوم شوي كباب و ريش ..يوم همبروقر و هوت دوق .
قلي شكين نقت و بطاط

السناك
فواكه مشكله
كيك سويه من البيت و اخذيه معاج
اذا تقدرين تسوين جيلي او كريم كراميل او محلبيه .
كاكاو
بطاط شبس
بسكوت

لا تنسين العاب اليهال و قواريهم .. و ملابس كثري لهم عشان ما تغسلون وايد (كلها 4 ايام)
و شراشف و فوطكم و مطارات للجاي و القهوه .. و استكانات و فناجيل معاهم القفاش الصغار و الشكر .
مطاره للماي .. و بنفس الوقت كثري كراتين الماي
و بيبسي و عصير و حليب كاكاو او نكهات لعيالج
وفيمتو .. اذا انتوا من عشاقه
و شمسيه كبيره للبحر و طفاحات اليهال
هذا اللي في بالي

 

[smily]

اخذي لج دبر وير و حطي شي للبصل مقصص و احد ثاني للثوم و احد للخضرة "بقدونس و شبنت و هل السوالف"
يوفر عليج الوقت
الغدا زهبيه قبل لاتطلعون يعني اذا تحبين تسوي صينية دجاج بالفرن تبيله و خليه جاهز و غلفيه عدل عدل بحيث اول ما توصلون بالسلامة بس تفجينه و دخلينه الفرن او اذا تبين لازانيا بالبشاميل نفس الطريقة سويها باليل و خليها مغلفة عدل بالثلاجة و الصبح تطلعينها تغلفينها عدل عشان ما تنكب بالسيارة ولا اذا تحبين صينية كفتة لحم مع الخضار
و انتوا و شنو تفضلون
و العشا على ذوقكم تحبونه خفيف يعني شغل اجبان و جذي اخذي اجبان و زيتونات و مكدوس
او طبعا سوالف القلي السمبوسة و الكبب و السبرنج رول والنجتس و الشبس

طبعا المكسرات و العصاير و الكولا و الشاي و القهوة و اخذي معاج بعد نعناع و بابونج سبحان الله ما تدرين
و بعد الباندول و توابعه

و شي اكيد عدة النظافة و اول شي الديتول و اجياس الزبالة و انتي بكرامة

اي بعد اخذي معاج عدة الطبخ الملاس و رفقائه احسن
و صحون اخذي بعد

وبس ان شاء الله تستانسون بالشاليه

 

[الفنانه79]

يعطيييييييييييييييييكم العافيه بناااات

واااااااااايد استفدت من افكاااااركم

 

[رفرف]

ماقصرو البنات ..

والاكل يعني اذا نقصج شي انشالله مو مشكلة في سوبرماركت صغيرة وفي مطاعم ..
ودي معاج نودلز وبطاط شبس وبفك وخرابيط وسوالف مثلجات حق القلي للعشا همبرجر ونجتس وبطاط ..
بس اهم شي شغل اليهال مايوهاتهم - سن بلوك - كبابيس - لايف جاكيت - تكرمين نعل للبحر - قواري او سكوترات - كرة

 

[شرطيه حلوه]

والله شوفي كثر ما تقدرين ودي معاج أكل

خو أحنا بالخيران مادري شيصير فينا ماكو شي ما ناكله
أنا هالسنه رحت بروحي انا وريلي شاليه ويوني الأهل يوم واحد وديت بطاط للقلي وهمبرغر وصمون وتوست ومرتديللا وأجبان وحلوم طماط خيار خس خبز ماي بيبسي عصاير
كاكاو بطاط بسكووت حب مكسرات فواكه كيك سرالي شريت حلو ومعجنات من الخباز حق أول يوم ولفيت غرشتين ورق عنب ماشالله ماشالله والله طاروا ما بقى شي زين ما كلوووني لوووووووووووول
والله ودي اللي تقدرين عليه خصوصا اليهال اإا راحو البحر وردوا ميتيييين يوع
انشالله يارب تستانسوون بالشالييد
ايه لاتنسين الكاتشب والمايونييز

 

[أم حسون]

حبيبتي اخذي حق الريوق كرواسان وصمون وكورن فليكس ونولدز(اندومي)بطاط بيبسي عصير شبس ككاو وككي والقهوه بانواعها
المرتديلا والاجبان والزيتون معكرونيه بطاط برجر نجتس وطبعا اكو هناك مطاعم وبقاله بعد ان قصرج شي

 

[الفنانه79]

للرفع

 

[فيونكا فوشيهـ]

اممم احنا قبل اسبوعين رحنا الخيران

اهم شي الشراشف و الكنابل
و الصابون حق الحمامات و انتو بكرامه
صحون و قفاش و قلاصات السفري
لأن اذا اليهال كسرو شي تبتلشين فيهم
و الجوله اذا بتطبخين لأن جولتهم مو زينه
و مايوهات و فوط و شامبو و الصابون و النظارات ملوت اليهال
و لاتسين كراتين الماي و العصير و البيبسي و البطاط و الككاو
و اذا تبين هم البرد ( اهناك في باسكن روبنز)
حق الغدا على حسب اذا معاج خدامه تخلينها تطبخ و جذي على راحتج تسوين اللي تبين احنا كنا نسوي عيوش لأن كنا وايد اهلي و عيال عماني و خوالي
و العشا معكرونيه او مشويات اذا تبون اهما اهناك ييبولج كل شي حق الشوي تأجرينهم و الفحم تشترينه من السوبر ماركت اللي بالخيران في كل شي اهوا داخل يعني حتى تروحيله مشي أو خفايف اذا تبون
و تسوين من البيت ورق عنب و ملفوف و كيك و فطاير و هالاشياء يعني اللي تحبونه و تاخذينه معاج
و مطاعمهم مو شي كلها مطعمين ووصخيين
ووو شنو بعد اممم ترا ماعندهم استشوار
و القواري او السكوتر و الرول اي شي يحبونه اليهال
و اخذي جواتي رياضه حق المشي و شحاطات حق البحر
و امممم مااذكر بعد

 

[فيونكا فوشيهـ]

و لا تنسين البنادول و الادويه و البلاستر اهم شي احنا تأذينا اهناك
و قطرة تعقم العين لأن اهناك يانا غبار تأذيت حدي
و ادويه موضعيه ملوت العظام العوار بيذبحكم هههه ماكو لياقه

 

[مس باتشي]

انشالله تستانسون وتردون بالسلامه

 

[LuLiTa]

عشااان ما اتعذبين روحج بالطباااخ اهناك
روحي مخبر الجمعية و اخذي منهم الفطاير الصغار المشكلين ( هذول يحبونهم اليهال) و اخذي صمون فررش من المخبز بعد
و اخذي من الجمعية همبرغر و نقانق و كبب مثلجة و هالسوالف
أو اتروحين مركز سلطان تلقين عندهم لحم و سمج صغير مقصص و متبل حاطينهم بسيخ و انتي عليج الشوي

 

[@عطر@]

أختي ولا عليك أمر من وين حجزتوا وبكم أنا ودي أودي عيالي الخيران ومو عارفة من وين أحجز

 

[أم الخلطات]

امم انا اقول لا تاخذين وياج ادوات تتظيف ولا بسكوت و عفسه ..
هناك في جمعيه تينن فيها كل شي ..
عشان ماتثقلين على نفسج ولا على زوجج

 

[tofy]

للرفع موضوع وايد حلو

وسجلت عندي الشغلات الي كتبتوها

 

[القطانيه]

ماقصرو البنات

 

[Brounzi_girlly]

عليكم بالعافية فنانة إن شاء الله تستانسين إنتي وعيالج وريلج اتوقع خلصت رحلتكم
مع التحية............

 

[ام فهوودد]

حبيتي الفنان ليش متوتره جذيه تراه كله شاليه مو سفر بعدين كل شي متوفر بالمنتزه يعني كل يوم ايونج ملوت التنظيف ينظفون وفي جمعيه فيها كل شي متوفر يعني لاتضايقين عمرج بالكراتين اول ما توصلين روحي الجمعيه واخذي الي تبين وثاني شي ترا فيه مطعم اشمبي وفيه القهواباليل تفتح كلها مشاوي ومشاويها اتهبل وعندج بعد مطعم ثالث داخل الصاله والله كل شي بالجمعيه لا تحاتين

 

[طويلة البال]

رحله سعيده يارب


بقولج اللي يطري فبالي


معجون اسنان وفرشاتكوم لا تنسينهووم
ديتول
ملطف الجو
فوط
كريمات حمايه من الشمس
بلاستر لاسمح الله صار شيء ..ان شاالله ما يصير الا كل خير
عود اذون
كلينكس يمكن يخلص اللي عندكوم
ومشط
وشباصه
كاب
نظاره شمسيه

الاكل
كرتون كتكو
كاكاوو وحلاوو وعلووج..
وحب شمسي ومصري وفستق وهالسوالف..
قهوه اذا تحبين او نسكافيه
جاي - حليب - عصير -بيبسي-
كرواسان
بسكوت ..دايجستف
خبز
صمون
جبن قلاص
كرتون طماط
خيار
جزر
يعني تقدرين تسوين فيهوم سلطه او بدون
قرص عقيلي مال مطاحن
وكب كيك
وصج لا تنسين ماااااي كرتون ماي
فواكه برتقال وتفاح وخوخ ومشمش
رقي واناناس
لا تنسين السماط
واذا عندج بعد كراسي اللي تتصفط
اي صح لا تنسين صحون وقفاش و قلاصات..
واهم شيء لا تنسين
كاميرا عشان تصورين وتوارينا


ورحله سعيده

 

[أميرة الحزن:)]

لا ييبا ليش شايله هموم الدنيا فوق راسج
سهالاات