بروح الخيراااان الاسبوع الياي !!! وحدي متوهقه ؟؟

[الفنانه79]

السلام عليكم


الاسبوع الياي اذا الله كتب بروح الخيران انا وزوجي واعيالي

بناااااااات وهذي اول مره اروح انا وزوجي واعيالي الشاليه (بروووحنا)

يعني كل مره اروح مع حمولتي او اهلي جذي يعني

وانتشاااارك


بس الحين بروووووحنا

ابي مكنم اتقولوووووولي

شنو اخذ معاي اغرااااض حق اليهااال ؟؟

اغراض الثلاجه او الماجله غدى وعشى وريوق جذي يعني ؟؟

سناك او حلو حق العصر ؟؟

وادوات تنظيف ماابي شي يقصرني

وانا رايحه اهناك4 اياااام ابي استااااااااااانس فيهم

ماابي اتوهق ويقصر علينا شي هذي بعد تصير مشكله اشلوون ومنو بيحدر اييبلنا اغراضنا ماااااحب يكون شغلي نااااااااقص وموكاااااامل

تكفون بنات االلي عندها خبره بهالمواضيع ياليت اتفيدني وتقولي علشان اسويلي لسته ويكون كل شغلي جاااااااااااهز وكامل

ووووووو
بعد يعني اول يوم طبعا راح انتغدى ونطلع يضل عندنا العشى مثلاا شنوووووو اسوي ؟؟؟

ثاني وثالث يوم ؟؟؟ شنو تنصحوني اخذ حق الغدى والعشى والسناك العصر والريوووق ؟؟؟

واحنا طبعنا اذا رحنا الشاليه واليهال يدخلون البحر انجهز لهم ساندويشااااات خفيفه حق عقب مايطلعووون من البحر

والله حيييييييييييييييييييييل مخي امشتت بنات ماادري شنو اسوي

تكفوووووووووووووووون ابي رايكم ومسااااااااعدتكم :tek:

 

[supermarket]

ودي معاج كراتين ماي وعصاير وبيبسي

ولليهال بطاط وبسكوت وكاكاو

وللريوق اجبان وزيتون ودرابيل وهالسوالف والبيض بعد

والعشا احنا نحب الشوي كلش كلش اشوي لكم برغر وسوسج واقلي شيبس

والغدا سوي لج شغلات سريعة مثل المعكرونية ودياي مشوي لانج موياية تطبخين

واذا تذكرت شي راح ارد لج ... رحلة سعيدة

 

[الفنانه79]

مشكووووووووره حبيبتي سوبر ماركت اي والله يااليت اذا تذكرتي شي تقوليلي

 

[supermarket]

اي نسيت لاتنسين سوالف الحب والقروضات والجاي والقهوة العربية والتركية

وسوي لج كيك اسفنجي او قرص عقيلي وقصصيه من هني يكون جاهز

خبرج لما نروح الشايه والا البر

يكون علينا نذر مانسكر حلوجنا

 

[الفنانه79]

اييييييييييييي والله سوبرماركت وانتي الصاجه

انا قلت يمكن اسوي كيكه من اهني او اخر كيك اللللللللل سارا كيك بالفانيليا والكاكاو جذي يعني

 

[supermarket]

انا مادري شنو فيها الخيران

دايما نحجز شاليهات الناس ماعمري حجزت بمنتزهات

عدة النظافة : صابون لغسيل الهدوم - صابون ايد - صابون واسفنجة للاماعين

لعيالج الله يحفظهم : شامبو - بودرة - واقي الشمس للسباحة - بيبي اويل لي طلعوا من البحر

 

[الفنانه79]

بعد قلبي سوبر معااااااااي على الخط

وقاعده اسجل الاشياء اللي اتقولينها

انا حجزت الخيران علشان اعيالي يلعبووون ويحبون القواري وعلى الاقل في اوااااادم وحمامات سبااااحه

ولا لو علي انا مااروح حااااامل واتنسى مالقي خلللللللق نفسي وماراح لا اسبح ولا اركب قاري ولا شي

بس حق هاليهاااال

 

[nero]

لا تنسين الديتوووول .. الرشااش اهم شي عشان تنظفون المكان وترشونه على الارضيات والحمام تكرمين

احساس النظافه مهم

 

[الفنانه79]

يعطيج العافيه نيرووو

 

[الفنانه79]

ويييييييييييييييين باجي البنات تكفوووون ابي تفاعل بالموضوووع حدي متوهقه

 

[لاهنت ياجدي]

تحتاجين علاق للملابس لان مافي ارفف
و مواد تنظيف للحمام وممسحة ماي ومكنسه صغيره
سجاده كبيره الخفيفه اللي تتسفط في منها بالميره اذا تحبون قعدة الارض لان سجادهم وصخ وصغير
شراشف لان شراشفهم فيها غبار وكنابل
طشت لغسل الملابس لان مافيه غساله وصابون لغسل الملابس
ومطاره للماي وفيمتو او تانج للعصر وشاي وقهوه
وبسكوت ومكسرات و بوب كورن وعصاير
همبرجر اشياء خفيفه للعشا
وعموما هناك فيه مطعم فطاير وساندويشات كل اللي عليك تركزين على الفطور
والغدا العشا سهل
قواري لليهال
ادويتهم ضرووووري خافض حراره اعملي حسابك لانهم احتمال يمرضون من السباحه
مايوهاتهم واللايف جاكت عشان السباحه
كبابيس عن الشمس ونظارات كريم حمايه وتكرمين جواتي بحر
فتاحة علب وخبز وصمون واجبان مفارش سفره
صحون بلاستيك وكاسات اذا ماتبين تستعملين اغراضهم
مطارة شاي وقهوه والعاب الرمل وسكين
اذا كنتوا حاجزين استوديو فيه 4 اسره اغراض الحمام
هذا اللي اذكره وان شاء الله تستمتعون بعطلتكم:eh_s(8):

 

[supermarket]

اذا نويتوا الشوي لاتنسون الفحم والشبك والاسياخ والولاعة

وكل لوازم الشوي

اي ولاتنسين القصدير والنايلون يمكن بتغلفين شي

 

[كويتية أصيله]

أنا توني راجعه من الخيران أهم شي مواعين بلاستيك وملاعق وشوك وأستكاناتج وشكر وشاي وحليب ونسكافيه .

كراتين ماي كثري حر واليهال وايد يعطشون ....... مناديل ديتول النظافه بالخيران لج عليها .

شراشف وأغطيه للمخاد. جكن ناقتس ويطاط و زيت للغلي. ببيبسي (فواكه حلوه بالصيف)

مطارات للماي والجاي.

والله يوفقج

 

[كيوي كويتي]

انشاءاللة يفيدونج البنات حبيبتي

 

[همسة ورد]

اخذي معاج كل شي بلاستيك نايلون للقط ..

اخذي معاج صمون وجبن قلاص لان اليهال بيوعون بالبحر وشبس اي ولا تنسين العصير والبيبسي اخذي كميه عشان لا ينقصكم ..
اي ولاتنسين نعل تكرمين حق اليهال حق التراب والبحر .. اخذي جواتي حق السباحه بالبحر لان البحر فيه صخر ..

ولزاف جروح .. وحق الغدا اخذي ربيان معاج منظف ومقشر عشان هناك تسوينه حميسه او برياني او بالفرن .

اي وروحي لحام اخذي لحم عرايس متبل وحطيه بالثلاجه عشان هناك تحشينه خبز وتسوين عرايس ..

بس اهم شي العصاير حق العيال خبرج حر ويبون يشربون على طوول ..

اخذي كرواسان وحليب وهناك اكو باجيلا ونخي تقدرين تطرشين الخدامه .. واخذي كورنفليكس حق العيال ...

واخذي شاحن تلفون وكاميرا حق التصوير والعاب حق البحر والرمل حق بليل

 

[همسة ورد]

واخذي قلن زيت حق القلاي .. وبطاط مثلج وهمبرجر ونقانق ومرتديلا ..

وحطي عيش بمقياسكم حسبي .. وجم حبه طماط على بصل على فلفل بارد على كيس معكرونيه بلاليط على نص كرتون بيض جذي هالسوالف

 

[bnt_7waa]

البنات ماقصر

بس على فكره اهناك فيه مطاعم وجمعيه حتىمركز سلطان قريب منكم.

 

[ملكة أسرتي]

البنات ماقصرو ..بس عندي فكره أذا تبين مرق العرقة مع اللحم وخليها بالفريزر وأذا جيتي تسوين المرق هناك حطي بس الماي والخضار الي تبينها وخليها تستوي وجذيه يصير المرق سريع وما تطولين القعده بالمطبخ ..

 

[قلبي*خضر]

1- كواري اليهال والعابهم اهم شي
2-ملابسكم وفوطكم وشراشفكم
3-اسكناتكم وفناجيلكم ومطاطيركم للشاي والقوه
4-حلو وبسكويت وبطاط وكاوكاو وحلاو وعلوج لليهال
5-شاحن موبايل مكياج كريماتك وفحم بخور وبخور ومبخر
6-في جمعية موفره كل شي اذا نسيتي شي
7-هذا احنا يا الكويتيين اذا بنروح الشاليه سياره ماجله وسيارة فيها الاوام جنه بنروح بر مافيه احد مو شاليه:dddds:
8-خبز توست شامبو صابون وديتول مع ان ديتولهم يجنن

واذا تذكرت رجعت لج

 

[الفنانه79]

يعطيييييييييييييييكم العافيه

بس ودي بنااااااااااات انكم تعطووووني افكاااار شنو انسوي حق الغدى والعشى والريوق