بروح الخبر يوم وارد شنو احلا المجمعات

[مس فاشن]

السلام عليكم
بنات بروح الخبر باذن الله يوم وارد
شنو احلا المجمعات الموجوده
ابي ملابس حقي للعيد في محلات حلوه ؟
ابي دراعات
بليز عطوني الاسامي

 

[سعودية عسل]

في عندك مجمع الراشد في محلات دراعات حلوة ومحلات للمصممات بحرينيات
وعندك مجمع فنيسيا في محلات دراعات ومجمع الظهران
وفي شارع السويكت محلات العبايات حلوه مره

 

[Art Teacher]

اب
اب
اب

 

[ام عفاف الكويت]

عفيه ان رحتي عطيني رايج يسوي اتعني او غالي انا نفسج افكر اروح يوم وارد

 

[ابتسمامه]

اكبر مجمعين الظهران والراشد
والسويكت للعبايات والشيل والمواعين حلو

 

[أنفاسي دخون]

فينيسيا والراشد والظهران والسويكت اغلبها عبي وعندش قريه القصيبي بعد ورباعيات

واكثر البدل تحصلينهم بفينيسيا والظهران

 

[مس فاشن]

ام عفاف
ان شاء الله حبيبتي

ابتسامه و انفاسي دخون
مشكوووووووورين ماتقصرون

 

[CrystalQ8]

ان شالله باجر بمشي وارد بالليل الخبر امدحولي شارع سويكت ان شالله يسوي

 

[(*m*)]

شوفي محل fami 9 لوحته بالاورنج عنده اشياء حليوه وعلى مااعتقد ماله فرع في الكويت

 

[مس فاشن]

مشكوووووورين

 

[^عطور^]

افضل مجمعات الشرقية مجمع الظهران مول

 

[رومانسيه 89]

في مجمع الظهران وفينسيا والراشد وفي شارع سويكت كله عبايات وحلووين عبيهم والله آنا خذيتلي 5 عبايات والله تهبل وفي بعد مواعيد وغيره وتروحين وتردين بالسلامه

 

[عبق الزهور]

مافي دراعات عندهم بس يمكن تحصلين
روحي الظهران مول وفنيسيا مول
الراشد لاتتعنين له لان سفرتج كلها يوم
روحي لسويكت اذا حابه العبي هناك كل محلات العبي يعني لاتروحين وتضيعين وقتج على اماكن ثانيه يمكن ماتحصلين اللي يعجبج فيها
وفيه عندهم الجمعه سنتر رووعه كله فساتين بس حسافه سكروه للتجديد
واممممممممم
يعني انا انصحج هالامكان بس اذا سفرتج يوم واحد

 

[بنت بو متعـــب]

هلا حبيبتي


انا بالنسبه لي التووب الراااشد
هو فيه كل المحلات والماااركااات ويناسب كل الطبقاات
والبوووليفااارد بعععد <<القسم النساائي

وعندك الظهران مول هم احسن مجمعين
فينيسيا بعد ممكن
وفي تزلج نسااائي بالشاطئ مول بالدمام اذا تبين ترفيه من الصبح الى المغرب اتوقع<<مدري شدخل

واذا عبايات وخراابيط الجمعه سنتر وسويكت
وفي اذا ملابس للعيد عندك محلات نسااائيه لاكن مو جنب بعض يعني حق مصممات

عندك بالحداااد بالخبر نساائي وفي محل ناسيه اسمه بسئل امي
وعندك جوولي فاشن بالخبر

في محلات نسائيه تصلح للعيد وااجد لاكن داخل دواعيس بسال ماما عشان ماعطيك معلومات خطا

اما عن الدراعات او حنا نسميها جلابيات انا بنت وهاذي خرابيط الكبار او الحريم مو بنات وترا مانلبس بالسعوديه
كثير جلابيات مثلكم او مثل الامراتيات
عشان كذا ماعندي خلفيه

واذا جعتي بالليل ومنها تبين ككم محل عند الجسر>>مو جسر البحرين خخ لا ينقاله جسر بالخبر طريق الكورنييش عندك مطاااعم كثييره عند ماك وبرجر كنج وفرايديز وابل بيز وغيرهم وااجد في شاارع في كم محل زارا وكم محل ومجمع التركي هذا ساعه يسكرونه ساعه يفتحونه بس مرا صغير جنبه في محلات
اتمنى افدتك

 

[مواصله]

روحي العثيم او مجمع الظهران

 

[T R F]

ياهلا بك .... ماقصروا البنات

 

[كويتيه كول..]

مجمع الراشد ومجمع الظهران

واذا تبين عبايات حلوه بشارع سويكت

 

[Loca]

عنـــــدك مجمـع الــــراششد والظهــران مـــول

وفي كممـان العثيـم مول بعيــد بـالدمام بسس حللــــــو ’’

ممنــوره بـديــــار الخيـــر ..

 

[مس فاشن]

مشكووووورين
انا رديت بالسلامه
والله حلو رحت الظهران مامداني اروح الراشد
بس العبي وايد غاليه كل فوق 800 ريال
وعاديه ماتسوى هالاسعار

 

[رتبه دبلوماسيه]

مجمع الراشد يهببببل