برنامج نفاسي

[يارب يطيب عبود]

مرحباً كويتيات
وأهلا في الحامل واللي بتحمل واللي ولدت

المهم بدخل في الخضوع على طول

بعد مالفيت كل المنتديات وشفت كل برامج النفاس حطيت لي جدول أمشي عليه في نفاسي
بس انا مو خبره في هالأمور فما أدري اذا فئة شي ناقص أو خطا(يعني أعشاب مايصلح تخلط مع بعض)


بحط البرنامج واللي عندها خبره ياليت تفيدني


1- في الصباح - كوب حليب مع زنجبيل وفلفل أسود
- ملعقة من اللهوم واللي أهي ( نانخة - كراوية- حبة سودا- ماش- قرفة- قرنفل- حلبة)


2- العصر. - قهوة النفاس واللي أهي ( قشر قهوة- زنجبيل- قرفة- واتسون- شمر)


3- العشا. - شاي الزعتر


4- في أي وقت تمرة النفاس واللي أهي ( تمر مع زبدة وحبة سودا مجروشة وفلفل أسود وشوي رشاد)
وتشكل على شكل كور وتوضع بالفريزر


5- الغسول بعد ما تطيح الخيوط ( كاس ملح فارسي- نصف كاس مره وارطا وقشر رمان وشيخ)







العشرين يوم الأخيره من النفاس نفس الأولى بس بغير اللهوم
في الصباح (كمون- محلب- رشاد- مسمار- فلفل أسود وأبيض)
في المسا ( ماش- زنجبيل- فلفل أبيض)








أرجو أنكم تفيدوني اذا فيه أخطاء أو يبيله تعديل
وان شا الله بنزل بعد برنامج العناية بجسمي
انتظر ردودكم ولكم أطيب أمنياتي



أم عبود

*

 

[يارب يطيب عبود]

آسفه الموضوع كله أخطاء املائية

 

[om MaRyooM]

حلو برنامجج .. وانشالله تلتزمين فيه

وعن نفسي ماقدر افيدج اذا في شي ناقص ولا شي لأني كلش عليمية بهالسوالف

 

[يارب يطيب عبود]

ام مريوم مشكوره عالرد
وان شا الله تولدين بالسلامه

 

[احلى.قمر]

مشكووووره والله يوفقج ويخليلج البيبي

 

[يارب يطيب عبود]

بنات بسألكم الماش والرشاد لازم أحمسهم ولا أحطهم على طول

 

[زينانه]

انا ملاحظه انج كاتبه الغدا والعشا بس شاي اعشاب
زين شنو الاكل اللي ناويه تاكلينه
انتبهي من الجوع وقلة الاكل بالنفاس
ولاتشربين ماي على معده فاضيه

والرشاد ينحط بالتمره بدون حمس طبعا


وبخصوص اللهوم اللي اعرفه انه من اليوم ال 20 و ورا

و اول 20 يوم لازم تشربين حلبه ..وتوقفينها اخر 20 يوم

 

[زينانه]

الحلبه اول 20 يوم بس
وثاني 20 يوم لاتاخذين شي فيه حلبه
اول 20 يوم سوي الصبح حليب بالحلبه وثاني يوم حليب بالزنجبيل الاخضر الطازج وهكذا عشان ماتملين من طعم الحليب وطبعا يفضل الحليب السفتي مال التموين عرفتي.

واللي ينشف الحرمه ويينظفها اللهوم .. وتاخذينه من اليوم ال20 وورا لل 37 كافي
عباره عن فنجال قهوه من التالي:
رشاد حب... محلب مطحون ... مسمار مطحون ... كمون مطحون...حبه سوده مطحونه
من الحين سويها واحفظيها بعلبه .. عشان من يكمل لج 20 يوم بلشي الهمي منها قفشه عالريج ووراها حليب زنجبيل طبعا .. ووقفي الحلبه كلش


وطبقي هالشي على دورة اخت النفاس
اول 3 ايام حلبه ومن اليوم الرابع وورى وقفي الحلبه وبلشي باللهوم




نظام اكلي بالنفاس عادي جدا
ما احب العقد واللويه
المهم ان اكلي دافي ويحتوي عالفلفل الاسود والدارسين والحبه السوده والرشاد والزنجبيل البودر
وابتعد عن الباميا والملوخيه والرقي والكوسا والبيبسي والحوامض والايسكريم والبارد من الاكل والشرب
واذا بغيت اشرب ماي شربته بعد الاكل و برودته وسط غلط تشربينه بارد ثلج

هذا نظامي البسيط

انا ريوق حليب بزنجبيل او حلبه مع خبز وبيض بفلفل اسود زياده او قروص خبز تاوه
عقب الريوق عال ١٢ الظهر عصيده
الغدا طبيعي غدا البيت بزيادة فلفل اسود ودارسين
عقب الغدا شاي زعتر او اعشاب خاصه للنفاس
العصر اطبخ دوا مع حليب لان مااحبه مع الاكل واشربه كله طبعا غثيث
المغرب حريم وقهوه وفطاير بس انا احط بفنجالي مسمار مطحون
بس مااكثر فطاير لانها موزينه للنفاس واكل من تمرتي المعجونه بدوا التمره اللي انا اشتريه
من مره شاطره، دايم اخلي هالتمره جدامي حتى بوجود الحريم

العشا قبوط لحم او مرقوق او محشي المهم انوع عشان ما ازهق

 

[La t7atini]

والله ماعندي خبرة بهالسوالف

بس شكلا حلو لان اغلب الي قلتيه
قاريه عنه

ان شاء الله تلقين النتايج الي تبينها واحسن

وياليت يفيدونا الخبيرات

 

[La t7atini]

صج ماشفت شي عن البخوور وهالسوالف

 

[aliah]

تقريبا نفس النظام اللي مشيت عليه
ويمكن بس اول سبوع تالي ماقدرت خرتها والنفيسه كانت استغفرالله
بس الحمدالله مافيني الا العافيه

 

[يارب يطيب عبود]

مشكورة زينانة على نصايحك اللي اكيد فادتني
والغدا والعشا اكيد مو بس شاي بس ما كتبتها لانها اشياء معروفه


واللي قالت عن البخور الصراحة انا ما حب البخور وهالسوالف
بس يمكن اخر النفاس اجيب وحدة سودانية تبخرني بخشب الصندل يمدحونة مراااااا


شكرا لكل وحدة ودت على موضوعي

 

[@ام يوسف@]

ااب

 

[يارب يطيب عبود]

وينكم
انتظر ردودكم عشان أعتمد البرنامج ولا أغيره

 

[زينانه]

بخور النفاس
تبخري منه اول ماتطلعين من المستشفى
عشان الجرح لايشم ريح وعطور ويلتهب عليج

اما تشترينه جاهز من عطار شاطر او من مره شاطره
وممكن انتي تسوينه عباره عن قشر بصل وكمون وقشر قهوه وخواجوا

 

[يارب يطيب عبود]

رفع

 

[محترفة خلطات]

بصراحه انا شفتك كاتبه اشياء كثيره وهالاشياء ترى تسخن
فلازم تعرفون ان مولازم تتسخنين ،، يكفي انك تستعملين قرفه وكمون وزنجبيل با ل 34 يوم الاولى و6 ايام الاخيره قشر الرمان ،،
وكثروا من اكل التمر تراه يقوي جدار الرحم وفوائده كثيره

والغسول افضل شيء ملح خشن ومره وشيخ اغليهم وصفيهم وحطيهم بقوتي بالثلاجه وكل مابغيتي تغسلي ضيفي لهم شوي فاتر عشان يصير فاتر شوي مايكون بارد ولا حار


وعشان لاتشتمي خذي معاك عطر للمستشفى مباشره بعد الولاده تعطري وعطري ملابسك والبيبي والصاله

ولاتكثروا عليكم السوالف والخرابيط

تدرين ان بدول الغرب ممنوع هالشيء والا تلاقي النفساء ماشاء الله ثالث ايام ولادتها ماشاء الله وكانها مو والده

والله صديقتي باسبانيا قالت لي انهم بعد ماولدت مباشره كبو على بطنها جالونين ماي مثلج وتقولي قلت خلاص

هذي اخر ايامي وتقولي مباشره طلع الرحم وشد وتقول والله طلعت من المستشفى كاني مو والده

لازم بعد الولاده تتسبحون مو تخلوا حالتكم حاله لا وتنظرون ليما تخلص الاربعين او ينقطع الدم ،، لا تنظفوا وغسلوا وتسبحوا وخلي دايما ماي السبوح على درجة حرارة جسمك ولاتكعدون تلفون ببطانيات وشرابات وكثرة الملابس،، الشرابات خلوها بس اول يوم بالمستشفى وبعدها مارسوا حياتكم طبيعيه

​

 

[يارب يطيب عبود]

حبيبتي محترفة خلطات يعني وشو تسخن ما فهمت عليك
شتقصدين؟

وبعدين التسبح لازم يوميا
من نفاسي ببكري وأكيد بنفاسي هذا بعد
اذا جلست يوم ما تسبحت احس اني أقرف من نفسي
مع جونا اللي الرطوبة فية مليون

 

[محترفة خلطات]

حبيبتي محترفة خلطات يعني وشو تسخن ما فهمت عليك
شتقصدين؟

وبعدين التسبح لازم يوميا
من نفاسي ببكري وأكيد بنفاسي هذا بعد
اذا جلست يوم ما تسبحت احس اني أقرف من نفسي
مع جونا اللي الرطوبة فية مليون

اقصد بتسخن ان في اعشاب تسخن تدخل دفى للجسم يقولون لك يعني ماتاخدين برد
بعد الولاده وترى اغلب الاعشاب اللي ذكرتي هي حاره وكل ما احتر الجسم وسخن كل مازادت كمية تدفق الدم وممكن يسوي نزيف ،، شوفي مثر واحده اذا تبي تنزل عليها الدوره تروح تشرب قرفه طدارسين" عشان شنو يسخن جسمها وتنزل الدوره

وصادكه السبوح ضروري كل يوم بس في بنات تقول لا ليما تخلص الاربعين او تمر عليها فتره وهذا غلط طبعا ​

 

[يارب يطيب عبود]

مشكورة محترفة خلطات
يعني المفروض أقلل من الاعشاب الحاره