برنامج لزيارة البحرين 5 أيام - عطلة العيد

[أحلى همبه كويتية]

نويت ان شاء الله اروح البحرين بعطلة العيد لمدة 5 أيام
:gr4uu::gr4uu:
ياريت تساعدوني بالأماكن الحلوة والمجمعات اللي أزروها وخصوصا ان معاي عيالي
ابيهم يستانسون قبل لا المدرسة تغثهم


:q8:

 

[أحلى همبه كويتية]

واي الفنادق أو الشقق المفروشة ترشحون لي ؟؟؟

 

[[..كـــــرك..]]

لبييه الغاليه

شوفي الشقق احسن شي بالنسبه لي شقق السيف شي عجيب نظيفه ونظام ايكيا

والاماكن انتي امشي وتشوفين كل شي جدامج خخخخخخ مايحتاج وصف

مجمع السيف والعالي والقديم وووووو الخ

بس لاتنسين تمرين المحرق تاخذيم حلوى ومتاي شويطر

موفقه

 

[galaxy]

وانا بعد بروح البحرين بالعيد ان شاء الله
ابي الاماكن الزينه
وين القى العبايات الحلوة؟؟؟
وشنو الخام؟؟

 

[**جـلـنـار**]

العبايات تلقينهم بسوق محرق وبوكواره حتى السيف فيه عبايات بس غالييين

احسن خام معروف صالونا

 

[بسمه الم]

هلا حبيبتي
شوفي بالنسبه للسوق عندج الشغلات الشعبيه والعبايات والحلوى البحرينيه وهالشغلات تلاقينها في( سوق المحرق ,المنامه,الرفاع بوكواره,جدعلي)..
المجمعات ( السيف,السيف اليديد,العالي معه التوسعه,مجمع الدانه ,البحرين ,مرينا مول ومجمع سيتي سنتر توه يديد بس روووعه انصحج تروحينه)
اذا تبين جناط وماركات عندج( فيلا مودا اللي في الشيراتون و مجمع العالي والسيف و سيتي سينتر )..
العبايات التوب في البحرين والكشخه يعني عندج (سيدتي في المحرق , زمرده في مجمع العالي) بس اذا تبين عبايات حلوه وبنفس الوقت اسعارها حلوه عندج سوق المحرق ..

بالنسبه حق اليهال تقدرين تودينهم يوم جنه دلمون المفقوده واهي مثل اكوا بارك , تقدرين تودينهم عذاري واهي العاب وجذي..

اممم هذا اللي ابالي اللحين واي سؤال انا حاظره حبيبتي

 

[دمثة]

بس حجزي من الكويت ترى مافي حجوزات فنادق هناك

 

[أحلى همبه كويتية]

اسعار الفنادق شبت نار وصارت الدبل
ومومحصلين فندق ليما الحين ، بس التذاكر أوكي

من اي سفريات حجزتوا وبأي فندق الصراحة ما بي غالي ما يسوى كلها 5 أيام

 

[om3boood]

حتى انا بروح البحرين ... بس شكله زحمه

 

[q8_pearls]

انصح اللي ودها تروح بالعيد تحجز الفنادق من الحين لانها بتكون متروسه :tongue22:

 

[kandora]

انا الحين بالبحرين

شوفي اذا ميزانتيج قويه وتبين تعيشين ملكه عندج فندق the ritz carlton اتوقع افخم فندق بالبحرين بصراحه
يعور القلب بس حلاته انتي وريلج

ومجمع السيف رحتله اليوم طبعا سيفورا خميته

وباجر بفر على العبايات وباجي الشغلات

بس والله ونيسه البحرين

 

[أحلى همبه كويتية]

انا الحين بالبحرين

شوفي اذا ميزانتيج قويه وتبين تعيشين ملكه عندج فندق the ritz carlton اتوقع افخم فندق بالبحرين بصراحه
يعور القلب بس حلاته انتي وريلج

ومجمع السيف رحتله اليوم طبعا سيفورا خميته

وباجر بفر على العبايات وباجي الشغلات

بس والله ونيسه البحرين

واشلون الجو صج حر ورطوبة لا تطاق؟؟؟

 

[دمثة]

سيفورا وين صاير

 

[جوجو.]

انا الحين بالبحرين

شوفي اذا ميزانتيج قويه وتبين تعيشين ملكه عندج فندق the ritz carlton اتوقع افخم فندق بالبحرين بصراحه
يعور القلب بس حلاته انتي وريلج

ومجمع السيف رحتله اليوم طبعا سيفورا خميته

وباجر بفر على العبايات وباجي الشغلات

بس والله ونيسه البحرين

بجم ليلته ؟

 

[kandora]

انا رديت الكويت =)

والله رطوبه كان جوهم...

سيفورا في مجمع السيف

ليلة الفندق 130

=)

 

[..كوكو شانيل..]

أماكن الزياره :

مجمع السيف ( محلات ومطاعم وملاهي للأطفال وسينما )
مجمع الدانه ( محلات ومطاعم وملاهي للاطفال وسينما ولولو هايبر ماركت )
مجمع العالي ( اغلبه محلات ماركات وشركات عالميه_خلي زيارته مع السيف بيوم واحد لان ما بينهم شي تروحينه مشي )
مجمع البحرين ( محلات ومطاعم وسوبر ماركت جيان )
مجمع سيتي سنتر ( مقابل الدانه ونفس نظامهم محلات ومطاعم وملاهي وسينما وكارفور بس للحين مو مكتمل ما فتحت لا الالعاب ولا السينما ولا المطاعم بس الكوفي شوبز و200 محل والباقي كمنق سون )
مجمع المارينا ( مجمع صغير بس فيه مطاعم وملاهي تابعه لماجيك آيلند اللي بالسيف ، وهوم سنتر )
منتزه عذاري ( ملاهي )
جنة دلمون المفقوده ( اكبر حديقه مائيه بالشرق الاوسط )

بالنسبه للسكن راجعي ردي على هالموضوع

اضغطي هنــــــــــــــا

وبالنسبه لمحل العبايات عندج بسوق المحرق والرفاع في بوكواره

وفيه محل وايد حلووو بمنطقة عراد ( منطقه قريبه من المحرق والمطار ) اسمه ناعم العود ، موديلاته راقيه واسعاره وايد حلوه

​