برنامج كويتي .. يسيء لدولة الإمارات وشعبها .. مطلوب موقف رسمي من هذه الإساءة

[قبلة العوازم]

رد : برنامج كويتي .. يسيء لدولة الإمارات وشعبها .. مطلوب موقف رسمي من هذه الإساءة

يسلـم راســج يا الغاليـــــــه
والله وأنــا كويتيـــة الأصــل وقبليـــه وأمــي من دولـة الإمــارات
وحيـل تضايقـت من شفت الحلقه .. صراحه مالت على جذي فن إذا هذه أفكارهم بالكوميديه ,, هذه مو كوميديه هذه مصخره والله العظيم
وصلت لهالدرجه عاد؟!..
أقوووول بردي على قلبج حبيبتي عساني أفداج ولا تحطين بالج من هالتافهين .. مثل ماقالوا خواتي احنا واحنا أهل الديره ماسلمنا من شرهم والله
ماحطو لا قدر ولا احترام حق كبير وصغير بهالديره ياعوينتي عليها والله مو قاهرني وباطلي جبدي إلا وزارة الإعلام والرقابه !!!..
اهي ماتشوف هالمصخره والمهزله هذه؟ّ!...
اول بوقتادة وبو نبيل "المغرب" الصديقه والحين صادووه "الامارات" الحبييه؟!!.
حسبي الله ونعم الوكيل ... حبيبتي لاتزعلين روحج فديتج الموضوع أتفه من انه يستاهل ضيقتج :-* راسج أنا والله

 

[ترانيم انثى]

القنــــــــــاه بكبرهاااا لاتمت للكوووويت بصله
قناة تاااافهه وسخيفه..وماتمثل شعب الكووويت تمثل راعيتها

ولاتزعلــــين يالغاااليه الكويت والامارات وووواحد..
والاشكال هذي ماتفرق وتزعزع المحبه والاخوة بينااا

 

[الأسطوره$$]

حبيبتي انتي لا والله ما نرضى ولا هي من عوايدنا نسب ونتطز على اهلنا وربعنا محشومين يا اهل الامارات محشومين ..

أصلاً أحنا يالكويتين ما نشوف هالقناه ! ونسميها قناة حي الطرب والهابطين .. ما يمثلونا ولا يشرفونا حسبي الله عليهم قناة الفتنه ..

لا تتكدرين ولا تتضايقين وأضم صوتي لـ صوتج ..

 

[اميرة المحبة]

حبيبتي لكم الحشيمة والكرامة وامسحيها بويوهنا عاد كله ولا الشعب الاماراتي من اعز الشعوب على قلوبنا ولا هانوا الباقيين

وهالبرنامج مصخرة ومحد يطالعه بالكويت ولا اصلا يمثلنا كله سخافة بسخافة


لاتشيلين بخاطرج حبوبة وانتوا كلكم على راسنا والله

 

[حجيه هيونه]

يافدييييت قلب الامارات

ماكو مثلهم والله قمة بالذووووووووووووووووووق والاحترام


مالكم شغل بالي يحاول يسيء لكم ماترمى الا الشجره المثمره

 

[SanYorTa]

رد : برنامج كويتي .. يسيء لدولة الإمارات وشعبها .. مطلوب موقف رسمي من هذه الإساءة

اخوان وعزيزين اهل الامارات

تدرون اول مره ادري انه ينعرض بس مصخت السالفه
بس ترى ماتسوى الزعل على برنامج سخيف ؟

 

[آبـلـہ نـونـو]

على قولة أختي ترى إحنآ يـَ آلكويتين مآ سلمنآ منهُم

و إتبعوآ كل آلأسآليب عشآن يخلون قنآتهُم شغآلة ، و قآم يحولونهآ من شبكة لـِ شبكة

..

 

[shai5at al3arab]

رد: رد : برنامج كويتي .. يسيء لدولة الإمارات وشعبها .. مطلوب موقف رسمي من هذه الإساءة

والله صاجة

اهل الامارات على راسي والله

مسحيها بويوهنا

فشلونا هاللي الكويت وديرتها بريين منهم

تراهم ما يمثلونا

كل اللي في الموضوع انهم يعرفون يتحجون كويتي

ولا اهم ما ينتمون لنا

كل شي ولا الامارات عاد

والله اعشق هالديرة واهلها

 

[لوازم العائلة]

رد : برنامج كويتي .. يسيء لدولة الإمارات وشعبها .. مطلوب موقف رسمي من هذه الإساءة

ماعاش الي يسيئ للامارات او اي دوله خليجيه
وهالبرنامج سخيف وهابط ومايشرفنا انه يكون برنامج كويتي

 

[أوركيد]

lما عاش من يزعلكم يا عيال زايد..

انتوا الخير والبركة..أهلنا وحبايبنا وقدركم فوق الراس..

على قولة البنات ...احنا ما سلمنا من هالقنوات الفاشلة واللي ما يهمهم غير الفلوس وزرع الفتن ...

كل يوم وطالعة لنا سالفة

حقج علينا ..

وتأكدي انه مكانكم بالقلب انتوا وأهل الخليج كلهم ...لا تتزعزع ثقتكم بحبنا لكم بسبة توافه القنوات ..

فديييييييييييييييييييييييييتكم

 

[mi corazon]

بيييييييييييه خبري فيه هالبرنامج اول ماطلع وعقب ماتابعت

يبه السالفة مسخره بمسخره

وهالشي مايعبر عن شعب بل يعبر عن انحطاط صاحبه فقط .. واحنا نفسنا مو راضيين عن هالمهازل الليزادت هاليومين

وايد البرامج هاذي قاعده تنشر الفتنه

الحين تقولين صادوه وامس بوقتاده وبونبيل يحجون في قطر والبحرين
ياخي احنا دولة شصغرنا كنا كافيين خيرنا شرنا .. شماله الحين زرع الفتنه ؟؟

من متى الكويت كانت تبادر بالإساءه؟؟

ماقول غير اللهم اكفنا شر الفتنه واصحابها

 

[كرز حالي.]

رد : برنامج كويتي .. يسيء لدولة الإمارات وشعبها .. مطلوب موقف رسمي من هذه الإساءة

يبا حبيتي هذول فنانين يعني اخلاق xxxx
استغفر الله ماحط بذمتي بس معروف هالوسط بالفجور
وكلمتهم ماتنسمع وماينشره عليها اصلا
خرررررطي يعني

 

[اليكسا]

محدددددددد سلم منهم

ولاتعطووونهم اكبر من حجمهم

تراااهم مايسووون

ولاهمهم اااحد

 

[fdeet_shosho]

حبيبتى لاتحطين ببالج هذي ثناة سخيفة وماعليج اى والله دار زايد منو يعوفها اللى يرحمك يا زايد والله نحبكم والدليل من نبي نسافر اول مكان يطرى على البال دبي ياويلي على دبي واهلها احبها موووت والله يخلي خليجنا

 

[آلسحرآلحلال]

يااااااااربي

ترى مصخت السالفة يعني مايكفي

ضربو الوحدة الوطنية وبعدين حطو على المغرب

الحين قلبو على الامارات وقبلها كانو حاطين على سعوديين

ولله عيب كرهتو العالم فيناااااااا

 

[ذوق بوتيك]

حبيبتي هذي قناة منبوذه من المجتمع الكويتي كله ومحد يطالعها لانها ماتمثلنا
ومسحيها بويوهنا عزيزه وغاليه وشعب الامارات غالي بقلوبنا انتو وكل دول الخليج منا وفينا ولا يهمونج الدخلاء فديتج

 

[بنت اكابر]

قناة سكوب أساءة للكوتيين فما بالك انتم
قناة تستهزئ كل يوم بمجلسنا الأمة
وتنشر غسيل الكويت
أنتم على الراس وكلنا معاكم

 

[وصيّه جــــابر]

رد : برنامج كويتي .. يسيء لدولة الإمارات وشعبها .. مطلوب موقف رسمي من هذه الإساءة

ماعرفت البرنامج لاني مثل اي بيت كويتي ماسحه القناة من بيتنا ،،
هالقناة تحاول تفرق الكويتين وقناة مو كويتيه مجرد ناس ضعيفه وفاضيه من العراق وايران ،،،،،
حبووبة احنا والامارات شعب واحد بيننا اهل و نسب و انا كحال اي كويتيه من كثر ما احب هالشعب الاماراتي حاطه واحد من مواضيعي خصيصاً فيه
تحيه لج ،،،؟،،؛)

 

[ToOoTi]

يا قلبي لا تزعلين
القناة بكبرها سخيفة ومحد يتابعها
واهل الامارات علي عينا وراسنا
اخوان واكثر من اخوان

 

[برنسيسة زمااني]

هالسنه الصراحه القنوات زادت بتماديها على الشعوب و على الطوائف الدينيه

بوقتاده وبونبيل اول شي اشتغلوا ومازالوا يسبون الملتحين حسبي الله ونعم الوكيل عليهم

و يمثلونهم مظهر الارهابين والنصابين حسبي الله ونعم الوكيل

و عقب اشتغلوا على الشعب المغربي سبوهم وغلطوا عليهم اشكرى

و الحين برنامج صادوه يسبون اهل الامارات

وحليمة بولند فشلتنا بين الناس

ماادري وين بيوصولنا هالقنوات و هاللي قاعدين يشوهون سمعتنا


حسبي الله ونعم الوكيل

اختي سامحينا وترى هذوله لاهم كويتين ولا هم منا

هذوله ناس داخله علينا ولا نتشرف فيهم اصلا