برنامج سعرات في لحظات مع د.عبدالله المطوع على الراي (تعالو نفيد ونستفيد)

[عنيّد]

انا حطيت تقرير عن حلقة اليوم بالدوانية ، لاني مابي اسبق اختنا بنت الكويت بهالموضوع وانشالله بعد ماتحط تقريرها انا بنزل الي سويته ^ـــ^

 

[عنيّد]

العلبة الزرقا اوكي الشريط اهوه اللي موزين انتي شريتي اي واحد ؟؟؟

جسوت انا شريت منه يعني من العياده ، وهو قالي انه اييبه ارخص من الصيدليات وبس يبيعه لمراجعينه ، الي عندي علبه (كرتونه) زرقه وفيها ابيض بس الي داخلها شريط نفس الي كان ماسكه !!!!
غريبه والله حدييي استغربت ! شكلي بدز هالاستفسار مع زيون باجر ، ابتلشت فينا :d

 

[اسـمـحـيلي يـالغـرام]

بنآت حبيت اسألكم

انا دقيت ابحجزعند قآلواا مايستقبل حآليآ
وحجزت عند دكتوره تحت اشرآفه
الدكتوره شيخه
مااادري ليش مترردده :eh_s(22):

 

[xxx]

طافتني الحلقة كنت طالعه :eh_s(16):


عنيّد


انقذينااااااااااااااااااااا


:nbvppw:

 

[عنيّد]

افا عليكي يابنت الكويت ، حاضرين للطيبييييين ، ثواني وانسخها

 

[عنيّد]

تقرير حلقة يوم ٢١/٩/٢٠١٠ لبرنامج الدكتور عبدالله المطوع



** فوائــــــد المأكولات البحـــرية **

يعني الحلقة زفرررررره

.
.

* الفقرة الاولى > أنواع الاسماك وفوائدها "بشكل سريع وحسب الي اذكره" :

د.عبدالله المطوع بسوق السمج

- الزبيدي ملك الاسماك "اي والله :rerrerek:" فوايده كثيره بس عيبه انه صار غالي
- الصبور هو السمك الي يستخلصون منه الزيوت الموجوده بالاقراص OMEGA 3 وهو أكثر سمك فيه زيت ، بالاضافه للميد ، وعيبه الوحيد بالنسبه للبعض هو كثرة الشوك فيه
- السردين دهونه ممتازه للقضاء على ضغط الدم وتقليل نسبة الكلسترول ، وكذلك ممتاز للبشره والجلد
- الربيان كوب منه ممتاز وخاصه للرياضيين ، وهو يرفع الكلسترول الحميد المفيد ويقضي على الضار ، ويجب مراعاة ان تكون القشرة صلبه عند شرائه وان لا يحتوي على نقط سوداء
- القباقب منها الذكر (لونه ازرق) والانثى (الاحمر) ويكون لحمها اترف وألذ ، وهو خالي من الدهون تماما وغير ضار لمرضى الكلسترول
- فيه العديــــــــــد من الاسماك وكلها مفيده مثل البالول والشعوم والهامور ...الخ​

* الفقرة الثانية > لقاء مع المهندس مجبل المطوع

م.مجبل المطوع ، رئيس المركز العلمي ، ووالد د.عبدالله

- باختصار تكلم عن بعض انواع الاسماك وفوائدها ، وقال ان الجيل الحالي مايعرف السمك ولا ياكله مثلنا قبل !​

* فوائد السمك بشكل عام :

د.عبدالله المطوع وتجربة نوعين من انواع اقراص زيت السمك

-مفيد جدا للعظام والمفاصل
- للشعر
- يقلل نسبة الكلسترول بالدم وأمراض القلب والشرايين ، تكلم عن دراسة تقول ان اليابانيين عمرهم اطول من الامريكان بـ ١٣ سنه والسبب ان اليابانيين ياكلون الاسماك بشكل يومي بعكس الامريكان واكلهم من اللحوم والبيتزا وغيره
- يحمي من تلف الذاكرة
- مهم جدا جدا للحامل والجنين ، حيث ان ٦٠٪ من المخ يتكون من الدهون المفيده ، ولو الام اكلت دهون غير مفيده مثلا الموجوده بالمقليات فالجنين يمتص الدهون المفيده فقط منها ويترك الغير مفيده ، وهذا يسبب مشاكل صحيه عند الام
- يجب استبدال السمك بأقراص زيت السمك للناس الي ماتاكل سمك ، وبالسوق موجود اكثر من نوع للاقراص وبعضها تجاري يجب الابتعاد عنه ، وبالتجربه الي سواها ياب كوبين ماي وحط فيهم كوبين فلين لانه الاقرب لنوعية وريد الانسان ، وصب فيهم ماي حار وحط بكل كوب قرصين زيت السمك ونطرهم دقيقه يذوبون ، كانت النتيجه ان النوع الاول خرم كوب الفلين وطلع منه وهذا النوع الممتاز الي يشيل الكلسترول من على الوريد ، اما النوع الثاني فهو التجاري ،،، واضيف هالمعلومه الي حصلت عليها من موقع الدكتور على الفيس بوك بعد ماسالوه الناس عن اسماء الحبوب لانه ماقدر يقولها بالبرنامج عساس دعايه فكان جوابه ان احسن نوع من اقراص زيت السمك هي Seven Seas وفي غيرها زين بس هي الاحسن ، اما اسوأ نوع فهو Wassen Fish Oil ​

* معلومة رجيمية :

- المعلومة المتعارف عليها وهي ان أكل السمك مع اللبن ضار للانسان فهي معلومه خاطئة وماكو دراسه اثبتتها وهي مجرد عادات قديمه
- الريوق مهم جدا جدا يوميا وهو سبب حرق الجسم
​

.
.

انتهى :001:


هذا الي الله قدرني عليه :weight_lift:
واليوم كان غدانا زبيدي مشوي :eh_s(21): وميد بعد _03BA:
وانشالله بعد هالحلقه بنقول مياو مياو مع القطاوه ​

 

[عهود الحب]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

مشكووووورة عنيـّد


انا كان بخاطري اشوفه بس امس بس لحقت على شرح الدكتور للفرق بين السمك الطازج والبايت


و مشكورة على اسم الحبوب شكلي بشتريهم لأنه خلاص الذاكرة ميح و الشعر قام يحت والكوليسترول بالعلالي شسوي


بس متى الاعاااادة

 

[كيكه توفي]

مشكوره عنيد

 

[البيت الثلجي]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

هلا بنات ... وناسة كان ودي أشارك معاكم بالمنتدى من زمان :ggdw:

 

[البيت الثلجي]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

علبة الأوميغا اللي ذكرها الدكتور بالحلقة موجودة بالصيدليات و إلحق لا تلحق !!!!

بس العفو بنات ليش تقولون العبد ترا مو حلوة و الدكتور عبدالله المطوع مو مقصر بالمعلومات اللي يفيدنا فيها كل أسبوع بالراي و كل اليوم الصبح بالمارينا

 

[اسـمـحـيلي يـالغـرام]

رد: رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

علبة الأوميغا اللي ذكرها الدكتور بالحلقة موجودة بالصيدليات و إلحق لا تلحق !!!!

بس العفو بنات ليش تقولون العبد ترا مو حلوة و الدكتور عبدالله المطوع مو مقصر بالمعلومات اللي يفيدنا فيها كل أسبوع بالراي و كل اليوم الصبح بالمارينا

اتوقع البنآت قصدهم
العُبُد بـ ضم العيين

مآرديتوا على استفسآري بنآت ؟
ع العموم اليوم موعدي وإنـ شآءالله خيير :eh_s(8)

 

[عهود الحب]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

الله يوفقج يا الغرام


انا ماعندي خبرة بهالدكتور نهائيا ً ولا رديت عليج




بنات عندي سؤال :


الاوميغا 3 و زيت السمج نقدر ناخذهم بدون وصفة طبية


و بدون ما نراجع طبيب ! يعني ما يضرنا مثل الاسبرين والبندول


ولا شنو ؟

 

[الفراوله1]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

مشكووووره عالمجهووود الطيب

 

[كويتية وكيفي]

ننتظر الحلقة القادمة
يسلموووو بنات
الله لا يحرمنا منكم

 

[جنان2006]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

عنيد

يزاج الرحمن خير الجزاء عالمعلومات المفيدة

 

[جوجو.]

روعه
الله يعطيج العافيه

 

[عنيّد]

عشان نكون أبديت أول بأول ^ـــ^



‎R D Abdullah Almutawa‎ : مقابلة تلفزيون الراي التي ادت الى نفاذ كبسولات زيت السمك في الصيدليات في الكويت

ج1
http://www.youtube.com/watch?v=Khc4Zy7quUw

ج2
http://www.youtube.com/watch?v=kz2iWIWLwEM

ج3
http://www.youtube.com/watch?v=VkVcmG9SOCo




هممم صراحه لما قريت ان الحبوب خلصت من الصيدليات استنكرت ،،،،، اول مره الناس تركض ورا شي سنع !
مادري هل هو فعلا حفاظ عالصحه ؟ ولا بس لانها تعودت تبولع بهالحبوب من باب اتباع الموضه ؟

 

[عنيّد]

R D Abdullah Almutawa : اخر الدراسات تشير على ان السمك يساعد على القضاء على دهون البطن (الكرشه )





بس ياريت الناس تبطل من الكسل وتلجأ للمصدر الرئيسي للحبوب وهو السمـــــــج :bbbiu:

 

[xxx]

مشكورة عنيّد كفيتي ووفيتي

:tek:

 

[عهود الحب]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

انا واحدة من الي خلصوا الحبوب من الصيدليات



شنسوي ندور الفوايد و نلحق على بقايا هالذاكرة التعبانة




بس اختي تقول انه العلبة شكلها مختلف عن الشكل الي شريته



انا علبتي seven seas


لا يكون انا شارية نوع مو زين