ريمه الكويت
New member
- إنضم
- 30 سبتمبر 2005
- المشاركات
- 36,095
- مستوى التفاعل
- 13
- النقاط
- 0
داشين على الصيف وياحلات الايسكريم يبرد عالقلب
المقادير
4 كوب حليب كامل الدسم
نص كوب سكر
علبه سحلب لبناني
ربع ملعقه صغيره مستكه مطحونه
2 علبه قشطه الطازجه اللي عبوتها 100 جرام مثل اللي بالصوره
فستق حلبي مجروش
ماء ورد
__________________________-
الطريقه
في قدر كبير حطي الحليب على النار مع السكر وحطي عليهم 4 ملاعق سحلب وقلبيه وشوفي اذا ثقل المزيج مع الطبخ حطي المستكه
اما اذا ماثقل زيدي السحلب لان فيه انواع من السحلب فيه نوع مو مركز ونوع مخلوط فانتي قدري كميه السحلب ابديها من 4 ملاعق وزيدي لما تسير نفس ثقل المحلبيه وذوقيه اذا احتاج سكر زياده حسب ذوقج
بالاخير اذا ثقل الخليط حطي القشطه مع ربع كوب ماي ورد وسكري النار وظيفي لهم نص كوب فستق
نطريه يدفا وحطيه باله الايسكريم اذا عندج
اذا ماعندج الاله حطيه بخفاقه الكيك وخليه مابين 10 الى ربع ساعه
لما تسير نفس الصوره
تحسينه نفس الخيط
ملاحظه
اله الايسكريم فيها نفس الجدر داخله ماي لازم تحطينه قبل لاتخفقين الايسكريم بالفريزر ربع ساعه
اما اذا سويتيه بالخفاقه العاديه اخفقيها 10 دقايق وبعدها حطيه نص ساعه بالفريزر وبعدين ردي خفقيها مره ثانيه 10 دقايق عشان بعدين يتمغط عندج
وبالاخير هم رشيه فستق وثلجيه بالفريزر طبعا حطيه بتبروير يتسكر عدل عشان لايتكون عندج ثلج فوق البرد
وخليه تقريبا 5 ساعات او اكثر عشان يصك عندج ويتجمد عدل
وقدميه وسمعي المديح
بالعافيه
التعديل الأخير:
