برجايا تايمز سكوير؟؟

[FdeeT.BnaTy]

السلام عليكم ورحمة الله وبركاته ،
يعطيكم العافية خواتي ،
انا حابة احجز ببرجايا تايمز سكوير وسفرتي بعد اسبوعين بإذن الله بس لما سويت سيرج شفت وايد ناس يقولون اثاثه صار مستهلك وقديم وفيه حشرات بالغرف،
بغيت اسأل في وحدة سكنت فيه بالفتره القصيرة اللي طافت وشرايكم فيه؟
واذا كان مش ولا بد ابي ترشحون لي فندق كويس يفضل يكون غرفة وصالة حتى لو شوي بعيد، لان معاي كتاكيتي
ومشكورين مقدماااا. :tek:

 

[حبيبة ماماتي]

انا بعد ابي رايهم عن الفندق لأن سفرتي تاريخ 2-10 وحاجزته

 

[FdeeT.BnaTy]

ان شالله مايقصرون معانا
يسلمو عالمرور وربي يخليلج حمووودي

 

[حبيبة ماماتي]

فديتج ويخليج لأحبابج

 

[نجوم الثريا]

انا كنت ساكنه فيه قبل 6 شهور تقريبا كانت سفرتي ويهبل والله غرفتنا كانت عالبحر علطول لانه في غرف عند الشجر ورا فمادري عنهم انا والله ماشفت لا حشرات ولا شي ونضيف ...

اما تايم سكوير الى بكوالالمبور يلووع الجبد هذا الي صج اثاثه مستهلك من قلب والممرات لووعه مو شي كلش ..

موفقييين ..

 

[أم حمودي**MALL**]

نصيحه حجزي بالميلينيوم رووووعه

 

[ArEEj]

رد : برجايا تايمز سكوير؟؟

حجزي بالملينيوم او ماريوت احلى وبقلب شارع العرب وبجوار اكبر مول بافليون
انا سكنت فيه قبل 4 سنين كان زين بس الحين ماادري عنه شصار عليه
بس موقعه 10 دقايق عن السنتر

 

[ريان4]

والله انا سكنت بارك رويال روعه الي في كوالمبور

بس اخوي سكن في تايم سكوير ويمدحه

 

[FdeeT.BnaTy]

ماقصرتوا فديتكم بس انا ابي غرفة وصالة احسن عشان معاي بناتي يعني ما ينفع ملينيوم

الخطيرة اييي شفت بارك رويال وحاطته ضمن الحسبة ،،

تسلمون عالمرور

 

[حبيبة ماماتي]

انا حاجزتة برجيا تايم سكوير كوالا يعني مو حلو اكنسل وآخذ ريتز؟؟ عفية مافي وقت سفرتي باجر

 

[FdeeT.BnaTy]

بانتظار الرد مع حبيبة ماماتي ،،

 

[الجـ88ـوري]

رد : برجايا تايمز سكوير؟؟

اهلين
انا امس واصله من ماليزيا وكنت حاجزه بماريوت فندق عجيب بمعنى الكلمه وايد حلوه انصحكم فيه بشارع العرب وقدامه مجمع البافيلون
والتايم سكوير مريته مادري احس مو حلو جو الفندق من داخل كئيب
ولاي استفسار انا حاضره


[b]كـلمـتـان خفــيـفــتان علــى اللســان ثقــيلــتـان فــي المــيــزان[/b]
ســبــحــان الله وبــحــمــده
ســبــحــان الله الــعــظــيــم

 

[FdeeT.BnaTy]

الحمدلله على سلامتج حياتي ، وادري ان الماريوت حلو بس انا ابي مكان اكبر لان معاي يهال

 

[ندى العبير]

شنغيريلا حبيبتي حلوووووووووو بس مايطل على بحرر

 

[- دنيا الوله -]

رد : برجايا تايمز سكوير؟؟

تايم سكوير اللي بكوالالمبور البرجين مع المجمع .. اذا هذا اللي تقصدينه .. فأنا قعدت فيه تقريبا 10 ايام بس بصراحه ..
فيه دود وايد .. والاثاث مستهلك فعلا .. بس المشكله انه شكل الغرفه حلو .. صاله ومطبخ وحمام كبيررررررررررر وغرفه نوم وطاولة ططعام يعني لو كان نظيف من ناحية الدود والغنفات ملوت الصاله جان صج طلع عجيب .. موقعه حلو دايركت عالسنتر وعلى شارع العرب والمجمع يهبل فيه كل شي ويمه المجمعات الثانيه والرخيصه بعد والالكترونيات والمطاعم .. والمجمع فوق في دور كامل للالعاب العجيبه مو العاديه والمطاعم حلوه حيل ومنوعه

فالمشكله الدود بس
مع ان الفرش ملوت غرفه النوم كانوا نظاف حيل ومريحين

اتمنى اكون أفدتج

 

[رزه واستايل]

ملينيوووووووووووووووووووووووووووووووم وبس نصيحة لان وااااااااااااااااااااااو مكانة يم كل شي وايد راقي ومستحيل اسكن غيرة

 

[FdeeT.BnaTy]

مااااقصرتوااااا :tek:

وبعد كلام (دنيا الوله) خلااص بصرف النظر عنه لان شفت وايد ناس قالوا نفس الحجي ،، والله يرزقج بالذرية الصالحة امييييييييين ،،

(رزه واستايل) ماقصرتي حبيبتي ، ادري انه روعة والله بس انا ابي مكان اكبر لأني مو بروحي مع زوجي ،،


مشكورين عالمرووووووووور

 

[رزه واستايل]

عادى حتى مع زوجج وعيالج اصلا كلة عوايل بالفندق الملينيوم

 

[الطماطه]

رد : برجايا تايمز سكوير؟؟

بالنسبه لي أنا سكنت برجايا كوالمبور كان نظيف وغرفه كبيره ومعاها صاله ومطبخ تحضيري والحمام قسمين قسم الشور وقسم المرحاض عزج الله
والفندق نفسه فيه سوق ضخم من عشر طوابق ممتع وحلو وتحت في سوبر ماركت ومكتب تاكسي عشان المشاوير وبالنسبه لشارع العرب موبعيد عنه تطلعيله من عند جسر المترو
وسكنت في الماريوت حلوحييل بس غالي وبنهاية شارع العرب
وفندق الملينيوم سعره زين وايد جوه عجيب وبوسط شارع العرب انصحج فيه
وعلى فكره في فنادق وايد بوسط شارع العرب نظيفه ورخيصه ارخص منهم حيل حيل على ماظن واحد منهم اسمه بينتنغ

 

[مشتطة وبس]

انااااااااااااااااااااااااااااا انصح وبشدة بهالفندق .....خصوصا اذا كان وياج يهال او مراهقين.......صج في فنادق ماليزيا افخم بس هذا تنزلين بالمصعد انتي بالسوق والمطاعم والالعاب تينن بالدور الخامس.....حطيهم ينسون روحهم...وانا سكنت فيه 3 سنين بصراحة ماشفت ولا حشرة ترا انتي وحظج...............وبعدين اللي انا لاحظته ان فنادق ماليزيا مو وايد حلوة ونظافتهم مومثل بانكوك مثلا وغاليين ع الفاضي وبعدين اذا لاحظتي وصخ غثيهم ناديهم ...انا كله اسوي جذي مع الفنادق