برايكم.. صح اللي سويته؟؟؟

[brettey]

واااااااي انتي جنج انا ميته على اوربا عسى الله يكتبها لي ولج يارب
حبوبه زيلامسي مافيها مصرف وايد و2000 تقدرون تكيفون روحكم معاها بس ماتشترون بس تستانسون فيهم اكل ومواصلات تقدرون تكيفون نفسكم على 1000 انتوا ومصرفكم انا اعرف بخله يروحون اوربا حدهم ان صرفوا 1000 او 1000 ونص مايشترون بس وناسه ورحلات ومطاعم
مو لزوم تشترون بس روحوا واستانسوا

ماليزيا حلوه حق شهر عسل ورخيصه بس مصر مادري عنها

 

[أم حمني المزيون]

مااافي مقارنة بين ماليزيا ومصر من صجج ؟؟؟...أكيييد ماليزيا

 

[Ms.LoL]

إذا ما تدلعتي بشهر العسل متى تدلعين
جان قبل لا يقولج نبدلها بمصر قلتي لا مكان ثاني
او دفع 50 الحين مره ثانية بتكون اهون من تحسفكم طول السفره
الحين شخباري شهر عسل بمصر

مافي الا تدورين مواضيع و تقارير عن مصر
يقولونكم نصايح وتحذيرات من حركاتهم
شهر 3 كنت هناك
حرر
غير النصب و اللف و الدوران و التمثيل
وكل واحد يسوي نفسه يبي مصلحتج و تلقينه قاص عليج
واي بس لا يعرفون انج خليجيه ما تسوى عليج
يبيلكم بال طوويل
اي و لو بتروحون بتكسي
لا تركبون تكسي أسود اولا سيارة قديمه غير يعطيج سعر على كيفه
اخذوا تكسي ابيض فيه عداد
و أصروا عليه يشغل العداد ولا لا تركبون
عندهم مجمع اسمه ستي ستار او ستار ستي
هذا اكشخ مجمع هناك
تلقين مانجو و زارا بس الموديلات فرق عنا و عنهم
بعد االاهرامات لا تروحون الظهر نصيحه حرر ما تهنون
روحوا الساعة 4 احسن
و بيسوون عليكم فلم انه الاجانب اللي ياخذون منهم اغلى انتو عرب اخوانا ما نقص عليكم ..


و لما يودونكم برحلة عند الاهرامات على حصان او حنطور
ياخذكم حق محل عطور مسك و من هالكلام
بيقولج هذا استخدموه الفراعنه لمادري شنو
يقصون عليج بالكلام تحسين انج خلاص مصدقه
بس ما عليج منهم لا تاخذين راح يطنقرون بس ما عليه
ودايما عرفي انه اي سعر يعطونج ياه أنه هلشي اصلن ارخص مرات

خان الخليلي زحممه بس في شغلات انتيك حلوه
كنت احب اصور المكان
مره كنت اصور الاقمشه ملونه شكلها حلو
تخيلي ياني قالي الصورة ب 5 جنيه
حتى الصوره بفلوس
و الثاني يقولي تاخذين موديلاتنا تقلدينها بمصنعكم بالخليج !
عباله كلنا عيال شركات و مصانع

كنت مع اخوي و عبالهم ريلي
و كل شوي يقولون له خد ده للعروسه
و اشتري ده لأم العروسه
فعاد الله يعين ريلج

فيه شغلات عجبتني مناك
انهم ذربين .. كله يقولون : تفضل - حضرتك - من عنيا
و انه يضحكون
اذكر يانا طرار ولد صغير و احنا بالتكسي
يبيع كلنكس و احنا ما نبي نشتري
فقام يقول نكت يضحكنا
عاد نكته بلمصري تمووت ضحكك
و كل نكتهم عن الجزائر حاطين عليهم حطه
و قط نكت عن الخليجين اشكره جدامنا


في سايق تكسي لحقنا علييه اخر يومين
سرريع و كله يبتوِن و يطلعنا بسرعه من الزحمه
خذينا رقمه عشان يودينا المطار بسرعه
تبين رقمه اسال اخوي؟

خلوه ياخذكم من المطار احسن
لانه راح يكون عليكم هجووم مو مطبيعي اول ما تطلعون من المطار
اي و الهرنات 24 ساعة
راح تشوفين السايق ايده ما تنزل عن السِكان !

اي و شنو بعد ؟؟! لوول

 

[ms_5ajoola]

انا رايحة ماليزيا روحي منطقة جينتينج براااااد وحلوة

 

[أم سيف وسلطان]

اعتقد تكفي اوروبا ب2000 بدون تذاكر بس خليها 10 ايام ولا تشترين شي الا في آخر يوم عشان تعرفين كم بيبقى لكم

وبالتوفيق

 

[ذوق بوتيك]

اذا ماتقدرين على اوروبا انصحج بماليزيا ونااااااااااااسه وتصلح للمتزوجين وغلطانه لمن اخترتي مصر شنو فيها غير الحر والزحمه والرطوبه

 

[ام مهاوش]

وييييييييييييييييييه لايضيق خلقج ولا شي روحي واستانسي ترا شهر العسل كل مكان يصير حلو ماعليج وروحو شرم الشيخ بعد واستانسو ولاتحرين عمرج ولا شي واليايات اكثر من الرايحات انشالله

 

[هنـــد]

حبيبتي روحي اوربا و10 ايام كافي

او ماليزيا واذا كلش تركيا

من صجج مصر

 

[shaikhat elbnat]

شهر عسل حلاته اوربا
بس دامه خيرج ما بين مصر و ماليزيا ليش اخترتي مصر ؟؟
مصر انا اشوفها حق عبط و ضحك و وناسه .. مو مالت شهر عسل !!

جان رحتي ماليزيا .. على الاقل فيها مجمعات ذربه و فيها فنادق حلوه و فيها جزر