برايكم.. صح اللي سويته؟؟؟

[منيتي اسعده]

هذه اول مشاكه لي معاكم ارجوووو تفيدوووني عفيه بنات حدددي محتاره
انا بسافر شهر عسل انا وريلي تونا متزوجين
كنا ناوين اوربا..........
وحجزنا تذاكر
بس...
ريلي مو مرتاح للروحه
ويقولي الميزانيه ماتكفي
2000 دينار مصرفنا مع السكن بدون التذاكر
حق 15 يوم ميونخ زلمسي باريس
كنت اقوله كافي...
بس اهو يقول مو كافي
وصارله ظرف صغيرووونوو وحطه عذر
قلت مو مشكله احنا رايحين نستانس اهم شي نكون مرتاحين
ووافقت
وتنازلت عن اوربا
وكنسلناااااااا الرحله !!!

فقالي الحين لج المكان اللي تبينه طبي وتخيري......
تبين ماليزا ولا مصر؟؟
خخخخخخخخخ الحمدلله شسوي بعد
قلت هي خاربه خاربه
خل نروح نستانس ونضحك
نقيت مصر 8 ايام وقلت ابي دبي 3 ايام
وحجزنا اوكي


شرايكم صح اللي سويته؟؟
بتصير حلوه مصر؟؟
ولا ضيعت فرصه من ذهب خصوصن ان اليورو نازل
ضايق خلقي وخااااطري باوربا وابي راااايكم بصراحه
بلييييز بليييييز بليز

 

[غلاي غير]

ماودي احبطج بس شهر عسل بمصر الله يعيييييييييييييييييينج حر وخيسه وزحمه

لو ماليزيا اهون وميزانيتكم حلووووووووووه لها
وبعدين اذا انتي متوظفه حلو 200 بدون تذاكر لاوربا واهناك تستلمون معاشاتكم فاتوقع بتستانسون اكثر

 

[Om_Ksha]

والله مادري تركيا زينه وتناسب ميزانيتكم !!

 

[أم@الحلوين]

مصر ما تصلح حر مووووت ولووويه الله يعينج

لو تروحين لبنان او تركيا احسن

بس انا اشوف 2000كافي مصرف حق اوربا

 

[دلوعة أبوهآ]

لااااااااا لاتروحين مصر ..
روحي ماليزيا اهون بكثير من مصر وزحمتها وقرفهـا

بعدين لو رحتي اوروبا اسبوعين والله تكفيكِ الميزانيه ..
انتو شخصين وماراح تصرفوا كثير و الحين اليورو نازل يعني فرصتكم
بس لاتروحين مصر والله حسافه

 

[!! Go0o]

ماليزيا اهدا وارقى واحلى واذا خاطرج بدبي روحى على دربج ثلاث ايام ومنها لماليزيا لانج توج عروس جديده وبتغثين زوجج بمصر وحركاتهم

انا بشهر العسل رحت مصر استانسنا صج بس صراحه لو على ايامى ماليزيا كنت رحتها بدون تفكيييييييييير

شرايج تغيرين لدبي ماليزيا او تايلند ماليزبا او العكس ترى روووعه وراقيه مو نفس مصر يبيلج ربطه راس بعد كل طلعه هههههههههههه

 

[!! Go0o]

اي لا تنسين جنتنق والاحصنه الذهبيه حق معاريس وااااااو < تغريها لوووول

ودبي واجد ثلاث ايام كافي يومين والثالث ماشيه بالحر والخيسه

موفقه ومبروك مقدما

 

[اروى77]

حبيبتي
كل مكان بيصير حلو وانتو مع بعض ان شالله
ومصر حلوه بس مو القاهره لا في اماكن احلى وايد من القاهره مثل (الجونا) سوي سيرج عنها هالمكان وايد حلو ورومانسي
ودبي همن حلوه للشوبنغ
توكلي على الله ولاتتحسفين على شي والله يسعدكم ان شاالله

 

[sweet-loya]

شوفي انا رحت اوربا اهي فعلا غاليه كنت رايحه مع ريلي اذا ماتشترين شي يعني خلج من السوق والمشترى تكفي لاني كنت ماخذه 1000 دينار مصروفي كفت وزادت لاني ماشريت شي كلش يالله حق الاكل والرحلات
بس دام حجزتي لاتحسفين انتي بيدج تونسين السفره حتى لو بأخيس مكان
بس لو انا مكانج مافكر اروح مصر طبعا ماليزيا احلى

 

[ام علاوي وعزوز]

حبيبتي توكلي على الله اختي توها رادة من مصر اتقووووووول الجو معتدل يعني موووو خيسة وبالليل ما تطلع إلا واهي لابسة شااااااااال
لان يكووووووووون شوي برااااد
توكلي على الله بعدين شهر العسل اي مكاااااااااان ترووووحيله يصير حلو انتي بس استانسي
ومبروووووووك الف مبرووووووووووووووك
حتى دبي حلوه ما تنمل انا كل نو لازم ارووووووووح دبي وكل سنة مجمع جديد ادخله لانها كل سنة غير عن السنة اللي قبلها

 

[منيتي اسعده]

حبايبي ماقصرتو
بس والله واااايد واااايد خاطري باوربا
ومتحسفه اني طعته خخخ
انا مو موضفه
يعني صج مسكين هذا حده
بس امانه بنات بالامانه
ميزانيتنا كافيه
2000 بدون التذاكر حقق 15 يوم
بليييييز بنات تعبت ابي ارتاح

 

[رافعه الحاجب]

2000 مع فندق مع مصرف اكل وشرب وتكاسي ورحلات راح يصير حده حده بالضبط بس اذا بخاطرج سوق روحي تركيا او ماليزيا

 

[رافعه الحاجب]

2000 مع فندق مع مصرف اكل وشرب وتكاسي ورحلات حق اوربا راح يصير حده حده بالضبط بس اذا بخاطرج سوق روحي تركيا او ماليزيا

 

[غلاي غير]

تكفي اذا ماتبين تسوق الا اشياء خفيفه مو سوالف ماركات طبعا اذا بدون تذاكر وعلى حسب السكن

 

[ام احلى خلودى]

حرام عليج تقارنين مصر وماليزيا بذبحج ... اولا مصر حلاته يمعه احسها كلش ماتنفع مع الريل وخاصه شهر العسل لووويه وزحمه وحر ....
اما ماليزيا تنفع حق شهر العسل وااايد فيها اماكن ... حتى دبى تنفع حق شهر العسل اكثر من مصر ..مابى احبطج بس الصراحه مصر كللللللللللللش ماتنفع حق شهر العسل والله يوفقج وان شالله تستانسين بسفرتج

 

[كويتية أصيله]

[bتوكلي الله وروحي أوربا وتقدرين تعيشين بميزانيتج مع جو رومانسي وحلو ... ولاااااااااااااا تروحين مصر بالصيف كلش مو شي ههههه.... ممكن تسكنين في فنادق نظيفه ورخيصه بعد.... ترى1000 بالأسبوع زين ولا تشترين أنتي عروس ومجهزه خالصه كلشي ... صح؟[/b]

 

[ام _خلودي]

ماابي اضيق خلقج

بس مصر تلوووووووووووع الجبد

 

[نورة بنت الكويت]

بصراحه مصر حلوة بس تصلح مع عائلة مو انتي و زوجج بس لانكم بتملون و الله
أنا رأيي مثل البنات روحي ماليزيا حلوة و الله
او روحي اوربا و مو لازم تشترين الا اشياء بسيطة إنتو بشهر العسل يعني الطلعات و الوناسه أهم شي و إن شاءالله ميزانيتكم بتكفي

 

[منيتي اسعده]

:eh_s(11)::eh_s(11)::eh_s(11):
شسوووووووووووي؟؟
رحلتنا انشالله 5-7
واصلن لما غيرنا الحجز من المانيا لي القاهره خذو منا 50 دينار
والحين بعد اذا قلت نبي نغير اروووح فيه ؟؟؟
وبعدين ماكو تذاكر الحين !! :lkmnkl:

ياعمري اللي راح ابلاش!!
مشكلتي كنت مستحيه منه وقلت كيفك اللي يربحك
الرياييل ماينعطون ويه

 

[نورة بنت الكويت]

خلاص حبيبتي توكلوا على الله و الله يوفقكم و يسعدكم إن شاءالله
و لا تتحسفين على شي يمكن تكون خيرة إن شاءالله و تنكتبلج سفرة لأوربا السنه اليايه او اللي بعدها و تكون مثل ما تتمنين إن شاءالله
بس أهم شي لا يضيق خلقج و لا تتحسفين إستانسني و تأكدي السفرة بتكون حلوه إذا إستانستوا فبها
و الله يهنيكم يا رب و يرزقكم بالذرية الصالحة