نصيحتي انج تشدين حيلج عشان تنقبلين بالتخصص اللي تبينه لان صج حرام تضيع سنه من عمرج
نظام الطب بجامعة الكويت فاشل اهوا اللي خلاني اشيل الطب من راسي عشان سالفة السنه التمهيديه و ان عادي يطردون الطلبه
اذا ما انقبلتي لا سمح الله استخيري , ما اقدر اقولج وين تدشين لان لازم انتي تختارين اللي تبينه
و تذكري الخيره فيما يختاره الله
موفقه حبيبتي
دمعة وفاء ..
ما شالله عليج الله يطرح فيج البركه وتكونين خير مثال وقدوة و اسوة لباقي البنات :* ..
الله يكثر من امثالج حبيبتي ..
شوفي اذا بتفكرين من ناحية ميولج (حسب كلامج) و احتياج الكويت ؟
بقولج طب بشري
لكن الطب البشري راح تدرسينه طول عمرج .. لان الطب يوميا يتطور فعلى طول دراسات و بحوث ...الخ
طب اسنان معدله المطلوب حيل عالي + مو مطلوب حيل لان اكثر ما كثر الله بالكويت اطباء الاسنان
والميزة فيه تفتحين لج عيادة خاصة .,
و الصيدلة ما تعجبني بوجهه نظري ( مهنتج غالبا ما تكون ورا دريشة ) @@!!!
واحس مسؤوولية صرف ووصف الادوية اكبر من مسؤوولية الطبيب نفسه !
والهندسة صح كلامج للمرا مالها مستقبل مايلقون وظايف .. لانها مهنة رجالية
يحتاجون شفتات و روحة مواقع يعني مهنة متعبة وخشنة ماتتحملها المرا
والدليل كل الحريم ورا مكتب
يمكن بس هندسة كمبيوتر مناسبة للبنت ..
وهذا رايي حبيبتي .. وانتي استخري ثم استشيري ثم اختاري .. وعسى الله يكتب اللي فيه الخير لاتحاتين شي
ودامج راسمة هالطموح ببالج لا تخلين شي يوقف بويهج ..
وتقدرين بكلية الطب تشوفين الدفع اللي اكبر منج وتسألينهم عن اللي تبينه ...
بالتوفيق يا قلبي ... وعقبال ما تبشرينا ^_^ وايييج المستشفى تكتبين لي طبية p;
ρяincєss;28971702 قال:شوفي حبيبتي من باب النصيحه و انا و الله مو قصدي احبط من معنوياتج
انا اشوف ان الصيدله افضل و احسن من البشري لعده اسباب و اولها :
طالب الطب البشري ما بعد التخرج بيظل يدرس و يدرس
يعني :
فيه شغله اسمها اللورد البريطاني او شي جذي << هذا الكلام خذيته من دكتورتي الكيمياء بحكم بنتها خريجه طب
تقول ان بنتها تاخذ خفاره و كل جم سنه تطلع تمتحن برا الكويت ( اللورد البريطاني ) و تدرس الامراض اليديده و ما الى ذلك ....!
اما عشق الطب ف اشوف ان اغلب طلاب الثانوية كانوا هاوين الطب كمهنه
و لم يعلموا عن خباياها
و لكن لكل مجتهد نصيب و ان بذل الطالب جهده لن يخسر التعب و سوف يلاقي النجاح
اما بالنسبه للصيدله فمن نظري انها اسهل و لن تحتاج لل ( لويه ) مستقبلاً ما بعد التخرج
فكري فيها زين !
و الله يكتب الخير لج و لباقي الطلبه
و بالنسبه للهندسه : كليه عجيبه و دراستها تتخللها صعوبه بس مو اصعب من الطب
المواد الصعبه اللي اهي المواد المشتركه مع كلية العلوم بس الباقيلما تتخصصين بتكون سهله
و الوظيفه مستقبلاً ححلوه
الصيدلية وااااااااااااااايد مظلومه بالكويت
الطلبة عبالهم اهيا مو شي و بالواقع أهيا حيل مهمه
برا الدكتور الصيدلي حاله من حال الطبيب مكتب و تشخيص و له مواعيد بعد
و الخبير في صرف الأدويه اهوا الصيدلي
الدكتور ممكن يصرف لج أدويه غلط أو أدويه ما يسير تاخذينها مع بعض
إلأي يعرف أهوا الصيدلي توه من جم يم ما أدري أي دكتور أو شيخ دين كان يتكلم بالراديو عن الصيدلية
لا يغرج حال الصيدلية بالكويت روحي شوفيها بره و تره وظيفتها للبنت أريــح
انتي بس شدي حيلج ولا تفكير بأفكار سلبيه ~
و أعتقد نسبتج فوق 92 و قدراتج عالي يعني حتى لو لا سمح الله ما نقبلتي عندج الهندسه
لا تحاتين إن شاء الله مقبوله طب بشري ~
