بذمتكم وش معناة حركتــه..؟؟!!!!

[الحـ مجرمة ـب]

بدخل ع طوول أنا حمدلله متملكه من اربع شهور و اكلم خطيبي و كل شي كان أوكي ف البدايــه بس من اسبوع صار له ظرف و هو إإنه جواله مفصول عن الخدمه و لا سدد مع ان مو قاصره شي و بعدين قفل جواله و كلمته من اسبوع قبل لا يقفل جواله و كان جواله مفصول بس يستقبل و الحمدلله كنا حلوووين سؤالي هنا شمعنى حركة التقفيله ذي ..؟!!! يعني المفروض يخليه مفتوح و انا اكلم عااادي .. تصدقوون قمت اوسوس بنات قلت يمكن صرف نظر مع إنه يحبني و صارحني بهالشي و قلت لأمي و أختي قلت اخاف صرف نظر و قاموا يهاوشوني يقول شل الخرابيط ذي و انا خلااااااااااااااااااص الوسواس بيدممممرني قولولي شسوي و فيه احد صارله مثلي ..
تكفووووووون ريحوني الله يريح قلوووبكم..
و إذا كلمني شسوي معااه ..؟؟ كيف اعاتبه ع هالحركه ذي..؟:rgewrg:
للمعلوميــه من تملكنا م عمره سواها فيني هالحركه...

 

[فوولي]

كلامج مو وااضح

 

[نونه المنكوشه]

عادي صارحيه قوليله هالحركه ضايقتني وشوفي شنو رده يمكن ماكان يقصد انا طبعي اذا شفت شي مايعجبني اتكلم ماعرف اسكت علشان مااظلم احد لازم افهم ف انتي ليش متعبه عمرج قوليله كل اللي بخاطرج

 

[iLLuMinaTion]

ما فهمت

 

[سماء الاحساء]

رفع لعيونك

 

[مذهلة2013]

حبيبتي كلميه قوليله ليش ؟ مافيها شيء قوليله ليش خطك مفصول فيك شيء ؟ ومتى بيتشغل ؟ وانا احاتيك من هالكلام بس المفروض مايسوي جذي بس اكيد عنده عذره بس لاتستكين وهذا ريلج حبيبتي

موفقه

 

[Patcholli]

نطريه يدق عليج وثقلي عليه مو معقوله ماعندهم تلفون بيت يدق عليج منه بعد ..!!
عاتبيه وقوليله كنت احاتيك وحيل تظايقت من الي صار
يمكن يبيج تحاتينه

 

[ReD&FoSHia]

نطريه يدق

 

[زوجة عزيز]

الحين بعد اللي سواه لا تهمتمين وايد تركيه لا اتركضين وراه مارده بيتصل لا اتقطين روحج عليه

 

[أسرار الجمال]

مع الأخت زوجة عزيز لا تركضين وراه خليه لما يكلمج سالي لان الي يبي يتكلم في الف طريقة شنو العصر الحجري في خط البيت يقدر من تلفون امه بصراحة ما اقتنع بالاعذار

 

[اذوب بكلامه]

ريحي بالك الي كاتبه ربك بيصير
اصبري لين يكلم واذا كلم قوليله انشغل بالي عليك ومن هلكلام وبس

 

[sh_mashael]

عادي و لا تسإلين

و لما يرد يكلمچ كلميه بحدود و بأوقات معينه

يعني اذا كنتي مع اهلچ ماله داعي تسولفين معاه قوليله قاعده مع الأهل بعدين اكلمك
طالعه مع رفيجاتچ قوليله نفس الشي
تعبانه لا تضغطين على عمرچ و تسهرين عشانه

وو ما تدرين يمكن صارله ظرف او شي

 

[الحـ مجرمة ـب]

آآآآآآه ي قلبي أحسه بيوقف
و عقلي احس بجن صراحــه
افكر بمليون عذر له بس للأسف...!!
لاااا اتصلت امي ع أمه بتشوف شل اللي صاير قال وراها قوليلها تلفوني خربان...!!
بالله ذا عذر يعني فيه مليون تليفون بصراحه احسها وقاااحه..
طيب و إذا بصارحه شقول و ع اي تلفون ارسل لإني ماعرف إلا رقم واحد له و مقفل..!!
سآعدوني الله يسعدكم..

 

[يتيمة جابر العز]

حبيبتي وقت الملجه لاتعلقين فيه لان مؤ من صالح نفسيتج

وعاتبيه على الحركة وشيقصد فيها ؟؟ واثقلي أبرك لج

 

[الحـ مجرمة ـب]

إيوووه كيف اعاتبه شقوووول..
انااا ما عندي إلا رقم اخته بس شقولها كيف اخليها تووصله الكلام إللي بقوله لهااا..

 

[sh_mashael]

ليش خليتي امچ تتصل على امه ؟؟

 

[أسرار الجمال]

ما ادري بس لا تزعلين عند قلة أدب مؤ طبيعية جان يقول لامه عطيني التلفون بكلمها هذا قاعد يتغلا ويسوي حركات الثقل نصيحة مني طنششششسسسي لآخر حد خليه من اول موقف يعرف انج مو قاطة نفسج عليه

 

[أسرار الجمال]

ارجع واقولج نصيحة نصيحة لا تتصلين بأحد من أهله والله اختي خلاص ثقلي وعلى قولة المثل الثقل صنعة

 

[طريق السعاده]

غلط ان امك دقت عادي اسبوع مادق بسلامته اذا رجع دق شوفي اسبابه !!

اصلن احين منو باقي عنده بس رقم واحد !! مب عجزان اذا بغى يتواصل بس يمكن كان يبي تبعدون عن بعض فتره او يتغلى عليك

لاتصيرين متمسكه فيه بزياده خليك ثقيله وخليه يحس ان غيابه مو لهدرجه يعذب خخخ اوكي عاتبيه اذا اتصل عليك قولي له خفت عليك عبالي فيك شيء ولاتكررها ثاني لو صار ضرف يقدر يخبرك باي طريقه عادي لو يجي زياره لكم البيت ولاتطرين سالفه اخاف ماتبيني !! منتي واثقه بعمرك ابددددد

ولعد تدخلين امك بهالسوالف اوكي بتحكين لها انه مفصول خطه من اسبوع بس مو تخلينها تدق على امه تسال وش فيه فلان خطه مفصول مايكلم بنتي احس مو حلوه مره


الله يوفقكم يارب ويسخركم لبعض

 

[Mjnont '3lay]

لا تتلزقين !!
فكي عنه شوي وتغلي خليه يحس بقيمتج
معروف فترة الملكه البنت مو فاضيه لزوجها واجد بحكم انها تجهز وتعتني وتهتم وما تكلمه الا باوقات معينه
اذا شافج دايم تسألين ومصره تعرفين شفيه يقوم يتغلى عليج زود
وخري عنه شوي مارده رح يرد لج وان رد عاتبيه بهدوء قولي له هالحركه ضايقتني انا مسؤؤله منك والمفروض اقلها تطمني عليك عشان ما احاتيك حتى لو من تلفون البيت وبس وسكري الموضوع لاتخلين النقاش لا يحتد ولا يطول
عشان مايلقاها عذر للخناق وبس
وبدل ما تتعبين نفسج بالتفكير
اهتمي زود في نفسج وصحتج دشي نادي اذا محتاجه سوي اشتراكات بالصالون روحي اشتري لج اكلات صحيه حطيها في ثلاجتج مثل فواكه عصاير برتقال طبيعي المراعي
حليب و بسكوت رجيم و عسل العويد طبيعي للبشره وللدوره
اهتمي بدورتج اكثر واكثر
عندج مشاكل بالشعر او البشره او الجسم عدليها قبل عرسج
وخلي هالوساوس عنج
ما قال بلاها قولي لها تلفوني خربان الا انه مل من حنتج لاااحقه على الحنه والوساوس خليها لبعد الزواج
استمتعي بايام الملكه وخلي هالسوالف بعدين