بذمتكم ما مليتوا من الهدايا التقليدية لازواجكم؟

[manoooram]

المشكلة ان الرياييل هداياهم محدوده
كتغيير فتحي حساب له وحطي بداخله مبلغ
أو بظرف صغير وبداخله المبلغ مع بطاقة فيها كلام حلو ورشة عطر
مع عشا تكونين انتي مسويته وشموع

 

[يـاكـرهـي $:]

خواتي اسفه بس تفكيركم محدود بالماركات!!!


انا عندي لكم افكار


اول شي

عندج مناسبه

اشتري بجامتين طقم لج وله و طرزي عليها اسمكم مع تاريخ اليوم المميز

و من يدخل البيت جهزي الحمام تسبحوا و البسو و حطو فلم رومنسي و الخ ،،،



عندج مثلاً غيري تجنيد سيارته !

وصليه الدوام بحجه سيارتج عند اخوج و المهم اتفقي مع اخوج او مع محل تعرفينه ياخذ السياره يغير التجنيد
او مغسله مشهوره
تسوي بولش وغيرها من هالامور مع تعطير السياره



و الهدايا

انا احب اهدي ريلي اشيا عبيطه

مثلاً
الرياييل اغلبهم مايعرفون عن الاشيا الي تنباع فالمعارض


ف مره سويت له الكوب الي لونه اسود ومن تصبين فيه ماي حار تطلع الصوره ملونه

انا سويته على مغ للكوفي

و غلفته و عطيته

و قلت له هديه حلوه و غاليه وماعرف شنو

من فتحها انصدم وضحك قالي مشكوره ذكرتيني ب مغ

قلت بسويلك كوفي تذوقه بالكوب اليديد

و سويت له وهو مو منتبه لكن لما انتبه

قال كييييف جذي شو هالحركه حدها عجيبه

لاني حطيت صورته لما كان فايز بالكاس مع حد من شيوخ الدوله

و من فرحته خذا الكوب معاه المقهى


فكره ثانيه

خذي فراش ابيض مثل مال الفنادق واكتبي عليهم ب الوان القماش او بالتطريز اسمج و اسمه او جمله حلوه



ممكن تطلعون بر وتكونين مجهزه الاكل و لعبه مع صور قديمه لما كنتي صغيره




ممكن تهدينه عزيمه لربعه فبيتكم مثلاً
تسوين بوفيه لربعه يعزمهم ويسهرون
طبعاً مع البلي ستيشن والمكسرات



تحجزين سبا لشخصين ل زوجج ورفيجه الي يحبه
عشان ما يمل و عشان يحبج اكثر


فاجئيه بالهدايا باوقات هو محتاج شي يغير نفسيته

خذا سياره

سويله كيكه عليها صوره السياره مع كلمه الف مبروك و فاجيئه ف بيت اهل ريلج


حتى لو ترقى سوي نفس الحركه



و الهدايا بعد

ممكن تسوين برواز

وتحطون بصمه لصبعكم

وتخلينها و كل سنه تحطين بصمه لج و بصمه له واذا ياكم ياهل حطو بصمته


و ممكن تهدينه دفتر صغير

مكتوب فيه كل احاسيسج

مثلاً

الصفحه الاولى اكتبي تاريخ اليوم و اكتبي شعورج بكل صدق
و اليوم الي بعده نفس الشي

كأنج تكتبين يومياتج
وبعدين خليه يقراها



اهديه قرآن معطر

فاجئيه ب بئر بأسمه

و بدال ماتحطين فلوسج بالماركات

حطي هالكم الف ف عمل خيري مثل بناء مسجد كامل ب حوالي١٧ الف درهم يعني اقل من ١٧٠٠ دينار!

ومده التنفيذ ب٦شهور والدفع على قسطين


الاشيا الخيريه بتنفعكم دنيا واخره

مشكلتي مصدعه ولا عندي افكار

:eh_s(15):

 

[om-mnooorooo]

حجزي له ملعب صابون أو بينت بوول حقه و حق اخوانه او ربعه يغير جو معاهم و يستانس و يشكرج من كل قلبه

 

[بكيزة هانم]

حلو

 

[مشاعلksa]

باقي على عيد ميلاده 20 يوم وللحين مدري وش اجيب له السنه اللي راحت جبت له ساعه الماس
وبعيد الحب بوكيه ورد وشوكلاته وهالسنه مدري الله يعين وعيد الزواج لسى ماجا لي اقل من سنه متزوجه الله يعين عالحوسه

 

[اماني سالم]

انتي تقولي تبغي افكار غريبه اهدي له زوجه تانيه تفوق الجمال هدي اجمل هديه




مجرد مزحه يعني تغشمر معج

هديه تدكرة الى مكه عمره على حسابج

 

[Pinky -cat]

انا فكرت لين انحفر مخي جان اروح اجر له سياره كان بخاطرة يسوقها اجرتها يومين وحتى راح فيها البر ههههههههه
حق ربعه واهله يكشخ بهديتي كان تغيير حلو واستانس . وفعلا الهدايا الغريبة حلوة

 

[dana.7]

مؤ متزوجه بس بقول اللي ببالي



سويله تي شيت وكتبي عليه كلام حب طالع من قلبج

او اذا عندج هوايه استغليها وسيله شي من ايدج
مثلا الحياكه سويله كبوس او جاكيت او شال

اذا كنتي تكتبين شعر او خواطر كتبي له رساله اتوقع هالشي يأثر
او طبخيله اكله اهو يحبها
سويله جو حمام ساخن او مساج

 

[عذوٍق الوٍرٍد]

بنات تخيلو بعيد الاضحى زوجي -خطيبي- عطاني جسوة العيد بس ماياب لي هدية العيد والله انقهررررت احس للحين الغصه في بلعومي تفااااجأت ؟!!

والألعن من هذا كلله اني عطيته قلت شكلي اذا عطيته بيروح السيارة واييب هديتي بس خاب ضني
مادري شسالفته

والحين احس كرررهت اعطيه هدية

احس تعقدت منو مثلي جذيه

 

[@ براءة طفوله @]

و الي ريلها ماشاء الله كل شي عنده ..
مو مخليلي مجال اشتري شي ><

 

[انجبر قلبي]

بنات تخيلو بعيد الاضحى زوجي -خطيبي- عطاني جسوة العيد بس ماياب لي هدية العيد والله انقهررررت احس للحين الغصه في بلعومي تفااااجأت ؟!!

والألعن من هذا كلله اني عطيته قلت شكلي اذا عطيته بيروح السيارة واييب هديتي بس خاب ضني
مادري شسالفته

والحين احس كرررهت اعطيه هدية

احس تعقدت منو مثلي جذيه

شدعوة حبيبتي تكرهين ريلج عشان ماعطاج هدية عيد ؟؟


ترا نادر اللي يعطون هدايا بالعيد مو شي الزامي في ريااييل مايدرون ان يعطون هدايا بهالمناسبه


تعوذي من ابليس و الهدية مو كل شي اذا حسيتي ان يحبج و لج قيمة عنده

 

[أنفاسي دخون]

ثلاث مرات سافرنا ومره حجزت لنا بسبا ومرتين فندق استانس حييييييييييييل وانا انفقرت حيل هههههههههههههه

بس ردها لي بمناسبات الظليمه شينه

 

[مآيكبرني نك]

عذوق الـ،ـورد


فيه ريآييل مآيعترفون بالهدآيآ آصلآ !

آنتي عوديه آهديه بين فترة وفترة

 

[امـ خــزامـى]

هههههههههههههه انا مع برأة الطفوووله

مافي شي مو عنددددددده كل شركة الكترونيه ياخذ اخر اجهزتها
وفي اوقااات بعد يحجز من قبل لاينزل الجهاز من 3 شهور
العطورات كلللللللللللل شي مجربه
اما الملابس مايلبس جينزات

بس دخلتوها ببالي اني اشتريله قطعه قماش واهديها له

مع اني ممستصعبتها شوي لاني مااعرف بالاقمشه الرجاليه


وش رايكم لو اروح مححل واتفق معهم وادفع ويعطوني كوبون اخليه يختار على كيفه
؟؟؟؟؟؟؟؟؟

وغلايو بصراحه انا معجبه فيييييييك ولا رد اشوفه لك الا يعجبني
الله يحفظك

 

[Cute mama]

على شان جذي ماحب بكل مناسبه اييب هديه حق ريلي
بعدين حلات الهدايا من الريال والمره اتييبله بس مو بكل مناسبه
مو شرط الهديه تكون غاليه او تنشرى
شغلات بسيطه تونس
غير الشغلات اللي نعرفها بوك ملابس عطر مسباح والخ الخ
رسميله اي رسمه تعبر عن حبج او تعبر عن المناسبه اللي انتوا فيها ووديها اي محل يطبعونلج ياها على كيكه
وحتى لو ماتعرفين ترسمين بتطلع الصوره تضحك اكثر عالكيكه
انا سويتها اول ماتزوجت وزوجي وايد استانس فيها
رسمت زوجي وانا ماسكين ولدنا بعيد زواجنا
كتبيله رساله حلوه وعلقيها عالمنظره
كتبي بالحمره اي كلمه حلوه بمنظرة حمامه قبل لايروح الدوام يشوفها ويستانس
طبعا انا مو قاعده اقولكم بس هدايا
هذي حركات تسوونها بسيطه وتونس الزوج
مو الا بالمناسبات هم بالايام العاديه
يبيله جم ماعون يديد وسويله ريوق مثل الفنادق
كرت بنزين مهم عندهم
شنوو بعد
مخي وقف
هذا اللي يا على بالي الحين

 

[منـــاي]

فيونكه حمرا و ربطوها عالخصر وخلاص هذي احلى هديه اي والله

 

[قناطير]

مراحب للجميع ماحبيت اطلع وانا ماعلقت
بس حبيت اقول فكره انج تساافرين معااه لو يوومين وتردين اي مكاان
بس

 

[Cute mama]

ههههه مناي عجيبه

 

[زبــــــــدة]

واااي عيد ميلاده قرب وانا بس شريتله ست من بودي شوب ..

وناوية اذله كفر ايباد وكفر ايفون ... وبس ...ميزانيتي زيييييرووووو لوووول بطاليه

 

[يونييك]

أعجبتني افكار غلايوو حدها رووعه
وبعد فكرة مناي^_*

بالنسبة لي
انا للحين طالبه
وهدياي على قدي لوشنات كبكات
بس افكار البنات ما شالله
حلوه ومش مكلفه