بذمتكم ما مليتوا من الهدايا التقليدية لازواجكم؟

[انجبر قلبي]

لا تحاتين امنيتج متحققه

كذا موضوع مر علي رياييل يسالون شنو اييبون هدية حق زوجاتهم وانا اسوي سيرج

 

[عسل سل]

الحلف بغير الله والذمه شرك وشكرا :$

 

[Um Tuki]

سيارته لكزس فيها نيفقيتور و بيوم زواجنا خذيت له ايفون و ابتلشت هههههههههه

 

[مسك اسود]

خذيله قطعه خام ماركه جيفنشي او دنهل يفصلها حق العيد وايد حلو

متوفره عندي اذا حابه

 

[عروس فبراير]

انا بعيد ميلاده شريت له عطر مع لوشنه وجذي وعزمته على مطعم
وبعيد زواجنا قلم وبوك
الحين عيدميلاده قرب اتوقع اشتريله فطعة خام وساعه

او اعزمه فندق او يخت للحين محتااره

 

[قلب راشد]

اب اب اب

 

[حبووبه وطيووبه]

اشكرج على هالموضوع

انا اقول كل وحده تعرف ريلها شنو يحب ومايحب ولا شنو بخاطره

عن ريلي مايحب ولاشي

ياما فاجئته بفندق منشر الي بالغرفه حمامم سباحه

وشريت له نظاره قوتشي بخاطره اول مانزلت

وشريت عطورات متنوعه ولوشنات وكريمات وملابس وخرابيط

واخر شي قالي هالسنه مابي منج ولاشي

قلت اوريه مايبت ولاشي حقه وانا بالدوام دازلي مسج حتى ورده مايبتيها لي

قلت ماتبي شي خلاص احسن وفرت علي هههههههههههههه

اول مره امشي بشي صح

فالريال كثر ماعطيناه يتدلع مايعجبه العجب ولاصيام رجب فعلى حسب الريال نفسه




وكفكره يديده ماكو ..... لان مسحت من قاموسي الهدايا

 

[Sisyphus]

اب
ا
اب
اب
اب

 

[cool-princess]

انا عيد ميلادي وميلاد زوجي بنفس الشهر وبينا اسبوع

اذا تبين له هديه حلوه اخذي اجازه من دوامج ودوامه اذا تقدرين3 ايام او اسبوع او 10 ايام
واحجزي لدولة تدرين انه خاطره فيها وسافروا بروحكم وخلي هالسفره للاستجمام يعني لاتسويين شوبينق
جنج مسافره بالصيف سياحه لا
واحجزي جناح خاااص فيكم بفندق كشخه وحاولي انه هالسفره تكون غير عن الباقي وجربوا كل شي جديد

هذا اللي انا مفكره اسويه واشوا انه عيد ميلاده يكون اهوا اساسا عنده اجازه لوووووول

 

[Om_Ksha]

انا توني توني شاريتله هديه،،
يوم ميلاده الشهر الياي بس في عرض بنادي شامبيونز مايتطوف واهوا بخاطره يشترك بنادي فاشتركتله سنه
يفرق السعر بعد العرض والعرض بس لرمضان فاللي تبي تلحق قبل لا يخلص

 

[ماتخيلتك حبيبي]

احس ان احنا نكسر الخاطر

دايما نفكر فيهم ومعذبين نفسنا معاهم ونتجهد لهم
واهم مره في السنه يسون مفاجأه هذا اذ اهو كريم
ويقعد الي السنه اللي وراها يثلنا فيها

اكثر شي صدم مخي سافر للعمره ولا جابلي هديه
كسرت خاطر نفسي
<< اهم شي اني قرقت
حطيتوا ايدكم ع الجرح

 

[حبووبه وطيووبه]

احس ان احنا نكسر الخاطر

دايما نفكر فيهم ومعذبين نفسنا معاهم ونتجهد لهم
واهم مره في السنه يسون مفاجأه هذا اذ اهو كريم
ويقعد الي السنه اللي وراها يثلنا فيها

اكثر شي صدم مخي سافر للعمره ولا جابلي هديه
كسرت خاطر نفسي
<< اهم شي اني قرقت
حطيتوا ايدكم ع الجرح

وانا نفسج هالشهر هذا ماعطاني شي عذره مريض العيار وحتى كل عام وانا بخير ماقالها بط جبدي

الحال من بعضه الله كريم هههههههههه

بنلقى الي ييب لنا لاتحاتين :bbbiu:

 

[Sisyphus]

اب
اب
نبي افكااااار

 

[Patcholli]

لوول انا وحده ادري هديتي شنو قبل لاتوصلني بس ريلي دايما ايبله هدايا ماتخطر على باله
يعني مثلا احسسه اني بيبله ساعه واصدمه بلاب توب
او احسسه اني بيبله تلفون واصدمه فبوك
وجذي ..
بالنسبه حق التغير حبيبتي هاذا اللي نقدر نسويه ماتوقع في افكار ثانيه
هديه عشى لبس حلو

 

[Patcholli]

وانا ماقمت اعور راسي بالهديه لان ريلي يروح يشتري نفس اليوم
يعني عادي يدش مجمع ويدخل اول محل يشوفه بويهه وياخذ اي شي ويطلع مايتعب روحه ليش انا اتعب روحي ؟ طاااااااااااااااااااااااااااااااااااااااااف ماتعب روحي واسوي شي بسيط لا وساعات اخلي كلشي عليه اقوله انت تظبط المناسبه هالمره


جربي تأجرين يخت وتظبطينه من داخل بكيكه واجواء حلوه وجذي مادري احس الجو يساعد الحين برااااد ورومانسيه

 

[عروس فبراير]

انا كنت حاطه ابالي بعيدميلاده الياي نحجز فندق يومين
بس يوم قعدت احسب طلع يوم ميلاده اكون انا نفاااس ,, مفكره اشتريله قطعت خام وغتره ...

 

[غلايو]

خواتي اسفه بس تفكيركم محدود بالماركات!!!


انا عندي لكم افكار


اول شي

عندج مناسبه

اشتري بجامتين طقم لج وله و طرزي عليها اسمكم مع تاريخ اليوم المميز

و من يدخل البيت جهزي الحمام تسبحوا و البسو و حطو فلم رومنسي و الخ ،،،



عندج مثلاً غيري تجنيد سيارته !

وصليه الدوام بحجه سيارتج عند اخوج و المهم اتفقي مع اخوج او مع محل تعرفينه ياخذ السياره يغير التجنيد
او مغسله مشهوره
تسوي بولش وغيرها من هالامور مع تعطير السياره



و الهدايا

انا احب اهدي ريلي اشيا عبيطه

مثلاً
الرياييل اغلبهم مايعرفون عن الاشيا الي تنباع فالمعارض


ف مره سويت له الكوب الي لونه اسود ومن تصبين فيه ماي حار تطلع الصوره ملونه

انا سويته على مغ للكوفي

و غلفته و عطيته

و قلت له هديه حلوه و غاليه وماعرف شنو

من فتحها انصدم وضحك قالي مشكوره ذكرتيني ب مغ

قلت بسويلك كوفي تذوقه بالكوب اليديد

و سويت له وهو مو منتبه لكن لما انتبه

قال كييييف جذي شو هالحركه حدها عجيبه

لاني حطيت صورته لما كان فايز بالكاس مع حد من شيوخ الدوله

و من فرحته خذا الكوب معاه المقهى


فكره ثانيه

خذي فراش ابيض مثل مال الفنادق واكتبي عليهم ب الوان القماش او بالتطريز اسمج و اسمه او جمله حلوه



ممكن تطلعون بر وتكونين مجهزه الاكل و لعبه مع صور قديمه لما كنتي صغيره




ممكن تهدينه عزيمه لربعه فبيتكم مثلاً
تسوين بوفيه لربعه يعزمهم ويسهرون
طبعاً مع البلي ستيشن والمكسرات



تحجزين سبا لشخصين ل زوجج ورفيجه الي يحبه
عشان ما يمل و عشان يحبج اكثر


فاجئيه بالهدايا باوقات هو محتاج شي يغير نفسيته

خذا سياره

سويله كيكه عليها صوره السياره مع كلمه الف مبروك و فاجيئه ف بيت اهل ريلج


حتى لو ترقى سوي نفس الحركه



و الهدايا بعد

ممكن تسوين برواز

وتحطون بصمه لصبعكم

وتخلينها و كل سنه تحطين بصمه لج و بصمه له واذا ياكم ياهل حطو بصمته


و ممكن تهدينه دفتر صغير

مكتوب فيه كل احاسيسج

مثلاً

الصفحه الاولى اكتبي تاريخ اليوم و اكتبي شعورج بكل صدق
و اليوم الي بعده نفس الشي

كأنج تكتبين يومياتج
وبعدين خليه يقراها



اهديه قرآن معطر

فاجئيه ب بئر بأسمه

و بدال ماتحطين فلوسج بالماركات

حطي هالكم الف ف عمل خيري مثل بناء مسجد كامل ب حوالي١٧ الف درهم يعني اقل من ١٧٠٠ دينار!

ومده التنفيذ ب٦شهور والدفع على قسطين


الاشيا الخيريه بتنفعكم دنيا واخره

مشكلتي مصدعه ولا عندي افكار

 

[flawar]

حتى انا مليت من الهدايا التقلدية بس ماكو حل الا تنوعين واهم شي الاجوء
والهدايا خلوها بن فتره وفتره بعيده مو عطول الاذا شفتي شي حلو ومميز ودج تاخذينه وتخافين ماتلقينه وقت المناسبه الجايه يعني جذي



في مداليات محفوره باسمه او سبحه باسمه وفوطه باسمه او اي كلام تبينه في تاجره كانت تبيع جذي

او

غتره ماركه حلو ه

خام لدشداشه وتغليف بشكل حلو

ملابس رياضيه

بجايم وبوكسر حتي لو مايلبس اشتريله واهم شي التغليف والتقديم بشكل حلو

جاكيت حلوو

جوتي كشخه او سبوره وانتم بكرامه يحبووون هالسوالف

ممكن تحجزين سبا له بيكون يوم حلو يمدحوون اللي بالمهلب

ممكن داتا شو تشترينه وتشوفون فيلم كانكم بسينما وتجهزين نفيش وبطاط وكاكاو اجواء حلو ومفاجاءة له

تحجزين بفندق ويكون مجهز لج كل شي وطبعا تكلمت عن الشي بردوي بمواضيع جذي عن اللي يجهزولج ويحجزولج الفندق وانتي بالبيت وممكن تحجزين شاليه يومين

ممكن تسوين سي دي شعر باسمه وتفاجئينه بالسياره

او تسوين بداتا شو صور له وكلام حلو وشعر وتعرضينه له

تحجزين فيلم لج انتي وياه بسينما

او اخذي كرت من الجوثن او الشايع بقيمه معينه وهو ينقي هديته ع ذوقه

احجزيله مده معينه بنادي صحي معهد رياضي او نادي__ رياضه سباحه
شوفي شنو يحب

ومادري بعد لو في افكار وفناتق نبي

 

[flawar]

في وحده الله يجزاها خير
قالت ممكن تفاجئينه بصدقه جاريه باسمه وهم ممكن لامج ابوج لاتنسونهم

راح يستانس حيل هم هديه تبقى طول العمر

 

[أروح فدوه لك]

ايه صح ملينا من البوك والقلم والمصباح ...الخ

انا سويت شي جديد رحت الـهوم سنتر وطلبت غرفه جديده وقالوا لي بعد 15 يوم توصل وعطيتهم العنوان وتفقت معاهم
بهاليوم وبهالتاريخ وعطيتهم عنواني ورحت محلات للولبيبر= اوراق جدران ونفس الشي اتفقت وياه بالتاريخ واليوم جيني
ورحت فندق الشيراتون حجزت حق 3 ليالي وقلت لزوجي مفاجأه عندي لك وفالبدايه ماتقبل ينام بالفندق وبروحه 3 ليالي بس تنعتته وراح ورحت الصالون قصيت شعري وغيرت لونه وغيرت ستايلي انا مالي شفايف صغار وكبرتهم بالابر المؤقته .. مع خدود
حسيت صج شكلي صار غير وحلووو سويت حواجبي مع صبغة براون طلعت غيررر عروس جديده وصلت بيتي الاثاث جاهز والاوراق مثل مااخترتها للجدران وزت الشموع اللي لها ريحه فواكه مع ورد روز طبيعي ورتبت الغرفة وخليت الجو رومنسي حتى الابجورات غيرتها بعد3 ايام رجع زوجي الليل البيت وحصلني بالغرفه واقفه انتظرته انهههبل حتى يقول متأكده انتي زوجتي ههههه وطبعا لازم هديه بوكس داخله تيشرت بربري والثاني لاكوست لانه احب هالماركتين فكره جديده وحلوة جربوها