بدوي في كيرلا الهنديه

[سفيرة الهند]

بسم الله الرحمن الرحيم ..
السلام عليكم ورحمة الله وبركاته ..
صباح \مسا الخير لجميع الأعضاء والزوار ..

كثرة السواليف عن كيرلا الهندية وبأكتب اليوم موضوع مختلف عن المواضع الي قريتها وشفتها بالمنتديات الاخرى وأنا مرة تأثرت بالطبيعة البدوية الي جيت منها ..الرمل ..والصحراء ..والخيمة ..وكلب الصيد ..والدلة ..والمحماس..

وبنقل الي اثر فيني وشدني ... هو
البحر ..والنهر ..والبحيرات ..والطبيعة الساحرة الخضراااااااااا ..وجداول المياة .. والمحميات الحياة البحرية ..

وبتكلم عن ..
((سباق القوارب)))

الذي يقام وسط المناظر الطبيعية الخلابة والمياه الزرقاء ويستحوذ على اعجاب الكثير ..حيث يقام سباق ((كاس نهرو ))
كل ثاني يوم سبت من اغسطس سباق ((غاندي للقوارب ))ويقام كل اخر سبت من اغسطس سباق ((شاماكولام))ويقام من شهر يونيو من كل عام ..
في هذي الاحتفالات تزين الاماكن بالزهور والاظواء المتلالائة كما تقم حفلات الرقص والغنا ومواكب الفيلا والاحتفالات التقليدية ومهرجانات المياه ...

(بيت القارب)..

رحلةمع المواج المتعرجة تريحك عن جميع الضغوط العصبية المؤلمة الزوارق المنزلية في كيرلا ..
عامل من العوامل التي تحسن جمالها الطبيعية وتعزز السياحة حيث تنفرد بها كيرلا حيث تتمكن من مشاهد المناظر الطبيعية بالكامل بجولة عبر الانهار والبحيرات ويتكون البيت القارب ..
غرفتين نوم ..مع دورتين مياه ..مع تجهيز مكيف .. وغرفة لطعام ..ومتابعة البرامج التلفزيزنية ..مطبخ يؤمن لك ثلاث وجبات .. الافطار والغداء والعشا ..

ويقوم علية ربان مهرة وطباخ جيد .وهذا يكون لوحدك مع عائلتك واولادك فقد ..حيث يأخذك يوم كامل بين انحاء البحيرة الكبيرة والممرات البحرية
في جو خلاب ورمنسي ينسيك مصاعب الحياة ...

والصور خير برهان ..

حبيت بس أشرح لكم من الأشياء المميزه بكيرلا بطريقتي الخاصه
ترقبوا قريبـــــــــــــا كاميرة سفيرة الهند تتجول في كيرلا rr:r​

[/QUOTE]

 

[سفيرة الهند]

هاه ونكن يابنات جيت أحكي لكم قصتي ,,,

بسم الله الرحمن الرحيم..

السلام عليكم ورحمة الله وبركاته ..
موضوعي اليوم حساس موضوع وجداني ..نفسي...يتعلق بي ويمكن يشاركني الكثير..
سوف اكشف لكم السر الخطير في عشقي الدائم والمتأصل في كيرلا وحاوليها
بعد ما دررت في الكثير من الدول والعوالم <=مفرد عالم عاد إعذروني مني متعلمه اللي يقدر الله يحييه :cxxxp:

..وأتمنى مايضايقكم الحديث عن نفسي لأني بأقررق لكم السر واللي ماأقدر إن اكشفه لغيركم وبقولكم هو السر في عشقي لكيرلا انا اعشق زوجي وأحبه هو حشاشة جوفي وأبو عيالي ياحيي وميتي
.....
كثير منكم زم شفته وقال وش علينا منها تحكي عن زوجها اصبروا علي شوي وإهدوا الله يهدينا جميعا ..
الغيرة الي توجج في قلبي ما رحت لبلد الا اقلب عليه الرحلة غم وهم وهو مسكين مو عارف وش يرضيني حتى إني ودي أغمض عيوني عشان هم بعد يغمضون عيونهم ما يشوفونه ...
وهذا الشئ الي خلاني ما استمتع بالرحلات السابقه لكن كيرلا مختلفه كيرلا ينطبق عليها الي يقولون الماء والخضر والوجه الحسن انا بس

لا تقولون تعالجي تعاااالجت لا دكتور حبيب ولا( انتي دبرسنج) هذا من ثقافتي الدوائية ,..
واثر السرفي كيرلاااااااااااااااااااا
اضني طولت عليكم في ناس ما يهمهم هذا ارجع لموضوع عشقي لكيرلا ابدا بالزي والغطا ..
انا قلتلكم اني بدوية ومحافظة على برقعي وعباتي ومحد استنكرهـ ولا استغربة وبعض المرات اقرب من الي مثلي احسب انهم من ربعنا اثرهم اهنود لابسين مثلنا ... ياحليلهم ..
مو زي وحدة من الدول الي رحتلها الأم تقول للبنت (ياماما تعالي ولا بجيبلك البعبع ))قالت البنيه ( لا ياماما وينو )) قالت الأم : (( لفي لوراا)) وأثرها تاشر علي ..
ولا جيت عند نظافة الفنادق و المنتجعات وترتيبها ما ودي أتكلم كثيراخليكم مع الصور ونتم احكموا ...
عاد أناإنهبلت يوم شفت الزين والخضار وعلى طول مسكة ذيك الصغيرة اللي تحمل معانا الذكريات وشي ؟؟
إيه الكاميرا <== يالله الحمد على التطور ...

نبدأ ...

7
هذي من برا الفندق من الشباك

7
وذا ياعالم وش زينه يخليك ترتاحين تخيلوا تقوم الماء تهتز سبحان الله وتريحك ذا داخل الفندق ..

7
وذي غرفة بزارينا يالله إنك تهديهم ..

7
وذي غرفتنا أنا وأبو العيال ...

وذي المغسله ..

7
وهذا الفندق من برا ....

وذا لاااااا يفوتكم ..
ذا البيت أو الكوخ مرررره حلو ... تخيل كأنك في البيت بس داخل البحر وتطل عليه من كل الشبابيك ..
وفيه غرف نوم وحمام و مكيف باسبلت ...

بواصل ... بس بتقهوى وأرجع ...​

[/QUOTE]

 

[سفيرة الهند]

وييييييييييييييييين التفاعل ماأحد يبي أكمل قصتي ؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[أم خالد]

انا معاج عالخط صاجه الهند ما شفت فيها الوصخ والأكل ما كو أحلى منه خصوصا الايدلي والسامبار والراسملاي الله
وحتى الشعب ما فيه لقافة ويحترم الضيف حتى العاملين بالفنادق ودهم يشيلونا شيل وما يقصرون بأي شي وفيهم أمانة يا حلو الهند كل منطقة فيها غير عن الثانية أحلى شي الطبيعة والهدوء
بس هذا الفندق بأي منطقة بكيرلا؟ وشسمة ؟وبكم أسعار الغرف وشنو الرحلات الي يسويها

 

[سفيرة الهند]

انا معاج عالخط صاجه الهند ما شفت فيها الوصخ والأكل ما كو أحلى منه خصوصا الايدلي والسامبار والراسملاي الله
وحتى الشعب ما فيه لقافة ويحترم الضيف حتى العاملين بالفنادق ودهم يشيلونا شيل وما يقصرون بأي شي وفيهم أمانة يا حلو الهند كل منطقة فيها غير عن الثانية أحلى شي الطبيعة والهدوء
بس هذا الفندق بأي منطقة بكيرلا؟ وشسمة ؟وبكم أسعار الغرف وشنو الرحلات الي يسويها

هلا وغلا بك ,,
ياأم خالد ,,
والله إنت اللي تشجعين الواحد يكتب ,,

هذا الفندق الله يسلمك إسمه هو ممتاز Radisson

وأنا عندي الكثير من الصور اللي ودي أعرضها لكم ,, وإن شاء الله بتعجبكم ,,

وبالنسبه للأسعار إحنا كنا متفقين مع مكتب سياحي ممتاز ,,

ورحلتنا إن شاء الله ع الشهر الجاي كمان مع نفس المكتب ..وبالهند كمان ,,<= حبيتها لاحد يلومني ,,​

 

[دار الزين]

حلوووووووووووووووووووووووووووووووو

متابعين

 

[أم خالد]

ما قلتي بأي منطقة بالهند

 

[حبنا الله عليه]

مناظر تهبـــــــــل

عليكم بالعافية ............

 

[MiSs_ViSTa]

انا معاج كملي

مشاء الله خوش صور و كلشي عجييييييييييييييييييييييييب_03BA:


نبي باجي الصور و تقرير الرحله مع الاسعار بلييييييييييييييييز


و الحمد الله على السلامه​

 

[الكادي 1981]

متــابعيين كمــلي ..... قبــل لأســـافر

 

[سفيرة الهند]

وهذي أحد الغابات تهبل ...
يازين من يجيب معه دلة القهوة والبرحى ويمد الرجول ويناظر ذا الخضااااار ...
يالله الجنه...

أكمل لكم ....
اليوم عاد اليوم اللي رجعلي شبابي (عاد لاتحسبونن عجيز لا بس زاد شبابي ))<= تصريفه غبر منطقيه m:7

لأن رحت للمنتجع اللي يفتح النفس تبون خضار تبون راحه ,, مساج هنا تلاقونها ...

ذي بعض صورالمنتجع..

وذا المنتجع من بعيد ..

وهذي داخل المنتجع بغرف المساج الكيرلاوي يااازينه زينااااه ...(( علاج طبيعي للزيوت الطبيه العطريه وهوعلم تشتهر فيه كيرلا من زمان))يسمونه السبا ....

[/QUOTE]

 

[سفيرة الهند]

هذا النهر مناظره جميييلة تاخذ لب العقل وهذا ناتج من قنوات مائيه لروافد أربع وأربعين نهر تصب كلها في بحر العرب وهذه قد أوصت عليها الجمعيه الجغرافيه العالميه للسياحه من خمسين بلد في العالم يجب على السايح زيارتها على الأقل مره في حياته ,,, يأخذك بيت القارب في رحلة ممتعه بين هذا القنوات مناظر خلاااااابه تسحر العين ,,,

وهذا موجود في كرمكوم <=ياارب صح هذا ترجمتها بس مودقيقه
مشهوره بالقتوات المائيه الخلفيه ..

منتجع في كرماكوم محتل جزيرة تحيط فيه الماء من كل الجهات ,,

هذي وحده من الغابات اللي مرينا عليها لما كنا بطريقنا إلى مونار ..

هذي يالربع مزارع الشاي المنتشره مررره في كيرلا ..ماشاء الله

هذي الشلالات مشهوره في Athirapillyسبحــــــــــــــانك ياارب

هذا المنتجع قريب من ترافندروم
,, وذا ينقلك نقلة من زقاق ضيق متلوي لا يوحي لك بالفخامه وكأنه بعيد عنها بعد المشرق عن المغرب وفجا تلاقي نفسك بمنتجع رهيييب ومنسق وفخم وفيه شي غريب الصيف والشتا والجبل والبحر .. فيه أصنصيل (يسمونه بالعنجليز لفت) ينزلك ويرفعك من الجبل للبحر
وفيه مسابح بالجبل وبالساحل ,, يطل على المحيط ,,, تخيل قاعد وتسمع أصوات الأمواج وهي تتضارب على الشاطئ ,, واااااااااااااااو ..
وفيه مطاعم متنوعه ولذيذه يمي ,, ( أطلب سمك مشوي على طريقة كيرلا بأوراق الموز ) b:3لا يفوتكن يابنيات عشان تطبخوها لرجلكم ياشيخه عقبها مرح يناظر لغيرك (أقرب طريق لقلب الرجل معدته )..

ترقبوني ,,,

بملخص الرحلة ,, الأسعار ,, أبرز الأماكن ,, أجمل المواقف ,,,

مع البدويه الكيرلاويـــــــــه ...​

[/QUOTE]

 

[أم خالد]

ضحكتيني اسمها كوماراكوم
لأن فيها الكثير من طائر اسمه الكومارا
الي يروح لها لازم يأجر قارب الصبح الساعة 6ونص يشوف الحركة في بداية اليوم عند سكان المنطقة الي تغسل الملابس والي يقرا الجريدة والي تسبح ولدها والي لابسين لبس المدرسة ويتمشون للمدرسة
وفيها مسجد قديم فيه ضريح لمالك بن دينار احنا رحنا بس ما أدري هل فعلا مالك بن دينار دفن في هذه المنطقة ولا لأ
عساج بس سويتي المساج تراه عجيب بس الي يضيق الخلق انهم قبل لا يسوون المساج لازم يصلون حق تمثال البوذا الي لازم يحطونه بالغرفة علشان يشكرونه على الموهبة الي وهبهم إياها وهي موهبة التمسج
كملي وانا متابعة الموضوع

 

[حسايف*]

تكفيييييييييييييييييييييييييييييييييين كملي الموضوع بسسسسسسسسسسسرعة
وحطي الاسعار واسماء مناطق واجمل الاماكن فيها وشلون الجو وكم يوم قعدتو
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انطرج
اتوضييييييح اهم شي
والف شكر

 

[ورق عنب]

كملي يا احلى بدوية كيرلاوية ... واهم شي الاسعاااااااااااااااار

 

[سياسية]

حلو الموضوع..بس ياليت تكملينه أسرع شوي

 

[Lemon Juice]

ما شاء الله تبارك الرحمن

مناظر تفتح النفس

وناطرينج

 

[q8_pearls]

جنه الله بالارض

 

[NoWay2know]

يعطيج العافية

 

[q.u.e.e.n]

الصــــــــــور تهبل شجعتيني ازوووووووووور الهند كملي الموضوووع ناطرينج