بدوووون كوويتيه ... ومالي غيرج يااكويت

[حسبنآ الله]

حياتي ربي يفرج همكم ويعينكم يارب

 

[سكوتي بذوقي]

الله يفرجها عليكم يارب

 

[طنيانه]

لاحــــــــول ولاقـــــــــــــوة الا باللــــــــــــه
اللـــــــــــــه يكــــــــــــــون بعــــــــــــــونــا <<
انـــــــا تــــوي متخـــــــــــرجه من الثــــــأنوي بتقديــــــر (جيد جيدا)
وماقبـــــلني اي مـــــكان والحيــــــــــن حــــذفت شهــــــادتي بالكبـــــت
واحتســــــــب الاجـــــر //
واخـــــــواني واخواتي اللي قبلي جذي حتى اخواني الصغار مو راضيين يكملون يقولون اخرتنا بنقعد نفسهم
واحمدي ربج هذا ابتلاء خفيف وان شاء الله ابتلاء محبه
سمعي سالفة امي يمكن تهون عليج سالفتكم امي توفت امها بالسعوديه وامي بدوون مو شايفه امها من 20 سنه والله انها يوم درت بالخبر وهي تعض ايدها وتقول حسبي الله ونعم الوكيل ع اللي كان السبب واحنا ليومج هذا نبجي على جدتنا اللي كنا نسمع صوتها بس ومانقول غير حسبي الله ونعم الوكيل ع اللي كان سبب بضياع البدون

 

[رحيل المرافيء]

خل يشتغلون حراس امن ترى راتبهم زين 170 دينار ويشوفون لهم شغلة ثانية
او محاسبين بالجمعيات
وعندج اللجان الخيرية يوظفونهم

 

[Polandya]

حبيبتي الله يكون بعونكم وجان زين يتحجون عنكم وينمدجون بموضوعكم
كثر ما اهم مندمجين بنشر الطائفيه و فساد البلاد ...

 

[انصاريه قمره]

رحيل الله يهديج شهايد وحالتهم حاله الناااس يشتغلون حراس امن على 170 لا وتقولين زين شتسوي ال 170 بهالزمن ؟؟
عسى ربي ينصركم وعسى الحكومه تتكرم وتحرك الموضوع وتشوووف حل لهل القضيه الانسانيه
وصح يقولون مشوا لهم شهايد ميلاد وعقود زواج لمده اقل من شهر تالي لغوهم حسبي الله ونعم الوكيل ليش تفرحونهم دام انتوا من البدايه مو قدهاااا

 

[ورع البدو]

الله يفرجها عليكم يااااارب

ولا تخافين ما اتوقع أحد يجرحج لأن اهل الكويت كلهم طيبين ويتمنون تنحل قضية البدون اليوم قبل باجر وانتوا منا وفينا وياما بدون استشهدوا في سبيل الكويت

لكن القرار مو بيدنا

والله يسمع ويشوف وهو اللي بينصركم

 

[كويتاوية 15]

الله يكون بعونك ويارب تلقون وضايف سنعه ومعاش زين
والله مفروض المدرسين كويتين وبدون حاطين لنه مصاروه وتونسين والله عندنا ابله تونسيه والله ما افهم منها شي وابلات هنود يعني احنا شلون بنفهم لو حاطين بدون على الاقل منا وفينا عيالنا مو ناس مادري من وين
يارب تنحل مشكله البدون

 

[عمري الكويت]

الله يفرجها عليج وعلى اهلج يارب ويفرجها علينا يارب ويفرجها على كل بدوون يارب

 

[ادمر قلبي]

مشكوورين ع ردودكم يااااااااارب

 

[عسووولة زوجها]

الله يفرجها عليكم

 

[samyah a.o]

ياااااااااااااا كااااااااشف الغم يااااااااااااااا مجيب المضطر
أكشف عنها البلاااااااااء وعجل عليهم الفرج يااااااااااااارب أمييييييين
من جد شي يقهر العمر يمشي وهم يماطلون على غير سنع
لكن لك رب مايضيع حق احد

 

[a7ebah]

الحال من بعضه

هذي اهي الشهاده بالكبت مقطوطه
لأني بدون
والكل تغيرت حياته ودخل الجامعه
الا انا لأني بدون
كل يوم ابجي على هالسالفه بس شسوي
مالي غير ربي
والله كريم

الله يعينج ويعيننا

 

[~✿ ارتـِوآآآء روح !]

انا مااابي اشكي لكم ... اووو اقوول اي شي
انا ماااشكي لا لرب العالمين وواهووه اقوي من الكل

ولماذا تتضايقين وانتي تعلمين ان الله اقوى من كل شي وان الله بيده كل شي ,,*
فقط احسني الظن به والجئي اليه وحده القادر على ان يغير الحال من الاسوء الى الاحسن وحده فقط
لاتشغلين نفسك بدنيا مصيرها الزوال اعملي للجنه
كل راحه ذاهبه الا من استأنس بالله راحته بقلبه وبروحه
كون لله كما يريد يكون لك فوق ماتريد
فرج الله همك

تقول أم سلمة رضي الله عنها : سمعت رسول الله صلى الله عليه وسلم يقول : ما من مسلم تصيبه مصيبة فيقول ما أمره الله (إنا لله وإنا إليه راجعون) اللهم أجرني في مصيبتي وأخلف لي خيراً منها إلا أخلف الله له خيراً منها ،

 

[ام حموديNEW]

يااااااارب ياااسميع ياامجيب دعوه المضطر اذا دعااه افتح ابووواب رزقك لهم ولجميع المسلميين يااارب تفرجها على كل انسان متضايق

حسبنا الله سيؤتينا من فضله إنا إلى الله راغبون

 

[FeShinGoOo]

حبيبتي والله .. محد ينكر انكم عيال الكويت ومحد ينكر دم الشهداء البدون الي عطو ارواحهم حق الكويت
حسبي الله ونعم الوكيل الواحد شيقول
منحرمين من كل حقوقكم على ورقه على اثبات والمشكله ان الوافدين عايشين امراء بديرتنا ومو عاجبهم وعيال الكويت محرومين ومظلومين وعمارهم تضيع عشان مو قادرين يحصلون اثباتات
صج قهر
مادري اختي انتي تشتغلين ولا لا بس من راي لو اخوانج يحاولون يجمعون جم بيزه ويسون مشروع صغير احسن
حتى لو ايبون بضايع من برا ويبيعونها اهني بالديره بربح بسيط والله هالشغله حيل مربحه بهالوقت
والطلبيات عالانترنت مو لازم سفر وجذي

 

[FeShinGoOo]

رحيل المرافيء بذمتج اتكفيج 170 دينار بالشهر ..؟؟
الاجارات بروحها مو اقل من 250 دينار .. شتقولين ياختي
وليش يشتغل شغلتين هذيل عيال الكويت ليش يتبهذلون ويتمرمطون .. ليش مايعيشون عيشه كريمه مثلنا ..؟؟ ليش نحسسهم بالنقص وانهم غير عنا ..؟؟

 

[زهره الجلنار]

الله يعينكم

 

[هيفاء ksa]

منجد شي يقهرررررررررررررر
الله يفرجها عليكم ياقلبي وعالجمييييييييييع يارب
ولايلومون اهلك حرام هذا كله قدر ونصيب

 

[Très Jolie]

انزين حبيبتي تحبين هل ديره ومالج غيرها بس شبيدكم تسوون؟؟

الزم ماعليكم مستقبلكم وشلون تاكلوون
تقدرون تاخذون جنسيه احلى دوله وتعيشون احلى عيشه وفلوس
حرام شهاداتهم تضيع عل فاضي على شنو صابرين؟؟