[ بدونك من أكون ] ..~ روآية بـ أنآمل كويتية ..~

[Absent Hope]

في بيت جراح...

( خليفه يسحب نوال وينزلها وهي معانده )

نوال: وين وين..!
خليفه: الحين انتي نزلي
نوال: انزين وين تحت ماني رايحه
خليفه: اووف خلاص بقولج.. بدخلج غرفتي .. محد يدخلها .. وبعدين فيها مكيف.. وعندي لج مفاجأة
نوال: شنو..!
خليفه: تعالي انتي الحين
... في غرفة خليفه...
نوال: الله براد
خليفه: صارلي ساعة اقولج نزلي.. اقعدي ع الكرسي
نوال: الله غرفتك حلوة
خليفه: بوريج شي راح يعجبج
نوال: شنوو..!
خليفه: تفضلي
نوال وهي فاتحة عيونها: وااااو حلووة
خليفه: هذي صورتي لما كنت صغير
نوال: اشوف الالبوم اللي هناك
خليفه: هذا البوم لما سافرنا قبل سنة لبنان
.... نوال تقلب بصفحات الالبوم وتتفرج ع الصور...
نوال: خلوف منو هذا..!
خليفه: هذا اخوي عامر والثاني اللي بالصورة الثانية سعد
نوال: ما يشبهونك.. بس شكلهم مو بلبنان
خليفه: لا هم ما سافروا معانا .. هذا بروحهم
نوال وعيونها ع الالبوم: اهاا .. انزين و...
خليفه: و .. شنو .. شفيج ..!
نوال فاتحة عينها: شـ.. شــ..
خليفة: شفيج اش واش ..!
نوال ولما الحين عيونها ع الالبوم: هذا.. هذا .. عـ .. عمر
خليفة: اي هذا عمر ويعني
نوال رفعت راسها: شلون..!
خليفه: شنو شلون بعد .. عمر اخوي كان مسافر معانا وصور هالصورة
نوال تهز راسها باستغراب: انت مو فاهمني هذا عمر عمر
خليفة: شفيج هذا عمر اخوي ..!
نوال تركت الالبوم وسرحت وظلت تفكر:....
خليفة: شفيج..!
نوال تفكر بقلبها: يا ترى هو كان عارف اني انا نوال نفسها .. عشان جذي ما يبي يشوفني .. ولا ليش .. لما شفته شخصيته حسيتها حلوة .. يعني معقولة عند أهله شي وعند ربعه شي ثاني
خليفه: نوااالوو اذا ما تكلمتي الحيـ...
... انفتح الباب ...
....: خليفه وين ...
خليفه: عمر..!
( المشهد كان ما ينوصف .. نوال سرحانه تفكر بالصور .. ودخل عمر يبي يتكلم انصدم انها بالغرفة وظل واقف مكانه ونوال بس سمعت عمر لفت على طول وظلت تخزه وعمر استحى يطلع ومنزل راسه يبي يسلم مو عارف شلون )
خليفة: عمر.. شتبي..!
عمر: أنا أنا..
خليفة: شفيك.. اي عشان نوال .. صح نسيت اقولك هذي بنت عمنا اللي موجودة عندنا من كم يوم .. اذا بتسلم عليها سلم عادي
... نوال انصدمت من كلام خليفة الظاهر متأثر باللي قالته وعمر منحرج...
عمر: شلونج نواال..!
نوال وهي لما الحين تخزه منصدمه: الحمدلله بخير .. انت شلونك..!
عمر بقلبه ( سامع هالصوت وين ): الحمدلله بخير
خليفه: عمر.. نوال اللي قاعدة تكلمك هذي هي ترى مو بالارض
عمر رفع راسه: لا بس ....
نوال:.....
عمر وعيونه مبققة وحلجه مفتوح من الصدمة:......
خليفه: انتوا شفيكم اليوم..!
عمر: هذي انتي..!
نوال ابتسمت: وانت..!
خليفة يلف يمين ويسار: شالسالفة..!
... عمر يحاول يتخلص من الصدمة بس مو قادر ولما الحينه على نفس الوضعية..
عمر: كنتي عارفه..!
نوال وهي تأشر ع الالبوم: قبل ما تدخل بدقايق
عمر ابتسم: والله ما كنت عارف انج انتي..!
نوال نزلت راسها: بس من الاصول يا عمر انك تسلم على بنت عمك.. تسألها محتاجة شي تبي شي .. تتطمن عليها
عمر: والله يا نوال كان ودي بس .. بس ما ادري شنو اللي منعني
نوال مو مقتنعة: اممم
خليفه: ممكن تفهموني شالسالفة...!

في المزرعة...

مناير: لالا مالي دخل
سعود: خلصي عاد منايرو لا تصيرين جذي
مناير: انت شتبي فهمني
سعود: روحي كلميها.. عفيه
مناير: انزين شقولها مو المفروض يكون في سالفة عشان اكلمها
سعود: اي صح .. امم ..قولي.. قولي . اي لقيتها قوليلها ابيج بسالفة ولما تبعدون عن بنات خالتها قوليلها سعود يبي يكلمج
مناير: نعم.. شكوو تكلمها.. شنو بتقولها..!
سعود: جذي بتكلم معاها.. وابين لها اني معجب فيها وجذي يعني عرفتي شلون ..!
مناير: سعوودوو تراني مو فاضية لخرابيطك
سعود: والله يا مناير مو خرابيط صج انا ابيها
مناير باستنكار: شلون يعني تبيها..!
سعود: يعني بعدين بتزوجها
مناير: احنا مو مكفيتنا وحدة بالبيت بتروح تييب اختها بعد
سعود: منوور عشاان خاطري .. حرام تكسرين بخاطر اخوج
مناير: سعوودوو انا ما احبها وعارفة انها ما تحبني ولا احب اختها ولا لي دخل فيهم سامع
سعود: بس عشـ..
مناير تقاطعه: انا رايحة اقعد عند الحريم
( سعود ارتفع ضغطه من مناير اللي مو راضية تفهم عليه .. راح وقعد على صخرة كانت قريبة منه .. وبعد فترة حس بحركة وراه ولما التفت )
سعود ابتسم: خرعتني
بدر: ممكن اقعد..!
سعود: اكيد حياك تفضل
بدر: شفيك قاعد بروحك .. شكلك متضايق..!
سعود: لا ما فيني شي .. بس جذي
بدر: افاا الحين الشباب كلهم موجودين والشياب وانت قاعد بصوب بروحك .. تعال اقعد معانا
سعود: ان شاء الله
بدر: اقوول سعود انت كم عمرك..!
سعود: 18
بدر ابتسم: يحليلك .. توقعتك أكبر
سعود: ليش انت كم يا الشايب..!
بدر: 18 بس انت مو لايق عليك 18 .. يعني اعطيك 21 او 22
سعود: الا اقولك منو موجود من الشباب..!
بدر: منصور واخوي يوسف ومحمد وابو يوسف وابو محمد
سعود: اي.. يلا خلنا نروح عندهم
بدر: يلاا

في بيت جراح...

( عمر.. نوال.. خلوف.. قاعدين بغرفة خليفه ويلعبون اونو ومستانسين ع الآخر، نوال بعد ما كانت متضايقة وبعد الصدمة فرحت حييل ما تدري ليش .. يمكن لأن في شخص بالعايلة كانت تعرفه من زمان .. وعمر بعد مستانس ومو متخيل انه نوال نفسها هي نوال بنت عمه )
نوال: اونوو انا اللي فزت
خليفه: آنا أشك ان في مؤامرات تدور هني
نوال: مؤامرات شنو..!
خليفه يغمز: علينا .. يعني انتوا ما تغشون.. مرة انتي تفوزين مرة عمير
عمر: احنا نغش اعووذ بالله
نوال تغمز لعمر: اي صح اعوذ بالله .. وبعدين مستحيل نغش عشان لعبه
عمر: اي صح .. صح لسانج يا بنت العم
خليفه: امم والاوراق اللي تخشونهم وراكم شنو..!
عمر: والله اخوي مو سهل.. ذكي
خليفة: ليش شايفني غبي
عمر: محشوم محشوم يا الاخو
نوال تطالعهم ومبتسمة:.....
خليفه: حمدلله والشكر انتي شفيج.. مطلعة طاابور سنونج..!
عمر: هههههههه شوف الضحكة بس من أول ويها لما آخره
نوال فيها الضحكة بس كانت ماسكتها والحين انفجرت: هههههههههههههههه
عمر: بسم الله اخاف سكنها يني
خليفه يضحك على شكل نوال: هههههههههههه
نوال: والله العظيم فرحانة
عمر مبتسم: ليش يعني..!
نوال: ما ادري بس لما عرفت انك ولد عمي ما ادري ليش فرحت
عمر يقول بقلبه( انتي فرحانه مني والطريج آنا شقول .. الحمدلله يا ربي انك عطيتني على قد نيتي ):....
نوال: شفيك..!
عمر: لا ولا شي بس والله آنا بعد فرحان
خليفه: اي صح وآنا بعد فرحان معاكم
عمر: خوو انت دايما تدخل عرض
نوال: هههههههههه
خليفه: عمر انت من ييت وهذي ما سكتت
عمر ابتسم بدون تعليق بس تذكر الشعر اللي يقول:

...افرح اذا شفت الفرح في محياك
وتضيق بي الدنيا إذا شان بالك
أعطيك عمري يا عسى من فداياك
وش هي حياتي ما تساوي رضالك
جعل الولي يا صاحبي دوم يرعاك
وجعل الفرح في كل الأيام فالك...

 

[Absent Hope]

في المزرعه...

( الشباب قاعين بديوانية صغيرة موجودة بالمزرعه )
( سعود يحوس يبي يكلم ريم بس مو حاصله )

منصور: لا لا اخوي اليوم فيه شي
بدر: انا اوريك الشغل فيه
منصور: لا يا معود لا يصير باخوي شي
يوسف: والله مو يمنا سرحان بعالم ثاني
... بدر قرب عند سعود وصرخ باذنه ...
بدر: حريييييييييييييييييييييقه
سعود فز من مكانه: شنوو...!
الكل: هههههههههههه
منصور: صباح الخير ياخوي شكلك توك قاعد
سعود: هاا .. لا لا معاكم
منصور: اي واضح صارلي ساعة اناديك ولا حياة لمن تنادي
يوسف: يا عيني .. اكيد يفكر بالحبيبة
منصور: هههههه سعود عنده حبيبة وما يقول
بدر: اعترف احسن لك
سعود: عن اذنكم
... طلع سعود بس مو من كلامهم لأ اصلا كان يفكر وما سمع شنو يقولون..
يوسف: اخاف زعل
منصور: لا اصلا سرحان ما سمع شي
.. بعد ما طلع سعود راح يدور ما يدري شنو يبي بس يدور لما شاف ريم قاعدة على كرسي صوب المسبح بروحها تتعبث بالموبايل ...
سعود: شلونج ريم..!
ريم رفعت راسها: هلا
سعود: اشوفج قاعدة بروحج عسى ما شر .. وين البنات عنج..!
ريم: لا بس جذي قاعدة
سعود: اهااا
ريم: شكلك تبي شي..!
سعود ابتسم: والله ودي اقول شي بس ماني عارف شلون افتح الموضوع
ريم: قول شالسالفة منصور وضحى فيهم شي
سعود: لااا السالفه ما تخص منصور وضحى تخصج انتي
ريم باستغراب: آنا
سعود: اي انتي
ريم: قول شنو..!
سعود: بصراحة يا ريم.. اني .. من يوم قبل شوي .. لما شفتج.. عرفت ان .. لا اقصد حسيت اني .. يعني عجبتيني وبصراحة انتي تنحبين وتدخلين القلب بسرعه
ريم باستغراب اكثر: اي وبعد
سعود: كنت بكلمج من الظهر بس ما صارتلي فرصه
ريم وهي توقف: يعني انت شنو تبي بالضبط الحين..!
سعود: ريم انا مابي شي تسلية وخرابيط .. بعد سنة او سنتين صدقيني كل شي رسمي وانتي دخلتي مزاجي
ريم: لا والله.. الحين انت من صجك ياي اشكره وتقولي دخلتي مزاجي لا وتبي كل شي رسمي .. ليش انت منو.. انت عارف قيمة نفسك.. عشان تيي تقول هالكلام
سعود: ريم انا ما قلت شي غلط
ريم: انت ما تستحي .. يعني انت الحين بكل وقاحتك ياي وتطلب هالطلب
.... يوسف شافهم من بعيد وراح صوبهم على طول...
يوسف: شالسالفه.!
ريم تخز سعود: قوله شالسالفة تكلم
يوسف: شصاير..!
سعود: ولا شي بس انا ييت اقولها اني معجب فيها واني ابي كل شي رسمي
يوسف فتح عيونه ع الآخر: لا والله
سعود: اي وما ادري شفيها عصبت
يوسف: صج انك وقح.. ريم روحي عن ويهي
ريم: يوسف .. تعوذ من الشيطان
يوسف وهو يدز ريم: اقولج روحي
ريم: ماني رايحة الا لما تهدي نفسك
سعود: شفيكم..!
يوسف مسك بلوزة سعود: اسمع انـ...
ريم تقاطعه: يوسف الله يخليك ما نبي مشاكل .. وخر ايدك
يوسف: ماني موخر
ريم وهي تجر ايد يوسف: خلااص الله يخليك احنا يايين هني نستانس ما نبي مشاكل
سعود: شصاير .. شنو الشي اللي طلبته وخلاكم تعصبون جذي..!
يوسف بصوت عالي: انت ولا كلمه اصلا انت واحـ..
ريم تقاطعه: سعود احنا ما نبي مشاكل .. انا ويوسف مخطوبين
سعود انصدم ولا كلمة:.....
يوسف: قمة الوقاحة انك تطلب هالطلب من أول مرة .. عيب ما تعرف شنو يعني عيب
ريم زهقت من يوسف: يووووسف.. خلاص .. الله يخليك عشان خاطري
يوسف: عشان يتعلم الحيا
سعود حس بالاهانة ووصل حده: اصلا انا ما تشرفني وحدة مثلج
يوسف: جب ولا كلمة يا قليل الادب... اهي ما تتشرف انه مصيرها يرتبط بمصيرك
سعود باستهزاء: هذا هو ولد خالتج اخذيه.. شبعي فيه.. ما نبي نسبكم
.. راح سعود وتركهم ويوسف واصل حده..
يوسف: اصلا انت واحد مو متربي .. لازم نسويلك اعادة تربيه يا جليل الاصل يا..
ريم: يووسف خلاااااص راح الرياال
يوسف: وانتي مستانسة طبعا
ريم ظلت تخز بيوسف: يوسف.. شفيك.. هو ما كان يدري ان احنا لبعض وما قال شي
يوسف: الحين صار ما قال شي والا ندمتي انج ما قبلتي بعرضه
ريم عطت يوسف ظهرها: انا رايحة.. مستحيل اتفاهم معااك وانت هذا أسلوبك في التعامل

في بيت وسمية...

وسمية: لا لا لا .. لا تحاولين
هدى: وسوم ليش جذي عاد
وسمية: انتي ليش قاطعه .. ما تقولين عندي صديقاتي اسأل عنهم واتطمن عليهم
هدى: كنت مشغولة..
وسمية: عذر أقبح من ذنب.. بالله عليج قوليلي شنو الشي اللي شاغلج.. انا واثقة ميه بالميه انج قاعدة لا شغل ولا مشغلة
هدى: ههههه .. صدقتي بس والله مليت من العطلة
وسمية: اي والله أسخف عطلة.. الا قوليلي شلون امج مع الحمل ..!
هدى: الحمدلله .. صحتها زينه
وسمية: بأي شهر الحين ...!
هدى: امممم الشهر الرابع او الخامس
وسمية: اي ما شاء الله يعني باقيلها 4 شهور تقريبا ع الولادة
هدى: اي صح.. ما ادري متى بتولد وتريحنا
وسمية: ليش متعبتج..!
هدى: لا والله امي يحليلها .. ما احس انها حامل اصلا ما تطلب شي ابد
وسمية: لا لا مو نوال
هدى باستغراب: شنو..!
وسمية: ههههه لا ما أكلمج اكلم حمادة.. يقولي تكلمين نوال
هدى: يحليله.. شلونه..!
وسمية: بخير والله .. متقابلين انا معاه ما عندنا لا أنيس ولا ونيس
هدى: على الاقل انتوا متقابلين مع بعض انا متقابلة مع الطوفه
وسمية: هاانت هاانت
هدى: اي صح .. شلونها نوال ما كلمتيها..!
وسمية: كلمتها يا بعد قلبي.. متضايقه حدها
هدى: ليش..!
وسمية: ما ادري تقول ما شافت أحد من عيال عمها .. وعمها ما يبيها بس ولدهم الصغير نسيت اسمه
هدى: حراام .. يعني الحين قاعدة بروحها.. اكيد ما يبونها
وسمية: اكيد .. بالغصب مقعدينها عندهم

في بيت جراح...

عمر: لا اليوم السهرة صباحي
نوال: والله نعساانة
عمر: ماكو نعسانة اليوم بييب فيلم ونسهر عليه
خليفه: خلاص نواالوو.. اصلا عمر من زمان مو سهران معانا.. ولا تطوفج سهراته تراها شي
نوال: شلون شي..!
خليفة: يشتري حلويات تهبل.. وافلامه عجيبة ويسوي جوو حلو
نوال: خلاص نشوف اليوم.. نبي سهرة سنعه
عمر: افاا عليج.. الحين بروح اضبط للسهرة

 

[Absent Hope]

في المزرعه..

عاليه: شفيج من ييتي وانتي تتأففين..!
نورة: متهاوشة مع منو..!
ريم: ما فيني شي .. بعدين مالكم دخل
نورة: افااا افااا والله
عاليه: هذا واحنا بنات خالتج
ريم: انتي بالذات لا تتكلمين .. ما راح اقولج شي بعد اليوم
عالية سكتت لأنها فهمت قصد ريم:....
نورة: ليش ..!
ريم: خلاص ما كو شي
منى: ريوم.. تعالي امسكي هاجر دقيقة بحط العشا
ريم: حاضر.. من عيني هذي قبل هذي
منى ابتسمت: تسلم عيونج
نورة: غريبة .. لا أصدق .. هذي ريم
ريم: اي ريم بشحمها ولحمها .. حرام امسك بنت اختي
نورة: مو حرام بس اول مرة
عالية: ريم عطيني موبايلج دقيقة
ريم: ليش ..!
عالية: بشوف مسجاتج
ريم: تفضلي اخت عاليه
عالية: شكراا
نورة: هجورة .. ارقصي
هاجر: لااا
نورة: يلا انا اغنيلج يلا
هاجر: لااا
نورة تشغل اغنية من موبايلها: يلا هجهج دقني ودقني ودقني عاااشوا
.. هاجر قامت على طول ترقص وشكلها يمووت من الضحك .. تعرفها نورة تحب هالأغنية..
ريم: مو كانت توها ما تبي
نورة: ههههه اي بس شياطينها شجعوها
عالية: اي صج ريوم شخبار صديقاتج..!
ريم: والله ما ادري عنهم
نورة: شطورة ريم
ريم: جب عااد.. بس كل وحدة لاهيه بحياتها.. هدى بخير ما فيها شي ووسمية بعد ان شاء الله بخير.. بس نوال ما ادري عنها من زمان مو مكلمتها ولا سامعه اخبارها
نورة: ليش..!
ريم: شفيكم مو قتلكم بعد ما توفت يدتها راحت عند عمها
عالية: اي صح شخبار عمها معاها..!
ريم: اقولكم ما ادري ما ادري
نورة: الحين نوال .. اي صح يعني نوال راحت بيت عمها عشان يدتها توفت
ريم: اي شفيج .. فاصلة انا قايلتلكم السالفة
نورة ولا كلمة:.....
ريم: اختج يبيلها ذبح .. يعني اول مرة تسمع السالفه
عالية: تستعبط ما عليج منها
ريم: نورووو يا الهبلة
نورة وهي توقف: لقيتهاااا لقيتهاااا
ريم: حمدلله والشكر.. مينونة
... نورة طنشتها وراحت عنهم..
عالية: فصلت .. ضربت فيوزاتها

في بيت وسمية...

عواطف: رشوود
راشد: بسم الله ما يمدي الواحد يدخل البيت.. نعم
عواطف: راشد تعال بكلمك بموضوع
راشد وهو يقعد: بنشوف شنو الموضوع اللي صارلج ساعة بتكلميني فيه
عواطف: راشد انت ليش تعامليني جذي.. مو حرام عليك .. انا مو بنت عمك
راشد: ليش انا شسويت..!
عواطف: ليش ما تهتم فيني .. ليش ما تدير بالك علي
راشد: بأي صفه يعني.. عندج ابوي لازم انا
عواطف: راشد.. ترى مصير بنت العم لولد عمها
راشد منصدم: نعم.. انتي شلون تكلميني جذي.. صج ما عندج دم
عواطف: ليش انا ما قلت شي غلط
راشد وهو يقوم: انا الغلطان اتكلم مع وحده مثلج
عواطف: راشد الله يخليك افهمني.. انزين انت اسمعني الحين
.... راح راشد فوق وحقرها .. وبهاللحظة دخلوا فهد وسلوى..
سلوى: السلام عليكم
عواطف:....
فهد: تعالي حياتي نروح غرفتنا
سلوى تبتسم: ان شاء الله

في المزرعه..

يوسف: انتي متأكده
نورة: اي والله متأكدة.. قتلك من أول ما سمعت القصة .. احس اني سامعتها والله
يوسف: يا فرحتك يا عمر.. اول شي بقهره كم يوم بعدها بقوله منو طلعت بنت عمه
نورة: ليش واثق انه راح يفرح
يوسف: اخوي واعرفه.. بعدين انا متأكد انه يوم شاف نوال اول مرة كان معجب فيها بس ما بين هالشي .. الله يريحج يا نورة مثل ما ريحتيني
نورة: وانت شكو .. هو راح يتزوجها مو انت
يوسف: ادري بس والله كان همه ثقيل على صدري
نورة ابتسمت: يعني انحلت المشكله
يوسف: ان شاء الله
نورة: اتصل عليه اقهره من الحين
يوسف: هذا اللي بسويه

 

[Absent Hope]

في بيت جراح...

نوال: عمر .. موبايلك يرن
عمر: ان شاء الله .. منو..!
نوال تشوف الشاشة: اخوي
عمر: الحين ياي
... بعد ما قرب عمر صوب الموبايل...
عمر: هذا يويسف .. برفع ضغطه وماني قايله اني شفت بنت عمي
نوال: ليش هو يعرف بسالفتك.!
عمر: اي .. ألووو
يوسف: الوو هلا بعميير
عمر: هلا فيك ..
يوسف: ها شلونك..!
عمر يغمز لنوال: وينك يبااا من اليوم مقعدني بروحي .. الله يهداك بس ما تدري ان مالي غيرك
يوسف: اي هذا المطلوب عشان تشتاقلي وما تمل مني
عمر: ليش زوجتي وآنا ما ادري
يوسف: ههههههه حلوه بس لا تعيدها .. وين رشود عنك.!
عمر: ما ادري عنه .. لاهي بدنياه.. وانا زهقان اقز وافر بروحي
يوسف: ومدامك زهقان ليش ما تروح بيتكم وتقعد مع بنت عمك مو احسن
عمر مبتسم وماسك ضحكته: يويسف يعني تسوي نفسك ما تدري بالسالفه
يوسف: ادري بس يا اخي هذي بنت عمك وزوجتك المستقبلية روح اقعد معاها ونسها
عمر مو قادر يمسك نفسه: ههههههههههههه
يوسف: شفيك قاط نكته آنا
عمر: لا مو عليك على شي شفته بالمجمع
يوسف: المهم.. ها شقلت على كلامي
عمر: يوسف.. اذا هذا كلامك وانت عارف اني ما بشوف بنت عمي .. لو تصك التلفون احسن
يوسف: افاا طرده
عمر: انت عارف بمعزتك بس يا اخي مصختها
يوسف: ههههههه خلاص لا تزعل .. اصلا انا بصكه الحين بروح عند الشباب
عمر: اووكي براحتك
يوسف: مع السلامه
عمر: مع السلامه
... عمر على طول انسدح من الضحك...
عمر : ههههههههههه مسكين قاعد ويعطيني حكم ومواعظ.. هههههه يقولي روح شوف بنت عمك.ههههه رفعت ضغطه

في المزرعه...

يوسف: اتخيل شكله وهو زهقاان مني ومو عاجبه كلامي هههههههه
نورة: اي خلك كم يوم سو هالخطة بعدها قوله الصج وخله يستانس
يوسف: والله انه نكته .. انا اقوله روح شوفها وهو عصب علي هههههه
محمد: انا بفهم انتوا شتسوون هني..!
يوسف: بسم الله متى ييت.. بعد شنسوي اخو يتكلم مع اخته
محمد: توكم تشوفون بعض.. امش يلا العشا طااح
يوسف: يلاا

.. بعد العشا .. قاموا منى وضحى يتمشون شوي ...

منى: ها ضحاوي .. شلون منصور معاج..!
ضحى: الحمدلله .. والله أطيب من قلبه ما فيه
منى: الله يهنيج ان شاء الله ويسعدج وما تذوقين يوم مر
ضحى: الله يسلمج
منى: شلون أهله معاج..!
ضحى: والله كلهم زينين ما شفت منهم شي.. الحمدلله
منى: الحمدلله .. والله أهم شي يكونون أهل الريل زينين
ضحى: انتي شلونج مع فايز .!
منى توهقت: هااا.. اي .. فاايز الحمدلله زينين
ضحى: وليش ما شفناه اليوم بالمزرعة معاج..!
منى: لا بس هو يعني .. تعرفين انتي.. يعني قصدي وراه شغل وجذي يعني
ضحى: اهااا

الساعه: 12 ونص مساء
في بيت جراح...
( الثلاثي المرح سهرانين يتفرجون ع الفيلم وطبعا مستلزمات السهرة كلها موجودة .. خليفه قاعد ع الأرض وعنده عمر ونوال قاعدة ع المطرحة وراهم)

خليفه: آآآخ لا يكون يموت البطل
عمر: لا يا الذكي البطل ما يموت بالأفلام
خليفه: الله أكبر
عمر: شفيك تو الناس على أذان الفجر
خليفه: الحين ما ظل طق بالعالم ما طقوه وقام ما فيه شي .. هاا غريبة .. اخاف يايبلنا فيلم هندي وآنا ما ادري
عمر: اقول طالع وانت ساكت احسن راح يخلص الفيلم وانت ما خلصت تعليقات.. صح نوال..!
خليفه: انت اسكت احسن زين.. صح نوال .!
عمر لف راسه صوب نوال: نوااالـوو شـ... ههههههههه
خليفه: شفيك.. هههههه
عمر: مسكينة مو متعودة ع السهر
خليفه: مو مال تضبيط سهرة.. يا معود خلها نايمة خلنا نكمل الفيلم.. تلقاها من أول الفيلم نامت
عمر: لا حراام روح قعدها .. ووصلها لدارها
خليفه: لا يا معود خلها نايمة هني مالي خلق اطق طريج لما دارها
عمر: ليش اخاف دارها في بيت ييرانا ..!
خليفه: لا بس تعال روح فوق والحاله حاله.. وبعدين غرفتها خيسة حاارة حيل ما استحمل اظل فيها دقيقة
عمر باستغراب: ليش هي دارها فووق ..!
خليفه: اي مو انت ما تدري شالسالفه .. وما تدري ان بنت عمنا تنام فوق عند الخدامات .. لا وبعد دارها ما فيها مكيف ولا سرير
عمر: انت من صجك .. وليش هالدار عاد..!
خليفه: ابوي ما ادري عنه
عمر: لا حول ولا قوة الا بالله .. وانا طول هالوقت على بالي انها تنام تحت
خليفه: صباح الخير
عمر: يا الله .. والله حرام
خليفه: انزين قولي شنو بيدنا هذا ابوك وهذي آراءه العييبه
عمر: عندي فكرة
خليفة: شنو..!
عمر: بسيطة .. نخليها تنام بدارك
خليفه: نعم.. وانا وين اروح لا يكون قصدك انام عند هالحر فوق
عمر: لااا .. انت تنام مؤقتا بداري .. لما نشوف لها حل
خليفه ابتسم: والله خوش فكرة .. بس اخاف ابوي..
عمر يقاطعه: ما عليك من ابوي .. هو شدراه .. اصلا هو ما يدري عننا تبيه الحين يعرف عن نوال وين نايمه
خليفه: يمكن يسأل الخدامات
عمر: لا لا ما أظن.. يلا قوم قعد نوال ووصلها لدارك
خليفه: اوكي

 

[Absent Hope]

اليوم: الجمعه
التاريخ: 6-7-2007م
الساعه: 1 ظهرا

في بيت ريم...

ابو محمد: هاا شقلتي انا خليتلج وقت يومين عشان تفكرين على راحتج
منى:....
ابو محمد: آنا كنت بكلمج اليوم الصبح .. بس بعدين غيرت رايي وقلت لما ارد من الصلاة.. يلا يا بنتي خذي راحتج
منى: يباا بس ابيك ما تتضايق من الشي اللي راح اقوله
ابو محمد: قولي وآنا ابوج لا تخلين شي بقلبج
منى: وبعد ما ابيك تناقشني بالقرار اللي آنا اتخذته
ابو محمد: ما يصير يباا يعني تبيني اشوفج تختارين الغلط واسكت واخليج مستمرة فيه
منى: يباا آنا مو صغيرة عمري صك الـ 27 ..
ابو محمد تنهد: يلا قولي قرارج
منى: خلاص قراري مستحيل اتراجع عنه.. هو الحل والعلاج.. الطلاق
ابو محمد تضايق: لا حول ولا قوة الا بالله... ليش يا بنتي ليش تفكرين بالطلاق .. مفروض هذا آخر قرار تقررينه
منى: يبااا انت تعرف طبعي وتعرف اني مدام مقتنعة بقرار ما راح اغيره لو شنو يصير
ابو محمد: انزين .. انتي ما فكرتي بهنادي ما فكرتي بهاجر.. ولا بس فكرتي بنفسج .. مو حرام عليج تصيرين أنانية بلحظة ضعف وتخربين عليهم كل حياتهم .. ما فكرتي انهم راح يعيشون حياتهم من غير ابو يدير باله عليهم وما راح يعيشون حياتهم طبيعيين وحولهم امهم وابوهم يرعونهم
منى دمعت عينها: تدري شنو المصيبة يا يبا .. انك مو عارف شي.. ومو حاس فيني .. انت ما جربت اللي جربته آنا عشان تقول عني أنانية.. انت ما عشت مع فايز لا آنا اللي عشت معاه .. تدري اني من أول ما تزوجته كان ما يحبني .. بس آنا سكت وتمسكت بحياتي الزوجيه عشان منو عشاني ..! لاا عشانكم انتوا .. عشان مابي ارجع عندكم بعد كم شهر من الزواج وتقولون ما عرفنا نربي بنتنا وخلينا زوجها يطلقها كنت خايفه عليكم وعلى كلام الناس عنكم بس صبرت وعشت معاه أيامي كلها مر ما اقولك انه كان مو زين لا كان ما يمد ايده علي بس ما يحبني .. شلون تبي حياة بين شخصين ما يحبون بعض .. سكت لما حملت بهنادي قلت يمكن هذا الشي يخليه يحبني ويتحملني.. بس اشوف بعد ولادتي لهنادي ما تغير شي .. صحيح بالبداية تغير بس لما حس انه مل رد مثل الأول وأردى.. بعد كم سنة حملت بهاجر قلت يمكن يصير تغيير بحياتنا .. تدري صار تغيير بس للأسف للأسوأ صار دايما يعايرني اني ما اييب الا البنات وما اقدر اييب له الصبيان .. عمرك شفت احد بهالعقلية المتخلفة.. فوق كل هذا صبرت وتحملت سنة ونص أو يمكن أكثر وانا متحمله عشان منو .. عشان شنو .. عشاني .. لو عشاني والله العظيم من أول يوم تطلقت منه بس كل هذا عشانكم وعشان بناتي وفوق كل هذا تقولي أنانية..!
ابو محمد: ما عليه يا يباا مسحي دموعج.. والله ان دموعج غالية علي
منى زادت بالبجي: انت عارف يباا .. لآخر لحظة كنت بستمر معاه.. بس لما درست الوضع من صوبي لقيت انه من صالحي ومن صوب بناتي لقيت انه من صالحهم لأنه ما كان ساءل فيهم بالأساس وما كان يبيهم .. خلاص يباا الله يخليك انا مستحيل ارجعله الله يخليك يباا لو كنت تحبني ولو كنت عزيزة عليك طلقني منه
ابو محمد: هدي نفسج يا منى.. ان شاء الله ما يصير الا الخير
منى: والله يا يبا وانا احلفلك .. انك اذا قلتله اذا منى تبي الطلاق راح يطلقني على طول بدون ما يناقشك .. صدقني بينا عشرة واعرف طبعه .. لأن هو من زمان يبي هالشي .. بس من غبائي كنت متمسكة فيه لعل وعسى يتغير بس ما نفع وطلعت متمسكة بوهم
ابو محمد: خلاص انتي الحين روحي ارتاحي فوق .. ان شاء الله يصير خير
منى: ان شاء الله

في بيت منصور...

مناير: اليوم تراك رافع ضغطي.. من يوم قعدت ونفسك بطرف خشمك
سعود:.....
مناير: اكلم الطوفة رد علي
سعود: شقول يعني
مناير: علق ع الموضوع
سعود: ما عندي تعليق
مناير: سعوودوو .. تراني فاهمتك عدل ومو غشيمة .. كنت شحلاتك أمس .. من قبل العشا بفترة انقلب حالك.. قولي ليش .. شالسالفة .!.! في أحد ضايقك .. عادي قول ترا آنا اختك
سعود تنهد: استغفر الله.. والله العظيم منور طلع كلامج كله صح
مناير: كلام .. اي كلام..!
سعود: عن ضحى واختها اللي ما تتسمى
مناير: ريمووو...!
سعود: اي واكو غيرها
مناير: ليش شصار.!
سعود: على كثر ما اعجبت فيها بالبداية على كثر ما كرهتها الحين .. صج لازم ما نقيم بعينا
مناير: ليش ذبحتني قول شالسالفة..!
سعود: ولا شي بس صار موقف خلاني اكرها واحقد عليها .. لو اقدر بس اطفي هالحقد آآآخ
مناير ابتسمت: اقوول سعسوع قولي شنو الموقف وانا اختك..!

 

[Absent Hope]

في بيت ام يوسف..

عبد العزيز: علوويه يا الهبلة
عالية: هاا رديت من الصلاة
عبد العزيز: صارلي ساعتين راد بس انتي نايمة الظاهر
عالية: لا بس كنت افكر
عبد العزيز: بشنوو..!
عالية: مالك دخل.. تبي تتحكم بكل شي حتى تفكيري .. صج ملقوف
عبد العزيز: ماااالت .. اوريج يا عليوية مو كفو
عالية تقلده: مو كفو مو كفو
عبد العزيز: شوفي وراج شوفي وراج
عالية: وراااي مافي شي
......: علوي ..
عالية: شفيك كمل
....: علوي نحن هنا
عالية انتبهت: ها.. هلا يوسف
يوسف: أي هلا أي بطيخ.. صارلي ساعة طلبت قلاص ماي وصارلج ساعة واقفة مثل الصنم
عالية: لا معااك اي صح..
يوسف يحط ايده على جبهتها: مافيج الا العافية لا حرارتج مرتفعة ولا شي .. شفيج فاصلة
عالية: قلتلي تبي قلاص ماي
يوسف: لا خلاص هونت مابي
عالية: ان شاء الله الحين اييب
يوسف: هههههه والله انج فاصلة

في بيت جراح...

عمر: مو كيفج .. احنا قررنا وخلاص
نوال: لا بليز .. انا ما اقدر..
خليفه يقاطعها: اصلا انتي وحده ملقوفة وتدخلين نفسج بأشياء مالج دخل فيها
نوال ابتسمت: شلون مالي دخل فيها
خليفه: خلاص احنا قلنالج نامي بداري يعني نامي فيها .. اذا انا راضي شكو انتي ترفضين
عمر: اسكت انت لا تقنعها .. لان احنا مو ناطرين رايها
خليفه: اي صح بتنام .. يعني بتنام
نوال: بس بقولكم شي ..!
عمر وخليفه: شنوو..!
نوال ابتسمت: أمس كانت خوش نومة
خليفه: ههههه طبعا لأنج نايمة على سرير خلوف
نوال: يا الواثق

الساعة: 7 مساء

في بيت ريم...

منى: لا حموود.. حط ع البرنامج اللي قبل شوي
محمد: الله يخليج .. والله اني مظلوم بالبيت ما اتابع الا برامج التجميل والازياء والمرأة .. ليش حرام عليكم
منى: هههههه يا بعد قلبي خلاص.. اليوم اجازة حط القناة اللي تعجبك
محمد ابتسم: لا افاا عليج كل شي الا انتي .. طلباتج أوامر
منى: لا لا خلاص حط ع اللي تبيه آنا الحين بقوم
ريم وهي نازلة : شتسوون..!
منى: نتفرج ..!
ريم: حزر فزر .. منو كنت اكلم قبل 5 دقايق
منى: اوووف الخيارات متعددة.. نختار شنو ونخلي شنو
محمد: انتي لو بيدج تكلمين كل الكويت ما عندج مانع
ريم: حموود.. اشوف اسلوبك صاار مثل اسلوب بدير الملقوف.. لو سمحت لا تصير مثله لأنه يرفع ضغطي
محمد: لو سمحتي لا تشبهيني بأحد .. وانا بس كنت بضحك معاج
ريم ابتسمت: لا اضحك معااك.. يلا عاد استسلمتوا
منى بتفكير: وسمية
ريم: لا
منى: نوال .. هدى.. وحدة من رفيجاتج
ريم: لا لا لا لا.. مو من رفيجاتي
محمد: اكيييد ضحى
ريم: قربت
منى: يبا خلصينا .. لغز اهو
ريم: مناااير
منى باستغراب: أي مناير..!
ريم: مناايرو اكو غيرها ..اخت منصور
منى: غريبة.. شلون.. مو ما تواطنينها
ريم: والاغرب اذا عرفتي شنو تبي
منى: اكيد كانت بتيمع أخبار
ريم: لا .. بعد ساعة بتكون عندنا
منى باستغراب: مناااير مناااير
ريم: مناير .. مناير
ابو محمد: السلام عليكم
الكل: وعليكم السلام والرحمه
ابو محمد: هااا ان شاء الله متيمعين ع الخير
ريم: ان شاء الله يباا
ابو محمد: وين امكم..!
ريم: راحت بيت خالتي
ابو محمد: انزين.. تعالي منى ابيج
منى: ان شاء الله

في بيت وسمية..

فهد مبتسم: السلام عليكم
الكل: وعليكم السلام
وسمية: اووووه فهود اليوم مستانس
فهد: بو رائد طالع عمرج
وسمية: حركاااات.. بو رائد.. قول شالسالفة .. اكيد وراك سالفة
أحمد: اوووف فهد انت متى صرت ابوو
فهد ابتسم: نادولي سلوى بالأول
وسمية: حمادة ركض روح ناد سلوى.. عشان نعرف الخبر الثمين
أحمد: انزين
... وبعد ما نزلت سلوى...
سلوى: هلا فهد .. بغيتني
فهد زادت ابتسامته: طلعت نتيجة التحاليل
سلوى ابتسمت: بشر
فهد: يعني انتي شرايج كل مرة ما في شي هالمرة في
سلوى: الله يخليك قول اللي عندك فهد
فهد: بو رائد لو سمحتي
سلوى: صج اللي تقوله... الله يخليك فهد قول الصج لا تجذب
فهد: اقولج بو رائد الله يسلمج.. تفضلي نتايج التحليل
... سلوى مسكت الورقة وايدها ترجف مو مصدقة...
وسمية تلولش: كلللللللووووووووووووووش الف الف الف مبروك
سلوى: الحمدلله يا ربي استجبت لدعائي الحمدلله
وسمية: تستاهلون زغروطة ثانية والله كللووووووووووووووووش
أحمد: منك المال ومنها العيال
الكل: هههههههههههه
وسمية: حبيبي هذي يقولونها بالعرس مو الحين
أحمد: بس انتي تسوين كلللووش يعني عرس
فهد: اخيييرا .. الحمدلله الحمدلله.. يا ويله اللي يناديني باسمي.. انا من اليوم اسمي بو رائد
سلوى: واذا بنوتة
فهد: بنت ولد اللي يجي من الله حياه الله
وسمية: انتوا من متى عارفين هاا .. وصج ليش خاشين السالفة..!
سلوى: صارلي كم يوم حاسه وما قلت لأحد .. خفت لا يكون مافي شي ويضيق صدري نفس كل مرة.. بعدها فهد غصبني اقوله وقلتله وما رضا الا اسوي التحاليل
وسمية: الحمدلله الله عوض صبركم كل هالسنين
فهد: وين ابوي ابي ابشره
وسمية: ما ادري يمكن طالع
فهد: .. وراشد..!
وسمية: طالع بعد

 

[Absent Hope]

في بيت ام يوسف...

عالية: بس لو ياية ريمووو معاج
ام محمد: هي ما تبي ما ادري شعندها
نورة: تلاقينها زعلانة على عالية.. صح ..!
عالية: لا مو زعلانة ولا شي
.. ام يوسف دخلت الصالة وهي ماسكة صينية القهوة...
ام يوسف: هااا مقابلينج رقية وسبيجة
ام محمد: لااا وي بسم الله على بناتج .. الزين كله
نورة: شفتي شلون.. هذا الكلام الحلو ولا بلاش
ام محمد: وانا الصاجة
عالية: تسلمين خالتي والله انتي الزين
ام محمد: يا بعد عمري.. اي يلا كملي سالفتج
ام يوسف: اي وين وصلنا..!
ام محمد: عند الأرض ما ادري العمارة
ام يوسف: اي .. اقولج .. صدفة كان ابو يوسف يقلب بالأوراق وطلعت أرض باسم عبد العزيز .. أقصد عبدالرحمن الله يرحمه.. واحنا ما درينا عنها ولا شي
ام محمد: سبحان الله .. يعني الحين هي من نصيبكم
ام يوسف: مو بالضبط بالضبط
ام محمد: شلون يعني..!
نورة: يماا آسفة ع التطفل بس منو عبد الرحمن ما ادري عبد العزيز
ام يوسف: ويييه شفيج عمامج
نورة باستغراب: وينهم..!
ام يوسف: بعد وينهم ماتوا من زمااان
نورة: اي وانا اقول ما اعرفهم
ام يوسف: ولا تدخلين نفسج بسوالفنا
نورة: ان شاء الله
ام محمد: اي يلااا كملي.. شلون يعني مو بالضبط..!
ام يوسف: بعدين اقولج الحين مو وقته
.... طبعاا عالية مو معاهم بعالم ثاني عالم عبدالعزيز .. من اول ما نطقت امها اسمه وهي راحت صوبه على طول.. عبدالعزيز عمها العزيز والغالي على قلبها .. عمها اللي مشتاقتله وودها بس تلمحه .. عمها اللي فقدته من 6 سنوات او اكثر .. تحس هالأيام مشتاقتله حييل .. مو عارفه ليش .. اقصد عارفه ليش مشتاقتله وهي عارفه كل شي .. بس انتوا ما راح تعرفون الا مع أحداث القصه..

في البحر..

يوسف: يا معود رشوود.. هذا ما يدري الله وين قاطه
راشد: الحين بفهم وينه..!
يوسف: ما ادري عنه .. أمس يقول مشتاقلي وفاقدني واليوم مختفي
راشد: اتصل عليه . . نشوف سماه من أرضه
يوسف: اتصلت وما يرد.. هاا موبايلك يرن يمكن اهوو
راشد: لا البيت.. ألو.. هلا .. لا مو الحين.. ما ادري شوي يعني .. شنوو.. شفيج تكلمي.. فيج شي.. يلا خلصي انطقي.. لا لا .. من صجج.. اعرفج وسووم اذا تمثلين علي.. يعني صج صج .. الحمدلله يا ربي الحمدلله .. باركي له ولها.. اي ان شاء الله بس لازم هدية ما اجي وايدي خالية .. اي اوكي.. يلا مع السلامة
يوسف: شالسالفة..!
راشد: مرت اخوي حاامل
يوسف: ما شاء الله.. الف الف مبروك
راشد: الله يبارك فيك.. الحمدلله صبر ونال
يوسف: ليش هو مو توه متزوج..!
راشد: صارله فوق السنتين
يوسف: الحمدلله .. الحين بتروح
راشد: بروح اول شي اشتريلهم هدية وبعدها بروح

في بيت ريم...

( منى قاعدة بروحها بالغرفة وتتذكر كلام ابوها وهي مبتسمة .. كانت متوقعه اصلا هذا الشي اللي كان المفروض يصير من الاول..)
.....
ابو محمد: كلمته وقلتله قراارج
منى: قالك حااضر وراح على طول طلق
ابو محمد سكت:......
منى: يبااا لا تضيق خلقك.. وانت من هالموقف عرفت طينه هالريال .. وشفت شلون انه مو رياال
ابو محمد: ما توقعته جذي.. بدون حتى ما يناقش.. او يبررلي موقفه او اي شي
منى: هذا المتوقع منه .. وانا عارفته وفاهمته
.....
( منى حمدت ربها ان الله كشفه على حقيقته واخيرا راح تتخلص منه .. منى بقلبها : والله لعيش احلى عيشة وانا مو محتاجة لأمثال فايز.. اعيش بناتي واربيهم احسن تربية .. ونشوف اذا صار عنده ولد من وحدة ثانية شلون راح يربيه )

... بالصالة تحت ...

مناير: والله حسيت اني مشتاقتلج.. قلت بشوفج
ريم ابتسمت: مع انج امس شايفتني
مناير: شسوي بعد اللي يشوفج مرة يتعلق فيج
ريم: تسلمين والله من طيبج
مناير: راويني دارج خليني اشوفها .. وخلاص الحين احنا ما بينا اسرار اللي بخاطرج قوليه واللي بخاطري اقوله
ريم: ان شاء الله

 

[Absent Hope]

في بيت ام يوسف...

يوسف: السلام عليكم
الكل: وعليكم السلام
يوسف: هلا والله خالتي ام محمد منورتنا اليوم
ام محمد: تسلم البيت منور بأهله
يوسف يتلفت: هااا ياية بروحج..!
ام محمد: لا تدور يمين ولا يسار محد ياي معاي
يوسف انحرج: لا اقصد روااانو او محمد
ام محمد: اي علينا .. ترى انت مفضوح.. ريموو ما يت معاي
يوسف: عسى ما شر ان شاء الله ما فيها شي
ام محمد: لا بس ما ادري شفيها ما تبي تيي غريبة أول مرة
يوسف: اي اوكي.. وين البنات.. علوي ونوروو
ام يوسف: فوق يمكن
يوسف: خلاص عن اذنكم.. اخليكم تكملون حش
ام يوسف: يووييسف
يوسف: ههههه خلاص يما توبه.. انا صاعد

في بيت وسمية...

راشد: وربي أحلى خبر سمعته.. الف مبروك تستاهلون
سلوى: الله يبارك فيك تسلم .. ليش تعبت نفسك
راشد: لا تعب ولا شي .. والله لو بيدي اجيبلكم اكثر
سلوى: مشكووور
راشد: شفيه فهييد نام عند ابوي
سلوى: ابو رائد لو سمحت
راشد: ولا تزعلين يا ام رائد ابو رائد

... في مكتب ابو فهد ..

ابو فهد ببرود: مبروك
فهد: بس
ابو فهد رفع راسه: شتبي بعد.. اهاا قصدك فلوس .. ان شاء الله
فهد: يبااا الله يسامحك انا ما افكر بالماديات.. بس
ابو فهد: بس شنو..!
فهد: ما احس مستانس.. المفروض تستانس لأنه اول حفيد
ابو فهد ابتسم: ومنو قالك اني مو مستانس.. بس والله وانا ابوك الشغل هاليومين متعبني ومو مخليني حتى اتنفس
فهد: الشغل يخلص والعمر ما يخلص
ابو فهد: اي والله بس شنسوي ندور رزقنا بعد
فهد: خلاص يباا انا الحين طالع
ابو فهد: وين عواطف..!
فهد: ما ادري عنها
ابو فهد: الله يخليك بطريجك قول للخدامة تناديها ضرووري
فهد: ان شاء الله يبااا

اليوم: السبت
التاريخ: 7-7-2007
الساعه: 5 المغرب

في بيت منصور...

( منصور وضحى قاعدين بالصالة يسولفون مع منيرة اخت منصور )

منيرة: اممم واختج منى
ضحى: منى ما تشتغل
منيرة: غريبة ليش ..!
ضحى: جذي مالها خلق على الشغل تقول بقعد اربي بناتي مع ان عندها شهادة على قولتها بخليها حق وقت الحاجة
منيرة: وهي الصاجة اهم شي عيالنا اذا مو محتاجين فلوس ما نشتغل
مناير: السلام عليكم
الكل: وعليكم السلام
مناير: هااا مجتمعين شلونج منيرة.!
منيرة: الحمدلله بخير انتي شلونج..!
مناير: مدام اني اشوف هاللمة الحلوة اكيد بخير
منصور يخز مناير: مناااايروو
مناير: نعم
منصور: متأكدة ان هذي انتي ولا وحده ثانية
مناير: ليش يعني مو عايبتك ..!
منصور: لا بس غريبة صايرة ذربه
منيرة: ههههههه ليش كانت شنو..!
مناير: لا تضحكون .. والله ازعل .. اقول شلونج ضحااوي..!
ضحى باستغراب: آنااا
مناير: ليش في وحدة اسمها ضحى غيرج..!
ضحى ابتسمت: الحمدلله بخير
مناير: شوفي اذا منصوورو ضايقج بأي شي قوليلي وآنا اوريج الشغل فيه
منصور: منو انتي .. مناير
مناير: اي مناير.. الا اقولج.. اليوم ما كلمتي ريوم .. ما كلمتها من الصبح
ضحى باستغراب أكثر وأكثر وأكثر: ريوم اختي
مناير: يا ربي عليج.. اي اختج
ضحى: لا ما كلمتها
مناير: اوكي خلاص.. ثانكس حبيبتي
منصور: مناايروو وين سعوودوو
مناير: soso not here he is out
منصور: سوسو بعينج شنو سوسو

 

[Absent Hope]

في بيت ريم...

ريم منصدمة: يعني خلاص...!
منى: خلااص
ريم: انتي الحين.. زعلانة
منى ابتسمت: بالعكس طايرة من الفرحة
محمد دخل الغرفة: منى .. صج اللي سمعته
منى: شنو ..!
محمد: ان فايز طلقج
منى ابتسمت: اي صج
محمد: صج انه نذل
منى: انا اللي طلبت الطلاق.. وانتوا ليش متضايقين اذا انا مو متضايقة
رشا: منى
منى: نعم رش رش تعالي
رشا: هنودة بتكلمج
منى: ناديها ليش منخشة ورا الباب
هنادي: مااماا
منى: نعم ماما تعالي
هنادي: وين بابا.. ليش ما نروح بيتنا..!
منى: خلاص حبيبتي احنا راح نظل هني نستانس وتقعدين مع رشا وتنامين عندها بغرفتها وما راح نروح مكان هذا بيتنا
هنادي: الله ونااسة
منى: اي شفتي شلون ونااسة

....

مر أسبوع ما فيه شي جديد
عمر.. من اول ما شاف نوال وهو لازق بالبيت وما يتحرك حتى يوسف ما يشوفه ولا يكلمه وما يرد على مكالماته متعمد
يوسف.. حرق تليفون عمر بس معاند وما يرد
ريم.. زعلانه على يوسف من سالفة المزرعة وما راحت بيت خالتها ولا شافتهم من السالفة
منى.. قعدت في بيت أهلها وما تأثرت نفسيتها بالعكس تحسنت

اليوم: السبت
التاريخ: 14-7-2007م
الساعه: 12 ظهرا

في بيت جراح...

عمر: انزين منوو ..!
خليفه: وانا شدراني
عمر: اوووف منك.. الحين طالع
... طلع عمر يشوف منو ...
عمر: يويسف..!
يوسف نزل من السيارة: صج انك مو ريااال
عمر: افااا بس اافااا .. ليش..!
يوسف: والله يا الخايس مشتاقلك .. تعال بحضني
عمر: هههههههه
.... وبعد ما سلموا على بعض ...
عمر: شعندك ياي..!
يوسف: الله خوش طردة.. يعني بذمتك ما شفت المكالمات يا الظالم فوق الاسبوع مو شايفك
عمر: اشوفها بس برفع ضغطك وبشوف تشتاقلي ولا لأ
يوسف: اسكت يا معود تعذبت بفرااقك
عمر: ههههههه والله لايقين نسوي فيلم رومانسي
يوسف: الحين صج انك ما تستحي.. قول تفضل دخلني البيت شي ضيفني
عمر: اوووه نسيت تفضل
... بعد ما دخلوا الديوانية...
يوسف: يلا يا أخ عمر قولي شسالفتك..!
عمر: لا سالفة ولا شي
يوسف: ما راح اصدقك قول قول
عمر: عندي لك خبر بمليون دينار
يوسف: لا لا انا اول بقول الخبر اللي عندي
عمر: يلا نشوف الاحسن خبري ولا خبرك

في بيت ريم...

ريم: لا تحااولين لا تحااولين
عالية: شفتج نسيتينا .. قلت اصير احسن منج وايي ايرج لما بيتنا
ريم: ماني رايحة
عالية: ليش..!
ريم: جذي
عالية: لا مو جذي
ريم: انزين.. زعلانة على يوسف
عالية: افااا الاخت زعلانة ع الحبيب ليش..!
ريم: ما قالج السالفه
عالية: لاااا
ريم: انزين سمعي.. بس ما ابيج تقولين ليوسف ابيه يحس بنفسه .. بشوف لما متى بيظل على هالحاله
عالية: اوكي يلاا قولي

...

في بيت جراح..

عمر: هههههههههههههههه
يوسف: ههههه شفت شلون عشان تحمد ربك.. مو تحن بنت عمي ما ابيها
عمر: هههه بس شفت الصدفه لما آنا عرفت انت عرفت
يوسف: وآنا يعني كنت بسويها مفاجأة حساافة
عمر: لا وانت اوريك تمثل علي يعني بترفع ضغطي
يوسف: لا والله يعني انت مقصر انت بعد كنت تمثل انك معصب

1
2
3
10
20
30
مر شهر والحال زي بعضوو

الاخ المحترم يوسف.. مو حاس بنفسه ولا فكر ان ريم زعلانه عليه
عالية.. ما قالت ليوسف وينتظرون النتيجة هي وريم .. لما متى
نوال.. علاقتها زادت مع عمر وما تشوف عمها ابد ولا احد بس عمر وخليفه
ضحى.. مرتاحة في بيت منصور ومنصدمة من تغير مناير ناحيتها
مناير... زادت علاقتها مع ريم وكل يوم اتصالات وزيارات وريم مستغربة بس تقول الله هداها
هدى.. لاجديد
وسمية.. فرحتها بحمل سلوى نستها المشاكل مع عواطف ومن اخر هوشة هدت الريح
راشد.. ميت ويعرف أخبار نوال .. بس ما حصلتله فرصة ووسمية ما كلمتها من آخر مرة
عالية.. عالمها الخاص<< لا تعليق

 

[Absent Hope]

اليوم: الثلاثاء
التاريخ: 14-8-2007م
الساعه: 7ونص مساء

في بيت وسمية...

راشد: وسووم ما يصير جذي يعني.. يا الظالمة
وسمية: والله شسوي استحي اتصل وبعدين هي ما تذكرت ولا اتصلت
راشد: بس حرام بعد تخلينها ولا تسألين عنها
وسمية: ان شاء الله بشوف الفرصة المناسبة واكلمها
راشد: لما متى يا وسمية فرصة مناسبة لما متى
وسمية: رشوود خلاص عاد لا تحن علي
راشد: ان شاء الله

في بيت هدى...

هدى: الله يهداج يماا انتي تعبانة وتطلعين من الغرفة
ام هدى: يعني تعبانة انام بالغرفة لازم اطلع اتحرك شوي
هدى: شكلج تعبانة حيل
ام هدى: والله ما ادري شقولج.. لما حملت فيج ما تعبت هالكثر مع انه أول حمل
هدى: اتصل على ابوي يوديج المستشفى
ام هدى: لا شدعوه .. صج تعبانة بس مو يعني اروح المستشفى مرة وحدة.. ارهااق خفيف وان شاء الله يروح
هدى: انزين تبين شي
ام هدى: لا اقعدي انتي بس

في بيت ريم...

( ريم تتكلم بالتلفون )
ريم: لا رافع ضغطي صارلي شهر ويمكن أكثر بعد وهو ولا معبرني
مناير: يمكن يعاند
ريم: لا صدقيني ما يعاند آنا عارفته .. اصلا عنده وجودي وعدمه واحد
مناير: لا تظلمينه مو لهذي الدرجة اللي انتي متخيلتها
ريم: اممم والله ما ادري.. ننطر ونشوف..
مناير: نطري شنو وراج
ريم: ما راح تيين بيتنا اليوم..!
مناير: لا مشغولة شوي
ريم: شنو اللي شاغلج..!
مناير: تدرين الدوامات باقيلها أقل من شهر وتبدا.. بستعد للجامعه اشتري هدوم وملافع وغيره اشياء واايد
ريم: اي صح .. واااي مالي خلق المدرسة
مناير: ريمووو شقلنا احنا
ريم: خلاص لي خلق لي خلق
مناير: شنو مقررة تسوين هالسنة..!
ريم: اكيد بشد حيلي وبحاول ارفع من مستواي .. امم مع ان مالي مزاج اداوم موعلى شي بس عشان راح اكون بنفس الصف وولا وحدة من رفيجاتي معاي
مناير: يلا هانت .. انتي بس شدي حيلج.. وكلها هالسنة واللي بعدها وتخلصين
روان: ريم .. امي تبيج
ريم: انزين.. يلا مناير اخليج الحين .. بشوف امي شتبي فيني
مناير: اووكي .. يلا بااي
ريم: بااي

في بيت جراح...

نوال: وين رااح .. !
خليفه: ما ادري عنه .. ليش شتبين فيه..!
نوال: بقوله.. بروح اشتري أغراض للمدرسة
خليفه: اروح انا معاج مع الدريول
جراح: نواااالوو اشوفج هاليومين مطيحة .. اربع وعشرين ساعة تقعدين هني
نوال: عمي انا ..
جراح يقاطعها: عمى بعينج بلى.. احمدي ربج اني متحمل ثقالة دمج.. اوووف متى افتك منج بس متى..!
خليفه: يبااا لا تصاارخ على نوال
جراح: وحطبه ان شاء الله .. وانت ليش ما تروح مع ربعك صااير مثل الحريم كله قاعد بالبيت
نوال: عمي الحين اذا تربى وقعد بالبيت يصير مثل الحريم
جراح: صج انج ما تستحين .. يعني قصدج اني ما عرفت اربيه ولما ييتي حضرتج ربيتيه عدل
نوال:....
جراح: شتبين واقفة يلا ذلفي فوق
نوال: عمي بطلب منك طلب
جراح: بعد هذا اللي ناقص..
نوال تقاطعه: عمي أرجووك طلب ضروري

 

[! ضوا الكويت !]

عاد انا اموت بالقصص وبذات اقراهم الفجر قبل لا انام

وانا الحين مستمره ع قصه

لاتضيعني

حلوووه وايد تينن والله

بس طويله

ع العموؤوؤم

يسلمو

 

[Absent Hope]

في بيت ام يوسف...

( بالصالة اللي فوق قاعدين حمد ونورة وعالية وبسمة يتفرجون على مسلسل )

يوسف وهو داخل: عااالية
عالية لفت عليه: نعم
يوسف: تعاالي ابيج شوي
عالية: ان شاء الله
... راحوا يوسف وعالية غرفة يوسف..
يوسف وهو يصك الباب: قعدي بكلمج بموضوع
عالية: شنووو..!
يوسف: شفيج كأنه مالج خلق
عالية: لا عااادي قول
يوسف: امم.. يعني كنت بقول صارلج فترة اقصد من زمان ما يبتي طاري ريم ولا انا شفتها
عالية بابتسامة استهزاء: لاااااا زين الحمدلله انك تذكرت
يوسف وعلى وجهه علامة تعجب: ليش يعني...!
عالية: انت تتذكر متى اخر مرة شفتها
يوسف وهو يفكر: امممم .. والله ما اذكر
عالية: طبعا ما تذكر يا اخ يوسف.. لأنك من شهر مو شايفها
يوسف: وشفيج تقولينها بعصبية..!
عالية: لأنها من شهر زعلانة عليك وحاز بخاطرها انك ما راضيتها وكل ما اقولها تعالي البيت ما ترضى وتقول ناطرة يوسف يتذكر اني زعلانه.. بس خاب أملها .. كل هالمدة وانت ولا داري
يوسف: زعلانة... ليش..!
عالية وهي توقف: ارجع بذاكرتك شوي.. وراح تعرف ليش زعلانة .. انا طالعه..
يوسف: زعلااانه... غريبة

في بيت منصور...

] الكل قاعد يتعشاا ما عدا سعود [

ام منصور: الحمدلله
منصور: عواافي.. يما ما كلتي شي
ام منصور: لا الحمدلله .. شبعت
ضحى: بالعافية خالتي
ام منصور: الله يعافيج
مناير: ضحااوي عطيني الملح من عندج
ضحى: ان شاء الله... تفضلي
مناير: مشكوورة يا قلبي
منصور ابتسم: ان شاء الله دووم مو يووم
مناير باستغراب: على شنوو..!
منصور: هالحب ويا قلبي ويا عمري
مناير: اصلا احنا من يومنا وجذي قلوبنا على بعض مو أول مرة صح ضحووي..!
ضحى بابتسامة: صح
منصور: انزين اقولج .. سعودو وينه اشوفه هالأيام هايت اربع وعشرين ساعه بره البيت..!
مناير: خله ياخوي لا تضغط عليه.. بعدين شوراه .. خله يستمتع بحياته دامه توه مو متزوج.. ولا منقهر منه عشان ما تقدر تسوي اللي يسويه
منصور: ههههههه لا مو هذا قصدي.. بعدين انا قعدتي مع ضحى تكفيني العالم كله
ضحى ابتسمت: تسلم والله
منصور: فديتج
مناير: احم احم.. شكله الجو خااص شوي .. الحمدلله انا شبعت
منصور: هههههه خلاص يا بنت كملي اكلج
مناير: لا صج خلصت

في بيت ريم...

] ريم تكلم عالية بالتلفون [

ريم: اسمحيلي هالشي بالذات ما اقدر عليه
عالية: بس ريووم.. انت بعد شوي
ريم: علووويه اذا هو يمج آنا بصك التلفون الحين
عالية: اوكي لحظة شوي.. يوسف بعد ولا وربي اصك التلفون.. اووف .. الوو
ريم: راح عنج
عالية: اي راح
ريم: انزين ابيج تقوليله.. صباح الخير .. توه يتذكر.. الظاهر كان نايم وتوه يصحى
عالية بصوت واطي: ريووم طولي بالج عليه لا تقسين عليه
ريم بتهديد: عااالية انتي مالج دخل باللي اسويه
عالية: بس احنا متصلين عشان يتفاهم معاج.. ويفهم منج السالفه.. صيري لينه شوي لا تكبرين الامور وتعطينها اكبر من حجمها
ريم بضيق: عاالية تكفين خلاص.. انتي بهالكلام تحسسيني اني مجرمة.. مع اني آنا الضحية
عالية: ريوووم احنا وين قاعدين مجرم وضحية شالسالفة.. السالفة أبسط من جذي
ريم: عالية انتي مو حاسه فيني .. انتي اصلا مو عارفة شالسالفة .. ما عشتي الموقف اللي آنا عشته.. يعني ترضين يقولي على واحد ثاني انتي تبينه .. ترضين واحد يحبج وتحبينه وتثقون في بعض ويقولج على شخص ثاني زعلانة انج ما قبلتي فيه.. يعني ليش انا شسويت هذا اللي سويته جريمة.. المفروض ازعل ولا اقبل اي عذر لأنه قال هالكلام.. بس المشكلة مو هني انا ما ضايقتني هالسالفة كثر ما ضايقني تجاهله كل هالمدة.. شتسمين واااحد زعلانه عليه ومدة طويلة تعدت الشهر ولا يسأل انتي ابيج تجاوبيني فوق ما جرحني وبعدها ما عبرني ليش .. انتي قوليلي ليش..!
عالية: اووكي حبيبتي هدي نفسج ولا تنفعلين.. ان شاء الله كل شي راح يتصلح.. وانتي لا تضايقين نفسج عااد وبعدين الانسان مو معصوم من الغلط.. وهو متصل اصلا يبي يعرف السالفة لأني ما رضيت اقولها له.. ابيه بروحه يعرفها
ريم: اكيد ما عرفها
عالية: هو يبي يكلمج عشان يعرفها او يستنتجها
ريم: الله يخليج بس .. احنا وين قاعدين مدرسة.. خلاص علووي الحين مالي مزاج اتكلم.. وتعبانة بحط راسي وبنام
عالية: هههه ريوووم .. تقصين على الكل الا علي آنا .. هذا ويهي اذا رحتي تنامين
ريم: انزين ماني نايمة بس برتاح
عالية: خلاص اوكي وفكري بالموضوع عدل اوكي حيااتي
ريم: اووكي
عالية: مع السلامة

 

[Absent Hope]

اليوم: الاربعاء
التاريخ: 15-8-2007م
الساعه: 12 ظهرا

في بيت جراح...

خليفه: نوااالوو .. وين رايحة من الصبح..!
نوال: الحين الصبح من صجك .. الساعة 12..
خليفه: اووكي.. بس وين رايحه
نوال: مشواار صغير ورادة
خليفه: مع منو..!
نوال: مع السايق
خليفه: بس اخااف ابوي..
نوال تقاطعه: لا تخاف استئذنت منه
خليفه: ووافق..!
نوال: اي وافق .. ليش مستغرب
خليفه: ما ادري
نوال: ترى اذا بتظل تسولف راح تعطلني.. انا طالعه
خليفه: لحظة نوال .. مابي اخليج بروحج.. الحين ياي معااج
نوال ابتسمت: يؤبر البي الرجااال
خليفه بنظرة: ليش شنو شايفتني..!
نوال: خلصني والله اطلع
خليفه: خلاص دقيقة

في بيت منصور..

منصور: انت آنا بذبحك انت
جابر: ليش..!
منصور: كيفي.. اقوول منووور.. شعندج اليوم زيارتج صباحية.. كل يوم عصرية تكون الزيارة
منيرة: جذي قاعدة بالبيت بروحي .. قلت ايي عندكم
منصور: ليش وينه قيس ( زوجها )..!
منيرة: مسافر البحرين.. عنده شغل
منصور: من متى مسافر.. ما قالي..!
منيرة: اليوم الصبح.. الشغلة صارت بسرعه
منصور: اهااا
ضحى وبيدها صينية القهوة: تفضلي منيرة
منيرة: تسلم ايدج يا مرت اخوي
ضحى: الله يسلمج
منيرة: الا وين منايروو بالعادة رازة الويه بالصالة عشان تلقط اي سالفة
منصور: وييييه خبرج قديم الحين منوور تغيرت.. اخيرا تسنعت
منيرة: صج والله .. شنو اللي سنعها
منصور: اكيد صارلها موقف او شي .. او من داخلها حبت تتغير
منيرة: ييوووز.. هاا ضحااوي .. ما راح اصير عمه
ضحى ابتسمت: ....
منصور: منوور خلينا نستانس مع بعض شوي .. تالي لاحقين على دوخة اليهال

في بيت وسمية...

أحمد: ما ردت..!
وسمية: بسم الله توني اتصلت
راشد: هااا بشري
وسمية: اووووه انتو شفيكم..!
راشد: يعني كل هذا
وسمية بحماس: ألوووو.. السلام عليكم
خليفه: وعليكم السلام
وسمية: لو سمحت هذا موبايل خليفه
خليفه: اي منو معاي..!
وسمية: نوال موجودة انا رفيجتها
خليفه: اي لحظة دقيقة بس.. نوال وحدة تبيج
نوال: ألووو
وسمية: يا قلبي يا عمري انتي والله والله مشتااااقتلج موووووووت
نوال: وسووووووومة .. هلاا
وسمية: هلا فيج .. شلونج شخبارج شمسوية..!
نوال: والله الحمدلله بخير ونعمة وصحة وعافية.. يا الخايسة ليش ما تتصلين..!
وسمية: كنت انطرج تتصلين تذكرينا بس ماكو فايدة
نوال: والله دايما ع البال بس شسوي
وسمية: لما الحين عمج وعيال عمج اللي ما منهم فود ما طلعولج موبايل
نوال: هههههه طااافج وسووم
وسمية: شنوو..!
نوال: شفت واحد من عيال عمي
وسمية: اي قلتيلي خلووف
نوال: لااا واحد ثاني الكبير
وسمية: صج والله.. وشسويتي لما شفتيه .. شقال .. حلوو ولا شلون يعني.!
نوال: هههههه ما تستحين انتي .. شنو وين قاعدة.. بعدين ديري بالج ترى هذا ولد عمي .. حبيبتي يعني مالج نصيب فيه مو تحطين عينج عليه
وسمية: ههههه انتي استحي خلوف عندج..
نوال: لا نزل الجمعية وانا بروحي
وسمية: حركاات طالعه.. انزين اقولج يلا تكلمي عنه
نوال: بصراااحة طيوووب حييل ويدخل القلب وينحب
وسمية: اي يعني شنو..!
نوال بخجل: ما ادري بس دخل قلبي بعدين.. هو شكله شكله مو اكيد يحبني .. هذا اللي حسيت من تصرفااته
وسمية بصدمة: انتي من صجج
نوال: اي هههه شفتي حركات والله انحب.. انزين قوليلي شلووون حمادة
وسمية: بخيررر.. وسلوى حااامل
نوال: صج الف الف الف مبروووووووك باركيلها تكفين
وسمية: اوووكي.. انا اخليج الحين
نوال: ليش تو الناس
وسمية: وراي شغل
نوال: اوكي حبيبتي اكلمج بعدين
وسمية: مع السلامة
] وسمية حطت السماعه وهي منصدمة [
أحمد: ليش ما خليتيني اكلمها
راشد: وسوووم.. ليش ما قلتيلها راشد يسلم عليج
أحمد: انا من زمان قايلج بكلمها
راشد: الحين مو انتي وعدتيني
وسمية:......
راشد: ليش ما تردين..!
وسمية: حمااادة اطلع بره شوي
أحمد: لييييييش..!
وسمية بتهديد: احمد
أحمد: ان شاء الله
] بعد ما طلع أحمد [
راشد: وسوووم شالسالفه .. ليش صكيتي التلفون بسرعه
وسمية: رااشد.. خلاص نوال امسحها من باالك
راشد مصدووم: انتي شتقولين.. وعلى كيفي انا امسحها من بالي
وسمية: خلاااص راشد نوال مو لك افهم عاد
راشد بعصبية: مو على كييفج.. نوال لي غصبن ع الكل.. واذا ما خذيتها ما راح آخذ غيرها
وسمية: راشد هد نفسك.. السالفه مو عناد .. هذا نصيب.. والبنت يبيها ولد عمها
راشد وهو يوقف: مو كيفه.. والله اذبحه
وسمية: راااشد .. شنو احنا وين قاعدين
راشد طلع ولا عبرها:......
وسمية: لا حول ولا قوة الا بالله

في بيت ريم...

ريم: بعد تبون شي يا اخوان..!
بدر:يا ليت بعد تيبين عصير ليمون بنعناع
ريم: اوووف
محمد: بدير خلاص ثقلت ع البنت
بدر: عشان تعرف خلها تصير مره
محمد ابتسم: خلااص ريووم ما عليج منه رووحي
ريم وهي تخز بدر بحقد: ان علمت ابوي مرة ثانية امصع رقبتك ساامع
بدر فيه الضحكة بس يسوي نفسه معصب: لا والله تعرفين تهددين
ريم بعصبية: اي اعرف وليش ما اعرف .. اوووف ترفع الضغط
] اول ما طلعت[
بدر: ههههههههههههههههه تعجبني اختك وهي معصبة
محمد: حرام عليك رفعت ضغطها
بدر: هههههههههههههه شفت ويها
] ريم دخلت [
ريم: لا والله يا اخ بدر ... انزين اوريك
بدر: هههههههههه صادتني
ريم: هين تتطنز علي بعد
] طلعت ريم وهي معصبة حدهااا .. ونادتها منى [
ريم: نعم
منى: شفيج معصبة..!
ريم: ما فيني شي
منى: انزين اقولج.. الحين بتيي عاليه
ريم: انزين حياها الله
] دخلت عاليه [
ريم: ما شاء الله الظاهر اتصلت وهي عند الباب
عالية: السلام عليكم
منى وريم: وعليكم السلام
عالية: شلووونج ريووم..!
ريم: هلا والله.. انتي بسرعه تتصلين وبسرعه توصلين
عالية: هههههه اتصلت وانا عند الباب
ريم: اعرف حركااتج... وين نورة..!
عالية: ما يت معااي
ريم: لييش..!
عالية عطتها نظرة : جذي

 

[Absent Hope]

في البحر...

يوسف: بس هذي كل السالفه
عمر: محد غلطان بالموضوع كله الا انت
يوسف: ادري.. وانا طول امس بالليل ظليت اتذكر.. لما عرفت ان آخر موقف معاها كان هالموقف
عمر: انت ما حسيت بغيابها شهر او اكثر
يوسف: ما ادري.. يمكن كنت فاقد الوعي
عمر: لا ما أظن .. بس يمكن اكتشفت مؤخرا ان اللي بينكم حب طفولة لا أكثر
يوسف: انت شتقوول .. من صجك.. مستحيل ... ريوووم عندي بالدنيا كلها ومستحيل اتخلى عنها ولو سمحت لا تسمي اللي بينا حب طفوله
عمر: ان شاء الله
يوسف: وانت شصااار معااك
عمر: ولا شي على حطة ايدك
يوسف: مو ناوي تخطب
عمر: البنت لما الحينها تدرس.. وابوي ما فتح الموضوع بس انا واثق راح يفتحه قريب
يوسف: شنو ناطر.. روح افتحه انت
عمر: لما الحين مو متأكد من مشاعرها ناحيتي
يوسف: كل هذا..!
عمر: ما صارلنا شهر يا يوسف.. اصبر شوي
يوسف: نصبر وننطر النتيجة
عمر: وين رشوود..!
يوسف: ما ادري عنه اليوم مختفي ولا اتصل .!
عمر: اتصل عليه
يوسف: اتصلت قبل ما اوصل كان جهازه مغلق
عمر: الله يستر

الساعه: 2 ظهرا

في بيت ريم...

عاليه: اوووف ترى مليت
ريم: انزين شسوي..!
عاليه: طفي جهازج.. يعني بكلمج بموضوع.. ما يصير جذي كل ما اقول كلمه اتصلت مناير
ريم: فشله
عالية: لا مو فشله.. قوليلها كنت مشغولة اي شي.. خلصيني
ريم وهي تطفي الجهاز: وهذا طفيناه تفضلي
عالية: امس بعد ما كلمتج قلت الكلام ليوسف بس ما قلتله سبب زعلج
ريم: اممم
عالية: وبعد فترة طويلة كنت بنام آنا ما حسيت الا هو داخل علي.. وعرف سبب زعلج
ريم: واخيييرا.. لو مخليها السنة الياية مو أحسن
عاليه: ولما قالي قلتله اي.. وحلفلي انها زلة لساان وانه كان معصب وما عرف شنو يقول
ريم: بس هذا عذره
عالية: يقوول لما شافج واقفة مع اللي ما يتسمى.. وسمع السالفه انه بيخطبج ما ادري شنو .. فار دمه وعصب.. يقول والله انه كل اللي قاله لانه يحبج ويغار عليج
ريم: اهاااا.. اول مرة اسمع ان اللي يحب يجرح
عالية: وبعد شنوو.. ويقول تكفين تسامحينه لأنه ما كان متوقع انج تاخذين بخاطرج منه
ريم: بس هذا اللي عنده
عالية بعد تفكير: اي بس هذا اللي قالي عليه
ريم: اوكي خلاص
عالية بفرحة: يعني رضيتي
ريم: لاااا اعذاره مو مقبولة ومبرراته ما اقتعتني
عالية: حراام عليج
ريم: لا حراام ولا شي .. علووي مو لأنه اخوج توقفين بصفه بلييز يعني كل واحد وله وجهة نظر
عالية: انزين الحين شنو اقوله..!
ريم: قوليله.. ما رضت وخلاص
عالية: بهالبساطة وهو متعني ويايبني عشان اقنعج وارد اقوله والله ما رضت
ريم: هذا اللي عندي
عالية: اوووف .. صج عنيدة وراسج يابس

في بيت جراح...

خليفه: خلاص الله يخليج
نوال وهي تبجي وواصله للانهيار: والله حراااام حرام
خليفه: نوال .. لا تبجين عفيه
نوال مستمرة بالبجي: ....

.... نهاية البارت...

توقعاتكم..!
نوال.. شنو الشي اللي خلاها تبجي الى الانهيار.!
وفعلا قامت تميل لعمر ولا بس مؤقتاا..!
عمر.. يا ترى تأكد من مشاعره صوب نوال ولا المشوار مطول..!
هدى.. دورها بالقصة غامض.. وتنتظر ولادة أمها..!
وسمية.. حربها مع عواطف وقفت وسكنت الريح بعد العاصفة..!
راشد... شنو ممكن يسوي .. بعد ما قالتله وسمية على نوال..!
فهد وسلوى.. يا ربي عليهم .. الله يرزقهم الذرية..!
ريم.. تفاصيل حياتها كل يوم تتغير .. وشخصيتها تتغير.. لما متى راح تظل زعلانة على يوسف.. وبنظركم الحق معاها..!
منى.. تطلقت وارتاحت من زوجها.. برايكم هذا هو الحل لحالتها..!
محمد وبدر... الثنائي المختلف.. واحد متزن وواحد منهبل.. شلون يقعدون مع بعض ما ادري..!
عاليه.. حبيبة قلبي... من داخل متضايقة ومحد عارف عنها وتمشي وتحل بمشاكلهم..!
واخييرا عرفتوا منو عبد العزيز عمها .. بس ما عرفتوا قصته..!
نورة... يا حليلها كانت مستانسة انها حلت مشكلة عمر.. بس بالأخير عمر عرف بالسالفة من غيرها..!
يوسف.. راح يقدر يخلي ريم ترضى عليه ولا بتظل ميبسة راسها..!
منصور وضحى.. احلى ثنائي.. حياتهم ماشية سيدة..!
مناير.. وتغيرها.. هالشي فرح قلب ضحى ومنصور وريم اللي صارت رفيجتها.. شنو السالفه اللي غيرتها وخلتها تصير حبوبة..!
... شخصيات كثيرة بالقصة
جراح.. ام محمد.. ابو محمد.. ام يوسف.. ابو يوسف.. ام هدى.. ابو هدى.. خلوف.. حمادة.. روان.. رشا.. هاجر.. هنادي.. بسمة.. حمد.. منيرة.. وشخصيات مالها نهاية..!
ولا تنسون المدارس قربت... بداية السنه فاتحة خير.. ولا ...!

... هديل الحب...

 

[تفداك روحي]

كمليـــهاا انا متاابعتج
نزلي 10 بارتاات

 

[n00ni]

كملي حبيبتي

 

[MeeMeeYoo_2]

ناطريييين

 

[n00ni]

up
up
up

 

[Absent Hope]

عاد انا اموت بالقصص وبذات اقراهم الفجر قبل لا انام

وانا الحين مستمره ع قصه

لاتضيعني

حلوووه وايد تينن والله

بس طويله

ع العموؤوؤم

يسلمو

اي قاريتها هالقصة روووووووعه :ggdw:

كمليـــهاا انا متاابعتج
نزلي 10 بارتاات

من عيوني ..~

كملي حبيبتي

ان شاء الله يا قلبي

ناطريييين

الحين

up
up
up

مشكورة يا قلبي ...

 

[Absent Hope]

الجزء السابع :::

اليوم: الاربعاء
التاريخ: 15- 8-2007م
الساعه: 3 الا ربع عصرا

في بيت وسمية...

أحمد: ما قالي
وسمية: انزين ما قالك وين راح..!
أحمد: شفيج .. ما قالي شي
وسمية: اووووف انزين
] وسمية من طلع راشد وهي تحاتيه... تتصل عليه جهازه مغلق... خايفه لا يكون سوى بنفسه شي ظلت تدور بالبيت ومو عارفة شتسوي [
عواطف: هاااي
وسمية:......
عواطف: حمدلله والشكر ليش ما تردين
وسمية: عوااطف لو سمحتي ترى والله اني واصلة حدي اي كلمة ثانية ما ادري شنو راح اسوي فالله يخليج اتقي شري
عواطف: انزين اكلتيني بقشوري آنا شنو قلت
وسمية: استغفر الله
عواطف: شايفتني مينونة ولا شنوو ..!
وسمية قعدت تحاول تهدي نفسها بدون ما ترد عليها:......
عواطف: وين رااشد..!
وسمية: ما ادري عنه
عواطف: اكوو اخت ما تدري عن اخوها .. ولا انتي مزهرية بس جذي حاطينج اخت
وسمية:....
عواطف وهي تقوم: اذا رد راشد قوليله عواطف تبيك بشغلة ضروورية
وسمية: ......
عواطف: شفيج .. بلعتي لسانج ما تتكلمين
فهد: السلام عليكم
وسمية: وعليكم السلام.. وين سلوى..!
فهد: تزور اهلها
وسمية: اهاااا
عواطف: صارلج ساعه منطرمة .. الحيين عرفتي تتكلمين
وسمية: يا صبر أيوب.. فهد تبي شي انا رايحة داري
فهد: لا سلامتج... انا الحين طالع اصلا
وسمية: اووكي

في بيت ام يوسف...

نورة: الله يخليج يماا والله زهقانة
ام يوسف: بس ..
نورة: يماا المدارس قربت .. نبي نستغل العطلة قبل ما تخلص
ام يوسف: خلاص اتصلي على يوسف.. اذا فاضي يوصلج
نورة: مشكووورة يا احلى أم
] راحت نورة تتصل على يوسف [
نورة: ألوو
يوسف: هلاا نورو
نورة: ممكن طلب..!
يوسف: خلصي طلبي مو تسوين روحج ذربه
نورة: يووسف عاااد.. ممكن ولا لأ..!
يوسف: ممكن خلصيني شنوو..!
نورة: تيي الحين توصلني
يوسف: وين..!
نورة: بيت خالتي ام محمد
يوسف: ليش ان شاء الله..!
نورة: عشان نبي ننام أنا وعلوي هناك
يوسف: نعم على كيفج اهوو
نورة: اي على كيفي مدام امي راضية كيفي
يوسف: انتي من صجج
نورة: يوسف شفيها مو اول مرة نروح ننام هنااك.. وبعدين من زمان مو شايفة روويم ومشتاقتلها
يوسف: انا مو راضي
نورة: نعم.. يعني عشان بتوصلني راح تذلني.. لا يا حبيبي يلا مع السلامه .. أروح مع عشرة غيرك
يوسف: ما راح تلاقين أحد.. مع السلامة
نورة: راح ألاقي يعني راح ألاقي