بدور (الحب الحقيقي)

[ms_5ajoola]

بالله وينج ناطرينج على احر من الجمر لا تنزلين بارتات قصاار

 

[ms_5ajoola]

Apppp

 

[زينة الأب]

سوري بنات كل ما احاول ادش الموقع يطلع لي networ error يعني حدة ضاق خلقي و شوفوا الساعة جم الحين حاولت حاولت ليمن صار... بس أبشركم هذا أخر جزء انشالله يعجبكم ووايد استانست مع القصة و معاكم

 

[زينة الأب]

الجزء الأخير​

وصلوا أم ناصر، خالد، بو ناصر، هبة و دلال بعد فترة....
الكل كان تعبان من عقب البجي و الخوف.... الدكتور ليلحينة كان في غرفة العمليات مع بدور...
هبة بخوف : سارة شلونهي بدور؟
سارة كانت حاقدة على الكل... اهمة اللي سووا فبدور جذي!
سارة: لج ويه تسألين.... لكم ويه تيون أصلا؟! أدري إنكم مسويين لها شي.... ما تدرين اهية شكثر تحبكم و تعزكم.... شكثر تحملتكم!! بس انتوا مو كفوا...
هبة: سارة والله احنة آسفين بس عفية لا تقولين هالكلام....شلونهي بدور؟ طمنيني تكفين....
سارة بقسوة: احنة خن نطمن أول بعدين يصير خير.... الدكتور ليلحينة بالعمليات....
هبة شافت ناصر سرحان وويهة أصفر.... راحتلة ركض و لمتة...
هبة: حبيبي ناصر! ما تستاهل والله....
ضحك ناصر: أنا ما أستاهل؟ أنا المفروض أكون مكانها الحين مو اهية.... أنا المفروض أسوي حادث و أموت.... عقب كل اللي سويتة فيها أستاهل كل شي...
أم ناصر كانت ساكتة و مصدومة... مو مستوعبة إن بدور ممكن تموت.... حست بتأنيب ضمير لكل اللي سوتة... بس ما تحملت تسمع هالكلام من ولدها...
أم ناصر : لا حبيبي ما تستاهل... انت تستاهل كل خير....
ناصر ما رد على أمة... كان معصب عليها و يبي يلوم أحد باللي صار غير نفسة....
أم ناصر: تكفة ناصر رد علي... جاوبني أنا أمك لا تسوي فيني جذي....
قعدت تبجي بحراق.... شلون ولدها يعاملها جذي....
دلال راحت لأم ناصر و لمتها....
دلال: ميخالف خالتي اهوة مو بوعية الحين.... ارتاحي شوي....
ناصر سمع صوتها و دمة فار.... قام من مكانة وراحلهم واهوة واصل حدة....
ناصر: انتي شلون تيين اهني؟ برا!!! طلعي براااا
هبة: ناصر ما يصير اهية ما سوت شي.... ما يصير جذي تصرخ على الكل...
ناصر: امبلا سوت!! من يات كل شي انقلب فوق تحت.... اهية مسوية شي صدقيني مسوية!!!
دلال: والله ما سويت شي غير اني تزوجتك.... و هذي كانت أكبر غلطة في حياتي...
حطت ويها بإيدها و قامت تبجي....
هبة: ناصر ما يصير... اهية ما سوت شي.... شلون جذي تتهمها؟
ناصر عصب.... ليش محد يفهمة؟ عميان؟
ناصر: هبة!! لاقين سحر بغرفة بدور!!! من يات و بدور تشوف أشباح و ينانوة! و فوق هذا أدوية الدكتور ما نفعتها!!! اهية مسويتلها سحر...
هبة تيبست فمكانها.
هبة بصوت واطي: سحر؟
الكلمة بروحها تخوفها....
ناصر: اي سحر.... هذي القليلة أدب ساحرة مرتي... وانتوا على طول رحتوا قلتوا عن بدور مينونة! ولا عطيتوها أي فرصة تدافع عن نفسها...
عينة قامت تدمع ناصر: وأنا كنت منهم.... انا معاهم قمت أشك.... والحين بخسرها و ما راح تدري اني ليلحين أحبها و إني آسف!
هبة قلبها قام يعورها على أخوها.... ما تستاهل
دلال انصدمت: هذي ثاني مرة تتهموني اليوم بالسحر.... شنو لاقيني بالشارع وحدة مشعوذة.... والله مالي شغل بهالسوالف....
ناصر راح لها و مسكها من إيدها حيل....
ناصر: و تجذبين بعد!! خلاص انفضحتي بسج جذب.... وصلت حدي منج!!!
دلال: اااااي ناصر هدني.... والله ما سويت لها شي.... والله ما سويت شي
أم ناصر ما قدرت تتحمل أكثر من جذي.... ولدها قام يتعذب جدامها و دلال قاعدة تنلام واهية بريئة.... شقاعد يصير؟
أم ناصر: ناصر اهية قاعدة تقول الصج!
ناصر: اوووو يما اهية تجذب والله تجذب.... ليش ما تبون تشوفون هالشي.... اهية يابت لنا المشاكل!
أم ناصر واهية تبجي: لا يا ناصر... مني أنا.... أنا السبب...
ناصر ترك دلال و طالع أمة....
هبة: يما؟
ناصر: يما شقصدج.؟
أم ناصر قامت تشهق.... اااخ يا فشيتي...
ناصر: يما تكفين تحجي شقصدج؟
أم ناصر: أنا مسوية حق بدور السحر...
حس إن ما سمعها عدل.... مو معقولة اللي قاعدة أسمعة...
ناصر: شنو!!!
هبة قامت تبجي... حست إنها ظلمت بدور وايد و الحين ممكن يخسورنها.
هبة: يما حرام عليج...
ناصر: ليش؟! ليش تسوين جذي ليش؟!
أم ناصر : لأنك ولدي يا ناصر و أبيك تكون مستانس و مرتاح.... و بدور ما تقدر توفرلك هالشي... و انت ما رضيت بغيرها!
ناصر: يعني ساحرتني معاها..
أم ناصر: اي
دلال مصدومة.... لا لا العايلة ميانين شلون تزوجت منهم؟
ناصر قام يبجي...
أم ناصر قلبها تقطع على شكل ولدها.... اخر مرة شافتة يبجي جذي كان ياهل بالاتدائي.... ااااخ يا وليدي يا ناصر
ناصر ما قدر يوقف... قعد بسرعى على الكرسي و قام يبجي زيادة
ناصر: حراااام!!! حرام عليج يا يمة حرام.... حرام تسوين جذي بولدج..... حرام تسوين هذا فبدور!!!!!
أم ناصر ميتى بجي و قعدت على ركبها جدام ولدها.... مسكت ايدة تترجى
أم ناصر: ناصر حبيبي آسفة والله إني آسفة.... ما كنت أفكر عدل ما توقعت يصير كل هذا
ناصر: شلونن تسوين جذي.... ما تخافين ربج؟ ما تحبيني؟
أم ناصر: بلا!!! أخاف ربي و متحسفة و ما تدري شكثر أحبك يا ناصر ما تدري.....
ناصر: مو عذر!!! مو عذر.... شلون تسوين جذي؟ لا بولدج بعد.... اااااخ الحين اهية بهالحالة السبة انتي!! مثل شوق يما مثل شوق....
أم ناصر: لا يا ناصر غير شوق.... بتكون غير شوق لأنها بتعيش!!! بتعيش يا ناصر...
ناصر: شلون بتعيش و الدكتور ليلحينة بالعمليات... يما انتي ما شفتي سيارتها!!! شكلة مرعب و الدم يما الدم....
أم ناصر: آسفة يا ناصر واللهإني آسفة...
رفع ناصر ويهة و حط عينة بعين أمة
ناصر: مو أنا الللي لازم تتأسفين لة.... تأسفي من بدور...
طلع الدكتور و ناصر أول ما شافة نقز....
الكل تيمع حوالي الدكتور... محمد و سارة و ناصر و أم ناصر و العايلة كلها
ناصر: دكتور واللي يرحم أمك بشرنا بخير... عفية دكتور وايد طولتوا انشالله خير...
سارة كانت ماسكة ايد محمد بقوة.... وايد خايفة من رد الدكتور....
الدكتور: سوينة كل الي نقدر عليه.... اهية خسرت وايد دم الحمدالله حالتها مستقرة...
الكل قام يضحك و يبتسم....
ناصر: الحمدالله الحمدالله ألف الحمدالله...
أم محمد حطت إيدها على قلبها و ابتسمت من الراحة....
الكل كان يلم بعض مستانس....
الدكتور: بس,,
ناصر استغرب: بس شنو؟
الدكتور: لازم تتوقعون إن عقب حادث كبير جذي هالشي راح يصير طبيعي...
ناصر ما فهم: شنو دكتور مو فاهمين...
الدكتور: بدور الحين الحمدالله ما فيها شي بس خسرت البيبي...
الكل انصدم و بالأخص أم ناصر....
ناصر و هبة و ساري بنفس الوقت: أي بيبي؟!
الدكتور الحين دورة يستغرب...
الدكتور: ما كنتوا تدرون إنها حامل؟
ناصر: لا!! أساسا مستحيل تكون حامل.... بدور ما تقدر تييب عيال و دكتور بنفسة قال...
الدكتور: كل شي بإيد الله عزوجل... بس معقولة ما كنتوا تدرون انها حامل واهيى بالشهر الثالث...
ناصر: مثل ما قلت لك دكتور ما حطينة هالشي فبالنا...
الدكتور: المهم اهية الحين ما قعدت و نطروا السستر تقولكم متى تقدرون تدخلون
ناصر: مشكور ما قصرت...
رد قعد على الكرسي واهوة منصدم.... مسكينة والله مسكينة ما تستاهلين...
سارة: يا بعد عمري بدور!! حامل و خسرتي البيبي...... حبيبتي.....
أم محمد قامت تبجي على بنتها: شكثر كانت تبي بيبي... بس الله ما كتب و فوق هذا حادث.... بنيتي مسكينة والله مسكينة....
ناصر خز أمة و سرح فيها... شسوي الحين؟ شلونأروح أجابلها أنا مالي ويه عندها....
أم ناصر قامت تبجي على حظ ولدها.... شسويت أنا؟ كلة مني.... و هالبنت ميكينة ما تستاهل كل اللي سويتة فيها... والله إني آسفة
هبة: مسكينة بدور ما تستاهل.... شكثر تحملت مشاكلنا...
دلال كانت ساكتة ما تبي تتحجى.... بدور حملت قبلها.... معناتة إن ما مني فايدة...
ناصر: سارة بدور كانت تدري إنها حامل؟
سارة: لا ما كانت تدري...
دخلت عليهم السستر تخبرهم إنهم يقدرون يشوفونها بس واحد واحد...
سارة: عفية أنا بروح أول تكفون... تكفون خلوني أنا أول....
ناصر ما كان عندة مانع... ما كان يبي يدخل مالة ويه.... شبيقول لها؟ شلون يخليها تسامحة...
ناصر: روحي بس لا تييبينلها طاري الحمال..
هزن راسها و دخلت على بدور...
شكلها كان يعور القلب دار مدارها كلة أجهزة: بحلجها و خشمها أنابيب، إيدها فيها إبر للدرب و مخيطة عشان الجروح..
سارة: يا بعد عمري يا بدور...
سارة كانوا ملبسينها لبس خاص عشان تدخل...
قربت من بدور شوي تبي تجيسها.... بس وين؟ كل مكان بإيدها مخيط و ملفوف...
سارة: يا بعد عمري يا بدور...
الغرفة كانت هدوء غير الأجهزة اللي تساعد بدور للتنفس...
سارة قامت تبجي: آسفة يا بدور... آسفة إني ما كنت عندج عشان أوقف معاج... آسفة إني ما قدرت أساعدج....
ما قدرت اتم أكثر... شكلها كان يعور القلب
طلعت من الغرفة واهية ميتة بجي.... ناصر أول ما شافها مات من الخرعة...
ناصر: شفيها.؟ بجور شفيها؟
سارة واهية تشهق: ما فيها شي لا تخاف... بس شكلها...
ما قدرت تكمل و قامت تبجي ....
ناصر: أنا أبي أدخل الحين... بس ما أقدر...
لبس ناصر اللبس و دخل على مرتة....
سحب الكرسي و قعد لأن ريلة ما تشيلة من المنظر....
ناصر: شسويت فيج يا بدور.... شسويت فيج؟
خذا إيدها برقة و باسها....
ناصر: والله إني آسف آسف...
حس إنها ضعيفة و ممكن بأي لحظة تطلع من هالدنيا
ناصر: شفيني انا الدكتور قال إن حالتها مستقرة بس البيبي...
ااااخ البيبي والله لو كنة ندري بس.... ما صبرنا..... كلنا استعيلنا على زواجي من دلال... بس الحين...
حركت بدور صبعها....
مسح ناصر دموعة و قلبة قام يرقع.... يا بعد عمري يا بدور...
بطلت عيونها شوي شوي.... شافت ناصر بس ما قدرت تتكلم السبة الأنابيب....
حركت راسها و حس إنها تبي تتكلم.... اتصل في السستر و دخلت....
شالت الأنبوب من حلجها بس خلت الانابيب الصغار اللي بخشمها....
ناصر: بدور حبيبتي والله آسف.... أنا حمار، حيوان، حقير، ما استاهلج والله.... الحمدالله إن مافيج شي الحمدالله....
ما عرفت شتقول... حست إنها متخدرة و غصب مبطلة عيونها... ما تتذكر ولا شي من اللي صار...
صوتها كان مبحوح و غصب ينسمع: ناصر أنا ويني؟
ناصر ليلحينة ماسك إيدها بحنان و رقة
ناصر:حبيبتي انتي بالمستشفى... سويتي حادث...
تذكرت يوم كانت بالسيارة و تبجي... تبجي السبة ناصر..... كانت تبي تسحب إيدها منة بس مو قادر... كانت تحت تأثير مخدر و مو قادرة تتحرك...
الشي الوحيد اللي تقدر تسوي إنها تبجي...
ناصر أول ما شاف الدموع ين زيادة...
ناصر: بدور تكفين لا تبجين أنا موكفو... ترا ولا أحد يستاهل دموعج الغايلة ولا أحد!!!
بدور: انت ما تحبني....
ناصر: لا ما أحبج...
قامت تبجي زيادة
ناصر: أنا أموت فيج و أعشقج و أهواج!!!
بدور: أبي أصدقك بس ماني قادرة...
ناصر: لا تصدقيني بس عفية لا تبجين... والله ما أقدر أتحمل هالدموع!
ما قدرت تتكلم... شتقول؟ تقول إنها مسامحتة و تحبة؟ هالشي طبعا أكيد بس ما حبت تبينلة... لو شنو يسوي ما تقدر تبعد عنة... أنا الحمارة مو اهوة...
ناصر: بدور أنا آسف من كل قلبي... و اوعدج هالمرة كل شي بيتغير
تنهدت بدور ما عرفت شتسوي...
بدور: ناصر مادري... مو أول مرة تقولي هالكلام... ترا قلبي ما يتحمل والله اذا شي جذي صار مرة ثانية ناصر راح أموت
ناصر: سمالله عليج!!! لا تقولين جذي انشالله يومي قبل يومج!!! بدور لو تفارقيني أموت والله ما أتحمل أعيش من غيرج... انتي كل شي بحياتي... انتي الوحيدة اللي فاهمتني و عارفتني عدل... و مستحيل ألاقي وحدة مثلج يا بدور انتي مميزة بهالدنيا.... بدور حرام عليج رحميني ادري إني ما اساتاهل بس انتي طيبة.... تكفين عطيني فرصة أخيرة ووعد كل شي بيكون غير وعد!!
قامت تبجي زيادة من دموعة و كلامة... والله أحبة يا ربي شسوي... أخاف أسامحة و أتحبط وانصدم... و راح أنكسر ما اقدر أتحمل زيادة.... اااخ يا ربي ساعدني... كانت حاسة بامية شعور... حزن و خوف و احباط و حب!
بدور: مسامحتك
.................
بعد 4 أسابيع
بدور طلعت من المستشفى قبل اسبوع تقدر تمشي بس إيدها و ريولها ليلحين فيها غرز....
ناصر طلق دلال طلب منها و محد تكلم...
أم ناصر ترجت بدور إنها تسامحها و طبعا بدور بدون لا تفكر سامحتها عشان تفتح صفحة يديدة فحياتها....
هبة و سارة و بدور ردوا رفيجات نفس قبل...
خالد و هدى رجعوا لبعض و هدى تصالحت مع بدور و صاروا رفيجات...
خالد: هدى أحبج!!
هدى ما تكلمت.... اهية رجعت لخالد عشان العيال... كل يوم تقول لنفسها هالكلام تحاول تقنع عمرها... بس بقلبها كانت تدري إنها رجعت لخالد عشان تحبة...
خالد ما زعل من عدم استجابتها... اهوة حلف إن كل يوم بيقولها إن يحبها ليمن تصدقة و ترجع الثقة بينهم...
فهد: ماما... آآآآم..
هدى: بعد عمري يوعان....
خالد: لا والله فهود قول بابا!!!
فهد: ماما
خالد: بابا!
فهد: ماما!
و قام يضحك
خالد: والله إن عيار...
فهد حسب إن ابو يلعب معا و استانس...
فهد: ماما!
خالد: ما منة فايدة...
هدى قامت تضحك و لمت فهد قامت توكلة...
خالد: ماكو الا بنيتي ريونة...
خالد شال ريان و حطها بحضنة..
خالد: ريونة قولي بابا!!
ريان: بابا!!!
خالد: يا بعد عمري يا بنيتي...
ريان استانست و قامت تصفق...
فهد طبعا نفس كل مرة غلد اختة: بابا!!!
خالد: طع هذا... صج أثول بس يغلد اختة...
هدى:هههه شيسوي يحبها... واهية الكبيرة اكيد الصغير يغلد الكبير...
خالد: لا باجر ما يصير عندة شخصية... لازم يصير ريال...
هدى: خخخخ الله يهداك بس... اي ريال اي بطيخ توة صغير حرام عليك!!
خالد: لازم نعلمة من الحين....
هدى تأملت بويهة و قلبها يرقع.... يا ربي كل يوم جذي؟ قلبي ما راح يتعود على شوفتة؟
.....................
سارة: محمد جيك على جسوم... والله عبيط اي شي يمسكة على طول بحلجة...
محمد: خخخخخ يحب يستكشف....
أم محمد: سمالله عليه... لا كل اليهال بهالعمر جذي كل شي على طول بحلجهم....
سارة: ههههه ابي يتعلم يحبي... خخخخ يبي يوصل حق اللعبة بس مو قادر...
محمد: حرام عليج عطياه...
سارة: اي بس ابي يتعلم...
محمد: ها مستعيلة على شنو؟ بيتعلم متى ما بغا يتعلم هذا جاسم ولد محمد يسوي كل شي متى ما بغى...
سارة: عشتوا! اي دللة من الحين عشان بعدين تتوهق في و يطلع دلوع نفسك
محمد: لا والله يعني أنا دلوع؟
سارة تستعبط: و أنا شقلت؟
محم: ماشي ماشي... غلا سوير بدور بتيي عندنا اليوم؟
سارة: لا اليوم اهية رايحة الطبيب عشان يشيلون الغرز... عقبها ناصر بوديها مطعم مفاجأة...
محمد: يه يه يه كشخا و شنو المناسبة...
سارة: يوم زواجهم...هذا الريال الرومنسي...
محمد: أشكرة نغزة... يبة جم مرة اتأسف لج...
سارة بدلع: في أحد ينسى يوم زوجة؟ و هذا وانت تحبني...
محمد: لا لا أحب الثقة انا... والله يبة آسفين ما أنسى مرة ثانية... شسوي كل يوم معاج مناسبة حلوة...
سارة انحرجت بس حست إن عيار: اي اي رقع...
محمد: وانتي شدراج انهم بيروحون؟
سارة: هبة قالت لي
محمد: اها
.................
بدور كانت ماسكة إيد ناصر حيل.... واهية تحس بألم شوية...
الدكتور يشيل اخر غرزة: و بس خلصنة...
ناصر: واي جنج ياهل... يبة خلاص خلصتي شال الغرز...
بدور: اففف ما بغينة نخلص...
الدكتور: ههههه الحين خلاص انشالله ما نشوفج الا على خير...
بدور: الله يعطيك العافية دكتور مشكور ما قصرت معاي....
الدكتور: شدعوة ما سويت الا الواجب...
طلعوا من المستشفى واستوعبت بدور إنهم مو رايحين البيت...
بدور: ناصر وين رايحين؟
ناصر: ولا مكان... بس قلت نفتر شوي...
بدور: اها... انزين بس أنا...
ناصر: شفيج؟
بدور: حصرانة...
ناصر: ههههههه توج رايحة مرتين بعد جم مرة؟
بدور: شدراني أنا بعد حصرانة شسوي...
ناصر: انزين ليمن نوصل روحي الحمام...
بدور: توك تقول بنفتر... ما عرفنالك اعترف وين بنروح؟
ناصر: اوهوو يعني لازم تخربين... يبا بنروح مطعم
بدور: اهاااا صج انك عيار...
ناصر: وانتي لازم تخربين كل شي.. يعني ما أقدر أفاجئك
بدور: ههههه اصلا طول اليوم حاسة إنك خاش شي...
ناصر: بعد تدرين إني ما أعرف أخش عنج شي على طول يبين علي...
بدور: صح...
طول الطريج ظلت مبتسمة... يا بعد عمري يا ناصر.... متذكر يوم زواجنا و بتفاجئني... أحبك....
نزلوا المطعم و بدور على طول راحت الحمام... رجت ولا ناصر طالب لهم و خالص...
بدور: الله يسامحك يا ناصر جان قلت لي عشان أكشخ و أحط شي بويهي... شكلي يلوع الجبد
ناصر: انتي بكل وضع حلوة...
بدور قامت تطالع الصحن بحرج...
ناصر: أحب اللي ينحرجون بسرعة...
بدور بدلع: ناااصر بس خلاص عاد...
ناصر: ههههه انزين انزين...
طلع علبة صغيرة و عطاها اياه: هذا لج..
بدور خدودها كانوا حمر و بطلت العلبة واهية تبتسم... اول ما شافت الي بالعلبة راحت ابتسامتها و عيونها بققت
بالعلبة كانت قلبة ناعبة فيها قطعة ألماس كبيرة على شكل دمعة....
بدور شهقت: ناصر فظيعة!!!
ناصر استانس إنها عجبتها طول الاسبوع كان خايف إن ذوقة خايس... و خاصة إن امة قالت لة إنها بسيطة وايد....
ناصر: بعد لازم شي فظيع حق وحده فظيعة...
بدور: يا بعد عمري
طلعت القلبة و لبستها....
بدور: لا لا عجيبة والله عجيبة...
بعد فترة يابوا الأكل... قعدوا يسولفون و ياكلون مستانسين...
رجعوا البيت ولا ناصر مزين غرفة النوم و مسويجوا رومنسي..
ابتسمت بدور.... صج عيار
............
بعد سنة
الأيام مرت و الكل مستانس... هدى تعلمت إنها تثق فخالد مرة ثانية و تحبة بدون خوف، فهد و ريان صار فيهم بو شنيتر و خدامتهم حتى صار فيها، و طبعا خالد حتى بيزة ما خلاهة تسوة من كثر ما ضحك عليهم و طفرهم .... سارة حملت ثانية و جسوم توة مكمل سنة سوولة عيد ميلاد كبير لأن محمد يبي يفتخر بولدة: و طبعا متشقق من حمال مرتة و كان يبي صبي ثاني (بس سارة فيها بنت)... بو ناصر توفة الله يرحمة من شهرين السبة جلطة حاشتة بالمخ،أم ناصر من عقب وفاة ريلها ما عادت نفس قبل بس ما تعبت نفسها بالزعل.... هبة تزوجت اللي تقدملها و الحين في بريطانيا يكملون دراستهم برا....
.....
في غرفة بدور...
ناصر: محتاجة شي؟
بدور لاعت جبدها من كثر ما يحوس و يسأل هالسؤال: ناصر شدعوة جم مرة تسال والله اذا ابي شي أقوم و أتحرك...
ناصر انحرج: لا بس يعني...
بدور: بعد عمري انت بس اقعد ارتاح شوي... شدعوة انت اللي شكلك تعبان مو أنا...
بهاللحظة البيبي قام يبجي...
بدور: واي سلم بس بس... شحقة تبجين...
شالها ناصر من فراشها الصغير...
ناصر: وي وي وي اص بسس بس لا تبجين...
بدور بحنان: ناصر عفية عطنياها مشتاقة لها...
ناصر: ههههه كل يوم تشوفينها و كل ثانية عندج.... تبين ماما؟
شالتها بدور و قرة عليها المعوذتين... كانت ماسكة بنتها بإيدها!!.... بنتها !!!و الدكتور قال إن مستحيل تييب عيال... ليلحينها منصدمة و كل يوم تحمد ربها على هالمعجزة...
ناصر قعد يمها و شكلهم حدة عجيب... بداية اسرة صغيرة ...
طالعت بدور ويه ناصر المبتسم واهوة يطالع البيبي... ابتسمت بفخر.... هذا ريلي أنا و بس و هذي بنتي!!
بدور: أحبك...
ابتسم ناصر و قلبة كلة حب لهالبنتين اللي بين إيدينة... زوجتة و بنتة....
ناصر: وأنا بعد أحبج...
ثنيناتهم ابتسموا و باسوا بنتهم "أمل"
النــــــــــــهايـــــــــــــــــة​

بنات وااايد استانست معاكم و متشوقة حق ردودكم و في شوية حزن مع فرح إني خلصت القصة :eh_s(11):.... وانشالله ترقبوا روايتي الثانية "أمل" و مثل ما توقعتوا راح يكون عن بنت بدور و ناصر "أمل" و أيضا عبارة عن قصة حب... بس طبعا راح أطول على ما أنزلة ههههه بس حبيت أقولكم اني ناوية أكتبها ههههه والله أحبكم واااايد واستانست معاكم.... لا تحرموني من شوفتكم و شوفة ردودكم... يالله الحين بنام لأن الساعة 3!!!! خخخخخخ

 

[zqertya]

النهااااااااااااايه عجيييييييييييييييييبه حدهاااااااااااااا

واسم بتنهم واايد حلووووووو امل

يسلموووووووووووو حبيبتي على الروايه وسوووووووووري تعبناج وااااااااااااايد معاااااااااااااااااانااااا سامحينااااااااا

مشكوووووووره حبيبتي

 

[ms_5ajoola]

حدهااا روعة وفظييييعة وصج ماكو شي بعيد عن الله سبحانه وتعالى والامل لازم يكون موجود وماااقصرتي راح نشتاق لج والقصة بعد تعودنا عليها

 

[FOFOQ8]

زيون انتي اب كلية الطب بس حبيت اسال اي سنه واسمج انتي بدور

 

[Sara.M]

:eh_s(9)::ggdw::eh_s(1): حبيييبتييي بدور ما ماتت اشوااا يعطيج العآآآفيه الرواااااااااااااااااااااايه فظيييييييييييييعه عجيييبه يسلموووو ​

​

 

[عاشقة المسك]

واااااااااااااااااااااااو القصة روعه مثل صاحبتها مشكورة ماقصرتي حبيبتي ننطرج بروايه ثانيه بس بليز لا يكون اسم البطله امل ما احب هالاسم ههههههههههههههههههه

 

[عاشقة المسك]

اب لعيونج









:3lm1:

 

[عاشقة المسك]

اب
اب
اب

 

[~pYaar~]

وااااااااااااااو البااارت

عجيييييب

رووووعه

فظيييييييع<<<على قولت بدور خخخخ:dddds:


مشكوووووره زيون عالقصه العجييييبه واحلى شي ان النهايه سعيييييده:eh_s(9):

 

[dlo3t^baba]

عجيييييييييييييييييييييييييييييييييييييييييييييبه تسلم ايدج وناطرينج بالروايه الثانيه

 

[Shine~Flower]

مشكوووووووووووووووورة والله يعطيج العافيه على الرواية العجييبة الصراحة واايد اندمجت فيها وعجبتي وااايد
والنهاية واايد حلوة وسعيدة مشكورة مرة ثانية وماقصرتي على الرواية
والله يوفقج وانشالله انشووف رواياتج اليديدة :eh_s(15):

 

[MeeMeeYoo_2]

وااااااااااااااو عجيييييييييبه

يعطيج العافيه حبيبتييييي

مو قلت لكم ام نااااصر اهيا مسويه


وناطرين يديدج

 

[MC ANFAL]

ambeeeeh laaa2 lesh 5ali9at el8i9a :eh_s(16): ashwa ena elnehaya s3eeda w waiting 4 ur next story :icon30:

 

[زينة الأب]

وااااي ثانك يو بنات حدي استانست إن عجبكمك البارت وراح أشتاق لكم وااااايد لا تحرموني من شوفتكم.... يعني وايد استانست بكتابة القصة و أنا اندمجت فيها بعد مو بس انتوا.... و ما تعبت لا تخافون بعالكس وااايد استانست معاكم

 

[زينة الأب]

زيون انتي اب كلية الطب بس حبيت اسال اي سنه واسمج انتي بدور

أنا سنة أولى مستجدة و آسفة حبيبتي بس ما أعطي معلومات أكثر عن اسمي و جذي.... سوري

 

[kity]

وااااي والله بغيت ارد عليج من زمان بس امس مهووو راضي يدش واليوم درااسه

والنهاااايه روعه روعه روعه بس انا ليلحين مصرة على رايي اني اكره هدى

ماحبها كلش ملش


وانا لو بدال بدووور ماراح ارد حق ام ناصر مثل اول ماحبها ام ناصر سخيييييفه وفوق هاذا كله فيها حقاااره


وساارة ومحمد احبهم يونسووون


وووووو بعد والله مادري شلون اعبر لج عن الي في قلبي قصتج روعه ع قولة بدووور فظيعه


وننطرج بروايته ثانيه عاد انا احب اذا قصه يكون لها جزء ثاني بس بقصه ثاانيه غراامي

والحمدالله انج حققتي امنيتي


وننطرج بروايه ثانيه يا حلوووه

وثانكس لإضافتج الـ friend حبيبتي

 

[زينة الأب]

يا بعد عمري كتي ردج يبرد الجبد و شي طبيعي غني بظيفج بالفرندز لأني ما أبي أنحرم منج و جذي أقدر أتابعج عشان ما تضيعين هههههه الله يوفقج بالدراسة. الحمدالله إن عجبتج القصة و انشالله راح أكتب القصة الثانية بس مادري متى الحين باخذ بريك و برتاح و اهتم بدراستي....