بدور (الحب الحقيقي)

[عاشقة المسك]

بدور حرام عليج لو بارت احد عالاقل

 

[ms_5ajoola]

يالله بليز نولي بارت خو الحين عطلة

 

[ms_5ajoola]

اب
اب
اب

 

[ms_5ajoola]

؟؟؟؟؟؟؟؟؟؟؟؟

 

[زينة الأب]

ناصر: انتي شلون ما تقولينلي عن السحر هذا؟!
بدور بخوف: ناصر انا كنت ابي أتأكد قبل لا اقولك....
ناصر: مالي شغل يا بدور انا قلت لج تخبريني بكل شي اول بأول.... يعني ما أثق فيج!!! بدور كل ما ابي أعدل شي انتي تيين و تخربينة! يعني تتعمدين؟ حابة هالمشاكل و هاللوية؟ لازم تخربين؟ لازم؟! أخذ خطوة جدام وانتي ترجعيني عشر خطوات... بتيننيني والله!
انجرحت بدور من اسلوبة...
بدور: ناصر شدعوة... آسفة غلطت بس مو ليه الدرجة إنك تتصرف جذي... انت صاير ما تتحملني هالايام!!!
ناصر: مو انتي ما تساعدين! زهقت والله زهقت من هالعيشة معاج!! كل يوم تييبينلي مشكلة!
قامت تبجي بهبل: ناصر ما تقصد! شدعوا قاسي ليه هالدرجة معاي مو ليه هالدرجة.... انت جذبت علي بكل شي!! قلت لك طلقني بس انت ما بغيت.... لا تلومني أنا ما سويت شي....
ناصر:مو انا حمار!!! كان المفروض أفتك منج....
قلبها انشلع و مكانة فراغ.... خذت جنطتها و طلعت من الغرفة من غير كلام!
طلع ناصر وراها يصارخ: وين رايحة!
بدور ما ردت عليه.... شتقول؟ شلون تحط عينها بعينة؟ كلامة يذبحها....
قامت تكلم نفها واهية تنزل الدري: ماقدر ماقدر خلاص تعبت من هالعيشة.... تعبت والله تعبت!
ناصر: أنا قاعدة أكلمج!
مسكها حيل من إيدها و فرها عشان تجابلة!!
حست إن شي داخلها انكسر.... الكل يهينها و يعاملها مثل الحيوان!!
بدور لا إراديا عطت ناصر طراق....
انصدم ناصر.... اول مرة بحياتة يحصل طراق من حرمة غير أمة....
تيبس في مكانة و حط إيدة على خدة يطالع بدور منبهر....
بدور: انت قليل أدب و مو كفو أحد يقعد معاك!!! كل يوم مشكلة هذي مو عيشة! اذا انت تعبت عيل أنا شنو؟ عبالك مستانسة! عبالك متشققة أسمع كلام منك و من أمك و حتى أختك! ترا ناصر أنا وصلت حدي خلاص..... أمك تقول اني مينونة لا تخليني أثبت لها هالشي!!!
ناصر حس إن تصح صح وتحسف على كل اللي قالة...
ناصر: بدور بس انتــ
بدور بطلت عيونها على حدها و قامت تتكلم مثل المينونة
بدور: جب جب ولا كلمة انت مو كفو!!! خلك مع أمك و خل الساحرة دلال تنفعك!!! بس من باجر تطلقني فاهم ولا لا!!! ما ابي أشوف رقعة ويهك!!! تقولون عني أنا مينونة والله انتوا عايلتكم عايلة الميانين....
ما كانوا حاسين بس الكل كان متيمع وراهم يسمع كلامهم.... فجأة أم ناصر تكلمت...
أم ناصر: شفت يا ناصر..... شفت انت شنو يبتلنة... تخليها تتكلم عنة جذي؟
بو ناصر كان منصدم.... شقاعد يصير بهالبيت....
بو ناصر: انتي سكتي شوي لا تتدخلين من بيناتهم!
دلال: شقصدج ساحرة!!! جوفي ترا وايد سكت عنج....
بدور سمعت صوتها ينت زيادة!
بدور: انتي ا قليلة أدب لج ويه تكلميني! المفروض تنخشين من فشيلتج!! لا تسوين نفسج بريئة أدري إنج ساحرتني!!! أدري عبالج أنا حمارة بقرة ما أفهم؟
دلال مو مستوعبة: اي سحر اي بطيخ..... لا لا انتي صج ينيتي!!!
أم ناصر تضايقت من تجعم ريلها لها بس ما قدرت تسكت زيادة...
أم ناصر: نويصر اقضب مرتك....
هبة: يمة بس انتي مالج شغل ترا وايد أذيتي البنت!!!
ناصر كان منصدم.... الكل كان يتكلم بنفس الوقت و البيت انترس صراخ!!!
ناصر: بااااااااااااااس!!!
الكل سكت
ناصر: بس لحد يتكلم انا مو فاهم شي! بدور شتقصدين سحر و ما سحر من دلال؟
بدور: يعني انت بنفسك شاك بالسحر ليه هالدرجة انت عمي؟ من يت دلال و انا مرضت و قمت أهلوس!!! و امك طبعا ما صدقت علالله قالت عني مينونة و شهرتني عند العالم كلة!!!
أم ناصر راحت لبدور و عطتها طراق
أم ناصر: يا جليلة الحيا! أهلج ما عرفوا يربونج جذي تكلميني....
هبة راحت لأمها بسرعة و سحبتها عن بدور: يما هدي ما يصير تسوين جذي!
بدور طالعت ناصر: خلاص بطلع ما أقدر.... انت جدامك كل شي يصير و ما تتصرف.... فما بالك اللي قاعد يصير من وراك!!
قامت تبجي مجروحة.... ما يدافع عني حتى!! ااااخ قهر قهر.... تعبت والله تعبت....
ناصر قام يحاول يهدي أمة عشان يتكلم.... هبة ماسكة أمها تصرخ عشان أمها تسمعها على إزعاج دلال و ناصر و بو ناصر....
ناصر: اوهووووووو سكتوا شوي!!!
ناصر: الحين انتي ما تساعدين كلش؟ انتي امي المفروض تبين سعادتي!
أم ناصر: طبعا ابي سعادتك بس ناصر وليدي اهية من يات جابت معاها المشاكل..... والله إنها قبس
ناصر: يما هذي زوجتي و أحبها.... مالي شغل فيكم...و دلال انتي صج ساحرة بدور!
دلال: طبعا لا!!
ناصر: يا ربي في أحد قاعد يجذب بس منو؟! من وين قاعدة تيي هالمشاكل.... كلة منكم و من تدخلكم في حياتي.... خربتوا كل شي!
أم ناصر: نويصر أنا أمك ما تحاجيني جذي!!
لف ناصر عشان يحاجي بدور .... بس ما كانت موجودة....
...............
بدور كانت تمشي بالسيارة واهية منصدمة من كل اللي صاير! اااخ يا ربي كل هذا يطلع منك يا ناصر؟ أمك استحملها دلال استحملها حتى اختك استحملها بس انت يا ناصر حرام عليك...
مسحت دموعها عشان تشوف الطريج اللي جدامها...
بدور: قهر قهر قهر قهر يا الله مقهووورة
قعدت تشهق و تبجي بحالة هستيريا.....
تبجي بغضب و حسرة.... قامت تطق بالسكان تحاول تطلع حرتها بأي طريقة....
ماكو فايدة.... قلبها في غصة.... حاسة إنها مخنوقة..... قامت تصرخ بقهر.... تصرخ و تطلع كل السم اللي بقلبها!!!
غمضت عيونها واهية تصرخ ردت بطلتهم بس ما شافت شي غير الظلام!
..................
ناصر: وشلون ما تشوفونها واهية طلعت!!! محد فيكم يتحجى؟!
هبة: والله ولا حسيت فيها....
أم ناصر: باللعنة انشالله عساها روحة بلا ردة!
ناصر: يما!! ما يصير جذي.... حرام اللي قاعدة تسوينة.... يهون عليج اتعبيني؟! يهون تشوفيني زعلان و متضايق و انتي تزيديني هموم؟
أم ناصر: لا حشا والله ما أقصدر بس ناصر انت ما تعرف مصلحتك....
خالد طول هالفترة كان ساكت يسمع و يشوف اللي دار مدارة.... طبعا كان منصدم و قلبة يعورة على اللي قاعد يصير فبدور بس شيسوي... يخاف يسوي او يقول اي شي و ناصر يفهمة غلط.... بس من سمع أمة تقول انت ما تعرف مصلحتك عصب....
خالد: يما ترا لاعت جبدنا من هالجملة.... ليش بس انتي اللي تعرفين مصلحتنا واحنا ما نعرف شي.... كل ما تسوين شي حق مصلحتنا تعفسينة فوق تحت!!!! خلاص احنا مو يهال! هذي حياتنا خلينة نعيشيهاّ!!
كان مقهور و مضغوط خاصة إن هدى ما دقت عليه.... حس إن أمة اهية السبب في كل شي مو زين بحياتة...
أم ناصر قامت تبجي: شفيكم علي؟! ولا كاني أمكم؟ ما تحبوني ولا تحترموني....
ناصر راسة قام يعورة: اوهووووووو! يما خلصنة... انتي فاهمة إن هذا مو قصدنة.... بس لاعت جبدنة من تدخلج..... احنة مو رياييل جدامج؟ خلاص خلينا نعيش حياتنا بروحنا و ناخذ قراراتنا!
أم ناصر: بس بس..... قلبي ما يتحمل....
بو ناصر: ناصر كافي هالكلام خلصنة...... امك قصدها بريء و لا تكلمونها جذي..... خلاص كل واحد فيكم طلع حرتة واللي بقلبة... يالله توكلوا
ناصر تنرفز من ابو اللي مو راضي يسوي شي.... صج كلام بدور العايلة عايلة ميانين
ناصر: أنا شحقة قاعد اهني أصلا...
طلع مخترع يدور بدور واهوة يحاتيها.... ما عرف وين بيلاقيها....اتصل اول شي على محمد بعدين بيتهم بس محد شافهاولا سمعوا منها... اكيد ما وصلت ليلحين....
مشى شوية ولا تحوشة زحمة
ناصر يطق السكان بعصبية: افف حدة مو وقتة....
السير كان واقف كلش ولا سيارة تتحرك....
حط ايدةعلى الهرن: اففف تكفون تحركوا.....
بنفس اللحظة سمع مطافي و اسعافات... وراهم شرطة وكلهم شابين ليتاتهم و صفاراتهم....
ناصر: أكيد حادث....بعد شوارع الكويت كلها حوادث....
شاف إن الناس كلهم نازلين عشان يشوفون شالسالفة....
ناصر: وااااي خلاص ما راح أقدر أروح مكان.... خل أنزل أشوف شالسالفة....
نزل من السيارة و لحقهم ليه مكان الحادث و الشرطة....
كان في زجاج منثور كل مكان.... و جبدة قامت تقلب ليمن شاف إن أغلبها مخلوطة بالدم....
ناصر: ستغرالله... اخوي شنو صاير؟
واحد كان واقف مع قروب رياييل توهم رادين من الشرطة....
الريال: والله في وحدة مسوية حادث.... يت شاخطة والظاهرة ما كانت منتبهة ان في باص نازل من الجسر.....
شاف ناصر إن الباص ما كان متأثر وايد بس السيارة الثانية سقفها كلة تقريبا منشلع... كأن السيارة دشت تحت الباص....
ناصر: ستغفرالله الحين شلون ودوها المستشفى؟
الريال: ليلحين قاعدين يحالون يطلعونها من السيارة... جني سمعت إنها مفقوسة بين السكان و الباب و الزجاج مثبتها مكانها....
ناصر ما كان يقدر يشوف شي من كثر الشرطة و الناس.... بس لاعت جبدة و اهوة يتخيل شكل البنت و الزجاج معلقها بالكرسي....
الريال: عاد حرام شكلها وحدة صغيرة توها شباب....
ناصر بروحة كان خايف على بدور و حس بقيمتها.... لو هذي مرتي والله اموت.... ولا احنا متهاوشين بعد.....
حاول ناصر يتصل على بدور مرة ثانية.... انشالله ترد انشالله ترد.... يا ربي خلها تسامحني و حن قلبها علي.... صج اني حمار و ما أثمن كلامي!!
موبايلها رن مرة و مرتين... ثلاث...
...........: ألو؟
ناصر استغرب و عصب....منو هذا؟!
ناصر: منو انت؟!
....: اخوي انت قريب من صاحبة التلفون؟
ناصر بخوف: اي نعم خير؟
.........: اخوي مسوية حادث و الحين بينقلونها المستشفى...
ناصر قام يستوعب شوي شوي.... و من غير ما يحس بنفسة قام يتحرك تجاه الشرطة و الناس اللي ملتفين حوالين السيارة.... قام يدزهم من غير ما يدري و ما اهتم لتحلطهم...
........: أخوي ليلحينك معاي؟
ناصر: قرب صوب الريال اللي كان يكلمة..... شاف سيارة بدور و جبدة قامت تقلب...... راسة قام يدور....
ناصر: معاك!
الشرطي لف مخترع ليمن سمع صوت ناصر ورا....
ناصر: لا تقول.... مو اهية!! لا صدفة نفس سيارتها....
الشرطي: عفوا اخوي... بس شنو صلت قرابتك؟
ناصر يحاول يحطلة أمل: يمكن مو اهية.... شسمها!؟
الشرطي: بدور جاسم ال(....)
طاح التلفون من إيدة.... يا ربي ليش؟ ليش؟ لا تاخذها مني يا كريم!!!!!
حس الشرطي إن قريب منها من تعابير ويهة....
الشرطي: الحين بيطلعونها من السيارة و ينقلونها المستشفى.... بس اخوي ليلحين ما قلتي شنو صلة القرابة؟
ناصر عيونة مغورقة: زوجها...
.........................
دخلت سارة بصياح و نواح!! وراها أم محمد و محمد و بو محمد....
سارة بصراخ: وينهي!!! وينهي.... بدوووور بدور وينج؟!!!
ناصر كان حاط راسة بإيدينة و ما قام.... ما يبي يكلم أحد.... صكت في الدنيا.... بيخسرها، حاس إن بيخسرها مثل ما خسر شوق.... كلة مني والله أنا السبب!!
محمد لم سارة: حبيبتي هدي شوي.... ما يصير هذا مستشفى الدكاترة يشتغلون.....
سارة فلتت من محمد و راحت لناصر بعصبية و الدموع تصب من عينها....
سارة: كلة منك أدري! قولي شسويت شسويت بعد يا ظالم؟ مو كافي اللي سويت فيها... أكيد سويت شي زيادة بعد...
ناصر قام يبجي بين إيدينة.... وينج يا بدور وينج عني...
محمد حاول يمسك مرتة: سارة بس... ترا قلت إذا سويتي جذي بردج البيت...
سارة: محمد بدوووووووووور!!!
و قطت نفسها على ريلها واهوة لمها حيل.... كان ماسك نفسة غصب... ما فهم شنو صار بالضبط بس من كلام الشرطي و ناصر مبين إن شي جايد...
أم محمد أول ما سمعت بالسالفة طاحت غشيانة.... بنتها مسوية حادث مع باص و الحين بغرفة العمليات.... الحين كانت تبجي بصوت يعور القلب.... ما كانوا بييبونها بس ما رضت....
بو محمد قرب من ناصر.... كان متوتر ما عرف شيسوي.... من تزوج على بنتة اهوة ما كلماه.... كان معصب و مقهور من اللي سواه... بس الحين مو وقت مشاكل و لوية الحين وقت بدور و الاهتمام فبدور
بو ناصر: ناصر وليدي.... شلونهي بنيتي؟ تكفا طمني عليها تكفا....
رفع ناصر عيونة الحمرا لعيون بو محمد و غصب حط عينة بعينة....
ما كان محتاج إن يتكلم... فهم بو محمد من نظرتة....
بو محمد راح مع أم محمد و قعدوا على كراسي أبعد من ناصر يحاول يهديها....
سارة ليلحينها تصيح بصدر محمد...
سارة: قهر يا محمد والله مقهورة عليها.... أذوها ليمن ينت!! أذوها وايد أذوها.... هذي بدور القوية اللي مثل اختي الكبيرة شلون تسوي حادث؟ اخر مرة أنا كنت فمكانها واهية مكاني... اهية مثل امي و اختي و كل شي... ما اقدر اخسرها....
محمد: لا تقولين جذي... انشالله ما نخسرها... انشالله....
ما صدقتة سارة... كانت تسمع دقات قلبة و تحس في واهوة يرجف...الله يستر​

 

[Sara.M]

اهئئئئئئئئئئئئئئئئ يارب ماتموت كمليييييييييييييييييييييييي

 

[Shine~Flower]

حراام لا تموووووووت بدوور ما تستاهل .....
كله من دلوول الحقيرة ودي ازنطها ....
لا طوليين ننطرج ...

 

[Sara.M]

شكلها مو دلال مسويه السحر يا زوجة خالد يا ام ناصر

 

[ms_5ajoola]

ناطرينج

 

[برونزيه كويتيه]

حياااااااااااااااتي بدووور والله ما تستاهل
امووووت و اعرف منو الي مسوي السحر يعني لا دلال ولا.......... مادري والله انا اتوقع ام ناصر مادري ليش
المهم حيااااتي ناطرينج مو طولين
و يعطيج العافيه

 

[* ملآك الروح *]

والله شكلها بتطلع هـدى .. يمكن هدى متفقه مع دلال ..

بس امممم ما اتوقع ..

مادري بس حرااااااام بدور تكسر الخاطر ياااربي ..


يسلمووو زيوونه على البارت ..

 

[زينة الأب]

هاي بنات انشالله عجبكم البارت.... انشالله اليوم بالليل بنزل بارت ثاني لأن عندي زوارة.... ثانكيو على الكومنتس.... اي و انشالله بالبارت الياي بتعرفون منو اللي ساحر بدور...

 

[عاشقة البحر 93]

يعطيييييييييج العاافية فديتج

امبي دمعت عيني بعد عمري والله ما تستاهل ان شاء الله يارب ما تموت الله يستر واااي

نااطرينج حبووووبة اليوم

وانا اتوقع يمكن ام ناصر او هدى اهموا الي مسوين السحر مادري لانه جنه دلال ما تدري عن شي عاد هذي دلال سيدة بطاطا ويع كرهتها خل يطلقها ونفتك منها

 

[~pYaar~]

وييييي مسكييييينه هالبدووور من مشكله لي مشكله :0bee2e8d89:

وشكلها ام ناصر اهي الي ساحرتها

ناطرينج زيوون :eh_s(6):

 

[عاشقة المسك]

اهي اهي اهي حراام لاتموت ناصر قهرني وااااااااايد اتوقع بدور راح تموت هاذي النهايه هههههههه

 

[kity]

لا صج صج صج الله ياخذ دلالووو وام نااصر

حرااام بدوووور تكسر الخاااطر

اكرها ام الناصر تدخلت وكله اهيه الي تعرف مصالح الناس مسويه روحها الملاك الصغير اكرها اكرهاااااااااا


واكره هدى فوقهم

اصلاً زين ماتت شوق ولا انها تعيش مع ناصر الي ماله كلمه جدام اهله يصير مثل القمله المقصووعه بينهم سليحط وحرام بدوور تكسر الخاطر

ناطرينج حوبيتي

 

[ms_5ajoola]

يعطيج العافية

 

[عاشقة المسك]

اب
اب
اب

 

[Sara.M]

مآآكو بارت ؟

 

[FOFOQ8]

هااااااي زيون امبي حررااااام انشالله ماتموت انا اتوقع دلال الي مسويه السحر