بدور (الحب الحقيقي)

[زينة الأب]

لووووول انتي خلاص كرهتوا دلال.... انشالله البارتات الأخيرة كل شي بيبين بس ما راح أنزل شي اليوم.... سوري بنات لأن هذي البارتات الأخيرة لازم أركز عليها...

 

[MeeMeeYoo_2]

انا شاكه بأم ناصر @@


ربنا يستر

 

[* ملآك الروح *]

انا مرات اشك بـ ام ناصر ومرات اقول لأ شكلها مالها شغل ..

روووووعه ..

ننطرج زيوووووونه ..

 

[زينة الأب]

تسلمون يا بنات فديتكم.... انشالله نخلصها هالاسبوع لأن خلاص ما بقة شي.... المهم يالله أنا بخمد لووول وراي قعدة تصبحون على خيييييييييييييير

 

[kity]

هيه هيه هيه هيه هيه

وجكوها جكوها جكوووها


كلولولولووووش وبتطلق وبتذلف بره البيت وجكوها جكوها جكوووها ونااااااااااااااااااااااسه فكه فكه


وهاذا ام ناااصر ودي لو امجع شعرها تقهر


وهاذي هدى همن تقهر خو اهوو كان يحبها بس اهيه الي خربت آخر شي ماليت عليها غباااء لا ترد احسن ماحبها


وننطرج حياااتي

ويعطيج العاافيه وناطرين البارات النهائيه

نياهاهاهاهاهاها (6)

 

[Shine~Flower]

سووري على القطعه بس انشغلت وانا قريت كل البارات الي طافتيني والله يعطيج العافية على الابدااع

 

[zqertya]

يسلموووووووووووو عالبارتين حبيبتي

الصراحه انا اتوقع ان لا دلال ولا ام ناصر مسوين سحر اتوقع احد 2
هدى راح ترد حق خالد ويعيشون بسبات ونبات ويخلفون صبيان وبنات ههههههههههه
وبدور راح تحمل اتوقع

واانا راح اتزوج بو ناصر عقب ما يطلق ام ناصر هههههههههههههههههههههههههههههههههههههه

هذي توقعاتي لعام 2009 خخخخخخخخخخخ

 

[زينة الأب]

لوووول توقعاتكم عجيبة و تضحك!!!! هههههه ولا زقرتية موتيني من الضحك.... توني رادة البيت قاعدة اتغدى انشالله انزل بارت اليوم.... و هلا شاين فلاور شلونج شخبارج؟ معذورة كلنا مشغولين الدوامات مصيبة ما في وقت للنفس لوووول.... أنا بس أبي أخلص القصة و أقعد أدرس بس انشالله مو اخر قصة لي.... ليمن أنزلكم اخر بارت بقولكم شنو خطتي و فكرتي و انشالله تعجبكم.... أحبكم والله

 

[kity]

^^^^^^^^^^^^^^^^

ناطرينج حياااتي


وزقرتيه توني اقره ردج لووووووووول موتني ضحك

وعليج سعيد ومبارك

واذا طلق زوجته انا الي راح اعطيج المهر مو اهووو

ننطرج حياااتي

 

[عاشقة المسك]

لا زين اشوووه قدرت اشبك خلصت ومداني

حياتي ننطرج وانشالله نشوووفج اممممم انتي مو تبين دكتورة

وعاشقه المسك امبييييييي من زمان عنج صج صج احس نفسي ولهانه عليج وايد وضيعت روااايتج مادري وينها ونسيت اسمها لأن وايد روايات اقرى سامحيني حبيبتي

بس اذا قدرتي تعطيني الراابط وانا انشالله بالويك اند اقراها لأنه يبيلها قعده واركز فيها عدل لانه وايد في عايلات


ولايوقف ولايوقف ولايوقف ولايوقف ولايوقف

هلا والله حبي وانا اكثر مووووووووووووووووووواه اي روايه حياتي ؟؟

قررت اموت بحبك وامشي معاك بدربك خلصتها كلها

 

[kity]

^^^^^^^^^^^

لا الثاانيه :|:|

 

[عاشقة المسك]

يسلموووووووووووو عالبارتين حبيبتي

الصراحه انا اتوقع ان لا دلال ولا ام ناصر مسوين سحر اتوقع احد 2
هدى راح ترد حق خالد ويعيشون بسبات ونبات ويخلفون صبيان وبنات ههههههههههه
وبدور راح تحمل اتوقع

واانا راح اتزوج بو ناصر عقب ما يطلق ام ناصر هههههههههههههههههههههههههههههههههههههه

هذي توقعاتي لعام 2009 خخخخخخخخخخخ

ههههههههههههههههههههههههههههههههههههههههههههههههههههههههههههههههههههههههههههههههههههههه

امبيه زقرتيه فطستيني من الضحك ككككككككككككككك نااطرينج زيون حياتي

 

[عاشقة المسك]

؟؟؟؟؟؟؟؟؟؟؟؟

اي تذكرت نهايه حبنا

 

[kity]

^^^^^^^^

عشووق من صجج تكتبين روايه وتنسين ؟؟

اييي هاذي

 

[الاحاسيس المبهمه]

هلااااااا وغلاااااا شلوووونكم ولهاانه عليكم عاشقه شلووووونج ؟؟؟

 

[زينة الأب]

هاكم بنات بارت اليوم توني خلصت كتابتة..... قربنا النهاية قربنا قربنا هوهو لووووول

هدى كانت قاعدة بين عيالها تفكر باللي قالة ناصر قبل 3 أيام....
معقولة تغير و يبيني؟ ولا بس عaان أمة و العايلة.... هالعايلة اهية المصيبة اهمة اللي ضغطونة على الزواج بالأول.... و اهدموا أحلام خالد و أحلامي.... بس الحين شلون... والله ماني عارفة شسوي...
كل مرة يقول شي و يحسسني بشي.... يحبني ما يحبني ما قمت أعرف أفرق... أنا صج غلطت بحق بدور بس شسوي.... الغيرة ....
مسكت ريان و فهد و لمتهم حيل.... بس كل شي عشان اليهال يهون.... شلون بعيش بروحي أم ليهالين ، لا ريل لا شي.... ما يصير أتم جذي.... و خالد يمكن بيصير مخلص هالمرة....
ريان قعدت تطلع أصوات بسعابيلها.... ابتسمت هدى و باستها حيل...
هدى: واااااي فدييييتج!!!!
فهد شاف إن أمة مو معطيتة ويه و قام يبجي
فهد: مام مم مممم
هدى: فهودي يا بعد ماما أنا بعد فديييييتك.....
لمت هالطفلين لحضنها.... بعض الأحيان كانت تنصدم إن إهية الحين أم... واللي كان يصدمها أكثر إنها أم منفصلة واهية توها بشبابها.... شقاعد يصير بالدنيا...
ريان حطت إيدها بحلجها و قامت تبجي.... أم هدى تقول إن هذي صفة متوارثة لأن هدى كانت تسوي هالحركة ليمن كانت صغيرة....
ريان: بااب ببااب بببب
هدى: تبين بابا....
فهد طبعا أول ما سمع اختة لازم يقلد.... قام يبجي معاها و يقلدها...
فهد: بااااااببا ببب
هدى عيونها قامت تدمع...
هدى: يا بعد عمري يا عيالي.... ما تستاهلون توكم صغار.... ما يصير تكبرون بدون أبو......
لمتهم حيل و قامت تبجي معاهم...
............

بدور: ناصر حبيبي....
ناصر كان يطقطق باللاب توب....
ناصر: هلا
بدور: بطلب منك شي....
ناصر من غير ما يطالعها: آمري.... تدللي....
بدور: ناصر بطلع من اهني....
ناصر: وين تبين تروحين... مجمع ولا بحر، أو مطعم؟
بدور: ناصر.... ما فهمت قصدي...... أبي أطلع أسكن بروحي... أنا وياك يعني....
بدور كانت خايفة من ردة، ما تدري ليش... بس سارة قالت إن هذي أول خطوة عشان تتخلص من كل المشاكل...
ناصر رفع حواجبة: ليش؟ في أحد ضايقج هالايام.... بدور قلت لج اذا صار شي قوليلي...
بدور حاشها تأنيب ضمير لأنها ما قالت لناصر عن سالفة السحر.... سارة قالت إنهم لازم يتاكدون من هالشي و يصيدون دلال واهية تسوي سحر عشان محد يجذبهم..
بدور: ها... لا بس يعني ليه متى بنضل فبيت أهلك.....
ناصر: بدور يعني تدرين... الحين صعبة شوي... مع دلال و
بدور ضاق صدرها... ليلحين مهتم فيها.... ما تدري اهية شقاعدة تسوي فيني....
بدور: ناصر الحين طلبتك و تردني....
ناصر: لا بس تدرين حوسة شوي... لا تحاتين راح نطلع من اهني بس مو الحين....
سكتت بدور ما عرفت شتقول....شبسوي الحين... لازم ابعد عن هالساحرة عشان أكون بوعيي.... بس شلون
كانت واايد معصبة و منبطة جبدها.... الحين بنحلها و مو قادرين.... و عقب كل هذا طلعت دلال اللي تسويلي سحر و أنا مادري.... حرام عليها كانت تدري شنو يصير فيني و شكثر كنت أخترع و أتعب..... في أحد قلبة قاسي ليه هالدرجة..
...........
سارة: الله يعطيج العافية... اي بس احنا بنحدد يوم و انتي تيين اوكي.... مشكورة حبيبتي ما قصرتي... مع السلامة.
محمد: ها حياتي شلونج اليوم؟
سدت سارة التلفون و ابتسمت.... وايد ارتاحت... خاصة إن محمد كلة ماسك جسوم فقدرت تنام عدل...
سارة: وايد أحسن.... جسومي شلونة.... ييبة أحس منزمان مو شايفتة.....
محمد: شدعوة خو اهوة نايم عندي بس انتي اللي ترضعينة....
(سارة تنام تحت بغرفة يم الصالة، منزلين لها سرير)
سارة سمت و خذت ولدها....باستة على راسة و ابتسمت: اي الحين نايم بس بالليل يزعجنا...
اي والله.... محمد أخيرا حس بمرتة...
محمد: شيسوي حنان نفس أمة....
سارة علت صوتها: طع هذا!!! لا والله ليش مو مثل أبو
محمد: شششششششششششششش غصب نومتة تكفين لا تقعدينة....
سارة وطت صوتها أول ما تحرك جسوم: زين حسيت فيني... الرياييل ما تيوون الا بالعين الحمرا...
محمد: شكو العين الحمرا أنا خذيتة تطوعا مني....
سارة بصوت عالي: لا والله! غصب حنيت يالله خذيتا..
محمد: ششششششششششششش..... زين اعترفتي إنج حنانة....
سارة: شوف عاد!!!
جسوم صرخ من قمة راسة....
محمد: سويتيها يا سارة... الحين شيسكتة....
سارة قامت تحركة واهية تضحك: اش اش حبيبي آسفة.... اي كلة منك تنرفزني....
محمد: ههههههه شكلج عبيط
سارة: ههههههه جب اش مو متعودة.... خو هذي أول تجربة لي حرام عليك!!!
..............
ناصر طلع من البيت متنرفز ما يدري ليش..... حس إن لايع جبدة من القعدة و أي حركة تسويها بدور يتنرفز منها و يعصب.... اهية مسكينة ما سوت شي بس صاير ما يتحملها....
ناصر: اف يا ربي أنا شفيني؟ مزاجي زفت....
دق عليه فواز رفيجة من عمر....
ناصر: شخبااااري.... ألو
فواز: هلا نصور... هلا بالغالي...
ناصر مزاجة تتعدل شوي شوي: انت وينك!!!!!!!!!!!!!! مغبر ما تسأل ما تدق....
فواز: لا والله يعني كل شي لازم علي.... المهم شلونك شخبارك؟
ناصر: ااااخ تعبااااان يا فواز تعبان...
فواز. عسى ما شر شفيك؟
ناصر: مادري شفيني يمكن من مشاكل البيت و زوجاتي و حوسة...
فواز انصدم: شنو زوجاتك؟!
ناصر: اووووو انت ما عرفت شي.... سوالف سوالف ما تصدق شنو صارلي....
فواز: لا يبيلة قعدة هذي... الا نصور تعال مرني يبيلنة طلعة مكان وانت تسولفلي عن الللي قاعد يصيرلك....
ناصر: اي والله خوش فكرة... انا الحين صوب منطقتكم دقايق و أكون عندك...
فواز: يالله الحين أروح أبدل... مع السلامة...
ناصر: مع السلامة....
استانس ناصر إن بيشوف رفيجة فواز الا منزمان مو مكلمة ولا شايفة.... واااي صج أيام... أخيرا أقدر أكلم أحد يفهمني و يحس فيني مادري ليش ما فكرت في من قبل...
.............
سارة: حلفي!!!
بدور: والله ما رضى و ما حبيت أضغطة زيادة... و الحين هالايام فجأة قال علي ما يتحملني....
سارة: اففففف لازم تبعدين عن بيتهم!! احتمال غرفتج كلها سحر بسحر.... افففففف
قامت سارة و حطت إيدها على ظهرها...
بدور: شفيج؟
سارة: افففف أكره شي النفاس ما أنصحج في.... أنا سبع أيام و ما أقدر الحين 40 يوم.....
سكتت بدور و ما ضحكت.... أنا جنها تأخرت علي.... متى أخر مرة؟ اكيد الحبوب.... بس قطعت حبوب....
سارة: هاو شفيج تنحتي عسى ما شر؟
بدور لا إراديا حطت إيدها على بطنها.... مستحيل...
سارة: الووووو بدور أحاجيج!!!
بدور: ها... لا بس....
سارة قعدت يم بدور و مسكت إيدها
سارة بخوف: بدور شفيج؟! قاعدة تشوفين شي؟ حاسة بعوار؟ تحجي قولي...
بدور: هههههه سارة صلي عالنبي ما فيني شي بس...
سارة: مالت عليج خوفتيني... انزين بس شنو؟
بدور: تصدقين منزمان ما...
سارة: ما شنو؟ بدور ترا لاعت جبدي شفيج...
رفعت بدور حاجبها و طالعت سارة و فهمتها....
سارة: يمكن من الحبوب الي تاخذينهم...
بدور: بس ياتني فترة قطعتهم... يمكن ما يندرى.... تهيقين...
سارة عورها قلبها على رفيجتها.... يا بعد عمري بدور والله تصلحين تصيرين أم.... بس الدكتور قال إن مستحيل....
سارة: كل شي بايد الله...
بدور: صح...
سارة: انزين روحي اخذيلج تست من الصيدلية....
بدور: مادري اخاف... اخاف انصدم...
سارة: من شنو؟
بدور عيونها غورقت: اخاف انصدم اني مو حامل..... الدكتور قال مستحيل و قالي إن الحبوب لها آثار جانبية منها اللوعة و عدم انتظام الدورة.... اكيد من الحبوب....
سارة: عادي ما يضر... خلاص أنا صار فيني فضول والله!! امشي نروح الصيدلية...
بدور: ههههه طع هذي وين تروحين.... انتي تنثبري بمكانج لا يذبحج حمود!
سارة قامت واهية لايعة جبدها: اوووووو والله مليت من قعدة البيت!!! شنو هذا سجن؟ ترا بس يبت بيبي من انشليت!!! بقوم بتحرك بشوف الدنيا...
بدور: خخخخخ يالله امشي بس اذا جكنا محمد أنا مالي شغل...
سارة استانست أخيرا أحد رضى يطلع معاها.... من ولدت الكل يقولها قعدي لا تتحركين و مو زين....
..................
ناصر: و هذا كل اللي صار... والله حياتي معتفسة فوق تحت... وانا مزاجي متقلب... يوم لك و يوم عليك!
فواز: اففف ووينك عني ما تتصل!! ما تتحجى.
ناصر: أقولك أنا مو بوعيي و لاهي بهاللوية... بس محد كاسر خاطري غير بدور..... أقولك ناصر تقولي تشوف حياية و قطاوة لاحقينها و حريم بأحلامها يبون يضرونها....
فواز: و الأدوية ما نفعت؟
ناصر شرب شوية بيبسي من العود و رد عليه
ناصر: لا.
فواز: كلش؟
ناصر: كلش!!! أنا أدري إنها ليلحين تشوف أشياء بس ما تقولي.... أسمعها واهية تبجي بالليل و تصرخ بأحلامها... و اي حركة تخوفها و بسرعة تخترع..... عيزت يا فواز كل مستشفى بالكويت وديتها..... خاص و حكومة....عطونة أدوية ليه الراس.... و هالأدوية ضروها أكثر من ما نفعوها...
فواز: الله يعينكم !!!
سكتوا شوي كل واحد يفكر باللي انقال... و يحرك بأكلة اللي شبعوا منة....
فواز: ناصر.... بقولك شي بس لا تفهمني غلط...
ناصر: قول...
فواو بتردد: تتوقع... مممم اللي قاعد يصير فيكم من... سحر؟
ناصر: @@ شنو؟ سحر؟ لا يبا شكو شدعوا سحر مرة وحدة.....
فواز: مادري بس أحس إن السالفة غريبة شوي....
ناصر: لا لا كلش ما أنوقع.... هذي سوالف السحر بس بالمسلسلات الرمضانية نشوفها...
فواز: لا يبا مالك يغل.... حبيبي السحر كل مكان صار مو بس بالمسلسلات...
ناصر: مادري فواز... شلون أدري...
فواز: الصراحة ما عندي علم.... بس امش نسال شيخ...
ناصر: الحين؟!
فواز: و ليش لا.... ما تبي تحل مشاكلك؟
ناصر: طبعا اي بسـ
فواز: لا بس ولا شي... يالله قم .....
دفعوا للطلب و اطلعوا عشان يروحون لشيخ فواز يعرفة...
.......................
دلال: اف لاعت جبدي والله!
هبة: ميخالف... يعني حسوة شوي و بدور مريضة....
دلال: مريضة أوكي الله يشافيها انشالله بس مو معناتة ينساني مرة وحدة.... اذا مو قدها ليش خذاني عيل...
هبة: ميخالف دلول صبري شوي....
هبة هالايام قامت ترتاح لدلال و مو نفس قبل....
هبة: بس عفية لا تيبيين الطاري لأمي لأنها وايد تعبت من هالسالفة.... و غصب ساكتة عن بدور... فبليز بليز بليز تحملي شوي عشاني....
دلال: انشالله...
هالأيام الأخير قربت دلال و هبة من بعض أكثر.... هبة حست إنها بسرعة حكمت على دلال و صدت عنها بس الحين عرفتها و عرفت شخصيتها و حبتها... و نفس الشي مع دلال....
دخلت أم ناصر من المطبخ...
ام ناصر ابتسمت أول ما شافت دلال: هلا هلا... هلا ببنيتي دلولة.... شلونج اليوم؟
قعدت على السرير و رفعت ريولها المنتفخة....
دلال: الحمدالله خالتي انتي شلونج؟
قامت باستها على راسها...
أم ناصر: والله زينة....ماشي الحال شنسوي بعد...
دلال: ليش خالتي شفيج؟
أم ناصر: تدرين الكبر شين و رويلاتي ما عادت مثل أول...
دلال: سلامات ما تشوفين شر...
أم ناصر: الشر ما اييج حبيبتي....
هبة طالعت امها واهية تفكر.... جان زين تكلمين بدور جذي.... حرام ليه متى بتعاملينها هالمعاملة الزفتة.... مسكينة هالبنت مقرودة كل يوم سالفة و مشكلة.
أم ناصر قامت تشرب جاي و تتأمل بملامح دلال...
اهية صج حلوة بس لو ناصر يفتح عيونة شوي و يقعد معاها بدال ما كلة قاعد مع مرتة الخبلة.... بس انشالله يتغير....
...................
سارة: أتوقع صارت 10 دقايق....
بدور: لا خن نخليها بعد 5 دقايق...
سارة: يالله عاد بدور عن الدلع و قومي شوفي.... والله فيني فضول....
قامت بدور قلبها يرقع.....
سارة: لا تخافين.... ترا كل شي بايد الله.... روحي يبي خنشوف....
راحت بدور الحمام بخطوات بطيئة..... يا رب يا رب انشالله حامل.... أبي أصير أم و يكون عندي عيال.... ابي يكون أول فرحة لناصر مني!!! ااااخ يا رب انشالله انشالله....
شالت الجهاز بإيدها و طالعت اللون.....
ظلت واقفة بمكانها منصدمة.... ابتسمت و دمعتها تنزل....
الحمدالله على كل حال....
طلعت من الحمام و راحت عند سارة.... سارة أول ما شافتها نطت من مكانها....
سارة: اف سنة؟ وايد طولتي.... شنو اللون؟ اي ولا لا....
ابتسمت لها بدور: لا.
انمسحت ابتسامة سارة و راحت لها بسرعة لمتها....
سارة: ميخالف يا بدور.... كل شي بايد الله.... الله ما يكتب شي اللي في خير.... ميخالف.... بس عفية لا تبجين....
ما قدرت... قعدت تبجي على صدر سارة.... اااااخ ليش يا ربي ليش.... استغفرالله.... الدكتور قال بس أنا ما سمعت كلامة كنت حاطة أمل..... و هالعلامات زاد هالأمل إني أكون حامل....
سارة: بعد عمري بدور عفية لا تبجين....
سارة بعد كانت حاطة أمل إن بدور تكون حامل.... رفيجتها تستاهل كل خير بس الله ما كتب...
و قاموا يبجون اهمة الأثنين
.............
رجعت بدور البيت حدها تعبانة.... يا ربي خلصوا دموعي... كل يوم بجي و صياح.... يا ربي ساعدني و خلصني من هالمشاكل....
دخلت الصالة و الكل كان قاعد الا ناصر...
راحت سلمت على بو ناصر و أم ناصر.... بو ناصر ابتسم لها بس طبعا أم ناصر ولا كأنها شافت بدور....
ضاق صدرها ليمن شافت دلال.... اااخ يا قهر.... كلا منج يا بدور انتي اللي خربتي كل شي بايدج..... ناصر ما كان يبي يتزوج بس انتي غصبتي و يبتي حق نفسج المشاكل! ااااه بس ما قدرت اوقف بطريج سعادتة.... انا ما اقدر اييبلة عيال... يستاهل كل خير بهالدنيا....
اهية المسكينة حتى زواهوة ما يدري عنها و كل يوم لة مزاج تحبة و تموت في.... لو شنو ما تقدر تبعد عنة....
هبة توهقت ليمن شافت بدور تطالعهم.... شسوي شسوي.... ما تقدر تقعد معانة تصر السالفة غريبة واحتمال تصك هوشة....
هبة: هلا بدور شلونج اليوم؟ انشالله أحسن....
ابتسمت بدور و ضحكت من داخل.... شكلي أحسن يعني؟ ليه هالدرجة عميان و لا يستهبلون؟ مادري والله شالسالفة.....
بس أنا أوريج يا دلال.... وايد سيطرتي على هالبيت بس حتى أنا زوجة ناصر و كنت اهني قبلج.....
راحت قعدت يم هبة بحيث هبة صارت بالنص و دلال على يمينها و بدور على يسارها....
بدور: اي احسن اليوم.... واااايد احسن احسها فترة عديت فيها و خلاص....
كانت متعمدة تقول هالكلام جدام دلال عشان تشوف ردت فعلها....
دلال استغربت من قعدة بدور معاهم بس ما همها.... اذا اهية عادي عندها عيل همن أنا عادي.... ولا اهية لا تنسى ناصر خذاني الثانية عليها...
بدور ما شافت شي من دلال و انقهرت.... الا أصيدج يالنذلة!
هبة: اي فترة؟ اي قصدج أحلامج و أوهامج...
بدور تنرفزت.... ما كانت اوهام!!!! الاشياء كانت صج والله صج!!!! انا مو مينونة..... هذا كلة من الساحرة اللي يمج!!!
بدور ابتسمت: اي... هذا اهو.
بدور تجرأت زيادة شوي...
بدور: دلال شلونج؟ شخبارج؟
الكل سكت.... حتى بو ناصر اللي كان يقرا جريدة نزلها من صدمتة.... بدور تكلم دلال؟
دلال توهقت.... شتبي هذي؟ أكيد نزلت عليها حالتها اللي خالتي تقولي عنها....
دلال: الحمدالله.... انتي شلونج؟
تستعبط هذي هبة توها ساءلتني..
بدور: تمام.... شلون ناصر معاج....
أم ناصر شرقت على جايها.... بو ناصر قام لها بسرعة و يطقها على ظهرها.....
بو ناصر: شوي شوي..... حلو حلو
أم ناصر: مافيني شي استريح...
دلال ما حبت تبينلها انها منزمان مو شايفة ناصر: والله الحمدالله..... مو مقصر معاي...
بدور ويها صار أحمر: زين زين....
هبة تفكر بقلبها..... حرام بدور تسوين بنفسج جذي والله حرام....
بدور تبي تقول شي عشان تجك دلال إنها ساحرة.... شنو شنو... اي تذكرت
بدور: دلال تصدقين قمت ألاقي أشياء غريبة بغرفتي....
هذي شقصدها يعني.... تتهمني....
أم ناصر و بو ناصر و هبة كلهم يسمعون بصمت.... شفيها بدور اليوم؟
دلال: مثل شنو؟
بدور: مادري يعني أشياء غريبة بس....
بنفس الوقت دخل ناصر واهوة مستعيل..... شاف دلال و بدور قاعدين يتكلمون ووقف مكانة معصب.....
أشر عليهم معصب:انتي قومي!!!
دلال انقزت من مكانها مخترعة.... شفي....
بدور استغربت.... شفي هذا....
ناصر: لا مو انتي الثانية! بدور قومي معاي الحين!!!
قامت بدور شوية و تبجي.... شسويت الحين؟ شفي علي ما سويت شي....
قامت و راحت لحقتة فوق
..........................​

 

[alMzYona]

YAaaaa B3dhoooooooooooooooom Walla :***
Thaaaaaaaaaaaaaaanxzzz;***
Yslmoo 3l parT ;*

 

[عاشقة المسك]

هلااااااا وغلاااااا شلوووونكم ولهاانه عليكم عاشقه شلووووونج ؟؟؟

هلاااااااااااااا

اشلونج يالغلا

ولهت عليج العافيه حياتو والله انا اكثر شلنج مع الدراسه ؟؟

 

[MC ANFAL]

الله يسسستر بس انا عجبني ناصر يووم قاال لا مو انتي الثاانيه:krkrkr: متى الباارت اليااي ما فيني صبررر_03BA:

 

[عاشقة المسك]

عفيه كملي اهي اهي