بدور (الحب الحقيقي)

[ms_5ajoola]

نااااطرينج زيووووووووووووون بليز باجر نزلي بارتين مع بعض لأن حيييل قصااار اللي تنزلينهم

 

[ms_5ajoola]

اب اب اب اب

 

[Sara.M]

زيون متى بتحطين لنا باررررت ؟

 

[زينة الأب]

وااااي حبيباااتي توني راجعة من الكلية بحجابي و كل شي و الحين الحين بكتب لكم شي أحاول أحطة سوووري كان عندي دورة فيزيا ما كنت أدري إن اليوم فحظرت و ما خلصوا الا الساعة 9 و نص اهيء اهيء والله مو كاتبة شي و لا تغديت تخيلوا... بكتب شي بسرعة و أنزل ميخالف سامحوني لو يطلع قصير بس أريحكم شوي... و بعدها بحط شي بحلجي مو ماكلة ولا شي اليوم.... لو صايمة أحسنلي هههههه المهم سوري سوري سوري والله امية آسفة

 

[زينة الأب]

هلااااا وغلااا بزيووونه وربي ولهاانه علييييج حددددي نااطرينج وتري انااااا متابعتج بصمت ياااعجييبه. رجعت لكم بعد طوول غيااب ماااولهتوا علي ؟؟؟؟ > تعليقاتي : لوووتطيييح بيدي دلاااال اخخخ محد بفكها الا صليبيخاات واااااي ماصدقت اخلص من هدي طلعتلي هذي مووصج ومادري ليش احس بدور حامل <<مجرد إحساس قد يتحقق وقد لايتحقق ناااااطرينج

يا بعد جبدي فديتج.... عساج دوم اتابعين ويانة و ما تفارقينة....

 

[زينة الأب]

سوري بنات أدري البارت قصير بس مخي مقفل خلاص....والله إني دايخة و ما كليت شي ولا راح أكل شي... من الساعة 6 و أنا قاعدة أبي بس أنام.... مابي لا غدا و لا عشا و لا حتى ريوق هههه أبي أناااااام هاكم البارت القصير بس انشالله اريحكم شوي :eh_s(16):

قعدت بدور لصلاة الفير.... و كالعادة ناصر ما كان عندها، كانت بروحها بالغرفة... حست إنها أحسن من كل مرة... كأنها تخلصت من شي أو شي تركها... توضت و صلت.... عقبها قرت شوية قرآن و قعدت تبجي.... بجت بكل حراق و من كل قلب.... عقبها حست براحة و خفة... بس ليلحينها ما يتها الجرأة إنها تسد الليتات.... كانت متعودة إن الفرح و الراحة ما يتم عندها... ردت نامت نومة بدون أي حلم.... و قعدن العصر
............
دلال: ناصر عفية بنطلع...
ناصر خلاص زخق من قعدة البيت... زهق من المشاكل.... زهق من العيشة..... و زهق من التفكير! ما عرف ليش بدور قاعد يصير فيها جذي...
ناصر: انشالله...
دلال: بس ناصر عفية بنطلع...
استوعبت دلال إن رضا... غريبة عادة كلة مقفل و مانع...
دلال مو مصدقة: صج!
ناصر: اي صج.... أجذب أنا؟
دلال: لا حشا... بس
ناصر: خلاص دلال أدري إني مقصر معاج بس من اليوم و رايح بتغير...
دلال تشققت وايد استانست من كلامة....أخيرا يا ناصر قلبك حن علي.... أخيرا يبت راسك....
قامت دلال واهية مستانسة راحت لمتة بسرعة و راحت الحمام عشان تغسل...
ابتسم ناصر بالرغم من نفسة...شقاعد يصير فيني؟
قام ناصر و تبدل و نزل تحت ينطر دلال عشان يطلعون..
أم ناصر: هلا وليدي.... حرام عليك يا ناصر ما تحاجي أمك.... ما تمر علي لا تسلم ولا شي ولا كأني أمك!!!
شفيني أنا.... أحس مثل شي خفيف على قلبي.... أمل...
ناصر: هلا يما شلونج شخبارج؟
أم ناصر: اي تو الناس....
ناصر: يما شدعوا لا تصيرين جذي.... تدرين كنت متضايق و مريت بحالة كئيبة...
أم ناصر: و أنا أقدر أزعل عليك؟ في أم تقدر تزعل على ولدها... و بجرها؟
ابتسم ناصر: لا يما مافي...
أم ناصر: عيل وين رايح بهالكشخة؟
ناصر كان لابس شورت أزرق فيها خطين بيضة و تي شرت أبيض...
ناصر: الله يهداج يما أي كشخا... والله بطلع دلال صارلها فترة تحن تبي تطلع، قلت يالله أطلعها...
استانست أم ناصر... أخيرا قمت ترتاح لها و تتقبلها!!! ما بغيت، شكثر تعبت و تعبتني معاك....
و بدور العلة و ينهي اليوم.... لا أييب طاريها خوفي ناصر يتذكرها و يزعل.... بعدين كل شي يخترب.... خلني ساكتة أحسن....
أم ناصر: زين عيل وين بتروحون؟
ناصر: مادري نتمشى.... يمكن نروح مطعم عالبحر.... مادري نشوف....
بهالوقت نزلت دلال واهية لابسة بنطرون سكني أبيض و قميص أحمر طويل فيها خطوط بيضة و صفرا، و حجاب أبيض في ستراس ملون... مكياجها كان وياد ناصر مو متعود عليه.... لأن بدور كلة تحط خفيف أو ما تحط كلش.... طبعا ملامحها عادية بالنسبة لبدور بس بهاللحظة ناصر نسى بدور.... و نسى كل همومة اللي متعلقة فبدور..... اليوم كان يوم راحتة... و يمكن صفحة يديدة في حياتة...
................
ناظرت بدور حبوبها و اهية تفكر....
ما لة داعي اخذ الحبوب... جنة وقفت الأحلام... مابي أدمن عليهم....
خذت الحبوب و حطتهم بالدرج.... قررت إنها تبطل الحبوب فترة و تشوف شنو يصير....
راحت للمنظرة و شافت نفسها عدل لأول مرة من فترة.... اخترعت من اللي شافتة..... بشرتها صففففففرررررة و تحت عيونها دوائر كبيرة سودة.... و فوق هذا ويها كان وايد ضعفان و ذبلان...
بدور: من عذر ناصر ينحاش مني.....
دخلت الحمام و خذت لها شاور سريع.... عقبها طلعت لها بدلة ذربة عبارة عن بنطرون بيج و بلوزة طويلة برتقالية فيها دوائر ملونة.... كانت عارفة إن ناصر مو بالبيت فما لبست حجاب....
نزلت تحت واهية حاسة بشي.... ما تدري شنو اهو.... يا ربي شنو شنو يا ربي.... أمل!!
بدور: مساء الخيييير!!!!
استغربت أم ناصر.... شفيها هذي.... لا لا صج ينت مثل ما قال الدكتور.... كل يوم حالة!!! أكيد مو صاحية و مو حاسة بنفسها، أف عسى ما تخرب على وليدي... غصب تقبل دلال...
هبة توها قبل شوي نازلة: مساء النور
أم ناصر من غير نفس: هلا...
ما همها بدور.... حست إن اليوم كل شي بيكون غير.... محد يقدر يخرب عليها!
راحت لأم ناصر و باستها على راسها... عقبها راحت لهبة و لمتها حيل... تالي قعدت يم أم ناصر و قعدت تسولف
بدور: شلونكم شخباركم؟
مو بس أم ناصر اللي كانت مستغربة.... حتى هبة مستغربة .... توها أمس صراخ و وحوش و ما تبي أحد الحين تغيرت!!!
هبة: الحمدالله.... انتي شلونج؟
بدور: أنا تمااااام
أم ناصر: هاو بدور فيج شي؟
بدور: لا يا خالتي مافيني شي!! مجرد إني مستانسة....
أم ناصر: مممممم
هبة: عساج دوم مستانسة جذي!
بدور واهية تقصدها من كل قلبها: الله يسمع منج!!!
بدور: عيل وين ناصر؟
نست إن ناصر ما مرها من أمس ولا اتصل فيها و لا حتى طل عليها....مثل حاشها فقدان ذاكرة لكل اللي صار لها... و لا كأن صارلها شي...
أم ناصر بابتسامة: طالع مع دلال.... رايحين برا يتعشون مادري يتغدون..
هبة طالعت أمها بتنرفز... مو لازم جذي تقولها...
بدور ولا كأن قالوا لها شي.... مخها مو راضي يستوعب ولا شي حزين و كئيب.... مثل جسمها مفصول عن روحها... يمكن مثل ما يقولون مو صاحية الله يعلم...
...............​

 

[kity]

مشكورة حبيبتي ع هالبارت الصغير بس ميخالف عاذرينج دراسه وتعب والله يعلم بحاالتج

ننطرج حبيبتي ويعطيج العافيه

 

[~pYaar~]

مشكوووره حبوبه عالبارت

الله يعينج و يوفقج

 

[زينة الأب]

يا بعد جبدي يا بنات اليوم رادة مبجر بقعد أكتب و باجر عندي 4 ساعات بريك بالكلية لوووول بدرس فيهم... الحين بس بكتب

 

[kity]

^^^^^

اوك حيااتي اخذي راحتج بالكتابة وربي يوفقج واهم شي درااستج مو مهم البااارت دراستج ابدى اهيه الي تبي تفيدج مو احنا ولا البارت

وننطرج حياااتي بالوقت الي ينساب انتي تكتبين فيه

 

[زينة الأب]

يا بعد عمري كتي هذا بارت توني مخلصة منة.... انشالله يعجبكم و مادري اذا بنزل شي باجر كل شي يبين على الدراسة هههههه المهم هذا بارت و استمتعوا في

 

[زينة الأب]

على الساعة 9 صعدت بدور لدارها... بالرغم من كل النوم اللي نامتة حست نفسها دااايخة و نعسانة.... ما فكرت فناصر غير اللحظة اللي سألت عنة عقبها شغلت نفسها بسوالف مع هبة و أم ناصر.... طبعا أم ناصر بس تسمع و ما تتكلم الا إذا لزم الأمر...
بطلت بدور باب دارها واهية مغمضة عيونها من كثر ما اهي دايخة.... بطلتهم و شهقت ليمن شافت حية على سريرها.... غمضت بسرعة و ليمن ردت فتحت عيونها الحية اختفت....
بدور: يا ربي يا ربي.... عفية مو مرة ثانية....
راحت الحمام بسرعة و غسلت ويها....لا يا بدور يتهيألج.... انتي وايد دايخة و تعبانة عيونج تلعب عليج... طلعت من الحمام واهية خايفة إنها تلقى شي.... أول ما قعدت على الفراش بعد ما تأكدت إن مافي شي انبطت الليت.... صرخت من الخرعة.....حطت إيدها على قلبها واهية تحاول تهدي نفسها...
بدور: بدورو هدي.... اللمبة صارلها فترة مو مغيرينها أكيد بتخترب.... و غرفتج مافيها أحد ولا فيها شي....
حطت راسها على المخدة واهية تقرا آية الكرسي .... سرعان ما خذتها النومة.... و الكوابيس...
ردت شافت الأسنان البيضة اللي مثل السجاجين تلمع بالظلمة.... هالمرة كانت بالبحر بروحها تغرق.... بدور حست إنها مو قادرة تتنفس و بتموت.... و هالابتسامة محاوطتها من كل صوب....
بدور: ساعدوني!!! ساعدوووني!!!
ضحكت المرة اللي مو قادرة تشوف ويها بدور....
بدور: شتبين مني... شتبين...
...: ناصر!
بدور: ما تاخذينة... اهوة لي و أنا لة.... و ولا شي راح يفرقنا غير الموت....
..........: يصير خير...
بدور: ناااصر ناااصر....
......: بدور.... بدوووور...
قامت بدور واهية مخترعة... حست بإيد محاوطتها من كل صوب...
بدور: وخرييي و خري عني.... ما تاخينة ناصر زوجي!!
ناصر: بدور حبيبتي قومي... قومي....
بطلت بدور عيونها اللي كلها دموع.... أول ما شافت ناصر قطت نفسها بحظنة...
بدور: ناااصر تبي تاخذك!! تبي تاخذك مني!!!
ناصر: حبيبتي منو؟ منو تقصدين؟
بدور: اللي بالحلم تبيك و بتاخذك مني... تبيك يا ناصر... عفية ناصر لا تتركني... لا تتركني يا ناصر!!!
ناصر حس بتأنيب ضمير.... شلون أخليج بروحج... شلون أطلع مع دلال اللي ما أحبها ولا أطيقها؟ شصار فيني... أحسي مو طبيعي!!!
ناصر: محد راح ياخذني منج... محد!! محد!!!
بدور بعدت عنة شوي عشان تحط عينها بعينة
بدور بصوت يعور القلب: وينك عنك يا ناصر.... وينك ما تمر عندي... ما تسأل عني.... كلة قاعدة بروحي بهالغرفة الكئيبة أحلم و أشوف أشياء.... ولا كأني زوجتك يا ناصر.... ولا كأنك قلت لي مرة إنك تحبني و تموت فيني و ما في شي يقدر يفرقنا... وين هالوعود؟ الحين أنا محتاجتك و انت سرعان ما تخليت عني و نسيتني.... كلة مع دلال.... حرام عليك يا ناصر حرام.... أنا حطيت فبالي إني أقدر أعيش وانت متزوج علي.... و ما كنت متحملة الطلاق.... بس الحين أشوف إن الطلاق احسن، تكفة ناصر طبقني و خلني أروح بيت أهلي، على الأقل اهمة يهتمون فيني.... على الأقل يحبوني و يخافون علي.... ناصر تكفة تكفة.... ما أقدر أقعد ولا لحظة بعد بهالبيت.... محد يبيني، و أمك بعد مو مقصرة ما تحاول تحسسني إني زوجة ولدها.... عبالها ما أسمعها ليمن تقول عني مينونة للدلال و لهبة..... و انت انت كنت قواي بهالبيت بس الحين انت بعدت عني منو بقالي؟ منو؟
و ردت غطت ويها بحضنة...
ما عرف شيقول.... كل هذا حاسة في وأنا مادري.... صج اني حمار شلون أحسسها إن ما ابيها.... انا ينيت ولا شنو؟ هذي حبيبتي بدور.... ولا مرة حبيت و حدة كثر ما أنا أحبها! مسكينة يا بدور والله ما تستاهلين.... من دخلتي هالبيت المشاكل تييلج من كل صوب.
ناصر: بدور حبيبتي... أنا وااايد غلطت بحقج.
بدور بعدت عنة بسرعة بس ناصر مسكها...
بدور: تكفة ناصر لا تتحجى.... قررت ابي اتطلق حرام...
ناصر هز بدور من جتفها.... يكره طاري طلاق.... قلبة يقرصة من تييب الطاري...
ناصر: بدور مافي طلاق!!! أنا ما كنت أبي أتزوج عليج بس انتي سكرتي كل البيبان بويهي..... حرام عليج بدور لا تخليني... تكفين سامحيني و عطيني فرصة ثانية.... ادري قصرت معاج وايد بس راح أعوضج... وعد... وعد يا بدور تكفين سامحيني...
بدور لمت ناصر حيل.... أساسا ما اقدر افارقك حتى لو ابي!!!
بدور: مسامحتك... مسامحتك.... بس ناصر خايفة والله ما تدري شكثر خايفة....
ناصر: افا بدور تخافين و انا معاج.... انا اقدر اساعدج بس بشرط...
بدور باستغراب: شنو؟
ناصر: لازم تكونين صريحة معاي بكل شي.... يعني حتى اي شي تسوي امي لج قوليلي عنة....
بدور: بس ناصر هذي امك...
ناصر: ادري يا بدور لا تخافين.... بس لازم أعرف!
بدور: انشالله...
................
خالد: شرايج؟
هدى كانت مصدومة من كلام خالد..... كأن أحد عطاها كف على ويها....
هدى: انت ينيت؟ استخفيت؟
خالد: وانا شنو قلت غلط؟
هدى: شلون ارجعلك عقب كل اللي سويتة فيني؟ عبالك لعبة؟ صج إنك ياهل يا خالد ما تعرف تتحمل مسؤولية.... عبالك الزواج لعبة؟!
عيونها قامت تغورق.... من صجة هذا.... منو مصدقة.... قهر يا ربي قهر....
خالد عصب.... الحين مفروض تحمد ربها إني أبيها
خالد: هدى شوفي لا تكلميني بهالاسلوب!!! أنا مو ياهل!!!
هدى بقهر: وانت نسيت شنو سويت فيني يا خالد.... من أول ما تزوجتني و أنا أتقرب منك و احاول كثر ما اقدر اكسب حبك! بس من اول شي انت ما كنت متقبلني.... لعبت بمشاعري وايد يا خالد.... مرة تحبني مرة تكرهني.... والله قلبي ما يتحمل أكثر من جذي، حرام اللي سويتة فيني والله حرام....
خالد: بس هدى أنا تغيرت و الله!
هدى: ما أصدق يا خالد.... كلام شكثر سمعتة منك!!!
خالد: شنو أقدر أسوي عشان أثبتلج غني تغيرت؟ قوليلي.... صدقيني أنا الحين ابيج و متحسف على اللي سويتة، و انتي ما تستاهلين الا الخير.... واذا مو عشاني فكري بعيالنة؟ مستعدة تضحين فيهم؟ مستحيل تعيشينهم بين ام و ابو منفصلين...
لا لا لا ليش اييب طاري العيال.... ليش يستخدمهم كسلاح ضدي.... هالموضوع من تطلقوا كان شاغل بالها... ما كانت تبي عيالها يضيعون... ما تبي تكون السبب فهالشي...
من تردد هدى فهم خالد إن وصل لنقطة حساسة
خالد: فكري فيهم اول بعدين بنفسج... انتي الحين أم و انا الحين ابو... مو كلشي عشان نفسنا و عشان راحتنا..... ترا اهمة أولى!! الله يحاسبنة يوم القيامة عليهم.... والدنيا ترا ما يرحم.... لازم نفكر فيهم....
بطلت حلجها بس ما خلاها تتكلم...
خالد: لا تعطيني رد الحين.... فكري بالموضوع و اخذي راحتج.... متى ما قررتي اتصلي علي..
مشا شوي ووقف مرة ثانية
خالد: ترا هدى....... أنا صج تغيرت....
مشى و خلاهة بروحها مصدومة و غرقانة بدموعها....
........
دلال: مادري ونة ناصر.... طول اليوم ما شفتة...
أم ناصر: صج والله؟ الحين هذا أنا مكلمتة و صرتوا شحلوكم مع بعض... شصار؟
دلال: اهوة من راح لبدور ما رجع....
اففف هذي خربت كل شي..... الحين أنا حذرت ناصر بس ما يسمع الكلام....
أم ناصر: اف اف مادري شيفكنا منها....
دلال: اي والله خالتي يعني مادري شنو اقدر اسوي عشان اخلي ينساهة...
أم ناصر: مادري يا بنيتي.... سويت اللي أقدر عليه... بس لا تخافين ناصر أول و تالي بيصير لج...
ابستمت دلال واهية منحرجة شوي: الله يسمع منج يا خالتي.... أنا بس اللي ابي إن يعطيني اهتمام شوي...
أم ناصر: إلا تعالي دلولة حبيبتي... ما حملتي....
دلال خدودها صاروا حمر.... بسمالله بهالسرعة بحمل؟
دلال: لا والله ما أعتقد يا خالتي.... ما يبين الحين...
أم ناصر: اذا تبين ناصر ينشغل معاج الشي الوحيد اللي يضمن هالشي إنج تحملين.... البيبي يعفس الريل فوق تحت.... كل اهتمامة بيصير لج ليه حملتي....
فكرت دلال شوي... اي والله صح كلامها.... لو أحمل ناصر راح يعطيني كل اهتمامة و كل شي سهالات بعدين.... و بدور مع السلامة تصير الماضي....
..........
سارة: محمد تكفة اخذة والله لاعت جبدي....
سارة شوية و تبجي.... صار لها فوق الثلاث أسابيع تبي تنام مو قادرة... خاصة الحين اول طفل لها و حست نفسها مضغوطة وايد شوية و تنهار....
محمد شال جسوم اللي يبجي من قمة راسة
محمد: سارة حرام عليج.... الحين انتي أمة...
سارة: شسوي؟!! قولي شسوي.... انت حضرتك كلة نايم و أنا اللي اقوم بالليل أبدلة و أرضعة و أسكتة.... مضغوطة محمد والله ماني قادرة استحمل زيادة.... ماني قادرة بس يبجي بدون سبب.... ما أنام ما آكل ما ارتاح؟
محمد حس فيها.... ما ساعدها وايد عقب الولادة.... خاصة إن ما خلاها تروح بيت أهلها للنفاس.... اهوة رافض هالفكرة تماما... قالها غن اهوة و أمة يساعدونها بكل شي بس ما ساعدها وايد...
محمد: خلاص خلاص هدي شوي.... نامي ارتاحي جسوم خلي علي.... لا تفكرين في....
رفعت سارة خاجبها باستغراب: كلش؟
محمد: كلش كلش....
طلع محمد من الغرفة و بإيدة جسوم و جنطة فيها كل أغراضة، عشان يثبت لسارة إن كان من صجة....
غمضت سارة عيونها تحاول تنام....
(ما كانوا يعرفون شي عن بدور واللي قاعد يصير فيها غير إن ناصر تزوج عليها)
من كثر ما كانت تعبانة ما قدرت تنام حتى....
خلاص شوية و تبجي... تعبانة تعبانة ليش مو قادرة أنام.... اااخ يا ربي...
خل اتصل على بدور منزمان مو مكلمتها الخايسة ولا تدق....
خذت مو بايلها واتصلت على بدور...
طووط طووط...طوووط
بدور: الو؟
سارة: يا خايسة ولا كأني رفيجتك ولا مرت أخوج! و لا كأنج صرتي عمة.... وينج عني و عن جسوم!!! بدور والله مو عاناه....
سكتت بدور شوي بعدين تكلمت
بدور: تدرين والله كلة مشغولة و حوسة البيت و تدرين....
ما حبت تقول بس فهمت سارة إن قصدها عن دلال...
سارة: بدور شلونج؟!! صج شلونج؟
فهمت بدور قصد سارة و ما حبت تضايقها
بدور: والله الحمدالله ماشي الحال.... ما اقول غير الحمدالله.... مريت بشوية مشاكل بس الحين كل شي بيتغير...متأكدة
سارة باستغراب: اي مشاكل.... بدجور شفيج شصاير لج؟
بدور خافت ما حبت تقول حق ولا أحد اللي قاعد يصير فيها.... خاصة سارة و أهلها... كافي المشاكل اللي شافتة سارة بحياتها.... الحين دورها تستانس ما تبي تضايقها...
بدور: لا مافي بس تدرين يعني خذاني وقت عشان أتأقلم مع الوضع... و ضع الشريجة....
سارة: بدور تجذبين علي؟ أنا عارفتج أكثر من عمري!!!
بدور: سارة صدقيني...
من سمعت سارة كلمت صدقيني عرفت إن بدور خاشة عنها شي.... لأن بدور ما تعرف تجذب و ليمن تبي تخش شي كلة تقول صدقيني...
سارة: قلتيها يا بدور صدقيني.... شخاشة ترا والله أزعل!!!
ما قدرت بدور تتحمل أكثر.... لازم تفض فض قلبها حق أحد.... اللي شايلتة بقلبها هم كبير....
خرت بدور السالفة كلها لسارة.... من قبل لا يتزوج ناصر ليه اخر أحلامها....
سارة: @@ وانتي كل هذا صايرلج ولا تتحجين!!! و ربي المفروض أزعل عليج سنة...
بدور كانت تبجي: تكفين سارة لا تزعلين ترا ما عندي أحد غيرج....
سارة: بعد عمري بدور عندج ناصر....
بدور: ادري بس أحس إني بخسرة والله قلبي ناغزني....
قعدت تفكر سارة.... شنو ممكن يكون فبدور... يا ربي استغفرالله... أدوية و ما تنفع شالسالفة؟ و عقبها صكها مثل الطراق...
سارة: و أنا شلون ما فكرت بالهشي!!!
بدور واهية تمسح دموعها من عالتلفون: شنو؟
سارة: ما شفتي غريب عندج؟ شي مو مالج؟
بدور: لا
سارة: بدور فكري عدل!! احتمال أحد ساحرج!!
انصدمت بدور: سحر!! أعوذ بالله يا سوير فال الله ولا فالج!!
سارة: بعد بدور فكري فيها! رحتي المستشفى و خذيتي أدوية... و الواحد ما ايي مني و الطريج يصير مينون! و هالمشاكل ما صارت الا من تزوج ناصر دلال!!! الحين فكري عدل ما شفتي شي يكون شبيه بالسحر
بدور: سارة بعد أنا ولا مرة بحياتي شايفة سحر شدراني...
و تذكرت الكلنكس اللي ذاك اليوم
بدور: تعالي!!! ذاك اليوم لقين كلنكس مربع فيها نقطة دم وحدة...
سارة: شفتي.... امبيه بسمالله أكيد هذي دلالو مسويتلج عمل... و احتمال مسوية حق ناصر بعد!!!
بدور: تهيقين! شسوي يا سوير شسوي... ما ية على بالي سحر كلش!!!
سارة: الحين أقولج شتروين!
...........​

 

[~pYaar~]

مشكووووووره زيون عالباارت :eh_s(6):

عجييييييييييييييييب حده و الاحداث تشوووووق

يعطيج العافيه حبيبتي

وناطرين البارت الياي _03BA:

 

[MC ANFAL]

هاذي دلالو مسويه سحر يممممه و الظاهر ام ناصر اهي الي كانت تساعدها زيووووون متى البارت الياي ؟

 

[زينة الأب]

يعطيكم العافية بنات... مك أنفال الصراحة مادري أنا متى ما فضيت بنزل بارت..... بنات النهاية وااايد قربت واحتمال البرات الياي او اللي بعدة النهاية اهيء اهيء

 

[ms_5ajoola]

مشكوووووووووورة

 

[Sara.M]

واااي فديتها سارونه لو بدور مو قايله حق ساره جان ماعرفو انها دلالو
ناااااااااااااااااطرررررررررررررريييييييييييييينج

 

[b6ooo6a*_*]

وناااااااااااااااااااااااااااااااااااااااااااااااااااااااااااااااااااااااااااسه و اخيييييييييييييييرا استوعب اسوي عرس كلوولولوولوليش نبيييييييييي بعد بااارت ابليييز

 

[زينة الأب]

ما قلتولي توقعاتكم.... شرايكم بهدى الحين؟ ليلحين ما سامحتوها؟ و دلال هل بريئة و لا تتوقعون شي من وراها... و ناصر مسحور بعد ولا لا؟

 

[MeeMeeYoo_2]

اووخ @@

صاااااااارت

يعطيج العافيييييييييه