بدور (الحب الحقيقي)

[زينة الأب]

يالله الحين أنزلة لكم ثواني بس

 

[زينة الأب]

الجزء السادس
صحى محمد من النوم و أول مرة لفترة نام نومة هادية و ما حلم اب ليلى، نزل تحت المطخ ولا يلقة بدور قاعدة تسوي ريوق و تغني اغنية نانسي عجرم "الدنيا حلوة"

الدنيا حلوة وأحلى سنين
بنعيشها واحنا يا ناس عاشئين
ننسى الي فاتنة و انعيش حياتنا

محمد قاطعها: شعندج تغنين من صباح الله خير؟

بدور طلعتلة لسانها: كيفي

محمد: اي والله الدنيا حلوة و قعد يغني معاهة

على غناءهم امهم دخلت عليهم مع نوف

صباح الخير

محمد و بدور: صبـــــــــــــــــــاح الفـــــــــــــــــــــل

و راحوا باسوا أمهم على راسهة

أم محمد: عسى دوم مستانسين

نوف شافت ان بدور قاعدة تسوي بيض

نوف: بدور ابي انا بيض بعد

بدور: يلا قعدو كلكم و خلو الشيفة بدور تسويلكم أومليتها المشهورة " أمولتو بدور"

قعدو كلهم و ضحكو، بدور سوت الأومليت المشهور لها و دخل أبوها و قعدوا يتريقون كلهم، الكل كان مستانس لأنهم منزمان مو متريقين مع بعض، تذكرت بدور أيام الابتدائي ليمن اهية و محمد كانوا صغار و ابوهم كان يقعدهم من الصبح بالعطلة يتريقون و بعدين يروحون البحر.

بو محمد: يلا عيل بطلع الحين تآمرون على شي؟

الكل: سلامتك

و طلع بو محمد. بعد فترة محمد قام و حط صحنة بالمغسلة

محمد: يلا عيل أنا أستأذن الحين بروح عند رفيجي خلود

بدور أول ما سمعت اسمة ابتسمت، و قلبها قعد يرقع، (الله شحلات هالشعور)

بدور: حمود قبل لا تروح ، باجر عيدميلاد رفيجتي توديني؟

محمد قعد يفكر و حست انة بيقول لا

بدور: سارة بتيي معاي

محمد: اوكي ( و طلع محمد راح عند خالد)

في غرفة سارة
سارة كانت قاعدة ترسم، ترسم ويه واحد وسيم و كانت مندمجة، ركزت على عيونة العسلية، و شعرة الأسود، عقب ما خلصت طالعت الصورة و قعدت تبتسم.

خذت الصورة و حطتها بدرجها. ( سارة تعرف ترسم عدل، خاصة البشر رسمها فظيع، ودايما تهتم بالتفاصيل الي محد يلاحظها)
انسدحت على فراشهة و حطت ايدها على قلبها و قعدت تعد دقات قلبها. غمضت عيونها و شا فت ابتسامتة.
فجأة بطلت عيونها بسرعة و ابتسمت ابتسامة كبيرة: أحــــــــــــــــبة
اي سارة تحبة، منصدمة من نفسها! انا احب؟ اي انا احب و اعشق بعد. بس اهوة ما يدري!! و ما يحبني. شوي... شوي، ابتسامتها الطفولية اختفت و ضاق خلقها. أنا أحبة بس اهوة ما يحبني. بســ يمكن يحبني مع الأيام.
قعدت سارة و تفكر و سرحت في فترة. رن تلفون سارة و انقزت من الخرعة، المتصل بدور
سارة: هلا والله
بدور: هلا فيج، شلونج؟ شلون امج
سارة انا تمام الحمدالله، انتو شلونكم؟ (كان ودها تعرف عن أخبار محمد)
بدور فهمت لسارة: احنا كلنة زينين، محمد اخوي طالع يقز
سارة تضايقت: وين رايح؟
بدور: وانتي شعليج؟
سارة: لا بس اسأل
بدور ضحكت: رايح عند خلود
سارة: هااااا قمتي تدلعين ناس...
بدور: جب محمد عاداني من كثر ما ينادي خلود
سارة: علييييييييييينا
بدور: اوهو ترة اسكرة بويهج
سارة: لا لا خلاص اسفين
بدور: كنت بذكرج بعيدميلاد هبة باجر، تبينا نمرج؟
سارة: اي والله ما عندي احد يقطني امي معزومة باجر
بدور: اي ادري متشوقة حق الحبيب اهوة الي بودينا
سارة ارتبكت: بدور بس عاد ما احب جذي
بدور: خخخخخخخ المهم يلا بسكرة الحين بروح أنام قاعدة من الصبح
سارة: يا كثر حبج للنوم روحي بس
بدور: ههههه يلا باي
سارة: باي

راحت بدور و نامت و قعدت الساعة 7
قامت و صلت و راحت تاخذ لها شاور سريع,

محمد: والحل؟
خالد: ماكو الا تبلغ الشرطة قبل لا تكبر السالفة، ولازم تبلغهم عن الصور قبل لا فيصل يوريهم
محمد: مادري
خالد: والله احسنلك و انا ايي معاك بعد، اعرف اسامي صبيان كانوا يتاجرون مع فيصل، فجذي يكون عندة سوابق و كل شي يصير سهل انشالله
محمد: انشالله: خلاص عيل باجر نروح من الصبح
خالد: اوكـــــــــ لااااااا نسيت باجر عيدميلاد اختي لازم امر اخذ كيكتها الصبح.
محمد: عادي ناخذ الكيكة و بعدين نروح المخفر
خالد: جذي اوكي

سارة: لو سمحت و هذا بعد مو تنسى.
المحاسب: حاضرحسابك 10 دنانير و نص
سارة: تفضل
المحاسب: شكرا

سارة كانت بجمعية الضاحية تشتري عطر حق امها. طلعت من الجمعية و اشتهت عصير عوار قلب فراحت صوب العصير. شافت واحد طويل وسيم قاعد يطلب عصير و متسند على طوفة ناطر عصيرة. كان يطالعها من تحت نظارتة و ابتسم ابتسامة عجيبة. بس سارة بنت محترمة طلبت عصيرها و مشت.
لحقها الصبي لين ما وصلت ليه السيارة و السايق كان ناطرها. ركبت سارة السيارة ولا الصبي يطق الدريشة.
سارة: اف شيبي هذا. (ونزلت سارة الدريشة) نعم بغيت شي؟
الصبي ابتسم ابتسامتة الباردة و فصخ النظارة. عيونة سودة و يقدرون يسحرون اي بنية. بس قلبها كان مأذيها مو مرتاحة للشاب هذا حست انة في شي بس مو عارفة شنو.
الشاب: هذا طاح منج ( ووراهة بوكها)
سارة @@: امبيه بوكي (و خذتة منة) مشكور
هذا شلون طاح مني؟ الظاهر عقب ما دفعت ما دخلتة جنطتي عدل.
الشاب رد لبس نظارتة مرة ثانية وابتسم: ما سويت شي بس مرة ثانية ديري بالج.
سارة: انشالله ( سارة كانت متضايقة من الصبي مو مرتاحتلة يلا كريم ردنا البيت
السايق انشالله.
سارة للشاب: مع السلامة
ما رد عليها بس قعد و يبتسم ابتسامتة الباردة. و جسمها قشعر
بطلت سارة بوكهة بعد فترة و لقت ورقةما كانت موجودة من قبل.
شنو هذا. طلعت الورقة و بطلتها طاح بحظنها شي بس ما انتبهتلة، قعدت تقرة الي كان مكتوب>>> اتصلي فيني ان احتجتي شي (رقمة) فيصل. طع الحقير قليل أدب مبطل بوكي لا و حاط رقمة و اسمة بعد.
انتبهت سارة للشي الي طاح بحظنها.
سارة @@ شهقت: أعوذ بالله
كانوا حبتين بيض بدون اي كتابة عليهم
السايق: ماما يلا اهنا وصلنا بيت
سارة من كثر ما كانت منصدمة ما حست انهم وصلو البيت.
نزلت من السيارة و صعدت دارهة بسرعة و قفلت الباب
سارة: هذا شيبي مني ليش يعطيني هالحبوب. أكيد هذا عندة سوالف
سارة حست انها نيسة (نجسة) و حطت الورقة و الحبوب بجيس و قطتهم بدرجها، راحت تتسبح و تتطهر من الي جاستة.
عقب ما خلصت شاور و لبست سمعت تلفونها يرن
سارة: الو
بدور: ساروووووووووووو لا نتأخر الحين بنمرج
سارة: ليش وين بنروح؟
بدور: لا يكون نسيتي! اليوم عيد ميلاد هبة
سارة: امبيه لا خلاص الحين البس
بدور: يلا بسرعة نص ساعة و احنا نكون عندج
سارة: اوكي باي
بدور: باي
قامت سارة من فراشها. انا شلون نسيت!! كلش راح عن بالي، عقلي مو معاي اليوم. عيونها طاحت على الدرجالي في الحبوب. صج ما تخاف ربك
قامت و تبدلت و دقت عليها بدور تخبرها انها ناطرتها برة
ركبت سارة السيارة: السلام عليكم
بدور و محمد: و عليكم السلام
أول ما قعدت سارة بدور حست انها مو طبيعية. كانت هادية أكثر من كل مرة و مو منتبها باللي يدور حواليها.
بدور: سارة شفيج ساكتة؟
سارة: مافيني شي بس تعبانة شوي
بدور: ما تشوفين شر
سارة حست بالذنب انها تجذب على رفيجتها بس مو عارفة شتقولها و خاصة ان محمد بالسيارة. لا بعدين أقولها مو الحين.
محمد بقلبة: بعد عمري تعبانة يا ريتة فيني ولا فيج
اليوم الصبح محمد و خالد راحوا المخفر و بلغوا الشرطة عن فيصل و ليلى و كل الي صار، و الحمدلله الله ستر و صدقوا محمد بس باقي جم اجراء و يصيدون فيصل، بس لازم يصيدونة واهوة يتاجر عشان تتصكر القضية و محمد كان محتار و منقهر، الشرطي قال انهم ما يقدرون يمسكونة الحين لأنة مافي اي ادلة. و محمد طول اليوم قعد يفكر شلون يقدرون يصيدون فيصل واهوة يتاجر عشان يفتك منة و من شرة.
وصلوا بيت هبة بعد ربع ساعة و بدور قالت حق محمد انة ايي يمرهم الساعة 11
بدور: كل عام وانتي بخير
هبة: تسلمين حبيبتي
سارة: كل عام وانتي بخير هبة
هبة: وانتي بصحة و سلامة، تفضلو البيت بيتكم
دخلو البنات الصالة و شافوا جم بنية معاهم بالثانوية راحو وقعدوا معاهم.
سارة و بدور: السلام عليكم بنات
البنات: و عليكم السلام
خديجة كانت من احدالبنات الي قاعدين: سارة شحلوج برة المدرسة شكلج غير
ابتسمت سارة ابتسامة مو من قلب: عيونج الحلوة
خديجة: و انتي بدور خو انتي قمر
بدور بدلع: واي لا استحي
البنات: ههههههه
بدور قعدت و تطالع الصور الي معلقة على الأطوف، لاحظت عيون سودة و ابتسامة تطير العقل و لبس عبيط استوعبت انة الي بالصورة خالد!
خالد ما غيرةخالد!! شيسوي بالصورة! لا ولام هبة بعد.
بدور: هبونة منو الي بالصورة معاج؟
هبة: هذا العبيط الله يسلمج خلود اخوي
بدور طالعت سارة و سارة كانت منصدمة مثل ماكانت بدور منصدمة.
بدور دققت بويه هبة عدل و لاحظت الشبه بينهم، بس طبعا خالد كان أحلى
قعدوا البنات يضحكون و يسولفون، كل وحدة قعدت تقول شنو تبي تسوي عقب ما تتخرج، كلهم كانوا متشوقين، وفي بنات كانوا ماخذين الليسن فقعدوا يحرون بعض. غنوا حق هبة هبي برثدي (happy birthday) و كانوا فاصلين و مستانسين و كان زحمة في وايد بنات، بدور انكت على بلوزتهاعصير و بسرعة قامت تبي تغسلة قبل لا يصبغ، شافت ان الحمام الي تحت عليه دور
بدور: هبة ما عندكم حمام ثاني؟ ابي اغسل هالبقعة قبل لا تصبغ
هبة: صعدي فوق و اخذي الممر سيدة و بعدين يسار و اهوة 2 باب على اليمين
بدور: فوق يسار ثاني باب عاليمين اوكي
صعدت بدور و قعدت تلف وتدور، بيت هبة كان عود و في غرف وايد فبدور ضيعت، مومتعودة على بيوت فخمة لان بيتهم دورين مافي الا 4 غرف و صالة و مطبخ و 3 حمامات
بدور: اي باب قالت الثالث ولا الثاني، جنة قالت الثاني على اليسار؟ عادي نجرب
بطلت بدور الباب الثاني على اليسار و كان ظلمة، دخلت داخل تدور سويج الليت، طقت فخذها بزاوية شي و تعورت
بدور: ااااااي اف ستغفرالله (اخيرا لقت سويج الليت و بطلتة)
غمضت عيونها لانها عقب الظلمة انصدمت من نور الليت. استوعبت انها مو بحمام لكن بدار، ياية بتطلع بس شافت شي الي خلاهة تدخل داخل.
بدور: هذي ساعتي!! شيسوي اهني؟ يا عيني عليك يا خالد تبوق أغراضي ها! مــــــــــــــاشي
بدور قعدت تتطمش بدار خالد و راحت ليه عند التسريحة. خذت عطر من عطوراتة و شمتة. غمضت عيونها و ابتسمت. الله ريحتة يوم كنة بالسينما، بدور انتي هبلة طلعي من دارة أحسن، بس اهوة ينني ذاك اليوم الحين لازم اردلة كل الي سواه.
بدور ولا مرة داخلة دار صبي غير دار محمد و كان كلة يطردها، فحبت انها تتطمش، و طبعا ما حست بالذنب لان دار خالد الي يننها و فشلها شكثر يوم الافينوس
راحت ليه عند فراشة و خذت مخدتة و لمتة. يت على بالهة فكرة و طلعت من جنطتها عطرها و رشتة على مخدتة. ردت لعند التسريحة و خذت ساعة خالد
بدور: الحين بس محتاجة مممممممم
قعدت تدور ورقة وقلم
بدور: كا لقيت اشوة... مممم شاكتب شاكتب....
اخيرا قررت و كتبت بسرعة

الساعة 12 ردت بدور البيت و قعدت تفكر. أنا يا ربي ليش سويت جذي الحين شبيقول عني والله اني هبلة.... لالا أحسن مثل ما سوة فيني

خالد رد البيت وأول ما دخل دارة شم ريحة عطر تطير العقل و فجأة تذكر بدور بس ما يدري ليش.
خالد بقلبة: لا لا هذي ماخذة كل تفكيري، الظاهر اني ينيت حتن ريحتها قمت اشمها خخخخخخخخ
دخل الحمام و غسل بعدها تبدل و توة بينسدح ولا يشوف ورقة على مخدتة.
خالد تعجب. ما أذكر اني حطيت ورقة مني
خذا الورقة المسفطة و بطلها
"وحدة بوجدة"
و اخر الورقة مكتوب حرف B
قلبة قام يرقع ، كلمتين اثرو في.
بدور كانت بداري؟!!! معقولة؟ الظاهر انا ينيت، بس هالورقة من وين عيل. انا متأكد ان بدور بس شحقة ياية بيتنا؟ أكيد تعرف هبة اختي. و شنو قصدها وحدة بوحدة
قعد خالد يفكر و يفكر....
ما قدر ينام فراح لعند هبة اختة الي ليلحينها ما نامت
خالد: هبة!
هبة مخترعة: أعوذ بالله انت ما نمت؟
خالد باستهزاء: شرايج يعني.. شايفتني شنو؟ قاعد ولا نايم
هبة: اووووو خالد مالي خلقك
خالد بدون اي افتتاح: تعرفين وحدة اسمها بدور؟
هبة: اي.. خير شتبي؟
خالد: اهية ياية اهني اليوم؟
هبة باستغراب: اي.. ليش؟
خالد: مالج شغل
و طلع خالد من عند هبة و دخل دارة، انسدح على فراشة واهوة مبتسم. بدور كانت بداري؟ ما اصدق... وناااسة
بعد ساعة من التفكير خالد نام و قعد يحلم ببدور
فجأة قام من النوم: ساااااااعتي. اهية ماخذة ساعتي
وركض لعند التسريحة يدور ساعتة بس ما لقاهة، قعد يضحك بهستيريا، وحدة بوحدة ها، ماشي يا بدور. و رد حط راسة على المخدة و نام.

 

[زينة الأب]

عاد كتبوا تعليقاتكم و صوتوا كلش 85 مشاهد و بس جم تعليق

 

[زينة الأب]

ااااااب ااااااااااب

 

[زينة الأب]

اااب ااااب

 

[زينة الأب]

ااااااب

 

[rawona]

لي رجعه

​

 

[b6ooo6a*_*]

يلالالالالالالا يلالالالالا حبيبتي عشتي نبي باااااارتااااااااات اطول و اكثر عشتي حبووو

 

[زينة الأب]

ها شرايكم لحد الآن بالقصة ترا هذي أول قصة لي...

 

[الاحاسيس المبهمه]

عجييييييييييييييييييييييييييييييييبه

 

[زينة الأب]

Uuuuuuuuuup

 

[زينة الأب]

انشالله بالليل أنزل بارت بس راح أكون موجودة أقرة تعليقاتكم و آراءكم فحياكم. و لا تنسون تصوتووووووون thnx

 

[MC ANFAL]

up up up up kamlay

 

[b6ooo6a*_*]

يلا حيااااااااااتي واايد حلوه القصه يلالالا

 

[dlo3t^baba]

رووووووووووووووووووووووووووووووووووووووووووووووووووووووووووووووووووووووووووووووووووووعه
ننطرج بالليل .. وناسه حبيتها بدور

 

[زينة الأب]

لوووول أنا بعد أموت فبدور... تتوقعون أي شخصية تشبهني أكثر؟

 

[زينة الأب]

uuuuuuuuuup

 

[kity]

وينج القصه روعه ننطرج

 

[زهور الجمان]

يالله كملي بليز

القصة حدهااااااا عجيبة

بس بليز خلي سااااره تغط الحبوب لا تستعملهم

 

[زينة الأب]

لوووول والله عشان عيونكم بنزل جزء بس هذا اااخر جزء حق اليوم والله نزلت 3 أجزاء حرام عليكم هههههه بس ما أحب أصبركم شسوي.. بس بصلي و بنزل عطوني 5 دقايق