بدور (الحب الحقيقي)

[زينة الأب]

هذي أول قصة لي أكتبها وهية قصة حب. كنت أكتبها من بداية هالسنة و ليلحين ما خلصتها اهية طويلة وايد بس انشالله تندمجون فيها مثل ما انا اندمجت بكتابتها. اعذروني على البدليات لوول وانشالله تتفاعلون معاهة و أشوف ردودكم و تشجيعاتكم. كنت بادية انزلها قبل فترة بس انشغلت مع المدارس ووقفت بس الحين برد أنزلها من يديدز اسمها الأصلي هو الحب الحقيقي و اعطيكم اول بارت

الجزء الأول
بدور تكلم سارة بدلع: اف حررررر امي متى تيي تاخذني اهيء مت مت والله حرام عليها صارلي 10 دقايق واقفة من طق جرس الهدة
(كان نهاية شهر عشرة و حر و أرض الكويت ما شافت الا يوم واحد من المطر الخفيف)

بدور بنت عمرهة 17 سنة قصيرة تهبل عيونها عسلية ،بيضة شعرهة طويل ليه نص ظهرها و لونة بني مخصل بلون نفس لون عيونها وناعم حيل بس خاشة جمال شعرها عن العالم لأنها متحجبة. تدرس بالثانوية و هذا اخر سنة لها (اخيرا) و حدهة متشوقة حق التخرج و شهر 5 تكمل ال18 و تطلع الليسن و هذا حلمها و حلم كل بنت بعمرهة.
سارة: بسج تحلطم حتن انا امي متأخرة علي و حالي حالج قاعدة بالشمس و العرق يصب ههههه

سارة رفيجة بدور من عمر و توهة مكملة ال17 تحب بدور من كل قلبها و بدور تموت فيها كل أسرارهم عند بعض و محد يخش عن الثاني شي. سارة بيضة بس مو كثر بدور و عيونها سودة مكحلة و رموشها طوال و كثاف ،و شعرها أسود طويل مموج و متحجبة. خشمها صغير يونس. جمالها جمال عربي يحلم في كل شاب.

بدور: ويعة قطييييييعة لوعتي جبدي هههههههه بس حتن انا حدي معرقة.

بدور رفعت ايدها فوق عيونها عن الشمس و تأشر على سيارة بنية.

بدور: كاهي امي أخيرا يت. سويرة تبينة نقطج؟ عادي احنة خوات.

سارة: لا فشلة لا تخافين علي امي الحين تيي. ( شافت بدور عفست ويهة أكيد بتقنعني ايي معاهة، وااي رفيجتي فديتهة) والله والله عادي الحين تيي

بدور: أوكي عيل دزيلي مسج أول ما توصلين البيت طمنيني عليج. باي ( وركبت السيارة،أشرت حق سارة بأيدها باي و اختفت من نظر سارة)

بعد فترة ام سارة يت و تأسفت من بنتهة على التأخير و كان سبب التأخير حادث مسبب زحمة في الشارع.

في بيت بومحمد الساعة 6 المغرب بدور كانت قاعدة على القنفة ماسكة الرموت تفرفر بين القنوات:

بدور و اهية تكلم نفسهة بصوت واطي: اف مافي شي غير نور و مهند و يحيى وهالخرابيط اف (لاعت جبدها و حذفت الرموت)

محمد دخل على طيران الرموت في الهوا: هههههه شسالفتج شفيج تحذفين بالأغراض؟ تجربة علمية؟

محمد شاب عمرة 23 سنة طويل و عريض، شعرة أسود ناعم،حنطاوي عكس اختة البيضة. عندة قفل و عيونة عسلية نفس بدور و كل بنات الكويت ميتين عليه و يتمنون لو نظرة منة . بس أهوة تكانة ما يعطي ويه و ما يحب البنات الي يقطون نفسهم على الصبيان و يتنرفز منهم. محمد ما يؤمن بالحب بسبب تجربة مر فيها قبل سنتين و عقبها تغيرت شخصيتة 180 درجة.

بدور: افففف عاد حمود والله مالي خلق ملاقتك!!!!!

محمد: شدعوة يبة اسفين لا تاكلينة بس (مشى عنهة و صعد فوق دارة)

و سمع صوت نوف اختة الصغيرة تصرخ ما تبي تتسبح

الخدامة من برة دارة لاحقة اختة: نوفة ما يسر لازم انتي سبح تعااالييييي ( يعني لهجة هنود ههههه)

نوفة عمرها 6 سنين شيطانة بس تونس و مسوية جو بالبيت: ماااااااااابي وخري وخري وخري حموووووووووووووووووووووود

محمد: اف الكل متنرفز اليوم شالسالفة ( ويطل محمد برة دارة ما شاف الا الخدامة لاحقة نوف متفصخة زلط ملط و دخل راسة دارة بسرعة و بطها ضحك) خخخخخخخخخ نوفة والله تونسين.
مسك محمد تلفونة و شاف 4 مسكول و مسجين (2 مسج) 3 مسكول من رفيجة خالد و الرابع رقم غريب.
بطل المسج الأول و كان من خالد: حمود تكفة مرني زهقت من قعدة البيت خنطلع. المسج الثاني من الرقم الغريب: بدورو انا سوسو ترة رديت البيت
محمد قعد يفكر اف هذي رفيجة بدور. الظاهر ليش مستخدمة بدور تلفوني ذاك الاسبوع (الاسبوع الي طاف بدور مودية تلفونها يصلحونة منكب عليه ماي فمحمد معطيهة تلفونه تستخدمة على ما يردون تلفونهة)
محمد يدق على خالد
خالد: الو هلا بو جسووم ويييينك ما ترد على تلفونك
محمد: سامحنة يا بو وليد رايح الكلية و ناسي تلفوني بالبيت
خالد:مسامحينك ما نقدر نزعل على الغالي
محمد بدلع: واااي لا استحي
خالد: هههههههه جب عاد وايد عطيناك ويه
محمد يطفر خالد:هذا وانا ياي بطلعك مااااااااااشي ما تستاهل باااااااااي
خالد:لالا خلاص تكفة والله ملل خواتي ميننيني وامي حنة
محمد: ههههه ليليحين مصرة انك تتزوج
خالد: اي والله الظاهر تبي الفكة صارلهة شهرين بس تسأل متى تتزوج و تييبلي احفاد. مسكينة بعد تدري هبو(اخت خالد) كبرت و نصور(اخو خالد الكبير) عقب ما توفت زوجتة شوق الله يرحمها شايل عن بالة فكرة الزواج.
محمدبنبرة حزن: الله يرحمها (ناصر كان يعشق شوق لحد الجنون و ليمن حملت شوق تدهورت حالتها الصحية و ما كملت الشهر الرابع الا توفت و ناصر من عقبها... حسوا في)
محمد: يلا عيل تجهز 10 دقايق و انا عندك.
خالد: هياااااااااا ​

 

[زينة الأب]

بعد شوي بنزل البارت الثاني و باجر أنزل بعد بارتين

 

[زينة الأب]

هذا الجزء الثاني واحتمال احط الجزء الثالث بس حرام ولا رد مافي اي تشجيع

الجزء الثاني
في الجابرية في بيت بوناصر

خالد يصارخ:هبووووووووووو هبوووووووووووووووو ويعة ويييينج!!!!!!!!!

هبة متنرفزة و بدون لا ترفع عينها عن المجلة: لا تصارخ نعم خير شتبي. (و قلبت صفحة المجلة)

خالد: ما شفتي جوتيي الأصفر الي في خطين سود
هبة رفعت عينها لعند ويه اخوهة خالد عمرة 22 طويل أبيضاني عيونة سود و شعرة أسود مثل سواد الليل خشمة طويل و حاد، وسييم وااااااااااااايد يلحق البنات و البنات يلحقونة. اهوة عكس محمد خالد يدور على الحب و يتحرش بالبنات بس ما عندة سوالف اكثر من جذي هبة ترد عليه: وانا شدراني!! اغراضك ولا اغراضي؟

خالد: واااي يما بس سؤال، انزين وين امي؟

هبة ردت عيونها لصفحة المجلة و ردت عليه بكل برود: بالمطبخ

خالد دش المطبخ بدون لا تحس امة: يمااااااااااااااااااااااااااااااااا

ام ناصر نقزت نقزة الي طار الملاس من ايدها و لفت على ولدها المينون: خوييييييييييييلد ووجع خرعتني حسبيالله على بليسك(وحطت ايدها على قلبها)

خالد واهوة ميت من الضحك: اااااخ يمة بسرعة تخترعين سمالله عليييييييييييج
وراح لم امة حيييييييييل و لحس شفايفة يحاول يبوسهة
ام ناصر: وخر عني لا تسعبل علييييييييييييييييييي

خالد يسوي نفسة زعلان: افا افا بس وانا ولدج. اصلا سعابيلي عسل (و يطلع لسانة) انزين يمة وين جوتيي الأصـــــ

ام ناصر تقاطعة: تحت الدري وين ما حذفتهم اخر مرة

خالد: ههههههههه ايييييييييي تذكرت. فديتج يمة

ام ناصر: خالد يما امس رحت عرس و شفت بنية شحلووووووهة توهة متخرجة من الثانوية و تدرس بكلية الحقوق. تهبل و بنت ناس سنع و عايلة

خالد ما يخلي امه تكمل: يمة بدينة!! جم مرة اقولج ماني متزوج الحين ابي استانس توني صغير (و يبرطم مثل الياهل) و ابي اتخرج اول و بايدي شهادتي و اكون نفسي

ام ناصر: خالد وليدي انت مو صغير و ابي اشوف احفادي قبل لا اطلع من هالدنيا ابي اشوفك متزوج و مرتاح. ابي القالك مرة تحط بالهة عليك و تخليك تعقل شوي (و تبتسم)

خالد: يمة شهالحجي تطلعين من هالدنيا بعد عمر طوييييييييييييييييييل انشالله. يلا ترا رفيجي يدق علي ناطرني برا فمان الله

ام ناصر حست ان مافي فايدة تحن: فمان الرحمن

ركب خالد السيارة: السلام عليكم
محمد: و عليكم السلام (محمد كان لابس نظارة شسمية كبيرة مغطية عيونة و حواجبة ولابس بنطرون جينز و تي شرت ابيض مكتوب عليه بالأحمر 2 cool 4 u)
خالد: زين ييت بوقتهة امي توهة تعطيني محاضرة (خالد لابس بلوزة سودة فيها كتابة بلون الأصفر و جينز اسود مع جوتية الأصفر الي يشب من بعيد)
محمد: خخخخخخخخ والله تكسر الخاطر
خالد: لا تطنز يايك الدور و متة بتتزوج انشالله؟
محمد: بييييييييييه كلش ما افكر بالزواج (و قعد يتذكر ليلى ااااخ ليلى شسويتي فيني عقب كل هالسنين و ليلحين أفكر فيج. ابتسم محمد ابتسامة حزن و استسلام)
خالد:هي حمود وين رحت؟
محمد:ها... لا ولا مكان
خالد: انزين خلنة عن الزواج الحين والله انقمت من هالسالفة
محمد: خلاص ولا يهمك وين تبي تروح خلود
خالد: ابي اروح الافينوس
محمد: وليييييييييييه حق البنات و عوار الراس (بنفس اللحظة تلفون محمد يدق و رنتة اغنية انجليزية)
المتصل رقم غريب. منو هذا ؟...اييييييييي رفيجة بدور نسيت!!!!!!!!! ( ويحول تلفونة سيلنت لين يرد البيت و يكلم بدور. بعد فترة وصلة مسج من البنت : بدورو هين انا اوريج بالمدرسة ما اطلع سارة بنت عبدالله اذا ما خليتج تتحسفين) محمد يفكر (يحليلهة ملسونة بعد)
خالد: منو هذي هااااااااااااااا ( ويغمز لمحمد)
محمد: روح زين البنية مسكينة عبالهة هذا رقم بدور
خالد: اها. (و يضحك يبين حق محمد ان مو مصدقة بس عشان يطفرة و يشغل المسجلة و يحطة على مرينا اف ام)
محمد: كيفك لا تصدق
ووصلو الأفينوس بعد ربع ساعة

بطرف ثاني بنفس الوقت:
سارة داقة على بيت بدور" و ليش ما تردين على تلفونج!!!!!!!!!!!!
بدور: اي تلفون مافي ولا مس كول
سارة: امبلا داقة عليج مرتين و دازتلج مسج بعد!!!!!
بدور: والله مو واصلي ولاااااااااا شيـــــــــ ايييييييييييي انتي لايكون داقة على 976؟
سارة: اي ها عيل؟
بدور ميتة من الضحك: لااااااااا يا هبلة هذا رقم حمود اخوي هههههههه
سارة بصدمة و شهقت: وتضحكين بعد دازة مسج ازفج شبيقول عني بعدين
بدور: قلعتج الله مو راضي خخخخخ شدعوة كله محمد شنو يعني
سارة: اهيء بدور والله فشلة روحي فهمي لا ياخذ عني فكرة
بدور: انشالله عمتي لا تبجين بس. اول ما يرد من الافينوس افهمة ارتحتي؟
سارة: اهوة بالافنوس؟ ههههه انا بعد بالافينوس(و تذكرت انهة زعلانة) ولا ما راح ارتاح الا عقب ما تكلمينة (بدلع)
بدور: اياالقزيزة شعندج بالافينوس؟
سارة: والله مليت من قعدة البيت يوم خميس لازم نطلع. يلا بدور امي تناديني لازم اروح مو تنسين تكلمين اخوج
بدور: لا ما انسى يلا بيباي
سارة:باي

ام سارة: سارة خلصي شغلج برد البيت تعبت يمة من المشي رويلاتي ما تتحمل تعرفين الكبر شين
سارة: انشالله يمة قعدي اهني ارتاحي بس بروح اشتريلي كوفي من ستاربكس. تبيني اييبلج شي؟
ام سارة واهية تقعد عند النافورة شوية بعيد عن ستاربكس: ييبيلي بطل ماي العطش ذبحنة
سارة: انشالله يمة
سارة واهية تمشي شافت شي اصفر من بعييييييد شاب و استوعبت انة جوتي
سارة: اف شهالجوتي الي يشب صج الصبيان خبول بس يبون يلفتون النظر صج هلاقة. اشارة مو جوتي.
مر خالد صوبهة و سمع الي قالتة
خالد: محمد البنت تقول عني هيلقي!! @@<< (يعني مبقق عيونة بستخدمة طوال الرواية)
محمد مات من الضحك: من عذر ههههههههه والله تعجبني
خالد: ماااااااشي والله لا ايننها البنية ما راح تقدر تقاوم جمالي و كلامي العسل
وراح لها خالد لحقها و محمد واقف بعيد بيشوف شبيصير و حاس ان الموقف بتضحك.
(خالد من النوع الي شايف نفسة على البنات و حدة قزيز)
سارة: one frapacheno with cream and caramel
خالد: فديت الكرمل انا... انتي بكبرج كرمل
سارة حقرتة (اف شيبي هذا قليل أدب)
خالد: اموت باللون الاحمر ( سارة كانت لابسة بلوزة حمرة طويلة فوقة جاكيت نص جم أبيض و بنطرون جنز)
سارة تذكرت ان امها تبي ماي: and 1 water please
خالد: معاج انا مستحيل اعطش اشوفج بس يروي عطشي
سارة استلمت الكوفي و الماي و لفت على خالد وطالعتة من فوق ليه تحت بنظرة استحقار و اهية معقدة حاجبها: هلاقة والله (و مشت عنة)
خالد وقف اب مكانة منصدم اول مرة في حياتة ما قدر يطيح بنية (هذا الي يقولونة الشباب)
محمد الي شاف و سمع كل الي صار ماسك بطنة من الضحك و عقب ما شاف ويه خالد المصدوم عيونة قامت تدمع و حس انة بيموت
خالد: محمد ولا كلمة
محمد يتكلم بين كل ضحكة والثانية: انا.... ما.....قلت...شي​

 

[زينة الأب]

اااااااااب

 

[dlo3t^baba]

خخخخخخخخخخخ اندمجت
بليييييييييييييييييييييييييييييييييز كمليها بلييييييييييييييييييييييييييييز
يعطيج العافيه & يسلموووو

 

[زينة الأب]

شكرا دلوعت بابا خلاص عشانج بس بنزل البارت الثالث بعدين بنام و الصبح انزل بعد بارتين انشالله او اكثرز انا ليلحيني قاعدة اكتب اخر بارتات احسها صارت طويلة واااايد

 

[زينة الأب]

هذا لكم بارتين بعد مو واحد



الجزء الثالث

عقب سبوع في بيت بدور
سارة: بدور فشلة مابي اروح العرس احس اني قاطة ويهي انا شكو ياية معاج هذي بنت عمتج.
بدور كانت قاعدة تحط الماسكرة: افففف سارة و بعدين معاج جم مرة أقولج اهية فطوم عازمتج.
سارة: بس انا ما شفتهة الا مرتين
بدور: اي و حبتج انا شسوي
سارة ارتاحت شوي و قامت تشوف نفسها بالمنظرة كانت لابسة نفنوف عنابي كوكتيل طويل و مخصر مع كعب ذهبي عالي. شعرها كان مفلول على طبيعتة المموجة مكياجها ذهبي غامج مع حمرة وردية و شكلهة اينن
أما بدور كانت لابسة نفنوف أبيض فيها ورود ناعمة وردية شعرها فالتة و مكياجها عبارة عن شدو وردي فااااااااتح و كحل و ماسكرة مع حمرة وردية و شكلهة ينن ما تحتاج للمكياج من جذي ما كانت تحط وايد.
بدور: سارة حبيبتي ممكن تييبينلي تلفوني ناسيتة بالصالة اخاف تدق علي فطوم تبينة نكون عندهة قبل لا تدخل هههه مسكينة خايفة.
سارة: أبوج أو اخوج هني؟
بدور لا ابوي راح العرس منزمان و حمود مادري وينة طالع من العصر ( محمد كان هالفترة بعالم ثاني بدور تحسة حزين بس مو عارفة شالسبب)
سارة: اوكي الحين انزل اييبة
سارة واهية نازلة الدري
محمد توة دخل البيت قاعد يمشي و يطالع الأرض مو منتبه لشي و ياي بيصعد الدري ولا يشوف كعب ذهبي و ريول بيضة ورفع عيونة شوي شوي لين عينة طاحت بعين الملاك الي جدامة
محمد قعد يفكر ( انا حلمان) و غمض عيونة حيل و رد بطلهم (لا كاهي ليلحينهة موجودة)
سارة انصدمت حاولت ترد تصعد بس كعبها تعلق بذيل نفنوفهة و بغت تطيح.
محمد شاف انهة فقدت توازنها و بغت تطيح بس ركض لها بسرعة و مسكهة و عدل لها وقفتهة.
سارة قلبهة قام يرقع(حسبيالله عليج يا بدورو شسويتي فيني امبييييييييييه)
فلتت سارة من ايد محمد و ركضت ليه دار بدور و دخلت بسرعة و رقعت الباب
اخر شي شافة محمد كان شعرها الأسود الطويل قبل لا تختفي من عيونة. كان متجمد اب مكانة ما تحرك. قعد يطالع ايدة الي قبل شوي كانت ماسكة أجمل انسانة شافهة بحياتة. تم يطالع ايدة ليمن استوعب وقفتة الغلط عالدري و دخل دارة بسرعة و قفل الباب. حط ايدة على قلبة. يمة شسوت فيني هالبنت شدعوة محمد شفيك مو أول مرة تشوف بنية حلوة ماشالله البنات تارسين الكويت.
لا بس هذي غير ليش غير ما أدري بس غير. ريحة عطرها ليلحين يشمها. رمة نفسة على الفراش و غمض عيونة

سارة صار لها 5 دقايق تصرخ على بدور: الحين شيقول عني افتر ابيتكم جنة البيت بيتي. أنا الغلطانة!!! شلون يشوفني بهالوضع!!!!!!!!!! لا و بعدين من الخرعة تكرفست لو مو صايدني جان رحت فيها. ( استوعبت انة لمسها و جسمها ليلحين مقشعر من لمساتة الناعمة) لاااااااااا جااااااااسني بدورو جااااااااااسنيييييييييييي
بدور: سارة هدي هدي عادي ما تدرين. انا الي طرشتج لا تخافين مو انتي الغلطانة. و بعدين غصبن عنة يجيسج يخليج تطيحين مثلا؟
سارة حست انة عيونها قامت تدمع: بسـ
بدور: لا بس ولا شي انا الحين اروح أفهمة و ما يصير الا الخير
سارة: أدقدق عليه تلفونات و مسجات و الحين يلمسني و يشوفني بهالوضع....
بدور:مالج شغل هذا اخوي و انا اتصرف معا و ان قال شي عنج أشقلة حلجة
ابتسمت سارة و قعدت على الفراش تنطر بدور ترد
بدور: حموووووووود (و قعدت تطق الباب) بطل بسسسسسسسسرعة
محمد : وليييييييييييه انزين انزين ( و بطل الباب) شفيج تصارخين
بدور دخلت غرفتة و رقعت الباب وراهة: شوووووف بقعد أتكلم و مابي اسمع منك ولا نفس الا ليمن اخلص. سارة مسكينة انا كنت مطرشتهة تييبلي تلفوني
محمد حاول يقول شي بس بدور ما عطتة مجال
بدور: و انت حسبيالله عليك خرعتها و بغت تطيح و الحين اهية خايفة انك بتاخذ عنهة فكرة. مفتشلة من سالفت المسجات و الاتصالات و الحين هالبلوة اليديدة. مسكينة مقرودة البنية
محمد: اهية الي كانت تدق؟
بدور: اي اهية
محمد سرح فيها ليلحين مو مصدق الي صار
بدور: هي انت وين وصلت؟ سألتك منو بودينة عرس فطوم؟
محمد: هاا.... (ابي اي طريقة اشوف فيها الملاك... سارة مرة ثانية) انا اوديكم
بدور: لالا اخاف تموت سارو علينة
محمد: لا شدعوة أصلا انا ابي اتأسف لها بعد
بدور: اوكي يلا الحين ننزل
طلعت بدور و لبس محمد بسرعة دشداشة و غترة و حط كلونيا قوية عجيبة بدور كانت شاريتلياه حق عيدميلادة. نزل محمد الصالة وقعد ينطر البنات
بدور: يلا عاد مافي فشلة ولا شي و اهوة اصلا بيتأسف منج. يلا سوسو ما نبي نتأخر
سارة تنهدت باستسلام: انزين خل ألبس عباتي
نزلو البنات و محمد قعد يدور سارة لقاهة بس هالمرة كانت لابسة عباية و متغطية من فوق ليه تحت حتن ويهة كانت مغطيتة. عينهة طاحت بعينة بس بسرعة نزلتة و طلعت ورة بدور للسيارة.
محمد كان مرتبك و ركب السيارة متوتر. بدور ركبت جدام يم محمد و سارة ركبت ورة محمد.
سارة قلبهة كان يرقع و شمت عطر محمد و حست انها داخت. نزلت الشال عن ويههة لانهة انقمتت و محمد ما راح يقدر يشوفها.
شغل محمد السيارة و اتجه لصالة الأفراح.
عم الهدوء بالسيارة لين ما يمع محمد جرأتة: سارة...أنا اسف على الموقف الي مساع
سارة خدودهة حمرت: لا عـ عادي انا الغلطانة
محمد تضايق: لا مو غلطانة انا المفروض اطالع وين ما امشي
سارة سكتت حست انة ما راح يخليهة الا ليمن يثبت لهة انة اهوة الغلطان
محمد قعد يطالع ويه سارة البريء بالمنظرة الأمامية من غير ما تحس سارة. كانت قاعدة تطالع برة الدريشة و ليتات الشوارع تصب ضوء أبيض على بشرتها البيضة. هذي الي ورا بشر؟ معقولة.
وصلو صالت الأفراح و محمد ضاق خلقة ما شبع من سارة. و حس بأمل بسيط....
محمد: بدور الساعة جم أمركم؟
بدور: لا احنة بنرد مع امي والسايق
الأمل الي حس فيها محمد راحت مثل ما يت
محمد: أوكي خلاص عيل مع السلامة
سارة الله يعطيك العافية محمد ما قصرت
يا حلات اسمي على لسانج يا سارة: الله يعافيج ما سوينة شي
دخلو البنات الصالة و مشى محمد قعد يمشي و ما يدري وين رايح. قعد يفكر بسارة بجمال سارة ببراءة سارة بريحة سارة سارة و سارة وسارة و فجأة يت على بالة ليلى
عصب محمد: وانا كل ما انساج تيين و تردين . اهوة الظاهر لان اليوم يوم القرادة الي صارت في الموقف.....
قعد يشوف ويه ليلى و كأنها تضحك عليه و تقول( ما راح تقدر تنساني يا محمد عقلك كلة لي شلون تنساني وانا الي ملكت قلبك هههههه وين ما تروح محمد لو شنو تسوي انا دايما راح اكون موجودة بقلبك و فبالك) سفط محمد السيارة و شاف جدامة البحر


الجزء الرابع
بدور كانت طالعة مع السايق رايحة الجمعية تشتري أغراض.
بدور داقة على أمها: يمة اي نوع كلنكس قلتي تبين؟.. اي انزين و الشامبو نوفة قالت تبي على فراولة و... اي صح خلاص عيل اذا ابي شي ادق عليج خلي التلفون يمج. اي انشالله ما انسى مع السلامة.
قعدت تدز العربانة تبي تروح سكشن الشامبو ( shampoo section) ولا فجأة دشت بعربانة واحد
بدور: ويعة ما تشوف (خو بدور عصبية)
خالد شاف بنت حلوة و أول شي لاحظة فيها عيونها بس انصدم من اسلوب هالبنت: والله انتي الي دعمتيني
بدور عصبت عبالهة ان الصبي كان بيتأسف بس يرادد بعد: اف عليكم تدعمونة و تبلشونة كلة الحريم اهمة الغلطانين
خالد شفيهة هذي: يبا اسفين. ( و بدا الشر يشتغل و طبيعة خالد طلعت)
خالد: ما اتحمل هالحلوين يزعلون علينة
بدور @@ عمى انشالله هذا بايعهة؟
خالد: شفي الحلو ساكت؟ بسمع صوتج العذاب
بدور خذت عربانتهة و دعمتة حيل بعربانتة و طيرتة
خالد ما توقع هالحركة وراح ركض ورا عربانتة. ليمن رد البنت ما كانت موجودة. قعد يفتر بالجمعية الا يلقاهة... عقب فترة و اهوة يفتر شافهة ماسكة جياستها (كياسها) و طلعت من الجمعية. خالد قط العربانة يبي يلحق عليها. ركض وراهة و شافهة ركبت سيارة كدلك. بسرعة ركب سيارتة و تم يلاحقهم
بدور ما كانت تدري ان في احد لاحقهم.
بدور: ا صبيان الكوين مو صج
السايق: نأم ماما في مشكل؟.
بدور: طع انت الثاني بعد... لا مافي شي وصلنة البيت بس
السايق: انشالله ماما
بدور: و لا تقولي ماما جم مرة أقولك
السايق: انشالله ماما
بدور اوهوووووو هذا ما يفهم
وصلو البيت بعد ربع ساعة و نزلت بدور من السيارة و دشت داخل. ما شافت ويه الصبي الي كان لاحقهم الي منصدم و متيبس اب مكانة.
خالد: هـ هذا ب..ب..بيت حمود!!!!!!!!!!! يعني هذي اختة معقولة؟ ولا مرة شايفتها؟ لو انا شايفتهة من قبل مستحيل انسى جمالها! حتن لسانها ما انسى هههههه
ااخ منج. صج هبلة من عذر حمود كلة يتحلطم يقولي اختةميننتة اذا لسانج جذي.... (لا تعليق)
هبة دقت على بدور
بدور: هلا والله يالقاطعة ما تدقين ولا تسألين
هبة: بعد عمري والله تعرفين امتحانات و امتحان قدرات والله حوسة
بدور: اي والله ما ألومج حاسة فيج. شلونج هبو شخبارج
هبة: انا تمام. بدور انا داقة أعزمج على عيدميلادي يوم الجمعة و ابيج تييبين سارو معاج.
بدور: انشالله انا بس أسأل امي اتأكد
هبة: بس ابيكم انتو تيوون أبجر عشان تساعدوني. اهيةالحفلة الساعة 7 انتو تعالو 5
بدور: ولا يهمج هبون
هبة: اوكي عيل سلمي على امج مع السلامة
بدور: يوصل انشالله مع السلامة

محمد كان نايم و قاعد يحلم أحلام غريبة قاعد يشوف ليلى تكلمة و بنت ثانية بس يسمع صوتها مو قادر يشوف ويها
ليلى: ما راح تنساني أبدا
....: لا تخاف محمد امسك ايدي و انا معاك راح نبتعد عنها
محمد: بس خايف. ما أقدر
ليلى: ما راح تقدرين هههههه (ضحكة خبث)
...: انا اساعدك يا محمد (تتكلم كأنه ليلى مو موجودة)
محمد مد ايدة لإيدها و ياي يمسكة بس تردد و حس انة البنت قعدت تبتعد عنة و ليلى تسحبة من ورا
محمد: لا لا ليلى تركيني حرام عليج كافي الي سويتي حرام حرام
و قعد محمد من النوم فجأة على صوت بدور اختة
بدور: محمد شفيك قعدت تصارخ و انت نايم. منو ليلى؟
محمد قعد يتنفس بصعوبة: هاا... اي ليلى كنت حلمان شدراني ( وقعد يمسح العرق من جبهتة)
بدور ما صدقت محمد حست ان في شي بس مو راظي يقول. بدور أقرب شخص لمحمد على كثر ما يتناجرون يحبون بعض.
بدور تكلم نفسها افا محمد تخش عني. بس انا أدري ان فيك شي و راح اعرف شنو اهوة
محمد: بدور تكفين خليني بروحي تعبان و مالي خلق أحد
بدور: انا اصلا ييت عشان أقعدك لأن امي تقول واحد من ربعك تحت ناطرك.
محمد متفاجيء: منو؟
بدور: وانا شدراني ما نزلت
محمد متنرفز مالة خلق أحد: انزين انزين كاني نازل
و طلعت بدور من دارة و دخلت دارهة. محمد قام و تبدل نزل تحت بعد ربع ساعة و دخل الدوانية. أول ما عينة طاحت على الي كان قاعد حاط ريل على ريل و قاعد يشرب جاي و يبتسم ابتسامة باردة، حس ان ريولة مو شايلتة، حس ان الدنيا قامت تدور و تتحرك بسرعة. مسك الطوفة بسرعة و خذا نفس عميق.
محمد بعصبية: انت شتسوي اهني؟!!!!!!!!!!

 

[dlo3t^baba]

مشكووووووووووووووووووووووووووووووره مشكووووووووووووووووووووووووووووووووووره
وخلاص روحي ارتاحي بس باجر ارد القى بارتات لووووووووووول
اتغشمر معاج حبيبتي يالله روحي ارتاحي وتسلم ايدج على البارت وحتى لو القصه طويله عادي يسلموووووو

 

[زينة الأب]

يلا بنات بروح انام الحيم وانشالله اشوف ردود الصبح و شوية تشجيع. وأسمع آراءكم و انزل بارتات و اكمل كتابة النهاية :d

 

[dlo3t^baba]

وعشانج
اب
اب
اب
اب
اب
اب
اب
اب
اب
اب
اب

 

[زينة الأب]

العفو حبيبتي انشالله عاجبج ولو البداية بس بس انشالله تندمجين. هههههه يالله تصبحون على خير xoxoxoxox

 

[b6ooo6a*_*]

القصه شكلها واايد حلوه ناطرينج انشاااءالله ابسرعى نزلي باارتااااات علشاااان ابسرعى اتخلص مدارس

 

[زينة الأب]

لووول انشالله من عيوني انا قصتي طويلة تخيلو بالورد طالعتلي تقريبا 115 صفحة و بالاجزاء 18 جزء بس باقيلي وااايد احداث و الأجزاء الي قبل جاهزة بس أنزلهم و أكمل كتابة القصةز انشالله تندمجون فيها لأني اندمجت في كتابتها و كل شخصية ماخذة شي مني ويالله ما أطول عليكم أنزلكم بارت يديد وأشوف تفاعلكم و بعدين يمكن الظهر أنول واحد والليل واحد. احتمال باريتين الى 3 بارتات باليوم

 

[om reem 86]

لا يوقف لا يوقف لا يوقف

 

[زينة الأب]

الجزء الخامس

بدور: ها؟ منو هذا الي قاعد يصرخ؟ @@ هذا محمد امبيه شفي.!!

طلعت بدور من دارها ركض و اصطدمت اب امها

ام محمد: يما لحقي على وليدي شفي يصارخ!!!

بدور: رايحة رايحة

بدور نزلت الدري أسرع ما عندها توها بتبطل الباب... بس الي قالة محمد خلاهة تتجمد اب مكانهة

محمد من ورا الباب: انت وليلى مو ماسكين علي شي لاني ما سويت اي شي غلط

...: ههههههه مسكين محمد انت مسكين. يعني بتقولي انهة ولا مرة يت على بالك؟ ما أظن انك نسيتها... ليلى ما تنسى

محمد: هالأشكال القذرة ما أفكر فيهم

......: نسيت انك كنت تحبها؟ اذا اهية قذرة عيل انت شنو؟

محمد: جاااااااااااب اطلع برا

....: ماشي يا محمد بس يكون بعلمك اني ما خلصت منك و راح تسوي الي ابي غصبن عليك.

محمد: برااااااااا

محمد طلع من الدوانية و رقع الباب، من كثر ما كان متنرفز ما شاف بدور المسكينة و دعمها.

بدور: محمد شصاير؟

محمد: جاب انتي مالج شغل!

محمد مشى عنها و صعد دارة و رقع الباب ورا بكل قوة.

بدور: لا يا محمد ماني مخليتك بتقولي السالفة يعني بتقولي

صعدت بدور دار محمد، دخلت داخل و قفلت الباب وراهة

بدوربحنان: محمد انا اختك و أقرب وحدة لك ما يصير تخش علي!! قولي يلا حمود شفيك

محمد طالع اختة بنظرة حزن ( اااخ يا بدورة لو كنتي تدرين انا شفيني، لو تدرين الدنيا شسوت فيني. )
تم محمد ساكت فترة طويلة....

ملت و حست انة ما راح يقول و راحت بطلت الباب، توهة ياية بتطلع......

محمد بصوت حزين: قبل سنتين تقريبا كانت وحدة معاي بالكلية اسمها....

حس ان مو قادر ينطق الاسم... مثل السم مو قادر يبلع لانها واقفة اب بلعومة.

محمد: اسمها ليلى...

بدور ما تحركت من مكانهة. ليلى هذي الي كان حلمان فيها محمد. شسالفتها

محمد يسترجع ذكريات الماضي المؤلمة : كانت طويلة و بيضة و ابتسامتها.... (محمد بدت عيونة تدمع)

بدور راحت ولمت اخوها حيييييييييييل

محمد: بدور بدور والله ما كنت ادري عن سوالفها والله! حسبتها بنت سنعة و سحرتني بجمالها و أسلوبها. اااخ بدور لو شايفتها جان فهمتيني، جمال و دلال و أسلوبها أسلوبها كان مو طبيعي.

حس ان ريجة نشف بس كمل

محمد: مع الأيام حبيتها حب ما تقدرين تتصورينة. كنت ألاحقها كل مكان من الكلية ليه الشقة الي كانت فيها، و كنت أغار.. أغارغيرةبدور لو انتي شايفتني جان اخترعتي، اي احد حتن لو يطالعها ثواني بس كان ودي اذبحة.

بدور منصدمة من الي قاعدة تسمعة، أخوي يحب؟ اخوي انا؟

محمد: حبيتها و حسبت انها كانت تحبني، بس هذي أكبر غلطة غلطتها بحياتي! ظنيت انها تحبني بس للأسف مجرد تمثيل و كلام.

بدور: محمـــــ

محمد: تكفين لا تتكلمين الا ليمن أخلص (مسح دموعة و حس بالكره و العصبية ) يوم من الأيام ما حضرت ليلى ولا محاضرة ولا ردت على اي اتصال مني حتن مسج ما دزت. ينيت!! مليون فكرة يت على بالي!! رحت شقتها و شفت 4 سيايير صافطة جدام عمارتهة واستغربت بس قلت يمكن سيايير احد المستأجرين. صعدت ليه شقتهة و طقيت الباب بس محد رد كنت متأكد انها موجودة لأني شفت سيارتها برة، جربت أبطل الباب و كان مو مقفول، بطلتة شوي شوي و قعدت أناديها كنت متردد، بغيت أرد الكلية بس ليمن سمعت صوت ضحك و حركة، دخلت وكنت منصدم من الي شفتة (ويهة قامت تعطي ألوان و حواجبة معقودة) البنت الي كنت أعشقها بإيدين.... مو ريال واحد بس 3 رياييل!! كانت بوضع....( ما قدر يكمل محمد حس كأن رجع لهالموقف و قاعد يعيشها من يدة و يديد) و جان زين بس هذا اهوة لا... معاهة بنتين بعد كنت أشوفهة دايما تتمشى معاهم بالكلية، و قلاصات و بطول الله يعلم شنو كانوا داخلهم.
كنت حدي معصب و حسيت اني غبي شلون بنية تقص علي؟!! عمري ما حبيت و ليمن حبيت جذي يصير فيني!!! رحت و سحبتها من شعرها و طقيتها طق!! قعدت أصارخ عليها كأن حلم حتن ما أذكر شنو قلت لها. كنت معصب و الغيرة... الغيرة الي كنت حاس فيها... حذفتها عالقنفة و غطيتها بكفر (كنمبل) تناجرنة و قالتلي اني بتحسف على الي سويتة. طلعت من الشقة و من يومها حاولت انساها.
بدور فهمت نص القصة بس كان في شي محيرها بعد: انزين، و شنو علاقة الريال الي كان ياي اليوم؟
محمد ابتسم ابتسامة خبث: هذا فيصل، كان واحد من ال3 الي كانوا يمارسون مع بنت ابليس أكبر الفواحش. ليلى قبل جم يوم صادوهة المباحث و قالوا لها ان اذا اعترفت منو صاحبها بتجارة المسكرات يقدرون يقللون من سنين الحبس، و قالت لهم عن فيصل، و ياي اليوم يبيني أشهد بالمحكمة ان ليلى جذابة و أبررة.

بدور: بس محمد شهادة الجذب حرااام؟

محمد: أدري يا بدور! والله أدري! ية اليوم ووراني صور يا بدور صور....

بدور@@: صور شنو!!!!!!!!!!

محمد: يوم رحت عند ليلى و طقيتها صورني الحيوان و الصور شكلهم غيرالحقيقة. الي يشوفهم يفهم شي ثاني!! و يقولي اني اذا ما رحت معا المحكمة راح يوريهم المباحث و يقول اني كنت شريك معاهم بمتاجرة المخدرات.

بدور اخترعت على أخوها: و بعدين شراح تسوي؟

محمد: مادري ماردي. ليش! ليش يصير فيني جذي يا ربي

بدور: تعوذ من ابليس محمد هذا شي ربي كاتبة


محمد تعوذ و استغفر ربة

بدور: انشالله ربي يستر، و ربي ما يضيع حق عبيدة
محمد: امين يا رب

بدور بقلبها: كل هذا يصير فيك حمود و محد يدري!! مسكين اخوي مسكييين، ما تستاهل محمد!!

تمو يسولفون و حس محمد براحة ، كأن شي ثقيل انرفع من صدرة صار في أحد يشاركة همة محد كان يدري غير خالد. بس الحين بدور درت و حس انهة فاهمتة اكثر من ما خالد فاهمة.

بدور: يلا حمود بروح أرقع السالفة عند امي خوفتها

محمد براسة شر:اي طسي تراني مليت من ويهج

بدور: لا والله ( و تسوي نفسها زعلانة)

محمد: لا لا خلاص اسف اسف

بدور: اي غصبن عليك
طلعت بدور من دار محمد و راحت طمنت امها و قالت لها ان محمد كان متهاوش مع رفيجة، بس انحلت المشكلة.

دخلت بدور دارهة و سمعت تلفونها يرن
المتصل: سارو

بدور شالت التلفون: ويييييييع طاع من داق

سارة: انا ويع يالخايسة
بدور: انا خايسة يا معفنة

سارة: انا معفنة يا بريعصية
بدور: بس بس استسلم

سارة: هيااااا هذي ثاني مرة اغلبج

بدور: شسوي بعد لسانج شطولة انا مؤدبة.

سارة: مؤدبة بعينج. يما منج

قعدو يضحكون و يسولفون
بدور: سارة قبل لا تصكرينة نسيت لا أقولج هبة ترة عازمتنا عيدملادها يوم اليمعة (الجمعة)

سارة@@: يوم اليمعة بعد يومين و انتي توج تتحجين!!!

بدور ضحكت ضحكة طفولية: اممم..... نسيت

سارة: والله ما منج فايدة نسيتي هاا... ماشي ماشي الساعة جم بنروح؟

بدور: عالساعة 5. انتي خلي امج تقطج عندنة و نروح

سارة كانت مترددة ليلحينها مفتشلة من الي صار مع محمد

سارة بتردد: اخاف اضايقكم انتي تعالي عندنة

بدور: لا انا اطول ليمن ألبس! لا يكون ليلحين مستحية من الي صار يبا خلاااااااص طااااااااااااف.

سارة: انزين اخلي امي تقطني

بدور: أقول انا بعد شوي بروح اشتريلها هدية تيين؟

سارة: اي زين ذكرتيني نسيت. دقايق وانا عندكم

بدور: اوكي يلا باي

سارة بيباي

سكرت بدور التلفون و بعد فترة راحت عند اخوها الي كان نايم...
.
بدور: حمود!!!!!!!!

محمد: بسمالله الرحمن الرحيم قصري حسج

بدور: حمودي عفية طلبتك

محمد من غير نفس: نعم!

بدور: تكفة ودني الأفينوس لازم أشتري هدية حق عيدميلاد رفيجتي.

محمد بدون لا يفكر: لا!

بودر تسوي نفسهة تبجي: اهيء اهيء

و يت على بالهة خطة...

بدور: اهيء اهيء يعني لازم ادق على سارة أقولها ما تيي لان محد بيودين
ا
محمد قلبة قام يرقع من سمع اسمها: ليش اهية بتروح معاج؟

بدور: اي قلت اكيد حمود من طيبة قلبة بوديني فقلت لها تيي معاي بس الحين ما راح توديني، بدق عليها اكنسل و بتفشلني.

محمد: تصدقين عاد ابي اروح السوق، لا تكنسلين روحي تبدلي و انا ربع ساعة وأكون جاهز.

راحت بدور دارهة واهية ميتة ضحك

محمد بدارة: ااااااااااخ سارة بتيي!!! شفيني انا مينون و شنو يعني بتيي. أنا حلفت اني ما أحب مرة ثانية، ولا فكرت اني أحب أصلا! بس سارة... شسويتي فيني يا سارة

بعد ربع ساعة سارة و صلت بيت بدور، كانت لابسة بنطرون جينز أسود سكني و بدي وردي فوقة بلوزة سودة فيها ورود وردية، حجابها أسود سادة في شوارفسكي وردي، حاطة كحل و قلوس و خدودها وردية على طبيعتها، شكلهة ناااااااعم تهبل.

بدور و سارة قعدو يسولفون بالصالة ناطرين محمد ينزل
سارة: أقول بدور منو بودينة؟

بدور واهية تطالع أظافرها: حمود أخوي..

سارة @@: شنووووووووو!!!؟

بدور: ظفري يبيلة تبريد

سارة: بدور هي أكلمج!

بدور: ها؟ شنو قلتي؟

سارة: ليش ما قلتيلي ان محمد بودينة! بس ماني رياحة برد البيت

بدور: سويرة عن الدلع عاد
.
سارة: بســـــ

بدور: أصلا تأخر هذا بعد وينة؟ شقاعد يسوي صارلة نص ساعة بدارة

بدور تصرخ: محمد يلااااااااااااااااااااااا لا نتأخر!

بهاللحظة سارة و بدور شافو محمد قاعد ينزل الدري

بدور قعدت تصفر: عشتو شهالكشخة.. مو من عوايدك

محمد حقرهة: ترة خلود رفيجي بيلتقي معانة هناك يلا لا نتأخر

محمد كان لابس بنطرون جينز و تيشرت أخضر فيها كتابة بلون الأسود، وفوقة جاكيت أبيض. كان موقف قذلتة و شكلة عذاااااااااااااااب

سارة بقلبها: امبيه شحلاتة!! ( صج ما استحي على ويهي ونزلت عيونها للأرض)

محمد بقلبة: والله البنت مو طبيعية و لبسها ناعم مو مثل باجي بنات الكويت خبة

بدور: ولييين عاد ربعك مليقين

محمد: ترة ما اوديج ( مو صج لان يبي يشوف سارة)

بدور: لا لا خلاص ( بدور كانت لابسة جينز بنفسجي سكني و بلوزة بيضة سادة، حجابهة عبارة عن ملفع بنفسجي في شوارفسكي ملون)
و طلعت بدور ركبت السيارة بسرعة قبل لا محمد يغير راية و نست سارة داخل.

محمد تنح بويه سارة الطفولي و حس ان قاعد بحلم.

محمد: تفضلي ( و سوالهة مكان تمر،أول ما مرت شم محمد عطرها الفضيع، كان خفيف جدا و ريحتة ورد)

سارة :مشكور (حدها مستحية و خدودها الوردية صارت حمرة من الخجل)

طلعت سارة و ركبت يم بدور الي كانت قاعدة ورا محمد.

قعدو يسمعون مرينا اف ام و كانو حاطين اغنية راشد الماجد صاحي لهم

أنا صاحي لهم وعيني عنهم مش غافلة
دارس طبعهم وفاهم قصدهم واتجاهلة
وأغض الطر عن العذال باعاني ما قربتهم الا لهدف ثاني
وحققتة بقربي منهم أنا صاحي لهم

عقب ما وصلو الأفنيوس سارة و بدور قاعدين يمشون ورا محمد، طبعا كان زحمة و الصبيان تارسين المجمع و مو مخلين أحد بحالة.

محمد بقلبة: والله لا أبط عيونة هذا بس قاعد و يخز بسارة.

محمد: بدور تعالوا امشوا جدامي أحسن

بدور: انشالله

محمد قعد يخز كل صبي يطالع البنات و يعطيهم نظرة مو طبيعية.

بدور: سارة ما قلت لج ذاك اليوم تحرش فيني واحد قليل أدب.

سارة: هههه مسكين!

بدور: شنو مسكين أنا المسكينة الي تحرش فيني و ما معاي احد.. أهيء أهيء

سارة: انتي لا مسكينة ولا شي أكيد كليتي بلسانج الي ما يرحم

بدور خدودها صاروا حمر و قعدت تتحلطم: حرام عليج

سارة: خخخخخخ عادي عادي طاف انتي ما ينخاف عليج ينخاف على الي يتحرشون فيج

سارة و بدور: ههههههههه

تلفون محمد يرن المتصل خالد: هلا بو وليد وينك؟

خالد: تعالوا عند ستاربكس

محمد: ههههه اي واحد فيهم في 100 واحد تستعبط؟ ( الأفينوس أكبر مجمع بالشرق الأوسط و في أكثر من ستاربكس حتن انا ما اعرف جم واحد)

خالد: اوووووو نسيت. انتو وينكم؟

محمد: انا صوب السينما فوق

خالد: اوكي الحين يايك

(على فكرة خالد ما كان يدري ان بدور معاهم)

محمد: بدور نطرو رفيجي الحين ياي

بدور تساسر سارة: الحين رفيجة بيي خن نضحك عليه خو ربعة كلهم ملاقة
سارة: هههههههه

محمد بصوت عالي: هلااااااااا بو الوليد

خالد بصوت أعلى: هلااااااااا بو جسوم

والناس قعدو يطالعونهم و يضحكون

بدور: واااي سوالف الصبيان مليقين حدهم

سارة: يا ربي انا رفيجة هذا أحس ويهة مو غريب علي

بدور: لحظة ليلحين ما شفت شكلــــــــــ

شهقت بدور بصوت عالي وبققت عيونها

سارة طالعت بدور وضحكت على شكلها كان حلجها مبطل و عيونها مبققة

طلعت سارة تلفونها و بسرعة صورت ويه بدور كان شكلها تحفة

سارة ميتة ضحك: خخخخخخخخخ بدورو شفيج؟

بدور: سويرةهذا هذا... الي تحرش فيني هذا الي قلتلج عنة

سارة ردت طالعت خالد و تذكرت وين شافتة و شهقت: وييييييييييي حتن انا تحرش فيني هالملعون

ثنيناتهم تنحو بويه خالد مصدومين. محمد لاحظ هالشي و عصب على اختة شفيها هذي تخز خلود. ولاحظ ان حتن سارة تخزة و حس بالغيرة.

محمد بصوت واطي: بدورو هي عقلي شوي

ردت للواقع و عدلت نفسها و قرصت سارة عشان تتصح صح.

خالد بقلبة: امبيه شحلاتهة تهبل. بس أنا أوريج يالملسونة ان ما يننتج اليوم ما أطلع خلود....

قعدو يتمشون و بدور بعالم و سارة بعالم، محمد بعالم سارة، و خالد بعالم بدور. صارت الساعة 10 و بطن سارة قام يطلع أصوات و محد سمع غير خالد و قام يضحك وافتشلت حدها والي فشلها زيادة...

خالد: حمود خنروح صوب مكدونالدز نتعشى بطني قام يطلع أصوات

بدور بقلبها: يقصدني أنا جليل الحيا!

محمد: بدورأحاجيج!!

بدور: ها ما سمعتك

محمد: سألتج اذا انتي يوعانة ولا لا

بدور عناد على خالد: لا مو يوعانة أبي أرد البيت
خالد توهق يبي يشوفها بعد: حمود خنروح السينما والله مابي أرد البيت تعرف امي تحن علي على الزواج

محمد: الة سينمة هالحزة

خالد: اي يلا تكفة باجر عطلة فالبنات ما عندهم دوام، (وجه كلامة لسارة) ما تبون تستانسون قبل لا تداومون الأحد؟

محمد رد حس بالغيرة، شفيني أنا هذا خلود عادي.

بدور، لا والله يعاملني كاني مو موجودة ماشي يا خويلد

سارة: اي والله ودي و أبي أشوف فلم عمر و سلمى يقولون عجيب

خالد حدة استانس: اي يلا خلاص

محمد حتن استانس: يلا خن روح نحجز ونشتري نفيش

بدور: وأنا مالي راي!!!!

الكل: لااااااا!!!!
(مسكينة والله هههه)

وقعدت بدور تبوز و لحقتهم ليه كاشير النفيش.

محمد راح يشتري التذاكر و خالد راح يشتري النفيش والبيبسي و براسة شر.

عقب ما ردو الشباب...

خالد:هاك حمود نفيشك و بيبسيك ، و هاج سارة نفيشج

بدور @@: وانا ما يبتلي شي!!

خالد بخبث: لا انتي مساع قلتي انج مو يوعانة ( و مسك الضحكة)

بدور سمعت سارة تحاول تكمت ضحكتها و محمد شاق الابتسامة

ويه بدور حمر من العصبية، حاولت تبين حق خالد انها مو مهتمة بس كان واضح على ويها انها معصبة.

دخلو السيناما و كان حدة فل، محمد ما لقة حجز الا 4 كراسي 2 جدام و 2 ورا
.
محمد: بدور انتي و سارة قعدو جدام و احنة نقعد وراكم.

خالد كان عادي بس ليمن شاف ان شباب قعدو يم بدور تنرفز.

خالد: حمود الوضع مو شي لازم نبدل

الفلم توة بيبدي و خالد و سارة و محمد و بدور واقفين مسوين ازعاج و سادين عالناس. قعدو يتحلطمون الأوادم و صار خالد قاعد يم بدور من اليسار و سارة يم بدور من اليمين و محمد يم سارة من اليمين لانهم بدلو مع 2 شباب.

بدور حدها متنرفزة من خالد كانت تبي محمد يقعد يمها بس مو قادر يتحرك ليش الناس عصبوا عليهم

بدا الفلم و كان حدة روعة. بس بدور ما قدرت تندمج بالفلم لان خالد كل شوي يطيح عليها نفيش و كانت حاسة انة متعمد.

سارة كانت حساسة وايد و قعدت تبجي ليمن سلمى هدت عمر و افترقوا

محمد وااااااااي عليها سوسو رومانسية وايد، اخيه على دموعها

بدور بطنها كل شوي يطلع أصوات و ريحة النفيش كان يشوق، كسرت خاطر خالد و مد لها النفيش بس اهية حقرتة، حط النفيش تحت خشمها و ما قدرت تقوام و خذت خمطة.

على نهاية الفلم خالد و محمد قعدو يصفرون و سارة و بدور قعدو يمسحون دموعهم و ضحكوا على بعض، طلعو من السينما و قعدو

يسولفون و يضحكون و الكل طيح الميانة، كانت الساعة 11 و نص و حدهم يواعة، اتفقوا انهم يروحون مكدونالدز يتعشون.

محمد: يلا العشا علي أنا كل واحد يقولي طلبة.

سارة: انا أبي وجبة أطفال همبرجر لحم و مابي بيبسي أبي سفن

بدور و خالد بنفس الوقت: انا ابي ماك جكن لارج (large)

قعدو يخزون بعض و خالد ضحك: لارج عاد

بدور: وانت شكو

محمد: اسكت اسكت اذا صارت السالفة فيها بلعة و مصلحة كرشتها.... لا تعليق

و قعدوا يضحكون كلهم على بدور، بدور انحرجت و عطت محمد نظرة و فسرها (انطر محمد انا اعلمك بالبيت)

قعودوا عالطاولة ينطرون محمد.

سارة: انا بروح أغسل ايدي بسرعة و ارجع احس ريحتي ببكورن (نفيش)

بدور: يلا خليني ايي معاج

سارة: لا شدعوة قعدي ( وقامت سارة قبل لا تعارض بدور)

قعدو بدور و خالد بروحهم و لحظة الصمت الي مرت بينهم كأنها سنين. فقعدت بدور تلعب بساعتها فصختة و قعدت تفررة عالطاولة تقضي وقتها.

خالد: بدور

بدور رفعت عيونها من الطاولة ليه عيون خالد

خالد قلبة شوي و يطلع من مكانة، عيونها العسلية عذااااااب

بدور بدون نفس: خير؟

خالد:لا بس بغيت أقولج ان......

وقعتدت تنطر. يا ربي شبيقول و قلبها يرقع...

خالد: أن بأسنانج ببكورن

حست انها بتموت امبييييييييييه فششششششششششششششلة. (و طلعت الببكورن بلسانها)

خالد خخخخخخخ بعد عمري بس بس يننتها وايد حرام

خالد: بدور

بدور بقلبها: وليييييه شفيني بعد اخاف ريحتي خايسة ولا حمرتي سايحة

خالد: اللون البنفسجي حلو عليج

بدور انصدمت ما كانت متوقعة، بنفس اللحظة ردو محمد وسارة، قعدو يتعشون و يسولفون ويضحكون، الا بدور كانت سرحانة

محمد: يلا بدور سرينا؟

بدور استوعبت انهم خلصو: اي يلا وايد تأخرنا

سارة: توني كلمت امي تبيني أرد البيت

محمد: يلا عيل لا نضايق امج، يلا عيل بو وليد نشوفك على خير

خالد: يلا عيل فمان الله

محمد فمان الرحمن

خالد طالع بدور لآخر مرة، حاول يحفظ كل ملامح ويهة، من عيونها العسلية الي تدوخ، ليه شفايفها الوردية.
بدور حست في و رفعت عيونها و عينها طاحت بعينة و لأول مرة ابتسمتلة ابتسامة مو طبيعية، خالد رد لها الابتسامة و مشت بدور ورة محمد

بدور انا ينيت والله توة قبل شوي مينني و كارهتة الحين... (ما كانت تدري بدور شنو هالشعور الي تحس في، احساس غريب أول مرة يسيطر عليها)

قطو سارة البيت و ردو بيتهم. بدور استوعبت انة ساعتها الي كانت لابستهة مو بأيدها، تذكرت انها فصختة ليمن كانت قاعدة مع خالد

بدور: اهيء لاااااا ساعتي هذي امي يايبتلياهة حق عيدميلادي لا يكون نسيتة مناك (قعدت بدور تدور بالجنطة بس ما لقتة اخر شي ملت و قطت نفسها على الفراش)

بنفس الوقت خالد ماسك ساعة بدور بايدة و قعد يشمها، ريحتها ريحة بدور،(عقب ما قامت بدور لاحظ خالد الساعة و خذاها) ضم الساعة لصدرة و غمض عيونة وابتسم ليمن تذكر ويها واهية معصبة.

كل واحد حط راسة على المخدة و الابتسامة مرسومة على شفايفه الا بدور مسكينة حظها مو شي اليوم ، و بعد فترة خذتهم الأحلام الوردية​

 

[زينة الأب]

لوووول يلا هذا البارت طوييييييييييييييييييييييييييييل عشان يلهيكم جم ساعة لوووول انشالله تعجبكم وسوري اذا في بدليات

 

[Jro7 Al.nass]

واااااااااااااااي واااااااااااااااي فضول فيني الا اعرف منو هذا اللي حاط ريل على ريل
لووووووووووووووووووووووووووووووووووووووووووووووووووووووووووووول فضول مو طبيعي هههههههههه

 

[زينة الأب]

لووووول لا تحاتون بنزلكم البارت بس قاعدة أقرا باجي قصتي عشان أكمل كتابتها لازم أتذكر الشخصيات و القصة أنا وقفت كتابتها قبل جم شهر عشان امتحانات. و ما ابي أنزل بارتات وايد عشان ما أوهق عمري و يخلصون البارتات. ههههههه بس ما أحب أصبركم و كل يوم بنزل يمكن 3 بارتات بس مافي مشاركة وايد

 

[zedjalia]

Nice one good luck sweety


waiting 4 the new part

 

[مـ سهله ـو]

يالله حبي كملي