بدايه حملة (بياض روسيات وشعور هنديه وجمال طبيعي ) تـــاريخ 1/7/2009

[طـالبة]

مدمنة

انا استعمل برنامج بنت السيالات
حاطته امها الله يحفظها ويحفظ امها

اهو مره بالاسبوع سدر
ومرتين دابر + باراشوت + خروع + ثوم

ومره بعد السدر ماسك روب وعسل ومايونيز بس ما جربته للحين
بصراحة ما عندي جرأة احط مايونيز وعسل على شعري خخخخ

عطر

ليش احس ضايق خلقج؟

اميرة بذاتي

يا هلا والله وينج مختفية؟

عسى ما شر؟

 

[طـالبة]

بنات وينكم

ياربي شكلي راح اتقاعد عن هالبرنامج والسبة غيابكم

تعالوا شجعوني


انا الحين حاطه سدر على شعري وخلطة شسالفة على جسمي

وبعد اربع ساعات بشيلهم

بس بنات بسألكم
خلطة شسالفة قربت تخلص
وانا بقى عندي جم منطقة بجسمي لونها اغمج من لوني الطبيعي

شنو بديل خلطة شسالفة؟
وياليت يكون ما فيها دبق خخخخ << اتشرط


يلا تعالوا

 

[أم منيـرة]

قــوووه بنــاات

شلووونكم ،

اشتقت لكم حييييييييييييييييييل

بس اسوي عنايتي كل يوم ومنتظمه عليها الحمدلله ،
بس ما اشارك وااايد بالمنتــدى :/

الحين حاطه على راسي ، زيت السمسم .. وحاطه على وجهي مرطب رووك وبعد شوي بغسله وبحط ماسك هيمالايا ..
وحاطه على رجولي وركبي = فكس + فازلين + مسحة من كريم ماجيك ،
وكوعي فازلين + كريم ماجيك ..
وايديني مرطب فازلين الووردي ..
ورشيت بخاخي على راسي قبل لا أحط الزيت ،
وكل يوم اول ماقعد اسوي العناية اليوميه بالوجه واسوي السنفره للأيدين وارطبها ،
وكمان رجلي سنفره + ترطيب .. مره بجليسلوليد ومره فازلين + فكس ..
وحاطه خلطة الرمووش صارلي 4 ايام أستخدمها وانتظر النتايج :$

واممممممم وبس :$
مشتاقه لكم ، وفديت قلووبكم ياللي تسألون علي ..
طـالبه شلونج حبيبتي وشخبار العناية ؟ ماشالله انتي ومدمنة مبدعيييييييين انا مشتغله على نفسي بس ماكتب بالمنتدى
لانه لوع جبدي كله يعلق !
ومدمنة شووو أخبااارج لا شفت مشاركاتج استانس وربي ..
وشمسويه ما مسويه هاليووومين ..
وشنو ناوين تسوون للعيد يا بنات ..!

 

[رسوم الحب]

السلام عليكم
شخباركم بنات
والله اشتقتلكم كلكم ولكم وحشة

 

[طـالبة]

ام منيرة


لا ماصدق

لحظة خل ابجي

وااااااااااااااااااااااااااااااع لوووووووووول


وينج

اشدعوه حتى احنا يعلق عندنا المنتدى بس قاعدين له
اول ما يصير نجابله خخخ


انا اليوم حطيت سدر على شعري وشسالفة على جسمي
وبعد ثلاث ساعات تقريبا دشيت عشان اتسبح

اول شي غسلت السدر بشامبو

بعدين طفيت الماي وحطيت ماسك على ويهي وجسمي : هرده + نشا + حليب

وحطيت حمام زيت من باراشوت على شعري

وبعد عشر دقايق تقريبا شلت الماسك اللي على ويهي
وشغلت الماي فركت جسمي بايديني
وبعدين وخرت حمام الزيت عن شعري وحطيت شامبو

وبعد ما خلصت شعري غسلت جسمي بخلطة لندن والخلطة الصابونية وشاور جل الفراولة والكريمه
وغسلت ويهي بغسول كلين اند كلير وبعده صابونة البابايا

وحطيت على نص جسمي بيبي اويل من جونسون

والنص الثاني لما طلعت كملته بفازليت زبدة الكاكاو

ورشيت ماي ورد على ايديني ويهي وريولي وركبي
وحطيت هيمالايا للهالات السوداء
ولبست دلاغات بريولي
وبث


تعبت يعطيني العافية

 

[طـالبة]

رسوم الحب

هلا والله فيج واحنا بعد ولهنا عليج

ها شلون العناية انشالله تمام

 

[آلصرقــ غ ـرآآآمي ــعه]

اهليييييييييييييييييييييييييييييييييييييييييييييييييييييين
:eh_s(6):
ام منيرة
رسوم الحب
:eh_s(6):

شخبااااااااااااااااااااااااااااركم ولهنا علييييييييييييييكم

عنايتي .. امس سويت اللي قلت عليه .. وقبل لا انام المفروض احط بين وفازلين على ايدي وريلي ... بس كنت حايسة مع امي بالمطبخ لي الفير (5) .. وتعبت ومالي خلق احط وحطيت راسي ع المخدة وهم ما نمت الا ع 6 .. وتعييزت اقوم واحط بن على ايدي وريلي

ولما قمت اليوم الظهر .. بغيت اتسنفر مثل كل مرة .. بس امي استعيلتني .. عشان اعاونها بالمطبخ .. عندنا غبقة اليوم .. بس متاخرة شوي .. :eh_s(6):

والحين انا هلكااااانة بس ماراح انام الا عقب الصلاة .. يعني مافي خلطات .. بس حطيت جنين القمح لاني كنت حاطة مكياج

يعني اعوض شوي ...

طلوووب ..

تبين بديل لخطة شالسالفة .. في حمام اسمه حمام السدر

لقيته بكتاب (( اسرار الحريم )) هالكتاب روووووووووووعه .. كل الخلطات فيه .... واااايد شغلات حلوة فيه .. حتى خلطة شالسالفه فيه .. بس مع بعض التعديلات ..

والسدر اخف حمام بالكتاب .. واسهل .. ومافيه ريحه قوية ... السدر ريحته حنة .. وانا مااااااااااااااااااا اواطن شي اسمه حنة .. لي شفها جني شايفه يني .. بس الزين بالسدر ان ريحته خفييييفه حييييل.. وهذا مشجعني ع الخلطة

والسدر يا محفوظة السلامة

يوحد لون الحسم بفترة قصيرة >>> بس للامانه ماجربته ... لكن ناوية اجربه .. بس خل اشتري السدر

وبعدين السدر معروف .. حق الحبوب وويوحد اللون .. ويسنع البشرة حييييييييييل ... بس مع الاستمرار

يعني خالتي تقول معاها وحدة بالدوام ..كل يوم تمشي .. وساعات .. تمشي الظهر بعز الشمس

.. وتقول شوفي جسمي مايصبغ .. وبشرتها حلوة

السبب
السدر

كل ما تتسبح .. واتوقع كل يوم

تتسبح فيه كانه شامبو .. تتفرك وتغسل على طول ..

بس احنا كبداية .. لازم نسنع البشرة .. عقب نحافظ عليها بالسدر

المهم قرقت وايد

بكتب الخلطة .. واهي بسييطة

000000000000

حمام السدر
المقادير ::

2 م ك سدر مطحون

4 م ك حليب بودر

قليل من الماي الحار

تخلط المقادير الى ان تكون عندنا عجينة متوسطة .. لا صلبه ولا سائلة

الطريقه ::

1- يدهن الجسم بالخلطة .. ثم يجفف بالسشوار .. لمدة 15 دقيقه ..
2- افتحي الماء الساخن بالحمام الى ان يتكون بخار
3- افركي جسمك بالليفة ثم اغسليه بماء دافئ
4-اعملي سنفرة بالليمون والملح وزيت الزيتون ثم اغتسلي بماء بارد حتى تتسكر المسامات
5- ترطيييب

0000000000


واصلا يصير تحطينه ع الوي .. بحطه مع الخلطة .. وبحاول استخدمها بشكل يومي .. عشان النتيجة تصير اسرع


--
وبس

بس بسالكم .. يصير ابدل .. سنفرة الليمون والملح وزيت الزيتون ..باي سنفرة ثانية .. يعي سنفرة المشمش .. او حتى خلطة لندن .. لانها سنفرة بالاصل ؟؟؟؟؟؟؟؟؟؟؟؟؟؟؟؟

امي تقول يمكن احسن عشان اهي سنفرة طبيعية .. بس تتوقعون اذا بدلته بسنفرة ثانية ما تطلع نتيجة ؟؟؟؟؟؟

وبسسسسسسسسس سلامتكم ​

 

[Loutes]

مراحب يا جميلات
اميرة شخبارك ما تطلييييييييين؟

ام منيرة منووووووووووووووووووووووووووووووووووووووووووووووووووورة




طلوب شدراك اني ضايق خلقي هههههههههههههههههههههههههه





رسوم واحشتنا كثير


الحين ان شاء الله بحط شالسالفة
وكمان مقشر لظهري
وزيت جنين القمح لوجهي وبس



ام الجكر ما اظن تاثر التغير

 

[هتون الشرقيه]

الله يجزيك الجنه ومشكوره على هالشي الحلو مررررررررررررررررررررررررره

 

[أم منيـرة]

طــالبه ،
فديت قلبج والله ،
تسلمين قلبووو فديت الي يسألون علي
ماشالله عنايتج تمااام التمااام .. انا بعد شوي برووح اسبح واصـلي ..
و انا الحين بقوم احط الماسك وارد شوي اقعد ع الابتوب ،
بعدين اروح الحمااااااااام وابدأ اتفررررررررك :/
وأرطب جسمي ..

عطـــر ..النووور نووورك يا قلبي ..
ها بشري ماطلعت النتايج ؟؟!
طمنينااااااااااااااااااا

ام الجكر ..
ياهلا وغلااا والله ..
صايره نشيطه بلا كسل عاااد :/
مابقى شي وتخلص الحمله
شدي حيلج معاااناا ..
وبالنسبه للسنفره لا عـادي استخدمي السنفره الي تريحج بس انا اقولج حطي اي سنفره بس سنفرة لندن لا تحطينها للوجه ..
وبس

بنات مادري شسوي للعيد

 

[طـالبة]

ام الجكر

خوش طريقة

بس اشلون انشف الجسم بالسشوار لووول

لا هذي صعبة بصراحة

يلا سيفت هالخلطة عندي وانشالله لي خلصت شسالفة احطها واشوف شيصير


عطر
مبين والله
ماعليه ماكوو شوي يسوى الضيقة

ام منيرة
اخيرا شجعتيني لوول كنت راح ازهق

امم شنو يعني حق العيد؟
بدلة ولا شعر ولا مكياج ولا وت؟

 

[أم منيـرة]

طـالبه ،

بدله وشعرررررررر

طبعا اصبغه نووو ويي ، واقصه هم لااء لاني توني قاصته من فتره :/


< توني تسبحت وتفركت بصابونة البابايا وغسلت وجهي من الماسك بصابونة البابايا ،
وفركت جسمي بالخلطه الصابونية ، وشعرري غسلته بشامبـو هيربل اسنسز الأزرق ريحته تدووخ
وغسلته بشامبو مضاد لتساقط الشعر والقشره .. ومخففتهم بالماي طبعا ..
واخيرا رشيت على جسمي مااااي بارد ، وعقب ماي ورد بالبخاخ ،
ولفيت جسمي بالفووطه وعقب رطبت جسمي بفازلين زبدة الككاو + بيبي أويل + حطيت بوودرة جونسووون ..
ورطبت ايديني بالفازلين الوردي المخصص للأيدين والأظافر ،
ورجلي بجليسوليد ولبست دلاغ :/
لاني ماحب البسها وانا نايمه ..
وبس والحين فااااله شعري عشان ينشف من نفسسسسسسه ..
وقبل لا أنام أمشطه وأرش بخاخي ، واحط على ايديني فازلين + كريم بين ،
ووجهي كريم بين + جنين القمح ،
وركبي كريم بين + فازلين .. وكوعي كمان نفس الشي ..
ورجلي جليسوليد ..
وبسسسسسسسس
احس نفسي كتبت واااجد :/

 

[طـالبة]

ام منيرة

اي يبه كتبي خلينا نحس انج موجودة معانا


اممم بالنسبة للبدلة
ما يمديج تفصلين الحين لان اكيد الخياطين زحمه
اخذي بدلة جاهزة والافضل تكون من مكان محد يعرفه عشان محد يقولج اي شفتها بالمكان الفلاني
او طلبي من النت او شوفي التاجرات اهني شعندهم


والشهر حاولي تغيرين فيه
يعني اذا انتي شعرج على طول رافعته بالعيد نزليه وسوي فيه حركة حلوة
واذا على طول منزلته ومخليته ناعم عادي رفعيه ونزلي منه خصل كيرلي

وانصحج تسوين شي بسيط

شوفي انا شنو قررت اسوي بشعري
http://www.linternaute.com/femmes/beaute/coiffure/automne-hiver-2007/images/8-mod-hair.jpg

بس انا طبعا شعري اسود واطول منها ب3 سم

راح اخليه جذي مبطل عادي واحط شباصة على شكل وردة على صوب
مع مكياج خفيف وبس

يا حلات البساطة


راسي قاعد يحكني
كل ما احط سدر او دابر يقوم يحكني
تهقون ما اغسله عدل؟


حطيت جنين القمح على ويهي وخلطة الرموش وبين على ايديني وريولي وركبي
والحين بنام

تصبحون على خير

 

[أم منيـرة]

والله خوووش حركه للشعر تصدقين ،
ماعمري سويت جذي العاده اسويها اكثر شي وانا بالبيت ..
بس على حسب البدله اذا تساعد اسوي هالحركه او لااا :/

بشووف التاجرات بس شدعوه نصهم اسعارهم نار
شكلي آخرتي بفصل لي من المعررض ..
توني عاد فصلت منهم دراااعه وطلعت تهبل علي ..

وانا سيم سيم انتي < قلبت هنديه
بحط بين + فازلين على ركبي وكوعي وايديني ..
ورجلي جليسوليد ، وبحط خلطة الرموش .. وجنين القمح + كريم بين على وجهي وبسسسسسس ..

طـالبه أي مثلي عااادي انا راسي يحكني مرات لما ارش بخاخي ..
ومرات لما احط السدر يحكني عااااادي سألت امي تقولي عااادي ما يأثر وفيه ناس اول يقولون لي زين لما يحكج شعرج وانتي حاطه هالأشياء عاد مادري بس أمي قالت لي نوو برووبلم .. ^_^

وانا كمان بروح انام تصبحون على خيرر ..

 

[طـالبة]

ام منيره

اي والله التاجرات اسعارهم نار

خلاص شوفي المواقع اللي تبيع مثل ebay اكيد عندهم بدل حلوة

اذا يمدييج تفصلين يكون احسن ترا
بس دشي قوقل وكتبي بدلة وطالعي الصور لين تلقين شي يعجبج

والشعر مو مشكله حتى قوقل دشيه وكتبي شعر شوفي القصات

بس اهم شي البدلة



على طاري السدر
اليوم ابوي قال لي انه سمع بالراديو مادري اي برنامج يقولون ان الزيوت اللي يحطونها على الشعر مو زينه
والكريمات وحتى الاعشاب اللي يحطونها مع الحنة تضر الشعر
يقول تضعف بصيلات الشعر وتطيحهم وبعدين يصير فيج صلع ويمكن تصير امراض ثانية
وحتى البلسم
وحتى اللي بالصيدليات ما يصير تستشيرينهم بشي حق شعرج


واي احد يبي يعالج شعره لازم يروح عند طبيب يشوف شعره بعدين يقوله شنو الزين حق شعره


اهو قال لي جذي لان يشوف اني احط ماسكات على شعري خخخ

بس بصراحة ما اقتنعت
بغيت اقوله الحين كل الحريم اللي بالدنيا ما صار فيهم شي من الحنة والزيوت
الحين انا بيصير فيني؟

 

[آلصرقــ غ ـرآآآمي ــعه]

السلاااااااااام عليكم

وااي بنات حده بطني متروووووووس من الاكل .. مع اني ما اكلت شي .. هالتمر واللبن يترس البطن تراااااااس

اممممممممم مثل ما قلت .. امس ماسويت شي . واليوم فقط العناية اليومية .. ( الصبح )

.. وعقب جم ساعه بخبص بعمري ... مثل كل مرة . مالي خلق اكتب وايد

----------------

طلوب ..

بالنسبه للسشوار .. انا بجربة.. صج ان صعبه .. وخصوصا .. مافي بلاك بالحمام .. يعني راح اوصل موزع من برا الحمام . وادخله الحمام واحطه بعيد عشان مايحوشه ماي ,, واركب السشوار .. وانشف عمري .>>> عباااااااااااااااله ... بس ابي نتيجة .. وبشوف ان شاء الله ما امل


اممممممممممممم

وبس :eh_s(6):​

 

[آلصرقــ غ ـرآآآمي ــعه]

بنااااات عندي مشكله


هالهالات .. سببها الكمبيوتر .. شلون ... الكمبيوتر .. يرهق العين .. وهذا معروف .. ولما العين تصير مرهقه يصير حولها سواد

اذكر هديت الكمبيوتر فترة .. كل اسبوعين ادخل مرة .. او 3 اسابيع .. وكنت ادخل شوي واطلع

فتح السواد من غير ما احط ولا شي

بس الحين ادمنت عليه مرة ثانية .. وودي ما ادخل .. الا كل اسبوع .. مادري شسوي .. ودي اتفاعل معاكم ... واشوف ردودكم ..

ووووو .. مادري .. يعني مفكرة .. ادخل بالاسبوع مرة .. واكتب اللي صار لي طوووووول هالاسبوع

وماراح اقدر اشوف ردودكم كلها .. على اساس ناوية اقعد نص ساعه الى ساعه فقط ع الكمبيوتر


في حل ثاااني ؟؟؟؟؟

 

[طـالبة]

ام الجكر

لا بصراحة ما اعتقد اني بستعمل السشوار
لانه صعبة سشوار بالحمام

يمكن اخليها ضعف الوقت المطلوب



وبالنسبة للسواد

شوفي اكو بمحلات الكمبيوتر مثل شاشة صغيرة تحطينها فوق شاشة اللاب توب تخفف الاشعاعات اللي تطلع من الشاشة الاصلية

واذا كلش خليها نص ساعة باليوم واذا تكون على فترات متباعدة يكون احسن

يعني ربع ساعة ربع ساعة

 

[آلصرقــ غ ـرآآآمي ــعه]

اممممممممممممممممممم

مادري بجرب


0000000

انزين قريتي موضوع وحده اهني بركن العروس .. اعتقد اول موضوع .. (( قصيدة لكل وحده مقبله ع الزواج )) شي جذي

عجييييييييييييييييييييييييييبه :eh_s(6):

اذا قريتيها قولي رايج .. واذا ماقريتيها

اقريها .. وعطيني رايج ؟؟؟؟​

 

[طـالبة]

لوووول

لا الحين راح اقراها

بس عموما انا ما استوعب القصايد

بس خل اشوف