انا بتكلم عن تجربتي.. غايتي اني افيد غيري من اللي ناويين يعيدون الثنويه كتحسين نسبه
انا موظفه بس ابي اعدل وضعي وتشجعت من البنات اعيد الثنويه وكنت اشاور نفسي سنتين لحد ماقررت اني ادش واستخرت وتوكلت علي الله
اول اسابيع كرهت نفسي وتعب لاني ارد من الدوام ما انام وبسرعه اتغدا واروح المدرسه ..ارد البيت ادور الهدوء والفراش بس
بالمدرسه كان اول اسابيع واول كورس غثا الصف متروس بنات وازعاج شوي شوي تعرفت علي احلي صحبه ولقيت بنات قلوبهم صافيه ومايخشون عنج اي معلومه
تأقلمت مع الوضع وصرت ما احب اغيب ..لان اساسا ابي صج ادرس واتفوق مابي لعب واي نسبه
عدي الكورس الاول بطئ بصراحه وتعلمت شلون ادرس وشلون الوضع الامتحانات وجبت نسبه 86
الكورس الثاني قلت لازم اشد حيلي اكثر وساعدني ان الصف قل عدد البنات وصار هادي ونقدر نستوعب المعلومات من الابلات والابلات اصلن حبونا وبدو يساعدونا
والبنات صارو قلوبهم علي بعض اكثر
ناكل ونشرب ونتغدا ومرات انتعشا بالصف
قهوه وحلا وشاي زعتر وعصيده للي عليهم الدوره
كنا خوات واكثر
ايام حلوه واللي تغيب نفقدها
عدت الكورس الثاني طياره اكثر من الاول
والحمدلله امتحاناتنا كانت سهله وجبت 88
يابنات اذا انتي فاضيه ولايعه جبدج من دوامج او انتي ام وتبين تتوظفين ..نصيحه لاتضيعين هالفرصه سنه تمر مثل البرق ..تحملو شوي التعب بس فرحة النجاح بتنسيكم كل شي
شنو بتسوين قاعده بالبيت لاشغل ولامشغله مقابله التلفزيون ..عالاقل سوي شي يفيدج بحياتج او عالاقل شي تفخرين فيه ..حرام العمر يمر بدون اي انجاز حتي لو كان صغير
ادري ناس قاعده تاخذ ماستر ودكتوراه
بس الواحد يطلع السلم درجه درجه
انا حاضره لاي استفسار دزو عالخاص .
