بدايه المشوار : خل نسوي تجمع للي بيعيدون رابعه ثانوي للسنه القادمه سنه2013\2014

[y3shgny]

بنات شصار عليكم؟ خصوصا بنات الرابيه

 

[*الهنوف*]

بنات عندكم خبره

اذا خذيت شهادة 12
شكثر واقدر اقدم عليها بالجامعه
عشان لايقولون قديمه

 

[*الهنوف*]

بنفجسيه
انثي

لا التسجيل شغال لي الخميس

يعشقني
ماكو دراسه ولاكتب بس سوالف وسخافات والمدرسه بائسه تجيب الاكتئاب

 

[y3shgny]

ويييه نتحمل شنسوي رفيجتي العام فيها وتمدحها دايما اول الايام جذي بعدين نتعود وتكون حلوه ان شاء الله

 

[خجل~]

بناات الجهرااء

شنووو احسسسن مدرسسة زيطة او زييينب ؟؟

بليز ردوا ضروري لانه اكو بنت تسأل وهي متابعه لنا بس مو قادره تشارك


يالييييت تفيدوونهاا

 

[Amaniat]

رقيقة مشاعر ولولو بالجهرا رفيجتي ساكنه القصر فحطوها بمدرسة الجنوب اليوم
اسمها بالكيك الطموحه %
al6mo7a_
الشرطه اخر الاسم مو اوله
ضيفوها بالكيك

 

[rymas]

بناات دايما كل سسنه اول اسسبوع جذي ماكو دراسه

لين يوقف التسسجيل يبدون الجدد

 

[*الهنوف*]

ريماس
تهقين هالاسبوع يحسبون الغياب

لو ادري جان قدمت اوراقي الخميس ابرك ولا اداوم عالفاضي
رايحه مواصله من دوامي وتعب رديت 10 للبيت خلاص طناقر ومالي خلق
حتي اسناني مالي خلق افرش��

بصراحه لازم يراعون الموظفات والمتزوجات
نص البنات جايين دايخين مم دواماتهم

 

[loly caty]

بنات انا ابي بضبط تقسيم الدرجات لنظام القديم؟؟؟؟؟؟

 

[loly caty]

يعتي جم على امتحانات الاشهر بضبط وجم درجة على امتحانات نص السنة

 

[*الهنوف*]

لولي كات

حبيبتي ماكو امتحانات فتره اولي وثانيه بس الفاينل للكورس الاول والكورس الثاني والدرجات علي حسب كل ماده
اليوم العربي قالت 24 علي الكشكول والمشاركه والحضور والتسميع
والباقي للفاينل

والدين قالت جنه 12 لاعمال الفصل والباجي للفاينل

يعني الرك عالفاينل

 

[rymas]

الهنوف الله يعيينا وللله


ماتوقع بياخذون الحضور بيمشون لين يخلص التسحيل بعدين يبلشون الجد

بس العاصمه ششكلهم بدوا الدراسه

 

[rymas]

بنات عندكم خبره

اذا خذيت شهادة 12
شكثر واقدر اقدم عليها بالجامعه
عشان لايقولون قديمه

بعد سنتين من الشهاده تعتبر قديمه

 

[فسحة امل]

اكيد اليوم مثل كل المدارس ولا شي لا كتب ولا جداول وشكل المدرسات اصلا معتفسات توهم يقسمون البنات بس انا عندي شغله صغيره اليوم لاحظت البنات الي صارهم ٣ او ٢ سنتين مع بعض وعسي الله لا يفرقهم لكن بصراحه مسوين ازعاااج مو طبيعي معظم الموجودات موظفات مساكين حتي الظهر ما ناموا
يعني اتمني منهم يلتزمون الهدوء شوي لان الصوت والله والله كانج قاعده ايام الصباحي وازود حييل حييل صراخ علي الاقل احترموا الموجودين اوكي انتم رفايج وتسولفون عادي بس ما يعطيكم الحق بصياح الشديد الي ما يليق لا باعماركم ولا بوضعكم الاجتماعي اتمني منهم بس يلتزمون الهدوء شوي والكلام بصوت واطي يناسب المرأه اكثر من الصياح والصراخ الي كلش ما له داعي
وعسي يوفقنا ويوفقهم

 

[مزون سالم]

صباح الخير ياحلوات
الله يوفق كل من تعب وحاول
انا سالفتي مو راضيه تخلص
اليوم رحت للسفاره السعوديه قالولي الشهادات لازم تختم من ادارة التعليم بالسعوديه يقول ختم المدرسه مانعترف فيه لازم جهه اعلى من المدرسه
على اني مصدقتها من السفاره الكويتيه بالرياض وزارة الداخليه
ياشين التعقيد
وان شاءالله ابروح الرياض واسوي الشهاده
بس انا خايفه يخلص التسجيل ومايمدي
الله يسهل امورنا ويوفقنا

 

[فسحة امل]

حبيتي مزون في وقت باذن الله باقي اسبوع والديره مو بعيده يمدي
باجر الصبح روحوا يمكن يوم او يومين حدكم وسجلي والله يكتب لج الي فيه الخير

 

[مزون سالم]

حبيبتي فسحة أمل الله يجزاكي خير
ويوفقك وتجبين النسبه اللي تفرح قلبك ان شاءالله

 

[يـاسمينا]

السلام عليكم
بنات منو فيكم تدرس في اميمه ام المؤمنين ؟

 

[y3shgny]

مزون الله يوفقج و ييسر امرج يارب

 

[ضــمــاد]

صباح الخير



شلون الطالبات بعد اول يوم دراسي ^.^




اليوم درسنا :


عربي : تدريبات على الفعل المضارع واعرابه بجميع حالاته




فلسفه : درسنا معنى الفلسفة ونشأتها وخذينا ٨ فلاسفه فلاسفة العصر اليوناني فلاسفة العصر المتوسط فلاسفة العصر الحديث




إحصاء : درس فضاء العينة




دستور : الشورى في الجاهلية + الديمقراطية وأنواعها




جغرافيا : يوم البيئة العالمي + يوم البيئة العربي




فرنسي : مدرسنا بس الأبله عطتنا فكره عامه عن المنهج






اليوم كتبنا وخططنا عالكتب ب اغلب المواد




ونبهونا : في قرار وتم توقيعنا عليه يوم التسجيل اذا غابة الطالبه ١٥ يوم بعذر أو بدون ،




تفصل ويتم تسقيطها دايركت ، فأنتبهوا حبيباتي ،




لاتتهاونون لاتغيبون اليوم كل الابلات والاساتذه قالولنا انه ١٢ أ جداً سهله




١٢ أ يبيلها تركيز فالحصه لانه كمية المعلومات فيها وايد ، وبتركيزنا وبالتخطيط أثناء ألحصه




راح تكون الدراسه سهله




ف البنات اللي ماسجلوا ، حاولوا باچر تسجلون ، لاتفوتون عليكم شي ،