بدايه المشوار : خل نسوي تجمع للي بيعيدون رابعه ثانوي للسنه القادمه سنه2013\2014

[-PinK_RoSe-]

بسجل بس ماني عارفه وين اروح

 

[ضــمــاد]

بِنك ،،

كل شي موجود بالصفحات الثانيه ،




طريقة التسجيل لنظام القديم




وطريقة التسجيل لنظام التراكمي

 

[Ghaderooo]

بنات كنت بسالكم انا نظام تراكمي الموحد
بعاشر يبت 3.27 من 5
وحادي عشر 26.18 من 35
وثاني عشر 47.86 من 60

يعني جم لازم اييب عشان نتيجيتي النهايه تكون 85 او 90

 

[y3shgny]

امنيات انا رحت الرابيه ان شاءالله نشوفج هناك

 

[رقيقه المشاعر]

شلونكم بنات
رفيجتي بمحافظة الجهرا
سجلت بالمنتدي بس ليلحين ما انقبلت عضويتها
تسال منو بتدرس بمحافظه الجهرا
والي معاها بالجهرا وتبي اكاونتها بالكيك تقولي اعطيها

زين لقيت احد معااي بالجهرا

يمكن لازم تفعل عضويتها ع الايميل و حيااها الله بيننا ?

اي مدرسه اهي ؟

 

[لولوةة]

شلونكم بنات
رفيجتي بمحافظة الجهرا
سجلت بالمنتدي بس ليلحين ما انقبلت عضويتها
تسال منو بتدرس بمحافظه الجهرا
والي معاها بالجهرا وتبي اكاونتها بالكيك تقولي اعطيها

حبيبتي انا كنت العام مسائي وبمحافظة الجهرا
اي استفسار احنا موجودين
وبالتوفيق يارب

 

[razan90]

بنات ظروري منو عندها جدول الحصص حق المسائي لانه غير عن السنة الي فاتت وابي من أي وحده خبره بالمسائي اول يوم دوام كامل ولا عادي لانه مادري شسوي خير شر

 

[ضــمــاد]

رزان ،، اخر مره سألتهم قالوا



الأحد والاثنين الدوام من ٤:١٥ - ٩:١٠


الثلاثه لي الخميس الدوام من ٤:١٥ - ٨:٣٠


الفرصه بعد ألحصه الثالثه من ٦:١٥ - ٦:٣٠


اول يوم دوام كامل ، ويفضل تداومين مبچر عشان تحجزين مكانچ


العام بصفي ٤١ بنت ، وما شاء الله اللي قاعدين جدام سادين الشاشه lool


الوضع كان مزري للي قاعدين ورا يالله نشوف

 

[mona q8]

السلام عليكم
بنات انا بعيد رابعه ثانوي
متى يوقف التسجيل..؟!

 

[rymas]

ضماد ؛ ماشاءالله وصلووا لهالعدد

الله يسستر باجر بروح اسجل وان شاءالله يقبلووني بدوون جوازي

الاني اتصلت ع وحده من المداارس مارضت قلت لها ضايع اعطيج ورقه بدل فاقد موورااضيه

تقول ماينفعشي دا قانوون

صصجج حطمتني بشوف المدرسه اللي عليها بطاقتي ان شاءالله يقتنعوون

الجواز ع مايطلع يبيله ٦شهور والتسجيل بيخلص بعد جم يوم

واخر فرصه لي هالسسنه

وربي حايسه وحدي احااتي ان شاءالله يقتنعوون ويسسجلوني ياارب

 

[rymas]

السلام عليكم
بنات انا بعيد رابعه ثانوي
متى يوقف التسجيل..؟!

اخر يوم 10/8

موفقه

 

[*الهنوف*]

بنات

الدوام الصجي متي يبدي

 

[Letk te7s]

بنات كنت بسالكم انا نظام تراكمي الموحد
بعاشر يبت 3.27 من 5
وحادي عشر 26.18 من 35
وثاني عشر 47.86 من 60

يعني جم لازم اييب عشان نتيجيتي النهايه تكون 85 او 90

حبيبتى لازم من 60تجيبين اقل شي 53 او 54

 

[rymas]

بنات

الدوام الصجي متي يبدي

باجر حبيبتي الدوامات

داومي مبجر عشان تحجزين لج كرسي قدام



اختي العام كانت مسائي تقول اول اسبوعيين ززحمه 40 بنت بكل صف

بس بعد الاسبوعين يبدون ينقصون اللي تغيب واللي تسسحب اوراقها


ع قولتهم الابلات اول ااسبوعين يشدون حيييل ع البنات

عشان يسسحبون اوراقهم ويقلوون وبعدين يتساهلوون مع البنات




ربي يوفق الجميع

 

[*الهنوف*]

انا للحين ماسجلت
باجر بروح اسجل

الكتب يعطونها لنا ولا نروح نشتري؟؟


بالنسبهليبحسن نسبتيانا متخرجه سنة ٩٩ لازم اجيب ورقه من المنطقه ولا بس كافي اودي الاوراق المطلوبه للمدرسه؟

 

[ضــمــاد]

ريماس .. عسى الله يكتب لج نصيب هالسنه وتعيدينها

 

[ضــمــاد]

الهنوف

- الكتب يوزعونها عليكم اول الأسبوع ويوقعونكم على استلامهم


- المنطقه تروحين لها عشان تاخذين شهادة ٤ ثانوي الاصليه


- المدرسه تروحين لها وتعطينهم الشهاده اللي خذيتيها من المنطقه + الأوراق المطلوبة والبنات كاتبينها بالصفحات اللي قبل + ٦ صور شخصيه + ٤٠ دك

 

[فسحة امل]

بنات الساعة جم بالضبط نكون متواجدين

 

[rymas]

فسحة امل : الحصه الاولى تبدي 4:15

4 و10 انتي هناك

 

[ماريابوبو]

rymas
الله معاك يارب ويسهل امورج هو قادر على كل شي
توكلي على ربك هو بيفرجها أن شاء الله