بدايه المشوار : خل نسوي تجمع للي بيعيدون رابعه ثانوي للسنه القادمه سنه2013\2014

[razan90]

تقسيم الدرجات النظام القديم
80 الكورس الاول
80 الكورس الثاني
صارو 160 تقسيم 2
صارو 80 بشهاده


والفرصه
عادي احنا كنا كل يوم نطلب من المطعم نادر ما ناكل من المقصف ندق عليه قبل الفرصه بنص ساعه ونعطيه رقم الصف ويجينا الحارس عادي

مو 85 والفترة الاولى والثالثه 15

 

[Ghaderooo]

بنات عفيا ابيكم تفيدوني انا سالفتي سالفه
بس ابي اعرف شنو الاوراق المطلوبه بالضبط عشان اعيد ثاني عشر و وين اقدم اوراقي
انا بطاقتي على جابر العلي وساكنه بالسره وادام الصبح بالتطبيقي
فيصير اروح مدرسه قريبه من السره ولا لازم على بطاقتي عفيا ياليت تساعدوني

 

[^^طالبه^^]

الاوراق المطلوبه
شهادتج مالت 12 القديمه
+
6 صور + 40 دينار تأمين + صورة لجنسيتج وبطاقتج المدنيه

جيبي لهم صورة عقد اجار و وديها لمنطقه التابعه لها منطقة السره
وبس

 

[ضــمــاد]

طالبه



عسى الله يفتح عليچ ويوفقچ وييسر امورچ ويسخرلچ عباده الصالحين

 

[razan90]

بنات عفيا ابيكم تفيدوني انا سالفتي سالفه
بس ابي اعرف شنو الاوراق المطلوبه بالضبط عشان اعيد ثاني عشر و وين اقدم اوراقي
انا بطاقتي على جابر العلي وساكنه بالسره وادام الصبح بالتطبيقي
فيصير اروح مدرسه قريبه من السره ولا لازم على بطاقتي عفيا ياليت تساعدوني

الموضوع سهل عندج عقد الاجار او لو بيتكم الي ساكنه فيه بدون اجار شوفيلج فاتورة كهرباء وماء عليها العنوان واسم الوالد او الوالدة وتروحين منطقة العاصمة التعليمية وتعطينهم الورقة الي تثبت عنوانج بالسرة ويعطونج لامانع تودينه للمدرسة الي يقولولج عنها واهناك تودين معاج كل الي قالته طالبه بردها لج والله يوفقج

 

[طهر السما]

وانا بعد بثانويه الرقة وان شاء الله الاحد بروح اسجل



الله يوفقناا

 

[y3shgny]

وانا ان شاء الله الاحد او الاثنين بسجل محافظة الفروانيه بالتوفيق للكل

 

[يارب توفيقك#]

بنات

شنووو المدارس الي بعبدالله مبارك الي اقدر اسجل فيها؟؟

اروح المنطقه التعليميه ولا للمدرسه نفسها؟؟
​

 

[ضــمــاد]

الشهادة تاخذين ها من المنطقة التعليمية



وبعدين أخذي الأشياء المطلوبة اللي ذكرتهم طالبه وسجلي بالمدرسه






وبالتوفيق

 

[آنثى طآغيه]

بناااااات يصير ادخل مسائي واذا ماعجبني الوضع احول منازل ع الكورس الثاني او نص الكورس الاول،، ي ليت تفيدوني

 

[رقيقه المشاعر]

مرحبا بنات

قبل جم يوم شريت مذكره كول ستدي ( cool study ) للانقلش '


رووووعه حيييل انصحكم فيها بالاخص اللي ميح مثلي شرحهم سهل و مبسط وبتفعكم وايد إذا درستوا منها و يبتو مدرسه بترتفع درجاتكم بالانقلش و معاها دي فيدي للقصه عجيبه حيل بس للاسف مافي مثلها حق الفرنسي و باقي المواد '

و اخذت من المرشد فلسفه و فرنسي بس ما اعجبوني بشوفلي غيرهم ،،

منو شرت مذكرات و شنو احلا مذكره حق الفرنسي و الفلسفه بالاخص لانهم شوي يبيلهم مجابل ،،، بشوف المشاعل ^

بنات شرايكم نسوي قروب بالكيك أو اللاين ؟.

 

[فسحة امل]

بناااااات يصير ادخل مسائي واذا ماعجبني الوضع احول منازل ع الكورس الثاني او نص الكورس الاول،، ي ليت تفيدوني

انا ما ادري اذا ممكن بس نصييييحه من قلب ناصح لا لا تحولين منازل اولا لان ما عندج غير فرصه لتحسين النسبه اذا حولتي منازل صعب تردين مسائي والاهم انج والله اعلم صعب تنجحين او تجيبين نسبه لان ما عندج درجات تجميع كله يعتمد علي تقديم اخر السنه وكتابين مو واحد هذا غير انج محتاجه احد يشرح وجذي راح تلفين علي المعاهد والمدرسين الخصوصين واخر شي ما راح تستفيدين شنو المنازل دايما لم ينجح احد لان صعب النجاح في انا اقول لا تغلطين غلطة وحده كانت منازل ولا انجحت والحين راحت عليها الفرصه ما يصير تعيد مسائي خليج مسائي سهل واحسن والكل بالقروب مو مقصر ين المل بساعد الثاني وشوفي الي يرحج

 

[ღ Cup cake ღ]

السلام عليكم

بنات أن شاء الله باجر بسجل وان شاء الله سهالات

 

[سآرون -_-]

السلام بنآت ..
ي حلوكم والله اشتقتلكم ؛$
آي خنسوي لنآ قروب برآ المنتدى اسهل وآسرع ؛$

وانا ساكنه ب عبدالله مبآرك ..
وبآجر ان شاءالله بروح المنطقة التعليمية بسأل شنو المدارس اللي فيهآ مسائي واسجل ؛*

بالتوفيق بنوتات وشدو حيلككم .. ماعليكم من كلام اللي يحطمون ..
هالسنه آخر فرصه لنآ .. شدي حيلج عشآن محد يتكلم عنج ..
واطمحي للاعلى .. مثلا يبيلج تييبين 90% عشان اتييبين 80 ؟ خلي طموحج اكثر وخلي فبالج 94 مثلا ..
هذي فرصه عشآن تبينين قدرآتج للي حولج وانج قدهأ ..
مو معناته يوم كنتي ب 12 مايبتي نسبه ودخلتي دبلوم ومعهد يعني انتي ماتفهمين !! محد مايفهم ..
السالفه كلهآ ماكنتي مستوعبه هالشي ..
والله بنات سهالات واذا درستي اول باول ماراح يأثر عليج ولا يتراكم .. خلي تركيزج كله بالكتاب ..
ماكو شي يطلع من الكتاب .. ع كل سطر سوي سؤال اكملي الفراغ وصح وخطأ .. وعللي وكل شي ..!!
ماراح تحتاجين مذكرات اذا ركزتي بالكتاب ..
المذكرات اخذيها للفلسفه اذا المدرسه اللي فيها مايعطونج اسئله او مايفهمون ..
والانجليزي لا تقولين مو شاطره وماافهم ..
القواعد بكل مكان شرح فيها ييبي مدرس يدرسج يومين يكتلبج كل شي ملخص بدفتر عندج ..
وبس تقعدين تراجعين عليه ..
واحفظي الكلمات كل كلمه ومعناها وسووي بكل كلمه جمله وبتفهمين الكلمات عدل وتحفظينهآ ..
واحفظي الاسئلة ورآح تشوفينه سهل ..
ترا الانجليزي كل شي يعتمد ع كلمات المنهج ..
والعربي .. افهمي الدروس وبتمشين ..
والنحو ترا اذا قعدتي له قعده ع كتاب النحو بتفهمين لان كل شي مشروح بالكتاب وفي امثلة وكل شي ..
الانجليزي والعربي مو ضروري اتييبين امتياز فيهم عشان تاخذين 90 !
ع الاقل خليج فوق الحفه ..
وانتي ضامنه الاعمال ف ان شاءالله سهالات ..
والفرنسي والله سهل نفس الكتاب بالضبط الامتحان وماده ممتعه حبيها وبتفهمينهآ ..
والمواد الباجي مثل ماقلت امسكي الكتاب واللعني خيره بالتخطيط والاسئلة وانتي تدرسين خلي نوته عندج كتبي فيها الاسئلة اول باول عشان تردين تراجعين منهآ ..
خلي كل شي جاهز .. واعتبري امتحانج بكره .. لا تقولين تو الناس الامتحان عقب شهرين ..
وبطلع استانس اليوم .. احبسي نفسج سنه بس .. طلعي شطارتج وطاقتج كلهآ .. تذكري شنو بتصيرين ووين بتدشين ..وبتشدين حيلج اكثر ..
ديربالج الحماس يخف شوي وتسمحين لاي احد ممكن يخفف حماسج ويأثر عليج تأثير سلبي .. انسان مايبي يشجعج ابتعدي عنه ولا تشاورينه ..
ولا تقولين كبرت ومتى اتخرج من الكليه وجم عمري بيكون ..
الدارسه مافيها عمر !
كا بنات بالكليات تزوجو وعيلو وعادي ماطلعوا ..
لا تقولين محد بيتزوجني ماتدرين متى نصيبج ..
وماتدرين لو تزوجتي وانتي بالكليه ..
لا تفكرين بهالاشياء فكري بشهادتج اول بعدين بالزواج وغيره ..
شنو الانسان بدون شهاده !
كا اغلبية اللي داشين مسائي معاهم شهادة دبلوم ! لان يدرون ماتسوي شي هالشهاده ..

موفقين كلكم . .
وخنسوي قروب كيك عشان نتواصل اكثر :eh_s(17):

 

[رقيقه المشاعر]

^
^
سارون حبيبتي والله كلامج عسل صج هالسنه بتكون غير غير بنلعن خير الكتااب والله يعينا يارب

بنات نبي القروب مو بس نتبادل فيه نبي تشجيع بعد اكيد كل بنت فينا تبي هالشي و اللي ماتدرس نشجعها واللي ناسيه شي نذكرها و نختصر علينا وايد اشياء

يالله بناات منو يبي قروووب / ضماااد شرايج ؟! لان انتي وايد تشجعين وحبووبه حيييل

 

[ضــمــاد]

حبيبتي ررقيقه المشاعر

تجمع السنه اللي فاتت سوينا قروب بالواتساب


تبون قروب واتس أو بلاك بيري

 

[انوار]

اي والله بنات نبي القروب بالواتسب

 

[الماسه سوريا]

صبايا انا معكم بفكره الجروب أذا بتقبلوني بينكم:eh_s(17):

 

[jroo7 maryoom]

واتس اب أحسن عشان نتواصل

 

[ضــمــاد]

، رقيقه ، أنوار ، الماسه ، جروح

وكل البنات ، اللي مواقفه ع فكرة قروب الواتس


ترسلي رقمها عالخاص