بدايه المشوار : خل نسوي تجمع للي بيعيدون رابعه ثانوي للسنه القادمه سنه2013\2014

[توليا]

ودي اساعد بس مشاركاتي جدا قليله وما اقدر استقبل الرسائل الخاصه

 

[jroo7 maryoom]

^^^^^
^^^^^
توليا

بسألچ شلون قدرتي تقسمين وقتچ بين الشغل والدراسة ؟
وشلون على مواد اللغة (عربي -E -F) سهلين ولا يحتاجون مدرس خصوصي ؟

موفقه أن شاء الله بالجامعة
وان شاء الله السنه الجايه أنا بعد بالجامعة :yaaaaaarb:

 

[^^طالبه^^]

Beauty paradise
حبيبتي لا مو نفسهم ماعندنا حنا اختياري حر ولا عندنا بدنيه ولا اكو مختبرات للكيمياء والفيزياء والاحياء

مختبر الحاسوب تدشينه بس قبل الامتحان العملي باسبوع علشان تتدربين علي الاختبار والابله تقولج الاختبار شلون يجي اصلن وتسااعد

يعني ماكوووو لووويه بالمسائي كله قاعده بصف


عاشقـة الطفوله انتي بتسجلين تحسين نسبة بمدارس خاااصه ؟؟
ما اظن يصير بس بداية شهر 9 روحي ادارة التعليم الخاص الي بسالميه واساليهم احسسسن علشان تكسبين وقت
لان التحسين سمعت بس اجباري تكون مسائي بتوفيـق


توليآآ

ماشاءالله عليج تبارك الرحمن الله يوفقج يارب ويسهل طريجج

 

[خجل~]

توليااا


،

ما شاء الله تبارك الرحممممن


الله يوفقج يا ررب وعقبالنااا معاج إن شاء الله

 

[loly caty]

انا وياكم انشالله

 

[loly caty]

بس بنات من عندهم الكتب ولا من عندنا ؟؟؟

 

[loly caty]

بصراحة بنات انا خايفة من الفيزيا

 

[loly caty]

الحين انا ابي اسجل بمدرسة خاصة الدوام فيها مسائي ولا صباحي ؟؟؟؟؟

 

[انوار]

صباحي حبيبتي

 

[انوار]

انا معاكم ان شااء الله انا علمي

 

[انوار]

توليا حبيبتي حطي ارقام المدرسيين علشان البنات يستفيدون

 

[Beauty paradise]

مشكوورة حبيبتي طالبه عالرد ،..

بناات انا مستعده اعيد ماعندي مشكله مع المواد بسسسس الرياااضياااااااات والعرررربي مخي يقفل فيهم خايفه منهم حيييل هذا اللي مخليني متردده

 

[سآرون -_-]

مشكوورة حبيبتي طالبه عالرد ،..

بناات انا مستعده اعيد ماعندي مشكله مع المواد بسسسس الرياااضياااااااات والعرررربي مخي يقفل فيهم خايفه منهم حيييل هذا اللي مخليني متردده

الرياضيات سهل .. بس حلي مسائل اول باول عودي ايدج ع الحل لا تخلينه ليوم الامتحان .. واي شي مو فاهمته خلي اي احد يفهمج عشان مايتراكم عليج .. وبتشوفينه سهل ان شاءالله ..
والعربي ..
اقري الدروس اكثر من مره طبعا كلنا نعرف ان العربي مايجيبون ولا شي من الكتاب .. افهمي الدرس واحفظي الدروس الحفظ .. وبتحلين الاسئلة عدل .. والاعراب وغيره .. حاولي اتجيبين مدرسة ب 3 حصص تفهمج قواعد العربي كلها .. او حتى في بالنت شرح باليوتيوب .. والله ذاك اليوم بدرس اختي وماكنت فاهمه دشيت ولا شرح مفصل جنه مدرسه جدامج بالصج .. بالتوفيق ي قلبي . :eh_s(7):

 

[سآرون -_-]

انا متخرجه من التطبيقي سنتين معهد بعد ..

بس ما قلت لاحد بعيد رابعه مابي عيون الناس وكسر المجاديف انا بروحي خايفه واحاتي فمو ناقصه الناس

بس اهلي وزوجي يدرون ،

ابي اعيدها وادخل الجامعه ان شاء الله


الففف يوفقج يا سارونه وشدي حيييلج ويوفقنا كلنا يا رب ونبشر بعض بأعلى النسب

اي والله لا تقولين لاحد .. انا بس قلت لاهلي .. وموصيه امي ماتقول لاحد وذاك اليوم بالزواره زل لسانها وقالت مفكرين ساره تعيدها مسائي .. ولا تشوفين خالتي .. لا وشحقه ومالا داعي ومادام مافلحت من قبل ماراح تجيب اعلى هالمره .. شحقه عوار الراس .. والله تحطيم مو طبيعي .. :eh_s(16):

ومن بعدها امي فهمت وقتنعت ليش مابيها تقول لاحد .. الناس ماتبي خير لاحد .. وبس شاطرين يحطمون ..

ان شاءالله بدشين الجامعه والتخصص اللي تبينه ..
اجمعين يا قلبي وياج يارب ..

 

[ام سعيد]

حبيبتي طالبه انا بنتي جابت في عاشر6.04وفي احدى عشر جابت19.09
وابيها تعيد السنه لان نسبتها كانت ضعيفه واذا تبي تدخل كليه التوبيه الاساسيه كم تحتاج عشان تجيب نسبه ادخلها فيها
وانا اخاف تعيدها ونفس الشي لان معدلها ضعيف في عاشر واحدا عشر
ياليت تفيديني
وعسي ربي يوفقكم جميعا

 

[سآرون -_-]

^

ام سعيد حبيبتي .. بالعكس معدلها مو حيل ضعيف احسن من بنات وايد ..
مجموع معدلها ب 10 و 11 25.13

عشان تدخل تربية اساسية لازم اتييب بالكورس الاول والثاني 84 .. عشان اتييب 75.53

 

[خجل~]

ام سعيد

،

الله يوفق بنيتج وتشوفينها متخرجه من الجامعه يآ رب ♡

 

[^^طالبه^^]

ام سعيد

مثل ماقالت اختي سأرون
لازم تجيب 84 الكورس الاول والكورس الثاني نفس النسبه
علشان تطلع نسبتها 75 لحقي علي عمرج لان السنه الجايه اخر سنه يقبلون الادبي 75 بتربيه الاساسيه
2015 راح يقبلون من 80 وفوق ربي يوفقها وتفرحين فيها يارب

 

[ام سعيد]

فديتكم يابناتي لاخلا ولا عدم وعسي ربي يفرحني فيكم كلكم
ويحقق امانيكم وان شاءالله بنتي تقدر تجيب النسبه المطلوبه

 

[ام سعيد]

حبيباتي انا حسبتي طلعت غير عن نسبتكم تكفون عيدو الحسبه بعاشر 6.04وصف احدا عشر 19.9بدون صفر انا قبل كاتبتها غلط كنت كاتبه19.09
طلعت معي 25.94عيدوها فديتكم