بسم الله الرحمن الرحيم
السلام عليكم ورحمه الله وبركاته
لي قرن مو داشــه المنتدى وع حظي اول شي طاحت عيني عليه هل العنوان
سمعوا بنات !! سالفتي : )
انا خريجه
2012-2013 يعني
خريجه هل السنه!!
بس للأسف الشديد يبت
دور ثاني بالكيمياء :eh_s(2):
رغمني درست له دراسه اليهد بس اعترف اني ع اخر لحظه وبالفترات ماكنت شاده حيلي عشان جي
يمكن ماساعدني: )
وامتحان الفيزيا اللي يشهد ربي اني من كل صفحه احل سؤال واحد بسبب ظرف ويت المدرسه متاخره وكانوا بيمنعوني
نجحت فيه شلون مادري !!:eh_s(16):
كل شي توافيق بهل الدنيا وامتحان الكيميا اللي طلعت منه شاقه الضحكه صاقطه
المهم
كنت مفكره اصلا من قبل لا يصير لي موضوع اني اصقط بالكيميا اعيدها بس سكت : )
وعقب م صار اللي صار بالفيزيا وكان عبالي صاقطه 100%
كرهت نفسي ودشيت امتحاناتي ومالي خلق : )
لان خلاص انا عارفه جم بييب ولاشي اصلا
ليشش
اقولكم ليشش
معدل عاشر والحادي عشر
27 من 40 : )
يعني لا يعلى عليه
وكنت مو ابيتتنا بيت يدتي ومنها فرصه ادرس عدل وهدوء
عقب اللي صار ومابقا غير جنه اخر امتحان اللي اهو الاحياء او الانقلش قعدت افكر
وعلما بأن
الفتره الاولى يايبه
64
والفتره الثانيه
68
والفتره الثالثه
78
والفتره الرابعه
كنت متوقعه انها درجه سيئه او مقبوله
مثال
75
سويت الحسبه
64ضرب 0.1+68ضرب0.2+78ضرب0.1+75ضرب0.2
=
يعني اييب من 60%
درون جم : )
42.8 + (مجموع التراكمي مال 10و11)27=
69.8 
قلت بيني وبين نفسي معقوله انا علمي وشاطه عمري واخرتها هل النسبه
للأسف لان ماكان عندي طموح هذا اللي وصلت له اي نعم : )
ماعندكك طموح شنو راح يدفعكك للنجاح ؟!
قلت بيني وبين نفسي هل النسبه بتدخلني شنو تكفى؟!
تربيه حلم يقضه: ( تجاري لا والف لا
مابي تجاري
مو تقليل من شأنها بس مارضى ادششها ,<<<فاشله وتفنقس(تشرط)
:yaaaaaarb: دعيت ؟! اي نعم دعيت وماخليت شي ماسويته
بس انا قاع اتواكل مو اتوكل وحدث العاقل بما يعقل
مادرس عدل ومتساهله وابي نسبه حلوه والله يوفقني شلون ؟!
يبيلي معجزه :eh_s(8):
ماراح افرح اذا طلع اسمي بالشهاده بنسبه تفشل مو من طقه واي النسبه يشوفونها لا
بس انا ماراح اكون سعيده لان انا احسن من جذي بواايد لي جي سوي بنفسي
انا ذكيه وحالي حال الشطار والله ماعندهم عقل اكثر من عقلنا بس انا تهاونت واهملت وهاذي
نتيجه الاهمال ليش ازعل مو من حقي :eh_s(20):
يوم طلعت النتايج خالاتي يحاتون واهلي واخرتها
دور ثاني كيميا
امي انصدمت قالت توقعت دور ثاني اذا حده فيزيا شكو كيميا علما اني دفعت دفع موطبيعي
عشان الكيميا واخرتها ساقطه: ( ممممم
زعلوا كلهم انا مازعلت ليش ازعل ليش ابجي مافي شي يرد لي نسبتي ويحسنها
لو يصير جان اغرق لكم البيت : )
رحت توضيت وصليت صلاه شكر : )
لاني سعيده اني صقطت بشي ماكنت اتوقعه
هاذي فرصه اني اعيدها الصراحه كنت مفكره لو بعيدها !! وانا متخرجه بنسبه مخزيه بكون
مسائي !! وانا مابي مسائي واهلي هم يمكن يخافون علي اني صغيره او مادري موحلو كلش مسائي
بالنسبه لي ولظروفي
فكنت اتمنى اسقط عشان مادش الدور الثاني واعيد السنه صباحي
لان احب الصبح صج متعب بس قومه الصبح بركه ويمشي الوقت بسرعه عكس العصر ممل
: )
خذيت
زف افا عليكم خذيت
معاير ي الفاشله ي ي ي ي ي يكثر
بس كنت بعالم ثاني
مويمهم افكر بالطموح اللي قاع ينبني بخيالي:eh_s(22):
طنشت كل شي وبديت من يد ويديد حطيتهم بالامر الواقع
وقلت لهم بعيدها
قالوا خير !!!! فاششله ولج عين
قصيتي ويهنا ولج عين بعد تكملين تدشين الدور الثاني
قلت مو غصب قالوا امبله قلت خلاص اوك مومشكله ادشه افا عليكم واكتب اسمي بس واطلع عشان اسقط صعبه؟!
اعترف انه برودي قهرهم وكانوا يبون يحسون شوي بالاسى لي اني مثلا
ابجي
او
احزن او
اخمد بالدار واعيش جو قصه حزينه بس ليش كل هذا تكفى فكروا فيها:dddds:
صج يحز بالخاطر بس خيره والله : )
حطيتهم بالامر الواقع ووافقوا ومتفائلين فيني خير
رحت لامي قلت لها لو تخرجت بنسبه
70 بتستانسين ؟! قالت لا
قلت
75 ؟! قالت هم لا
:dddds:
عاد فهمتها الوضع وقالت عيل احسسن وعيديها وقامت تأيد
:rerrerek:
قلت للكل بعيدها طبعا عارضوا ولا ولا ولا
وقاموا يقنعوني ويحاولون واللي اناني يفكر بنفسه
شدي حيلج عشان نقز ؟!
شدي حيلج عشان نتواعد باجر؟!
شدي حيلج عشان نكون مع بعض؟!
شدي حيلج ودشي الدور الثاني عشان ادري فيج بتيبين 70؟!
شدي حيلج ودشي ترا بيصعبون المناهج؟!
: )
شرايكم بالحجي امانه مو يضحكـ ؟!
قلت يصير خير وقطيت حجيهم ورا ظهري
كل واحد يفكر بمصلحته ابترها لا شفت رقعه ويهج اذا تخرجت ودشيت الدور الثاني:eh_s(8):
محد يعرف لمصلحتك غير نفسكـ
تدرون قلت خل اجمع مثلا لو يبت 60% من 60% جم بيصير مع تراكمي عاشر و11
27+60=87
هذا حد اقصى واعلى !! تخيلوا :eh_s(8):
يعني لو اييب بالفترات كلها 99 مااشم ريحه ال90 بالنسبه الاخيره مالت التراكمي
زعلت وتحبطت لا والف لا : )
ان شاءالله بشد حيلي وبيييب هل النسبه واذا م يبتها اقل درجتين
85
هذا اللي ابيه عشــان طموحي ولا تنسون انه في شي اسمه قدرات
يعني هذا نسبه بلحاله : )
لاتخلون طموحكم يتوقف بنات: ) الحياه حلوه والعمر جدامج لاتقولين انا كبيره انا صغيره انا بعيز بالمدرسه
لايبا العمر جدامج
ولاتقولين واااي امبيه ابي ادش اي كليه عشان اوظف عشان اخذ معاش باجر بتزوج
وايد في بنات يفكرون بالزواج بطريقه مقززه انا مااقول لا يبا لاتتزوجين
بس بعضهم يتخلى عن كل شي بناه عشان الريل ؟! ترا عمات عين وتعب ومسؤليه : )
وابشرج بتكونين البنك والخدامه وكل شي ليش العيله رزقج بييلج لي ريلج : )
الحياه حلوه وانا قدهــــــا وقد طموحي في ناس تفكيرها انا اشد حيلج عشان احر غيري؟!
عفوا يعني كل هذا سويتيه عشان غيرج وانتي شنو؟!
عمري
18
وان شاءالله لمن اتخرج السنه اليايه من يديد
19 : )
تزعلون سنه ولا تزعلون طول عمركم وتحسين نفسج بالمكان الغلط
بنات ادري اني قرقت عليكم واايــد بس ابيكم تفهمون ابنوا لكم طموح وهدف عشان
يخليج دايم تسعين له : )
وماتتكاسلين
قلت حق اهلي طموحي ضحكوا : )
وبالاخص بس جم شخص و ضحكك سكت
وقلت اوكــ عيل خلني ساكته وباجر لاحققته تعال اضحك : )
:eh_s(20):
اوثقوا بقدراتكم انتوا شفرقكم عن اللي ايبون 99 ؟
تقدرون :
بس ابعدوا عن المتشائمين
ان شاءالله ارد لكم بالخبر الحلو وابشركم وتبشروني
وعيدكم مبارككك
اليوم العيد الساعه الحين 4:38 الفير
تحياتي لكم وحق كل اللي قرا المقاله خود ورطه
يالله اخليكم بروح اخذشور واتزبط للعيد
صارت 4:59 لول قاع اعدل لان حطيت فيسات فوق العدد المسموح
يالله صي يو
