بخور الفم

[الكرملين]

بسم الله الرحمن الرحيم

بكتب لكم الليوم بخور الفم ويارب ينال اعجاب الجميع وهذه اللخلطه يستخدمونها اجدادي بشكل رهيب من ايام زمان
واحلا مافيها انها كلها طبيعيه يعني مامنها ضرر ابدا

المكونات
ملعقه كبيره قرنفل اللي هو المسمار
ملعقة كبيره مستكه
فنجان هيل
بشر ليمونه مبشور ناعم بقياس ملعقتين كبيره
فنجان دارسين
فنجانين سكر بني النوع الجيد الاصلي
ماء الزهر ليس ماء الورد لان ماء الورد خفيف وماء الزهر يجي قوي ومركز وتحسون فيه من طعم العطر


الطريقه
تطحن جميع المكونات بشكل ناااااااااعم جدا جدا جدا ماعدا السكر حيث انها تصير مثل البودره وتخلط مع السكر البني الناعم المذوب بفنجان ماء الزهرويوضع معها بشر الليمون وتعجن جيد لين ماتتكون عندك مثل العجينه ولاتسيحينها حيل لان السكر البني يختلف عن بعض بعضه يسيح ويصير عندك خليط طري جد وهذا اللي مانبيه وبعضه يصير مثل العجين وهذا هو المطلوب وكل ماشفتي الخليك لين زيدي شوي من المقادير والسكر لين تصير عجينه وبعدين تاخذين العجينه ويكون عندك قدح فيه ماء الزهر تحطين ايدك فيه وترطبينها قليلا علشان مايلزق فيها العجين وتكورينها صغار مثل بخور المعمول بس اصغر شوي وتحطينها بمكان جاف مثلا فوق الثلاجه يومين لين تجف وبعدين ترصينها بعلبه محكمة الاغلاق
وتاخذين منها كل ماحتجتي وتحطينها جمب راسك ونتي نايمه علشان اذا قعدتي من النوم تتفلفين على ابو الشباب على طول ههههههههههههههه


ويارب تجربونها وصدقوني بتعجبكم وهذي طريقة جدتي اللي مشهوره بصناعة البخور والعطور وكانو يسمونها الفواحه من جمال ريحتها والحين كبرت ومريضه الله يشفيها وتوارثنا شغلتها وحبيت افيدكم


اطلبو من الله انه يوفقني دنيا واخره ويحقق اللي بخاطري ويعطيني الصحه والعافيه



منقووووووووووووووووول

 

[s3ad]

جزاج الله خير ... بصراحة اول مرة اسمع فيه
هذا يعني يصير مثل العلج ؟؟؟؟؟؟​

 

[ام مارية]

جزاج الله خير والله يعطيج الصحه والعافيه ويحقق اللي في بالج يارب

 

[عهود الحب]

شكله شغل عدل

مادري


بس يعطيج العافيه ويارب يتحقق مرادج باذن واحد احد

 

[QUMAR]

الله يعطيج الصحه والعافيه
ويوفقج دنيا وآخره وينولج اللي في بالج
آميــــــــــــــــــــــــــــــــــــــــــــــــــن
مشكوووووره حبيبتي

 

[missq8_6]

مشكووورة اجربها وشووف النتيجه

 

[[ . . Jee Jee . . ]]

شكرا عزيزتي ..

 

[أغلى حبيبه]

جزاج الله خير

 

[ريماا]

ثانكيووووووووو صراحة فكرة حلوة

 

[nouriya]

يعطيج العافيه............
ورب يشافى جدتج...........

 

[لانا]

مشكوره حبيبتي بس اشلون الطريقه....ناكلها او نفس العلج ؟؟؟

 

[الأميرة]

مشكوووووورة

 

[حواء الكون]

الله شافيها يارب عاجلا غير آجلا

اشلون طريقتها ؟؟ بخور والا مثل العلج ؟؟

ترى مافهمت

 

[زيـنـه]

مشكوره على النقل المفيد

 

[ام عبود]

يعطيج العافية يا قلبي

 

[حواء الكون]

للحين مو فاهمه ! الطريقه احد يفهمني بليز

 

[عنابه]

حتى أنا موفاهمه !

على كل حال شكوره لأنج علمتينا من وصفات جدتج الله يعافيها .

 

[يمامة]

جزاج الله خير

 

[* مـذهـلـه *]

مشكوره يا عمري و الله يشافيها و يشافي كل مريض اللهم آمين ..

فعلا انا سامعه عن هالطريقه و حيل يمدحونها بس زياده عليها انه تحطين دهن عود خفيف و قبل لا تنامين تمررينها على لسانج ..​

 

[أضوى1]

جزاج الله خير ويعطيج ويعطي جدتج العافية

بصراحة طريقة حلوة بس توقعته بخور صج للحلج هاهاهاها هذا اللي باقي

كل شي بخرناه